Nārada Pañcarātra · Jñānāmṛtasāra, fourth rātra

गोपालकवचम्

Gopala Kavacham (Narada Pancharatra) — The armour of Gopāla as a child, told by Śiva to Pārvatī

A Kavach of Gopāla, the child Krishna, that Śiva tells the goddess in the Nārada Pañcarātra. It gives its seer, metre and deity, then places a name of the Lord on the head, face, limbs and the eight directions, and on the moments of rest, waking and eating. It closes with the fruit, and with the warning that worship without this armour is in vain.

गोपालकवचम्The Gopāla kavaca

Verse 1

महादेव उवाच — महादेव ने कहा Mahādeva said

अथ वक्ष्यामि कवचं गोपालस्य जगद्गुरोः ।
यस्य स्मरणमात्रेण जीवन्मुक्तो भवेन्नरः ॥ १ ॥

atha vakṣyāmi kavacaṃ gopālasya jagadguroḥ
yasya smaraṇamātreṇa jīvanmukto bhavennaraḥ

Meaning open with adhikāra · अर्थ अधिकार से

Verse 2

शृणु देवि प्रवक्ष्यामि सावधानावधारय ।
नारदोऽस्य ऋषिर्देवि छन्दोऽनुष्टुबुदाहृतम् ॥ २ ॥

śṛṇu devi pravakṣyāmi sāvadhānāvadhāraya
nārado'sya ṛṣirdevi chando'nuṣṭubudāhṛtam

Meaning open with adhikāra · अर्थ अधिकार से

Verse 3

देवता बालकृष्णश्च चतुर्वर्गप्रदायकः ।
शिरो मे बालकृष्णश्च पातु नित्यं मम श्रुती ॥ ३ ॥

devatā bālakṛṣṇaśca caturvargapradāyakaḥ
śiro me bālakṛṣṇaśca pātu nityaṃ mama śrutī

Meaning open with adhikāra · अर्थ अधिकार से

कवचम्The armour

Verse 4

नारायणः पातु कण्ठं गोपीवन्द्यः कपोलकम् ।
नासिके मधुहा पातु चक्षुषी नन्दनन्दनः ॥ ४ ॥

nārāyaṇaḥ pātu kaṇṭhaṃ gopīvandyaḥ kapolakam
nāsike madhuhā pātu cakṣuṣī nandanandanaḥ

Meaning open with adhikāra · अर्थ अधिकार से

Verse 5

जनार्दनः पातु दन्तानधरं माधवस्तथा ।
ऊर्ध्वोष्ठं पातु वाराहश्चिबुकं केशिसूदनः ॥ ५ ॥

janārdanaḥ pātu dantānadharaṃ mādhavastathā
ūrdhvoṣṭhaṃ pātu vārāhaścibukaṃ keśisūdanaḥ

Meaning open with adhikāra · अर्थ अधिकार से

Verse 6

हृदयं गोपिकानाथो नाभिं सेतुप्रदः सदा ।
हस्तौ गोवर्धनधरः पादौ पीताम्बरोऽवतु ॥ ६ ॥

hṛdayaṃ gopikānātho nābhiṃ setupradaḥ sadā
hastau govardhanadharaḥ pādau pītāmbaro'vatu

Meaning open with adhikāra · अर्थ अधिकार से

Verse 7

कराङ्गुलीः श्रीधरो मे पादाङ्गुल्यः कृपामयः ।
लिङ्गं पातु गदापाणिर्बालक्रीडामनोरमः ॥ ७ ॥

karāṅgulīḥ śrīdharo me pādāṅgulyaḥ kṛpāmayaḥ
liṅgaṃ pātu gadāpāṇirbālakrīḍāmanoramaḥ

Meaning open with adhikāra · अर्थ अधिकार से

Verse 8

जगन्नाथः पातु पूर्वं श्रीरामोऽवतु पश्चिमम् ।
उत्तरं कैटभारिश्च दक्षिणं हनुमत्प्रभुः ॥ ८ ॥

jagannāthaḥ pātu pūrvaṃ śrīrāmo'vatu paścimam
uttaraṃ kaiṭabhāriśca dakṣiṇaṃ hanumatprabhuḥ

Meaning open with adhikāra · अर्थ अधिकार से

Verse 9

आग्नेय्यां पातु गोविन्दो नैर्ऋत्यां पातु केशवः ।
वायव्यां पातु दैत्यारिरैशान्यां गोपनन्दनः ॥ ९ ॥

āgneyyāṃ pātu govindo nairṛtyāṃ pātu keśavaḥ
vāyavyāṃ pātu daityāriraiśānyāṃ gopanandanaḥ

Meaning open with adhikāra · अर्थ अधिकार से

Verse 10

ऊर्ध्व पातु प्रलम्बारिरधः कैटभमर्दनः ।
शयानं पातु पूतात्मा गतौ पातु श्रियःपतिः ॥ १० ॥

ūrdhva pātu pralambāriradhaḥ kaiṭabhamardanaḥ
śayānaṃ pātu pūtātmā gatau pātu śriyaḥpatiḥ

Meaning open with adhikāra · अर्थ अधिकार से

Verse 11

शेषः पातु निरालम्बे जाग्रद्भावे ह्यपाम्पतिः ।
भोजने केशिहा पातु कृष्णः सर्वाङ्गसन्धिषु ॥ ११ ॥

śeṣaḥ pātu nirālambe jāgradbhāve hyapāmpatiḥ
bhojane keśihā pātu kṛṣṇaḥ sarvāṅgasandhiṣu

Meaning open with adhikāra · अर्थ अधिकार से

Verse 12

गणनासु निशानाथो दिवानाथो दिनक्षये ।
इति ते कथितं दिव्यं कवचं परमाद्भुतम् ॥ १२ ॥

gaṇanāsu niśānātho divānātho dinakṣaye
iti te kathitaṃ divyaṃ kavacaṃ paramādbhutam

Meaning open with adhikāra · अर्थ अधिकार से

फलश्रुतिःThe fruit

Verse 13

यः पठेन्नित्यमेवेदं कवचं प्रयतो नरः ।
तस्याशु विपदो देवि नश्यन्ति रिपुसङ्घतः ॥ १३ ॥

yaḥ paṭhennityamevedaṃ kavacaṃ prayato naraḥ
tasyāśu vipado devi naśyanti ripusaṅghataḥ

Meaning open with adhikāra · अर्थ अधिकार से

Verse 14

अन्ते गोपालचरणं प्राप्नोति परमेश्वरि ।
त्रिसन्ध्यमेकसन्ध्यं वा यः पठेच्छृणुयादपि ॥ १४ ॥

ante gopālacaraṇaṃ prāpnoti parameśvari
trisandhyamekasandhyaṃ vā yaḥ paṭhecchṛṇuyādapi

Meaning open with adhikāra · अर्थ अधिकार से

Verse 15

तं सर्वदा रमानाथः परिपाति चतुर्भुजः ।
अज्ञात्वा कवचं देवि गोपालं पूजयेद्यदि ॥ १५ ॥

taṃ sarvadā ramānāthaḥ paripāti caturbhujaḥ
ajñātvā kavacaṃ devi gopālaṃ pūjayedyadi

Meaning open with adhikāra · अर्थ अधिकार से

Verse 16

सर्वं तस्य वृथा देवि जपहोमार्चनादिकम् ।
सशस्त्रघातं सम्प्राप्य मृत्युमेति न संशयः ॥ १६ ॥

sarvaṃ tasya vṛthā devi japahomārcanādikam
saśastraghātaṃ samprāpya mṛtyumeti na saṃśayaḥ

Meaning open with adhikāra · अर्थ अधिकार से

इति नारदपञ्चरात्रे ज्ञानामृतसारे चतुर्थरात्रे श्रीगोपालकवचं सम्पूर्णम् ।

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras