श्रीगायत्रीस्तवराजः

गायत्रीं वेदधात्रीं शतमखफलदां वेदशास्त्रैकवेद्यां चिच्छक्तिं ब्रह्मविद्यां परमशिवपदां श्रीपदं वै करोति ॥
सर्वोत्कृष्टं पदं तत्सवितुरनुपदांते वरेण्यं शरण्यं भर्गो देवस्य धीमह्यभिदधति धियो यो नः प्रचोदयादित्यौर्वतेजः ॥ १ ॥

gāyatrīṃ vedadhātrīṃ śatamakhaphaladāṃ vedaśāstraikavedyāṃ cicchaktiṃ brahmavidyāṃ paramaśivapadāṃ śrīpadaṃ vai karoti
sarvotkṛṣṭaṃ padaṃ tatsavituranupadāṃte vareṇyaṃ śaraṇyaṃ bhargo devasya dhīmahyabhidadhati dhiyo yo naḥ pracodayādityaurvatejaḥ

साम्राज्यवीजं प्रणवत्रिपादं सव्यापसव्यं प्रजपेत्सहस्रकम् ॥
संपूर्णकामं प्रणवं विभूतिं तथा भवेद्वाक्यविचित्रवाणी ॥ २ ॥

sāmrājyavījaṃ praṇavatripādaṃ savyāpasavyaṃ prajapetsahasrakam
saṃpūrṇakāmaṃ praṇavaṃ vibhūtiṃ tathā bhavedvākyavicitravāṇī

शुभं शिवं शोभनमस्तु मह्यं सौभाग्यभोगोत्सवमस्तु नित्यम् ॥
प्रकाशविद्यात्रयशास्त्रसर्वं भजेन्महामंत्रफलं प्रिये वै ॥ ३ ॥

śubhaṃ śivaṃ śobhanamastu mahyaṃ saubhāgyabhogotsavamastu nityam
prakāśavidyātrayaśāstrasarvaṃ bhajenmahāmaṃtraphalaṃ priye vai

ब्रह्मास्त्रं ब्रह्मदंडं शिरसि शिखिमहद्ब्रह्मशीर्षं नमोंऽतं सूक्तं पारायणोक्तं प्रणवमथ महावाक्यसिद्धांतमूलम् ॥
सूर्य्यं त्रीणि द्वितीयं प्रथममनुमहावेदवेदांतसूक्तं नित्यं स्मृत्यानुसारं नियमितचरितं मूलमंत्रं नमोंऽतम् ॥ ४ ॥

brahmāstraṃ brahmadaṃḍaṃ śirasi śikhimahadbrahmaśīrṣaṃ namoṃ'taṃ sūktaṃ pārāyaṇoktaṃ praṇavamatha mahāvākyasiddhāṃtamūlam
sūryyaṃ trīṇi dvitīyaṃ prathamamanumahāvedavedāṃtasūktaṃ nityaṃ smṛtyānusāraṃ niyamitacaritaṃ mūlamaṃtraṃ namoṃ'tam

अस्त्रं शस्त्रहतं त्वघोरसहितं दंडेन वाजीहतम् आदित्यादिहतं शिरोंऽतसहितं पापक्षयार्थं परम् ॥
तुर्य्यांत्यादिविलोममंत्रपठनं बीजं शिखांतोर्ध्वकं नित्यं कालनियम्य विप्रविदुषां किं दुष्कृतं भूसुरान् ॥ ५ ॥

astraṃ śastrahataṃ tvaghorasahitaṃ daṃḍena vājīhatam ādityādihataṃ śiroṃ'tasahitaṃ pāpakṣayārthaṃ param
turyyāṃtyādivilomamaṃtrapaṭhanaṃ bījaṃ śikhāṃtordhvakaṃ nityaṃ kālaniyamya vipraviduṣāṃ kiṃ duṣkṛtaṃ bhūsurān

Meaning open with adhikāra · अर्थ अधिकार से

नित्यं मुक्तिप्रदं नियम्य पवनं निर्घोषशक्तित्रयं सम्यग्ज्ञानगुरूपदेशविधिवद्देवीं शिखां तामपि ॥
षष्ठ्येकोत्तरसंख्ययानुगतसौषुम्णादिमार्गत्रयीं ध्यायेन्नित्यसमस्तवेदजननीं देवीं त्रिसंध्यामयीम् ॥ ६ ॥

nityaṃ muktipradaṃ niyamya pavanaṃ nirghoṣaśaktitrayaṃ samyagjñānagurūpadeśavidhivaddevīṃ śikhāṃ tāmapi
ṣaṣṭhyekottarasaṃkhyayānugatasauṣumṇādimārgatrayīṃ dhyāyennityasamastavedajananīṃ devīṃ trisaṃdhyāmayīm

Meaning open with adhikāra · अर्थ अधिकार से

गायत्रीं सकलागमार्थविदुषां सौरस्य वीजेश्वरीं सर्वाम्नायसमस्तमंत्रजननीं सर्वज्ञधामेश्वरीम् ॥
ब्रह्मादित्रयसंपुटार्थकरणीं संसारपारायणीं संध्यां सर्वसमानतंत्रपरया ब्रह्मानुसंधायिनीम् ॥ ७ ॥

gāyatrīṃ sakalāgamārthaviduṣāṃ saurasya vījeśvarīṃ sarvāmnāyasamastamaṃtrajananīṃ sarvajñadhāmeśvarīm
brahmāditrayasaṃpuṭārthakaraṇīṃ saṃsārapārāyaṇīṃ saṃdhyāṃ sarvasamānataṃtraparayā brahmānusaṃdhāyinīm

Meaning open with adhikāra · अर्थ अधिकार से

एकद्वित्रिचतुःसमानगणनावर्णाष्टकं पादयोः पादादौ प्रणवादिमंत्रपठने मंत्रत्रयीसंपुटाम् ॥
संध्यायां द्विपदं पठेत्परतरं सायं तुरीयं युतं-नित्यानित्यमनंतकोटिफलदं प्राप्तं नमस्कुर्महे ॥ ८ ॥

ekadvitricatuḥsamānagaṇanāvarṇāṣṭakaṃ pādayoḥ pādādau praṇavādimaṃtrapaṭhane maṃtratrayīsaṃpuṭām
saṃdhyāyāṃ dvipadaṃ paṭhetparataraṃ sāyaṃ turīyaṃ yutaṃ-nityānityamanaṃtakoṭiphaladaṃ prāptaṃ namaskurmahe

Meaning open with adhikāra · अर्थ अधिकार से

ओजोसीति सहोस्यवो बलमसि भ्राजोसि तेजस्विनी वर्चस्वी सविताग्निसोममृतं रूपं परं धीमहि ॥
देवानां द्विजवर्यतां मुनिगणे मुक्तार्थिनां शांतिनामोमित्येकमृचं पठंति यमिनो यं यं स्मरेत्त्यामुयात् ॥ ९ ॥

ojosīti sahosyavo balamasi bhrājosi tejasvinī varcasvī savitāgnisomamṛtaṃ rūpaṃ paraṃ dhīmahi
devānāṃ dvijavaryatāṃ munigaṇe muktārthināṃ śāṃtināmomityekamṛcaṃ paṭhaṃti yamino yaṃ yaṃ smarettyāmuyāt

Meaning open with adhikāra · अर्थ अधिकार से

ओमित्येकमजस्वरूपममलं तत्सप्तधा भादितं-तारं तंत्रसमन्वितं परतरे पादत्रयं गर्भितम् ॥
आपो ज्योतिरसोऽमृतं जनमहः सत्यं तपः स्वर्भुवर्भूयो भूय नमामि भूर्भुवःस्वरोमेतैर्महामंत्रकम् ॥ १० ॥

omityekamajasvarūpamamalaṃ tatsaptadhā bhāditaṃ-tāraṃ taṃtrasamanvitaṃ paratare pādatrayaṃ garbhitam
āpo jyotiraso'mṛtaṃ janamahaḥ satyaṃ tapaḥ svarbhuvarbhūyo bhūya namāmi bhūrbhuvaḥsvarometairmahāmaṃtrakam

Meaning open with adhikāra · अर्थ अधिकार से

आदौ बिंदुमनुस्मरन्परतरे वालात्रिवर्णोच्चरन्-व्याहृत्यादिसबिंदुयुक्तत्रिपदातारत्रयं तुर्यकम् ॥
आरोहादवरोहतः क्रमगता श्रीकुंडलीत्यं स्थिता-देवी मानसपंकजे त्रिनयना पंचानना पातु माम् ॥ ११ ॥

ādau biṃdumanusmaranparatare vālātrivarṇoccaran-vyāhṛtyādisabiṃduyuktatripadātāratrayaṃ turyakam
ārohādavarohataḥ kramagatā śrīkuṃḍalītyaṃ sthitā-devī mānasapaṃkaje trinayanā paṃcānanā pātu mām

Meaning open with adhikāra · अर्थ अधिकार से

सर्वे सर्ववशे समस्तसमये सत्यात्मिके सात्त्विके-सावित्रीसहितात्मिके शशियुते सांख्यायनीगोत्रजे ॥
संध्यात्रीण्युपकल्प्य संग्रहविधिः संध्याभिधानामके-गायत्रीप्रणवादिमंत्रगुरुणा संप्राप्य तस्मै नमः ॥ १२ ॥

sarve sarvavaśe samastasamaye satyātmike sāttvike-sāvitrīsahitātmike śaśiyute sāṃkhyāyanīgotraje
saṃdhyātrīṇyupakalpya saṃgrahavidhiḥ saṃdhyābhidhānāmake-gāyatrīpraṇavādimaṃtraguruṇā saṃprāpya tasmai namaḥ

Meaning open with adhikāra · अर्थ अधिकार से

क्षेमं दिव्यमनोरथाः परतरे चेतः समाधीयतां--ज्ञानं नित्यवरेण्यमेतदमलं देवस्य भर्गो धियन् ॥
मोक्षश्रीविजयार्थिनोऽथ सवितुः श्रेष्ठं विधिस्तत्पदं--प्रज्ञामेधप्रचोदयात्प्रतिदिनं यो नः पदं पातु माम् ॥ १३ ॥

kṣemaṃ divyamanorathāḥ paratare cetaḥ samādhīyatāṃ--jñānaṃ nityavareṇyametadamalaṃ devasya bhargo dhiyan
mokṣaśrīvijayārthino'tha savituḥ śreṣṭhaṃ vidhistatpadaṃ--prajñāmedhapracodayātpratidinaṃ yo naḥ padaṃ pātu mām

Meaning open with adhikāra · अर्थ अधिकार से

सत्यं तत्सवितुर्वरेण्यविरलं विश्वादिमायात्मकं--सर्वाद्यं प्रतिपादपादरमया तारं तथा मन्मथम् ॥
तुर्य्यान्यत्रितयं द्वितीयमपरं संयोगसव्याहृतिं-सर्वाम्नायमनोन्मनीं मनसिजां ध्यायामि देवीं पराम् ॥ १४ ॥

satyaṃ tatsaviturvareṇyaviralaṃ viśvādimāyātmakaṃ--sarvādyaṃ pratipādapādaramayā tāraṃ tathā manmatham
turyyānyatritayaṃ dvitīyamaparaṃ saṃyogasavyāhṛtiṃ-sarvāmnāyamanonmanīṃ manasijāṃ dhyāyāmi devīṃ parām

Meaning open with adhikāra · अर्थ अधिकार से

आदौ गायत्रिमंत्रं गुरुकृतनियमं धर्मकर्मानुकूलं-सर्वाद्यं सारभूतं सकलमनुमयं देवतानामगम्यम् ॥
देवानां पूर्वदेवं द्विजकुलमुनिभिः सिद्धविद्याधराद्यैः को वा वक्तुं समर्थस्तव मनुमहिमाबीजराजादिमूलम् ॥ १५ ॥

ādau gāyatrimaṃtraṃ gurukṛtaniyamaṃ dharmakarmānukūlaṃ-sarvādyaṃ sārabhūtaṃ sakalamanumayaṃ devatānāmagamyam
devānāṃ pūrvadevaṃ dvijakulamunibhiḥ siddhavidyādharādyaiḥ ko vā vaktuṃ samarthastava manumahimābījarājādimūlam

Meaning open with adhikāra · अर्थ अधिकार से

गायत्रीं त्रिपदां त्रिबीजसहितां त्रिव्याहृतिं त्रैपदां--त्रिब्रह्मत्रिगुणां त्रिकालनियमां वेदत्रयीं तां पराम् ॥
सांख्यादित्रयरूपिणीं त्रिनयनां मातृत्रयीं तत्परां त्रैलोक्यत्रिदशत्रिकोटिसहितां संध्यां त्रयीं तां नुमः ॥ १६ ॥

gāyatrīṃ tripadāṃ tribījasahitāṃ trivyāhṛtiṃ traipadāṃ--tribrahmatriguṇāṃ trikālaniyamāṃ vedatrayīṃ tāṃ parām
sāṃkhyāditrayarūpiṇīṃ trinayanāṃ mātṛtrayīṃ tatparāṃ trailokyatridaśatrikoṭisahitāṃ saṃdhyāṃ trayīṃ tāṃ numaḥ

Meaning open with adhikāra · अर्थ अधिकार से

ओमित्येतत्त्रिमात्रात्रिभुवनकरणं त्रिस्वरं वह्निरूपं त्रीणि त्रीणि त्रिपादं त्रिगुणगुणमयं त्रैपुरांतं त्रिसूक्तम् ॥
तत्त्वानां पूर्वशक्तिं द्वितयगुरुपदं पीठयंत्रात्मकं तं--तस्मादेतत्त्रिपादं त्रिपदमनुसरं त्राहि मां भो नमस्ते ॥ १७ ॥

omityetattrimātrātribhuvanakaraṇaṃ trisvaraṃ vahnirūpaṃ trīṇi trīṇi tripādaṃ triguṇaguṇamayaṃ traipurāṃtaṃ trisūktam
tattvānāṃ pūrvaśaktiṃ dvitayagurupadaṃ pīṭhayaṃtrātmakaṃ taṃ--tasmādetattripādaṃ tripadamanusaraṃ trāhi māṃ bho namaste

Meaning open with adhikāra · अर्थ अधिकार से

स्वस्ति श्रद्धाऽतिमेधा मधुमतिमधुरः संशयः प्रज्ञकांतिर्विद्या बुद्धिर्बलं श्रीरतनुधनपतिः सौम्यवाक्यानुवृत्तिः ॥
मेधा प्रज्ञा प्रतिष्ठा मृदुपतिमधुरापूर्णविद्याप्रपूर्णं—प्राप्तं प्रत्यूषचिंत्यं प्रणवपरवशात्प्राणिनां नित्यकर्म ॥ १८ ॥

svasti śraddhā'timedhā madhumatimadhuraḥ saṃśayaḥ prajñakāṃtirvidyā buddhirbalaṃ śrīratanudhanapatiḥ saumyavākyānuvṛttiḥ
medhā prajñā pratiṣṭhā mṛdupatimadhurāpūrṇavidyāprapūrṇaṃ—prāptaṃ pratyūṣaciṃtyaṃ praṇavaparavaśātprāṇināṃ nityakarma

Meaning open with adhikāra · अर्थ अधिकार से

पंचाशद्वर्णमध्ये प्रणवपरयुते मंत्रमाद्यं नमोंऽतं-सर्वं सव्यापसव्यं शतगुणमभितो वर्ममष्टोत्तरं ते ॥
एवं नित्यं प्रजप्तं त्रिभुवनसहितं तुर्य्यमंत्रं त्रिपादं ज्ञानं विज्ञानगम्यं गगनसुसदृशं ध्यायते यः स मुक्तः ॥ १९ ॥

paṃcāśadvarṇamadhye praṇavaparayute maṃtramādyaṃ namoṃ'taṃ-sarvaṃ savyāpasavyaṃ śataguṇamabhito varmamaṣṭottaraṃ te
evaṃ nityaṃ prajaptaṃ tribhuvanasahitaṃ turyyamaṃtraṃ tripādaṃ jñānaṃ vijñānagamyaṃ gaganasusadṛśaṃ dhyāyate yaḥ sa muktaḥ

Meaning open with adhikāra · अर्थ अधिकार से

आदिक्षांतसबिंदुयुक्तसहितं मेरुं क्षकारात्मकं व्यस्ताव्यस्तसमस्तवर्गसहितं पूर्णं शताष्टोत्तरम् ॥
गायत्रीं जपतां त्रिकालसहितां नित्यं सनैमित्तिकं--चैवं जाप्यफलं शिवेन कथितं सद्भोगमोक्षप्रदम् ॥ २० ॥

ādikṣāṃtasabiṃduyuktasahitaṃ meruṃ kṣakārātmakaṃ vyastāvyastasamastavargasahitaṃ pūrṇaṃ śatāṣṭottaram
gāyatrīṃ japatāṃ trikālasahitāṃ nityaṃ sanaimittikaṃ--caivaṃ jāpyaphalaṃ śivena kathitaṃ sadbhogamokṣapradam

Meaning open with adhikāra · अर्थ अधिकार से

सप्तव्याहृतिसप्ततारविकृतिः सत्यं वरेण्यं धृतिः सर्वं तत्सवितुश्च धीमहि महाभर्गस्य देवं भजे ॥
धाम्नो धाम समाधिधारणमहान् धीमत्पदं ध्यायते ॐ तत्सर्वमनुप्रपूर्णदशकं पादत्रयं केवलम् ॥ २१ ॥

saptavyāhṛtisaptatāravikṛtiḥ satyaṃ vareṇyaṃ dhṛtiḥ sarvaṃ tatsavituśca dhīmahi mahābhargasya devaṃ bhaje
dhāmno dhāma samādhidhāraṇamahān dhīmatpadaṃ dhyāyate oṃ tatsarvamanuprapūrṇadaśakaṃ pādatrayaṃ kevalam

Meaning open with adhikāra · अर्थ अधिकार से

विज्ञानं विलसद्विवेकवचसः प्रज्ञानुसंधारिणीं श्रद्धामेध्ययशःशिरःसुमनसः स्वस्तिश्रियःस्वां सदा ॥
आयुष्यं धनधान्यलक्ष्मिमतुलां देवीं कटाक्षं परं तत्काले सकलार्थसाधनमहान्मुक्तिर्महत्त्वं पदम् ॥ २२ ॥

vijñānaṃ vilasadvivekavacasaḥ prajñānusaṃdhāriṇīṃ śraddhāmedhyayaśaḥśiraḥsumanasaḥ svastiśriyaḥsvāṃ sadā
āyuṣyaṃ dhanadhānyalakṣmimatulāṃ devīṃ kaṭākṣaṃ paraṃ tatkāle sakalārthasādhanamahānmuktirmahattvaṃ padam

Meaning open with adhikāra · अर्थ अधिकार से

पृथ्वी गंधोऽर्चनायां नभसि कुसुमता वायुधूपप्रकर्षो-वह्निर्दीपप्रकाशो जलममृतमयं नित्यसंकल्पपूजा ॥
एतत्सर्वं निवेद्यं सुखवसति हृदि सर्वदा दंपतीनां-त्वं सर्वज्ञ शिवं कुरुष्व ममतां नाहं त्वया ज्ञेयसि ॥ २३ ॥

pṛthvī gaṃdho'rcanāyāṃ nabhasi kusumatā vāyudhūpaprakarṣo-vahnirdīpaprakāśo jalamamṛtamayaṃ nityasaṃkalpapūjā
etatsarvaṃ nivedyaṃ sukhavasati hṛdi sarvadā daṃpatīnāṃ-tvaṃ sarvajña śivaṃ kuruṣva mamatāṃ nāhaṃ tvayā jñeyasi

Meaning open with adhikāra · अर्थ अधिकार से

सौम्यं सौभाग्यहेतुं सकलसुखकरं सर्वसौख्यं समस्तं-सत्यं सद्भोगनित्यं सुखजनसुहृदं सुंदरं श्रीसमस्तम् ॥
सौमंगल्यं समग्रं सकलशुभकरं स्वस्तिवाचं समस्तं-सर्वाद्यं सद्विवेकं त्रिपदपदयुगं प्राप्तुमध्यासमस्तम् ॥ २४ ॥

saumyaṃ saubhāgyahetuṃ sakalasukhakaraṃ sarvasaukhyaṃ samastaṃ-satyaṃ sadbhoganityaṃ sukhajanasuhṛdaṃ suṃdaraṃ śrīsamastam
saumaṃgalyaṃ samagraṃ sakalaśubhakaraṃ svastivācaṃ samastaṃ-sarvādyaṃ sadvivekaṃ tripadapadayugaṃ prāptumadhyāsamastam

गायत्रीपदपंचपंचप्रणवद्वंद्वं त्रिधा संपुटं-सृष्ट्यादिक्रममंत्रजाप्यदशकं देवीपदं क्षुत्त्रयम् ॥
मंत्रादिस्थितकेषु संपुटमिदं श्रीमातृकावेष्टितं वर्णांत्यादिविलोममंत्रजपनं संहारसंमोहनम् ॥ २५ ॥

gāyatrīpadapaṃcapaṃcapraṇavadvaṃdvaṃ tridhā saṃpuṭaṃ-sṛṣṭyādikramamaṃtrajāpyadaśakaṃ devīpadaṃ kṣuttrayam
maṃtrādisthitakeṣu saṃpuṭamidaṃ śrīmātṛkāveṣṭitaṃ varṇāṃtyādivilomamaṃtrajapanaṃ saṃhārasaṃmohanam

भूराद्यं भूर्भुवस्वस्त्रिपदपदयुतं त्र्यक्षमाद्यंतयोज्यं-सृष्टिस्थित्यंतकार्य्यं क्रमशिखिसकलं सर्वमंत्रं प्रशस्तम् ॥
सर्वांगं मातृकाणां मनुमयवपुषं मंत्रयोगं प्रयुक्तं संहारं क्षादिवर्णं वसुशतगणनं मंत्रराजं नमामि ॥ २६ ॥

bhūrādyaṃ bhūrbhuvasvastripadapadayutaṃ tryakṣamādyaṃtayojyaṃ-sṛṣṭisthityaṃtakāryyaṃ kramaśikhisakalaṃ sarvamaṃtraṃ praśastam
sarvāṃgaṃ mātṛkāṇāṃ manumayavapuṣaṃ maṃtrayogaṃ prayuktaṃ saṃhāraṃ kṣādivarṇaṃ vasuśatagaṇanaṃ maṃtrarājaṃ namāmi

वैश्वामित्रमुदाहृतं हितकरं सर्वार्थसिद्धिप्रदं--स्तोत्राणां परमं प्रभातसमये पारायणं नित्यशः ॥
वेदानां विधिवादमंत्रसकलं सिद्धिप्रदं संपदां-संप्राप्नोत्यपरत्र सर्वसुखदं चायुष्यमारोग्यकम् ॥ २७ ॥

vaiśvāmitramudāhṛtaṃ hitakaraṃ sarvārthasiddhipradaṃ--stotrāṇāṃ paramaṃ prabhātasamaye pārāyaṇaṃ nityaśaḥ
vedānāṃ vidhivādamaṃtrasakalaṃ siddhipradaṃ saṃpadāṃ-saṃprāpnotyaparatra sarvasukhadaṃ cāyuṣyamārogyakam