Brahmavaivarta Purāṇa, Brahma Khaṇḍa

विष्णुकवचम् (ब्रह्माण्डपावनकवचम्)

Brahmandapavana Kavacham (Brahmavaivarta Purana) — The armour of Kṛṣṇa that Kṛṣṇa gave to Brahmā, Śiva and Dharma

A short protective hymn (Kavach) of Krishna, also called Viṣṇukavaca. Śaunaka asks what hymn, armour and mantra of Viṣṇu were given long ago, and Sauti answers with the sixteen-syllable mantra of the Rāsa lord. Brahmā then asks Kṛṣṇa for the armour called Brahmāṇḍapāvana, and Kṛṣṇa gives it to him, to Śiva and to Dharma. Its mantras and the names of Kṛṣṇa guard the body part by part and the eight directions, and the last verses say what it gives to the one who wears it.

ब्रह्माण्डपावनकवचम्The kavaca called Brahmāṇḍapāvana

Verse 8

शौनक उवाच — शौनक ने कहा Śaunaka said

किं स्तोत्रं कवचं विष्णोर्मन्त्रपूजाविधिः पुरा ।
दत्तो विशिष्टस्ताभ्यां च तं भवान्वक्तुमर्हति ॥ ८ ॥

kiṃ stotraṃ kavacaṃ viṣṇormantrapūjāvidhiḥ purā
datto viśiṣṭastābhyāṃ ca taṃ bhavānvaktumarhati

Meaning open with adhikāra · अर्थ अधिकार से

Verse 9

द्वादशाक्षरमन्त्रं च शूलिनः कवचादिकम् ।
दत्तं गन्धर्वराजाय वसिष्ठेन च किं पुरा ॥ ९ ॥

dvādaśākṣaramantraṃ ca śūlinaḥ kavacādikam
dattaṃ gandharvarājāya vasiṣṭhena ca kiṃ purā

Meaning open with adhikāra · अर्थ अधिकार से

Verse 10

तदपि ब्रूहि हे सौते श्रोतुं कौतूहलं मम ।
शङ्करस्तोत्रकवचं मन्त्रं दुर्गतिनाशनम् ॥ १० ॥

tadapi brūhi he saute śrotuṃ kautūhalaṃ mama
śaṅkarastotrakavacaṃ mantraṃ durgatināśanam

Meaning open with adhikāra · अर्थ अधिकार से

Verse 11

सौतिरुवाच — सौति ने कहा Sauti said

तुष्टाव येन स्तोत्रेण मालती परमेश्वरम् ।
तदेव स्तोत्रं दत्तं च मन्त्रं च कवचं शृणु ॥ ११ ॥

tuṣṭāva yena stotreṇa mālatī parameśvaram
tadeva stotraṃ dattaṃ ca mantraṃ ca kavacaṃ śṛṇu

Meaning open with adhikāra · अर्थ अधिकार से

Verse 12

ॐ नमो भगवते रासमण्डलेशाय स्वाहा ।
इमं मन्त्रं कल्पतरुं प्रददौ षोडशाक्षरम् ॥ १२ ॥

oṃ namo bhagavate rāsamaṇḍaleśāya svāhā
imaṃ mantraṃ kalpataruṃ pradadau ṣoḍaśākṣaram

Meaning open with adhikāra · अर्थ अधिकार से

Verse 13

पुरा दत्तं कुमाराय ब्रह्मणा पुष्करे हरेः ।
पुरा दत्तं च कृष्णेन गोलोके शङ्कराय च ॥ १३ ॥

purā dattaṃ kumārāya brahmaṇā puṣkare hareḥ
purā dattaṃ ca kṛṣṇena goloke śaṅkarāya ca

Meaning open with adhikāra · अर्थ अधिकार से

Verse 14

ध्यानं च विष्णोर्वेदोक्तं शाश्वतं सर्वदुर्लभम् ।
मूलेन सर्वं देयं च नैवेद्यादिकमुत्तमम् ॥ १४ ॥

dhyānaṃ ca viṣṇorvedoktaṃ śāśvataṃ sarvadurlabham
mūlena sarvaṃ deyaṃ ca naivedyādikamuttamam

Meaning open with adhikāra · अर्थ अधिकार से

Verse 15

अतीव गुप्तकवचं पितुर्वक्त्रान्मया श्रुतम् ।
पित्रे दत्तं पुरा विप्र गङ्गायां शूलिना ध्रुवम् ॥ १५ ॥

atīva guptakavacaṃ piturvaktrānmayā śrutam
pitre dattaṃ purā vipra gaṅgāyāṃ śūlinā dhruvam

Meaning open with adhikāra · अर्थ अधिकार से

Verse 16

शूलिने ब्रह्मणे दत्तं गोलोके रासमण्डले ।
धर्माय गोपीकान्तेन कृपया परमाद्भुतम् ॥ १६ ॥

śūline brahmaṇe dattaṃ goloke rāsamaṇḍale
dharmāya gopīkāntena kṛpayā paramādbhutam

Meaning open with adhikāra · अर्थ अधिकार से

Verse 17

ब्रह्मोवाच — ब्रह्मा ने कहा Brahmā said

राधाकान्त महाभाग कवचं यत्प्रकाशितम् ।
ब्रह्माण्डपावनं नाम कृपया कथय प्रभो ॥ १७ ॥

rādhākānta mahābhāga kavacaṃ yatprakāśitam
brahmāṇḍapāvanaṃ nāma kṛpayā kathaya prabho

Meaning open with adhikāra · अर्थ अधिकार से

Verse 18

मां महेशं च धर्मं च भक्तं च भक्तवत्सल ।
त्वत्प्रसादेन पुत्रेभ्यो दास्यामि भक्तिसंयुतः ॥ १८ ॥

māṃ maheśaṃ ca dharmaṃ ca bhaktaṃ ca bhaktavatsala
tvatprasādena putrebhyo dāsyāmi bhaktisaṃyutaḥ

Meaning open with adhikāra · अर्थ अधिकार से

Verse 19

श्रीकृष्ण उवाच — श्रीकृष्ण ने कहा Śrī Kṛṣṇa said

शृणु वक्ष्यामि ब्रह्मेश धर्मेदं कवचं परम् ।
अहं दास्यामि युष्मभ्यं गोपनीयं सुदुर्लभम् ॥ १९ ॥

śṛṇu vakṣyāmi brahmeśa dharmedaṃ kavacaṃ param
ahaṃ dāsyāmi yuṣmabhyaṃ gopanīyaṃ sudurlabham

Meaning open with adhikāra · अर्थ अधिकार से

Verse 20

यस्मै कस्मै न दातव्यं प्राणतुल्यं ममैव हि ।
यत्तेजो मम देहेऽस्ति तत्तेजः कवचेऽपि च ॥ २० ॥

yasmai kasmai na dātavyaṃ prāṇatulyaṃ mamaiva hi
yattejo mama dehe'sti tattejaḥ kavace'pi ca

Meaning open with adhikāra · अर्थ अधिकार से

Verse 21

कुरु सृष्टिमिमं धृत्वा धाता त्रिजगतां भव ।
संहर्ता भव हे शम्भो मम तुल्यो भवे भव ॥ २१ ॥

kuru sṛṣṭimimaṃ dhṛtvā dhātā trijagatāṃ bhava
saṃhartā bhava he śambho mama tulyo bhave bhava

Meaning open with adhikāra · अर्थ अधिकार से

Verse 22

हे धर्म त्वमिमं धृत्वा भव साक्षी च कर्मणाम् ।
तपसां फलदातारो यूयं भवत मद्वरात् ॥ २२ ॥

he dharma tvamimaṃ dhṛtvā bhava sākṣī ca karmaṇām
tapasāṃ phaladātāro yūyaṃ bhavata madvarāt

Meaning open with adhikāra · अर्थ अधिकार से

Verse 23

ब्रह्माण्डपावनस्यास्य कवचस्य हरिः स्वयम् ।
ऋषिश्छन्दश्च गायत्री देवोऽहं जगदीश्वरः ॥ २३ ॥

brahmāṇḍapāvanasyāsya kavacasya hariḥ svayam
ṛṣiśchandaśca gāyatrī devo'haṃ jagadīśvaraḥ

Meaning open with adhikāra · अर्थ अधिकार से

Verse 24

धर्मार्थकाममोक्षेषु विनियोगः प्रकीर्तितः ।
त्रिलक्षवार पठनात्सिद्धिदं कवचं विधे ॥ २४ ॥

dharmārthakāmamokṣeṣu viniyogaḥ prakīrtitaḥ
trilakṣavāra paṭhanātsiddhidaṃ kavacaṃ vidhe

Meaning open with adhikāra · अर्थ अधिकार से

Verse 25

यो भवेत्सिद्धकवचो मम तुल्यो भवेच्च सः ।
तेजसा सिद्धियोगेन ज्ञानेन विक्रमेण च ॥ २५ ॥

yo bhavetsiddhakavaco mama tulyo bhavecca saḥ
tejasā siddhiyogena jñānena vikrameṇa ca

Meaning open with adhikāra · अर्थ अधिकार से

कवचम्The armour

Verse 26

प्रणवो मे शिरः पातु नमो रामेश्वराय च ।
भालं पायान्नेत्रयुग्मं नमो राधेश्वराय च ॥ २६ ॥

praṇavo me śiraḥ pātu namo rāmeśvarāya ca
bhālaṃ pāyānnetrayugmaṃ namo rādheśvarāya ca

Meaning open with adhikāra · अर्थ अधिकार से

Verse 27

कृष्णः पायाच्छ्रोत्रयुग्मं हे हरे प्राणमेव च ।
जिह्विकां वह्निजाया तु कृष्णायेति च सर्वतः ॥ २७ ॥

kṛṣṇaḥ pāyācchrotrayugmaṃ he hare prāṇameva ca
jihvikāṃ vahnijāyā tu kṛṣṇāyeti ca sarvataḥ

Meaning open with adhikāra · अर्थ अधिकार से

Verse 28

श्रीकृष्णाय स्वाहेति च कण्ठं पातु षडक्षरः ।
ह्रीं कृष्णाय नमो वक्त्रं क्लींपूर्वश्च भुजद्वयम् ॥ २८ ॥

śrīkṛṣṇāya svāheti ca kaṇṭhaṃ pātu ṣaḍakṣaraḥ
hrīṃ kṛṣṇāya namo vaktraṃ klīṃpūrvaśca bhujadvayam

Meaning open with adhikāra · अर्थ अधिकार से

Verse 29

नमो गोपाङ्गनेशाय स्कन्धावष्टाक्षरोऽवतु ।
दन्तपंक्तिमोष्ठयुग्मं नमो गोपीश्वराय च ॥ २९ ॥

namo gopāṅganeśāya skandhāvaṣṭākṣaro'vatu
dantapaṃktimoṣṭhayugmaṃ namo gopīśvarāya ca

Meaning open with adhikāra · अर्थ अधिकार से

Verse 30

ॐ नमो भगवते रासमण्डलेशाय स्वाहा ।
स्वयं वक्षःस्थलं पातु मन्त्रोऽयं षोडशाक्षरः ॥ ३० ॥

oṃ namo bhagavate rāsamaṇḍaleśāya svāhā
svayaṃ vakṣaḥsthalaṃ pātu mantro'yaṃ ṣoḍaśākṣaraḥ

Meaning open with adhikāra · अर्थ अधिकार से

Verse 31

ऐं कृष्णाय स्वाहेति च कर्णयुग्मं सदाऽवतु ।
ॐ विष्णवे स्वाहेति च कपोलं सर्वतोऽवतु ॥ ३१ ॥

aiṃ kṛṣṇāya svāheti ca karṇayugmaṃ sadā'vatu
oṃ viṣṇave svāheti ca kapolaṃ sarvato'vatu

Meaning open with adhikāra · अर्थ अधिकार से

Verse 32

ॐ हरये नम इति पृष्ठं पादं सदाऽवतु ।
ॐ गोवर्धनधारिणे स्वाहा सर्वशरीरकम् ॥ ३२ ॥

oṃ haraye nama iti pṛṣṭhaṃ pādaṃ sadā'vatu
oṃ govardhanadhāriṇe svāhā sarvaśarīrakam

Meaning open with adhikāra · अर्थ अधिकार से

Verse 33

प्राच्यां मां पातु श्रीकृष्ण आग्नेय्यां पातु माधवः ।
दक्षिणे पातु गोपीशो नैर्ऋत्यां नन्दनन्दनः ॥ ३३ ॥

prācyāṃ māṃ pātu śrīkṛṣṇa āgneyyāṃ pātu mādhavaḥ
dakṣiṇe pātu gopīśo nairṛtyāṃ nandanandanaḥ

Meaning open with adhikāra · अर्थ अधिकार से

Verse 34

वारुण्यां पातु गोविन्दो वायव्यां राधिकेश्वरः ।
उत्तरे पातु रासेश ऐशान्यामच्युतः स्वयम् ॥ ३४ ॥

vāruṇyāṃ pātu govindo vāyavyāṃ rādhikeśvaraḥ
uttare pātu rāseśa aiśānyāmacyutaḥ svayam

Meaning open with adhikāra · अर्थ अधिकार से

Verse 35

सततं सर्वतः पातु परो नारायणः स्वयम् ।
इति ते कथितं ब्रह्मन्कवचं परमाद्भुतम् ॥ ३५ ॥

satataṃ sarvataḥ pātu paro nārāyaṇaḥ svayam
iti te kathitaṃ brahmankavacaṃ paramādbhutam

Meaning open with adhikāra · अर्थ अधिकार से

फलश्रुतिःWhat it gives

Verse 36

मम जीवनतुल्यं च युष्मभ्यं दत्तमेव च ।
अश्वमेधसहस्राणि वाजपेयशतानि च ।
कलां नार्हन्ति तान्येव कवचस्यैव धारणात् ॥ ३६ ॥

mama jīvanatulyaṃ ca yuṣmabhyaṃ dattameva ca
aśvamedhasahasrāṇi vājapeyaśatāni ca
kalāṃ nārhanti tānyeva kavacasyaiva dhāraṇāt

Meaning open with adhikāra · अर्थ अधिकार से

Verse 37

गुरुमभ्यर्च्य विधिवद्वस्त्रालङ्कारचन्दनैः ।
स्नात्वा तं च नमस्कृत्य कवचं धारयेत्सुधीः ॥ ३७ ॥

gurumabhyarcya vidhivadvastrālaṅkāracandanaiḥ
snātvā taṃ ca namaskṛtya kavacaṃ dhārayetsudhīḥ

Meaning open with adhikāra · अर्थ अधिकार से

Verse 38

कवचस्य प्रसादेन जीवन्मुक्तो भवेन्नरः ।
यदि स्यात्सिद्धकवचो विष्णुरेव भवेद्द्विज ॥ ३८ ॥

kavacasya prasādena jīvanmukto bhavennaraḥ
yadi syātsiddhakavaco viṣṇureva bhaveddvija

Meaning open with adhikāra · अर्थ अधिकार से

इति श्रीब्रह्मवैवर्ते महापुरुषब्रह्माण्डपावनं कवचं समाप्तम् ॥

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.
Krishna कृष्ण Bhagavan Krishna, the eighth avatar of Vishnu; spoke the Bhagavad Gita to Arjuna on the battlefield of Kurukshetra.
Radha राधा Krishna's consort, invoked alongside him in Vaishnav practice; her name is used on amulets and in kavach texts.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras