दक्षिणास्तोत्रम्

यक्ष उवाच — यक्ष ने कहा The Yakṣa said

ॐ गोलोकगोपी त्वं देवी गोपीनां प्रवरा परा ।
राधासमा तत्सखी च श्रीकृष्णप्रेयसी प्रिये ॥१॥

oṃ golokagopī tvaṃ devī gopīnāṃ pravarā parā
rādhāsamā tatsakhī ca śrīkṛṣṇapreyasī priye

कार्तिकीपूर्णिमायान्तु रासे राधामहोत्सवे ।
आविर्भूता दक्षिणांसात्कृष्णस्य तेन दक्षिणा ॥२॥

kārtikīpūrṇimāyāntu rāse rādhāmahotsave
āvirbhūtā dakṣiṇāṃsātkṛṣṇasya tena dakṣiṇā

पुरा त्वञ्च सुशीलाख्या शीलेन शोभनेन च ।
कृष्णदक्षांसवासाच्च राधाशापाच्च दक्षिणा ॥३॥

purā tvañca suśīlākhyā śīlena śobhanena ca
kṛṣṇadakṣāṃsavāsācca rādhāśāpācca dakṣiṇā

गोलोकात्त्वं परिध्वस्ता मम भाग्यादुपस्थिता ।
कृपां कुरु महाभागे मामेव स्वामिनं कुरु ॥४॥

golokāttvaṃ paridhvastā mama bhāgyādupasthitā
kṛpāṃ kuru mahābhāge māmeva svāminaṃ kuru

कर्मिणां कर्मणां देवि त्वमेव फलदायिका ।
त्वया विना च सर्वेषां सर्वकर्म च निष्फलम् ॥५॥

karmiṇāṃ karmaṇāṃ devi tvameva phaladāyikā
tvayā vinā ca sarveṣāṃ sarvakarma ca niṣphalam

Meaning open with adhikāra · अर्थ अधिकार से

फलशाखाविहीनश्च यथा वृक्षो महीतले ।
त्वया विना तथा कर्म कर्मिणाञ्च न शोभते ॥६॥

phalaśākhāvihīnaśca yathā vṛkṣo mahītale
tvayā vinā tathā karma karmiṇāñca na śobhate

Meaning open with adhikāra · अर्थ अधिकार से

ब्रह्मविष्णुमहेशाश्च दिक्पालादय एव च ।
कर्मणश्च फलं दातुं न शक्ताश्च त्वया विना ॥७॥

brahmaviṣṇumaheśāśca dikpālādaya eva ca
karmaṇaśca phalaṃ dātuṃ na śaktāśca tvayā vinā

Meaning open with adhikāra · अर्थ अधिकार से

कर्मरूपी स्वयं ब्रह्मा फलरूपो महेश्वरः ।
यज्ञरूपी विष्णुरहं त्वमेषां साररूपिणी ॥८॥

karmarūpī svayaṃ brahmā phalarūpo maheśvaraḥ
yajñarūpī viṣṇurahaṃ tvameṣāṃ sārarūpiṇī

Meaning open with adhikāra · अर्थ अधिकार से

फलदाता परं ब्रह्म निर्गुणः प्रकृतेः परः ।
स्वयं कृष्णश्च भगवान् स च शक्तस्त्वया सह ॥९॥

phaladātā paraṃ brahma nirguṇaḥ prakṛteḥ paraḥ
svayaṃ kṛṣṇaśca bhagavān sa ca śaktastvayā saha

Meaning open with adhikāra · अर्थ अधिकार से

त्वमेव शक्तिः कान्ते मे शश्वज्जन्मनि जन्मनि ।
सर्वकर्मणि शक्तोऽहं त्वया सह वरानने ॥१०॥

tvameva śaktiḥ kānte me śaśvajjanmani janmani
sarvakarmaṇi śakto'haṃ tvayā saha varānane

Meaning open with adhikāra · अर्थ अधिकार से

इत्युक्त्वा तत्परस्तस्थौ यज्ञाधिष्ठातृदेवकः ।
तुष्टा बभूव सा देवी भजेत्तां कमलाकलाम् ॥११॥

ityuktvā tatparastasthau yajñādhiṣṭhātṛdevakaḥ
tuṣṭā babhūva sā devī bhajettāṃ kamalākalām

Meaning open with adhikāra · अर्थ अधिकार से

ॐ ।
इदञ्च दक्षिणास्तोत्रं यज्ञकाले च यः पठेत् ।
फलञ्च सर्वयज्ञानां लभते नात्र संशयः ॥१२॥

oṃ
idañca dakṣiṇāstotraṃ yajñakāle ca yaḥ paṭhet
phalañca sarvayajñānāṃ labhate nātra saṃśayaḥ

Meaning open with adhikāra · अर्थ अधिकार से

राजसूये वाजपेये गोमेधे नरमेधके ।
अश्वमेधे मङ्गले च विष्णुयज्ञे यशस्वरे ॥१३॥

rājasūye vājapeye gomedhe naramedhake
aśvamedhe maṅgale ca viṣṇuyajñe yaśasvare

Meaning open with adhikāra · अर्थ अधिकार से

यशस्वरे uncertain

धनदे भूमिदे फल्गौ पूर्णेष्टौ गजमेधके ।
लौहयज्ञे स्वर्णयज्ञे पाटने ब्रह्मखण्डने ॥१४॥

dhanade bhūmide phalgau pūrṇeṣṭau gajamedhake
lauhayajñe svarṇayajñe pāṭane brahmakhaṇḍane

शिवयज्ञे रुद्रयज्ञे शत्रुयज्ञे च बन्धुके ।
इष्टौ वरुणयागे च कण्टके वैरिमर्दने ॥१५॥

śivayajñe rudrayajñe śatruyajñe ca bandhuke
iṣṭau varuṇayāge ca kaṇṭake vairimardane

शुचियागे धर्मयागे रोचने पापमोचने ।
बन्धने कर्मयागे च मणियागे सुभद्रके ॥१६॥

śuciyāge dharmayāge rocane pāpamocane
bandhane karmayāge ca maṇiyāge subhadrake

एतेषाञ्च समारम्भे इदं स्तोत्रञ्च यः पठेत् ।
निर्विघ्ने च तत्कर्म साङ्गं भवति निश्चितम् ॥१७॥

eteṣāñca samārambhe idaṃ stotrañca yaḥ paṭhet
nirvighne ca tatkarma sāṅgaṃ bhavati niścitam