Gaṇeśa Purāṇa

गणेशकवचम्

Ganesha Kavacham (Ganesha Purana) — The armour of Gaṇeśa, given to Gaurī for her child

Gaurī asks the sage what she can tie round her child's neck against the many wicked demons, and he answers with a dhyāna of Vināyaka for each of the four ages and then a kavaca that gives each part of the body, each direction, and what a person owns, to a name of Gaṇeśa. It closes with how and when to recite it, and to whom it may be given. See also Kavach and Ganesha.

अथ गणेशकवचम्The armour of Gaṇeśa

Verse 1

गौर्युवाच — गौरी ने कहा Gaurī said

एषोऽतिचपलो दैत्यान्बाल्येऽपि नाशयत्यहो ।
अग्रे किं कर्म कर्तेति न जाने मुनिसत्तम ॥ १ ॥

eṣo'ticapalo daityānbālye'pi nāśayatyaho
agre kiṃ karma karteti na jāne munisattama

Meaning open with adhikāra · अर्थ अधिकार से

Verse 2

दैत्या नानाविधा दुष्टाः साधुदेवद्रुहः खलाः ।
अतोऽस्य कण्ठे किञ्चित्त्वं रक्षार्थं बद्धमर्हसि ॥ २ ॥

daityā nānāvidhā duṣṭāḥ sādhudevadruhaḥ khalāḥ
ato'sya kaṇṭhe kiñcittvaṃ rakṣārthaṃ baddhamarhasi

Meaning open with adhikāra · अर्थ अधिकार से

Verse 3

मुनिरुवाच — मुनि ने कहा The sage said

ध्यायेत्सिंहगतं विनायकममुं दिग्बाहुमाद्ये युगे
त्रेतायां तु मयूरवाहनममुं षड्बाहुकं सिद्धिदम् ।
द्वापारे तु गजाननं युगभुजं रक्ताङ्गरागं विभुम्
तुर्ये तु द्विभुजं सिताङ्गरुचिरं सर्वार्थदं सर्वदा ॥ ३ ॥

dhyāyetsiṃhagataṃ vināyakamamuṃ digbāhumādye yuge
tretāyāṃ tu mayūravāhanamamuṃ ṣaḍbāhukaṃ siddhidam
dvāpāre tu gajānanaṃ yugabhujaṃ raktāṅgarāgaṃ vibhum
turye tu dvibhujaṃ sitāṅgaruciraṃ sarvārthadaṃ sarvadā

Meaning open with adhikāra · अर्थ अधिकार से

कवचम्The armour

Verse 4

विनायकः शिखां पातु परमात्मा परात्परः ।
अतिसुन्दरकायस्तु मस्तकं सुमहोत्कटः ॥ ४ ॥

vināyakaḥ śikhāṃ pātu paramātmā parātparaḥ
atisundarakāyastu mastakaṃ sumahotkaṭaḥ

Meaning open with adhikāra · अर्थ अधिकार से

Verse 5

ललाटं कश्यपः पातु भ्रूयुगं तु महोदरः ।
नयने भालचन्द्रस्तु गजास्यस्त्वोष्ठपल्लवौ ॥ ५ ॥

lalāṭaṃ kaśyapaḥ pātu bhrūyugaṃ tu mahodaraḥ
nayane bhālacandrastu gajāsyastvoṣṭhapallavau

Meaning open with adhikāra · अर्थ अधिकार से

Verse 6

जिह्वां पातु गणक्रीडश्चिबुकं गिरिजासुतः ।
वाचं विनायकः पातु दन्तान् रक्षतु विघ्नहा ॥ ६ ॥

jihvāṃ pātu gaṇakrīḍaścibukaṃ girijāsutaḥ
vācaṃ vināyakaḥ pātu dantān rakṣatu vighnahā

Meaning open with adhikāra · अर्थ अधिकार से

Verse 7

श्रवणौ पाशपाणिस्तु नासिकां चिन्तितार्थदः ।
गणेशस्तु मुखं कण्ठं पातु देवो गणञ्जयः ॥ ७ ॥

śravaṇau pāśapāṇistu nāsikāṃ cintitārthadaḥ
gaṇeśastu mukhaṃ kaṇṭhaṃ pātu devo gaṇañjayaḥ

Meaning open with adhikāra · अर्थ अधिकार से

Verse 8

स्कन्धौ पातु गजस्कन्धः स्तनौ विघ्नविनाशनः ।
हृदयं गणनाथस्तु हेरंबो जठरं महान् ॥ ८ ॥

skandhau pātu gajaskandhaḥ stanau vighnavināśanaḥ
hṛdayaṃ gaṇanāthastu heraṃbo jaṭharaṃ mahān

Meaning open with adhikāra · अर्थ अधिकार से

Verse 9

धराधरः पातु पार्श्वौ पृष्ठं विघ्नहरः शुभः ।
लिङ्गं गुह्यं सदा पातु वक्रतुण्डो महाबलः ॥ ९ ॥

dharādharaḥ pātu pārśvau pṛṣṭhaṃ vighnaharaḥ śubhaḥ
liṅgaṃ guhyaṃ sadā pātu vakratuṇḍo mahābalaḥ

Meaning open with adhikāra · अर्थ अधिकार से

Verse 10

गणक्रीडो जानुसङ्घे ऊरु मङ्गलमूर्तिमान् ।
एकदन्तो महाबुद्धिः पादौ गुल्फौ सदाऽवतु ॥ १० ॥

gaṇakrīḍo jānusaṅghe ūru maṅgalamūrtimān
ekadanto mahābuddhiḥ pādau gulphau sadā'vatu

Meaning open with adhikāra · अर्थ अधिकार से

Verse 11

क्षिप्रप्रसादनो बाहू पाणी आशाप्रपूरकः ।
अङ्गुलीश्च नखान्पातु पद्महस्तोऽरिनाशनः ॥ ११ ॥

kṣipraprasādano bāhū pāṇī āśāprapūrakaḥ
aṅgulīśca nakhānpātu padmahasto'rināśanaḥ

Meaning open with adhikāra · अर्थ अधिकार से

Verse 12

सर्वाङ्गानि मयूरेशो विश्वव्यापी सदाऽवतु ।
अनुक्तमपि यत्स्थानं धूम्रकेतुः सदाऽवतु ॥ १२ ॥

sarvāṅgāni mayūreśo viśvavyāpī sadā'vatu
anuktamapi yatsthānaṃ dhūmraketuḥ sadā'vatu

Meaning open with adhikāra · अर्थ अधिकार से

Verse 13

आमोदस्त्वग्रतः पातु प्रमोदः पृष्ठतोऽवतु ।
प्राच्यां रक्षतु बुद्धीश आग्नेयां सिद्धिदायकः ॥ १३ ॥

āmodastvagrataḥ pātu pramodaḥ pṛṣṭhato'vatu
prācyāṃ rakṣatu buddhīśa āgneyāṃ siddhidāyakaḥ

Meaning open with adhikāra · अर्थ अधिकार से

Verse 14

दक्षिणास्यामुमापुत्रो नैरृत्यां तु गणेश्वरः ।
प्रतीच्यां विघ्नहर्ताऽव्याद्वायव्यां गजकर्णकः ॥ १४ ॥

dakṣiṇāsyāmumāputro nairṛtyāṃ tu gaṇeśvaraḥ
pratīcyāṃ vighnahartā'vyādvāyavyāṃ gajakarṇakaḥ

Meaning open with adhikāra · अर्थ अधिकार से

Verse 15

कौबेर्यां निधिपः पायादीशान्यामीशनन्दनः ।
दिवाऽव्यादेकदन्तस्तु रात्रौ सन्ध्यासु विघ्नहृत् ॥ १५ ॥

kauberyāṃ nidhipaḥ pāyādīśānyāmīśanandanaḥ
divā'vyādekadantastu rātrau sandhyāsu vighnahṛt

Meaning open with adhikāra · अर्थ अधिकार से

Verse 16

राक्षसासुरवेतालग्रहभूतपिशाचतः ।
पाशाङ्कुशधरः पातु रजःसत्त्वतमः स्मृतिः ॥ १६ ॥

rākṣasāsuravetālagrahabhūtapiśācataḥ
pāśāṅkuśadharaḥ pātu rajaḥsattvatamaḥ smṛtiḥ

Meaning open with adhikāra · अर्थ अधिकार से

Verse 17

ज्ञानं धर्मं च लक्ष्मीं च लज्जां कीर्तिं तथा कुलम् ।
वपुर्धनं च धान्यं च गृहान्दारान्सुतान्सखीन् ॥ १७ ॥

jñānaṃ dharmaṃ ca lakṣmīṃ ca lajjāṃ kīrtiṃ tathā kulam
vapurdhanaṃ ca dhānyaṃ ca gṛhāndārānsutānsakhīn

Meaning open with adhikāra · अर्थ अधिकार से

Verse 18

सर्वायुधधरः पौत्रान् मयूरेशोऽवतात्सदा ।
कपिलोऽजादिकं पातु गजाश्वान्विकटोऽवतु ॥ १८ ॥

sarvāyudhadharaḥ pautrān mayūreśo'vatātsadā
kapilo'jādikaṃ pātu gajāśvānvikaṭo'vatu

Meaning open with adhikāra · अर्थ अधिकार से

Verse 19

भूर्जपत्रे लिखित्वेदं यः कण्ठे धारयेत्सुधीः ।
न भयं जायते तस्य यक्षरक्षःपिशाचतः ॥ १९ ॥

bhūrjapatre likhitvedaṃ yaḥ kaṇṭhe dhārayetsudhīḥ
na bhayaṃ jāyate tasya yakṣarakṣaḥpiśācataḥ

Meaning open with adhikāra · अर्थ अधिकार से

Verse 20

त्रिसन्ध्यं जपते यस्तु वज्रसारतनुर्भवेत् ।
यात्राकाले पठेद्यस्तु निर्विघ्नेन फलं लभेत् ॥ २० ॥

trisandhyaṃ japate yastu vajrasāratanurbhavet
yātrākāle paṭhedyastu nirvighnena phalaṃ labhet

Meaning open with adhikāra · अर्थ अधिकार से

Verse 21

युद्धकाले पठेद्यस्तु विजयं चाप्नुयाद्द्रुतम् ।
मारणोच्चाटनाकर्षस्तम्भमोहनकर्मणि ॥ २१ ॥

yuddhakāle paṭhedyastu vijayaṃ cāpnuyāddrutam
māraṇoccāṭanākarṣastambhamohanakarmaṇi

Meaning open with adhikāra · अर्थ अधिकार से

Verse 22

सप्तवारं जपेदेतद्दिनानामेकविंशतिम् ।
तत्तत्फलवाप्नोति साधको नात्रसंशयः ॥ २२ ॥

saptavāraṃ japedetaddinānāmekaviṃśatim
tattatphalavāpnoti sādhako nātrasaṃśayaḥ

Meaning open with adhikāra · अर्थ अधिकार से

Verse 23

एकविंशतिवारं च पठेत्तावद्दिनानि यः ।
कारागृहगतं सद्योराज्ञा वध्यं च मोचयेत् ॥ २३ ॥

ekaviṃśativāraṃ ca paṭhettāvaddināni yaḥ
kārāgṛhagataṃ sadyorājñā vadhyaṃ ca mocayet

Meaning open with adhikāra · अर्थ अधिकार से

Verse 24

राजदर्शनवेलायां पठेदेतत्त्रिवारतः ।
स राजानं वशं नीत्वा प्रकृतीश्च सभां जयेत् ॥ २४ ॥

rājadarśanavelāyāṃ paṭhedetattrivārataḥ
sa rājānaṃ vaśaṃ nītvā prakṛtīśca sabhāṃ jayet

Meaning open with adhikāra · अर्थ अधिकार से

Verse 25

इदं गणेशकवचं कश्यपेन समीरितम् ।
मुद्गलाय च ते नाथ माण्डव्याय महर्षये ॥ २५ ॥

idaṃ gaṇeśakavacaṃ kaśyapena samīritam
mudgalāya ca te nātha māṇḍavyāya maharṣaye

Meaning open with adhikāra · अर्थ अधिकार से

Verse 26

मह्यं स प्राह कृपया कवचं सर्वसिद्धिदम् ।
न देयं भक्तिहीनाय देयं श्रद्धावते शुभम् ॥ २६ ॥

mahyaṃ sa prāha kṛpayā kavacaṃ sarvasiddhidam
na deyaṃ bhaktihīnāya deyaṃ śraddhāvate śubham

Meaning open with adhikāra · अर्थ अधिकार से

Verse 27

यस्यानेन कृता रक्षा न बाधास्य भवेत्क्वचित् ।
राक्षसासुरवेतालदैत्यदानवसम्भवा ॥ २७ ॥

yasyānena kṛtā rakṣā na bādhāsya bhavetkvacit
rākṣasāsuravetāladaityadānavasambhavā

Meaning open with adhikāra · अर्थ अधिकार से

इति श्रीगणेशपुराणान्तर्गतं मुद्गलकृतं गणेशकवचं सम्पूर्णम् ॥

Terms on this page

Ganesha गणेश The elephant-headed deity of auspicious beginnings, son of Shiva and Parvati.
Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras