श्रीभरतकवचम्

अतः परं भरतस्य कवचं ते वदाम्यहम् ॥
सर्वपापहरं पुण्यं सदा श्रीरामभक्तिदम् ॥ १ ॥

ataḥ paraṃ bharatasya kavacaṃ te vadāmyaham
sarvapāpaharaṃ puṇyaṃ sadā śrīrāmabhaktidam

कैकेयीतनयं सदा रघुवरन्यस्तेक्षणं श्यामलं सप्तद्वीपपतेर्विदेहतनयाकांतस्य वाक्ये रतम् ॥
श्रीसीताधवसव्यपार्श्वनिकटे स्थित्वा वरं चामरं धृत्वा दक्षिणसत्करेण भरतं तं वीजयंतं भजे ॥ २ ॥

kaikeyītanayaṃ sadā raghuvaranyastekṣaṇaṃ śyāmalaṃ saptadvīpapatervidehatanayākāṃtasya vākye ratam
śrīsītādhavasavyapārśvanikaṭe sthitvā varaṃ cāmaraṃ dhṛtvā dakṣiṇasatkareṇa bharataṃ taṃ vījayaṃtaṃ bhaje

ॐ रामचन्द्रसव्यपार्श्वे स्थितं केकयजासुतम् ॥
रामाय चामरेणैव वीजयंतं मनोरमम् ॥ १ ॥

oṃ rāmacandrasavyapārśve sthitaṃ kekayajāsutam
rāmāya cāmareṇaiva vījayaṃtaṃ manoramam

रत्नकुंडलकेयूरकंकणादिसुभूषितम् ॥
पीतांबरपरीधानं वनमालाविराजितम् ॥ २ ॥

ratnakuṃḍalakeyūrakaṃkaṇādisubhūṣitam
pītāṃbaraparīdhānaṃ vanamālāvirājitam

मांडवीधौतचरणं रशनानूपुरान्वितम् ॥
नीलोत्पलदलश्यामं द्विजराजसमाननम् ॥ ३ ॥

māṃḍavīdhautacaraṇaṃ raśanānūpurānvitam
nīlotpaladalaśyāmaṃ dvijarājasamānanam

Meaning open with adhikāra · अर्थ अधिकार से

आजानुबाहुं भरतखंडस्य प्रतिपालकम् ॥
रामानुजं स्मितास्यं च शत्रुघ्नपरिवंदितम् ॥ ४ ॥

ājānubāhuṃ bharatakhaṃḍasya pratipālakam
rāmānujaṃ smitāsyaṃ ca śatrughnaparivaṃditam

Meaning open with adhikāra · अर्थ अधिकार से

रामन्यस्तेक्षणं सौम्यं विद्युत्पुंजसमप्रभम् ॥
रामभक्तं महावीरं वंदे तं भरतं शुभम् ॥ ५ ॥

rāmanyastekṣaṇaṃ saumyaṃ vidyutpuṃjasamaprabham
rāmabhaktaṃ mahāvīraṃ vaṃde taṃ bharataṃ śubham

Meaning open with adhikāra · अर्थ अधिकार से

एवं ध्यात्वा तु भरतं रामपादेक्षणं हृदि ॥
कवचं पठनीयं हि भरतस्येदमुत्तमम् ॥ ६ ॥

evaṃ dhyātvā tu bharataṃ rāmapādekṣaṇaṃ hṛdi
kavacaṃ paṭhanīyaṃ hi bharatasyedamuttamam

Meaning open with adhikāra · अर्थ अधिकार से

ॐ पूर्वतो भरतः पातु दक्षिणे कैकयीसुतः ॥
नृपात्मजः प्रतीच्यां हि पातूदीच्यां रघूत्तमः ॥ १ ॥

oṃ pūrvato bharataḥ pātu dakṣiṇe kaikayīsutaḥ
nṛpātmajaḥ pratīcyāṃ hi pātūdīcyāṃ raghūttamaḥ

Meaning open with adhikāra · अर्थ अधिकार से

अधः पातु श्यामलांगश्चोर्ध्वं दशरथात्मजः ॥
मध्ये भरतवर्षेशः सर्वतः सूर्यवंशजः ॥ २ ॥

adhaḥ pātu śyāmalāṃgaścordhvaṃ daśarathātmajaḥ
madhye bharatavarṣeśaḥ sarvataḥ sūryavaṃśajaḥ

Meaning open with adhikāra · अर्थ अधिकार से

शिरस्तक्षपिता पातु भालं पातु हरिप्रियः ॥
भ्रुवोर्मध्यं जनकजावाक्यैकतत्परोऽवतु ॥ ३ ॥

śirastakṣapitā pātu bhālaṃ pātu haripriyaḥ
bhruvormadhyaṃ janakajāvākyaikatatparo'vatu

Meaning open with adhikāra · अर्थ अधिकार से

पातु जनकजामाता मम नेत्रे सदात्र हि ॥
कपोलौ मांडवीकांतः कर्णमूले स्मिताननः ॥ ४ ॥

pātu janakajāmātā mama netre sadātra hi
kapolau māṃḍavīkāṃtaḥ karṇamūle smitānanaḥ

Meaning open with adhikāra · अर्थ अधिकार से

नासाग्रं मे सदा पातु कैकेयीतोषवर्द्धनः ॥
उदारांगो मुखे पातु वाणीं पातु जटाधरः ॥ ५ ॥

nāsāgraṃ me sadā pātu kaikeyītoṣavarddhanaḥ
udārāṃgo mukhe pātu vāṇīṃ pātu jaṭādharaḥ

Meaning open with adhikāra · अर्थ अधिकार से

पातु पुष्करतातो मे जिह्वां दंतान् प्रभामयः ॥
चुबुकं वल्कलधरः कंठं पातु वराननः ॥ ६ ॥

pātu puṣkaratāto me jihvāṃ daṃtān prabhāmayaḥ
cubukaṃ valkaladharaḥ kaṃṭhaṃ pātu varānanaḥ

Meaning open with adhikāra · अर्थ अधिकार से

स्कंधौ पातु जितारातिर्भुजौ शत्रुघ्नवंदितः ॥
करौ कवचधारी च नखान् खड्गधरोऽवतु ॥ ७ ॥

skaṃdhau pātu jitārātirbhujau śatrughnavaṃditaḥ
karau kavacadhārī ca nakhān khaḍgadharo'vatu

Meaning open with adhikāra · अर्थ अधिकार से

कुक्षी रामानुजः पातु वक्षः श्रीरामवल्लभः ॥
पार्श्वे राघवपार्श्वस्थः पातु पृष्ठं सभाषणः ॥ ८ ॥

kukṣī rāmānujaḥ pātu vakṣaḥ śrīrāmavallabhaḥ
pārśve rāghavapārśvasthaḥ pātu pṛṣṭhaṃ sabhāṣaṇaḥ

Meaning open with adhikāra · अर्थ अधिकार से

जठरं च धनुर्धारी नाभिं शरकरोऽवतु ॥
कटिं पद्मेक्षणः पातु गुह्यं रामैकमानसः ॥ ९ ॥

jaṭharaṃ ca dhanurdhārī nābhiṃ śarakaro'vatu
kaṭiṃ padmekṣaṇaḥ pātu guhyaṃ rāmaikamānasaḥ

Meaning open with adhikāra · अर्थ अधिकार से

राममित्रं पातु लिंगमूरू श्रीरामसेवकः ॥
नंदिग्रामस्थितः पातु जानुनी मम सर्वदा ॥ १० ॥

rāmamitraṃ pātu liṃgamūrū śrīrāmasevakaḥ
naṃdigrāmasthitaḥ pātu jānunī mama sarvadā

Meaning open with adhikāra · अर्थ अधिकार से

श्रीरामपादुकाधारी पातु जंघे सदा मम ॥
गुल्फौ श्रीरामबंधुश्च पादौ पातु सुरार्चितः ॥ ११ ॥

śrīrāmapādukādhārī pātu jaṃghe sadā mama
gulphau śrīrāmabaṃdhuśca pādau pātu surārcitaḥ

Meaning open with adhikāra · अर्थ अधिकार से

रामाज्ञापालकः पातु ममांगान्यत्र सर्वदा ॥
मम पादांगुलीः पातु रघुवंशसुभूषणः ॥ १२ ॥

rāmājñāpālakaḥ pātu mamāṃgānyatra sarvadā
mama pādāṃgulīḥ pātu raghuvaṃśasubhūṣaṇaḥ

Meaning open with adhikāra · अर्थ अधिकार से

रोमाणि पातु मे रम्यः पातु रात्रौ सुधार्मिकः ॥
तूणीरधारी दिवसं दिक्षु पातु मम सर्वदा ॥ १३ ॥

romāṇi pātu me ramyaḥ pātu rātrau sudhārmikaḥ
tūṇīradhārī divasaṃ dikṣu pātu mama sarvadā

Meaning open with adhikāra · अर्थ अधिकार से

सर्वकालेषु मां पातु पांचजन्यः सदा भुवि ॥
एवं श्रीभरतस्येदं सुतीक्ष्णकवचं शुभम् ॥ १४ ॥

sarvakāleṣu māṃ pātu pāṃcajanyaḥ sadā bhuvi
evaṃ śrībharatasyedaṃ sutīkṣṇakavacaṃ śubham

Meaning open with adhikāra · अर्थ अधिकार से

मया प्रोक्तं तवाग्रे हि महामंगलकारकम् ॥
स्तोत्राणामुत्तमं स्तोत्रमिदं ज्ञेयं सुपुण्यदम् ॥ १५ ॥

mayā proktaṃ tavāgre hi mahāmaṃgalakārakam
stotrāṇāmuttamaṃ stotramidaṃ jñeyaṃ supuṇyadam

Meaning open with adhikāra · अर्थ अधिकार से

पठनीयं सदा भक्त्या रामचन्द्रस्य हर्षदम् ॥
पठित्वा भरतस्येदं कवचं रघुनंदनः ॥ १६ ॥

paṭhanīyaṃ sadā bhaktyā rāmacandrasya harṣadam
paṭhitvā bharatasyedaṃ kavacaṃ raghunaṃdanaḥ

Meaning open with adhikāra · अर्थ अधिकार से

यथा याति परं तोषं तथा स्वकवचेन न ॥
तस्मादेतत्सदा जप्यं कवचानामनुत्तमम् ॥ १७ ॥

yathā yāti paraṃ toṣaṃ tathā svakavacena na
tasmādetatsadā japyaṃ kavacānāmanuttamam

अस्यात्र पठनान्मर्त्यः सर्वान्कामानवाप्नुयात् ॥
विद्याकामो लभेद्विद्यां पुत्रकामो लभेत्सुतम् ॥ १८ ॥

asyātra paṭhanānmartyaḥ sarvānkāmānavāpnuyāt
vidyākāmo labhedvidyāṃ putrakāmo labhetsutam

पत्नीकामो लभेत् पत्नीं धनार्थी धनमाप्नुयात् ॥
यद्यन्मनोभिलषितं तत्तत्कवचपाठतः ॥ १९ ॥

patnīkāmo labhet patnīṃ dhanārthī dhanamāpnuyāt
yadyanmanobhilaṣitaṃ tattatkavacapāṭhataḥ

लभ्यते मानवैरत्र सत्यं सत्यं वदाम्यहम् ॥
तस्मात्सदा जपनीयं रामोपासकमानवैः ॥ २० ॥

labhyate mānavairatra satyaṃ satyaṃ vadāmyaham
tasmātsadā japanīyaṃ rāmopāsakamānavaiḥ