Brahmavaivarta Purāṇa, Gaṇapati Khaṇḍa

श्रीभद्रकालीकवचम्

Bhadrakali Kavacham (Brahmavaivarta Purana) — The armour of Bhadrakālī, told by Nārāyaṇa to Nārada

A kavaca is a hymn of protection: the reciter names a part of the body or a direction and asks the goddess to guard it. This one is to Bhadrakali, a fierce form of Kali. Nārāyaṇa tells Nārada how Durvāsas gave the armour and her ten-syllable mantra to a king, and then gives the armour itself: mantras of the goddess set over the head, eyes, nose, teeth, throat and the rest of the body, then her forms over the eight directions. He ends with those who rose by it, and says the mantra alone does not succeed without it.

Verse 1

नारद उवाच — नारद ने कहा Nārada said

कवचं श्रोतुमिच्छामि तां च विद्यां दशाक्षरीम् ।
नाथ त्वत्तो हि सर्वज्ञ भद्रकाल्याश्च साम्प्रतम् ॥१॥

kavacaṃ śrotumicchāmi tāṃ ca vidyāṃ daśākṣarīm
nātha tvatto hi sarvajña bhadrakālyāśca sāmpratam

Meaning open with adhikāra · अर्थ अधिकार से

Verse 2

नारायण उवाच — नारायण ने कहा Nārāyaṇa said

शृणु नारद वक्ष्यामि महाविद्यां दशाक्षरीम् ।
गोपनीयं च कवचं त्रिषु लोकेषु दुर्लभम् ॥२॥

śṛṇu nārada vakṣyāmi mahāvidyāṃ daśākṣarīm
gopanīyaṃ ca kavacaṃ triṣu lokeṣu durlabham

Meaning open with adhikāra · अर्थ अधिकार से

Verse 3

ॐ ह्रीं श्रीं क्लीं कालिकायै स्वाहेति च दशाक्षरीम् ।
दुर्वासा हि ददौ राज्ञे पुष्करे सूर्यपर्वणि ॥३॥

oṃ hrīṃ śrīṃ klīṃ kālikāyai svāheti ca daśākṣarīm
durvāsā hi dadau rājñe puṣkare sūryaparvaṇi

Meaning open with adhikāra · अर्थ अधिकार से

Verse 4

दशलक्षजपेनैव मन्त्रसिद्धिः कृता पुरा ।
पञ्चलक्षजपेनैव पठन्कवचमुत्तमम् ॥४॥

daśalakṣajapenaiva mantrasiddhiḥ kṛtā purā
pañcalakṣajapenaiva paṭhankavacamuttamam

Meaning open with adhikāra · अर्थ अधिकार से

Verse 5

बभूव सिद्धकवचोऽप्ययोध्यामाजगाम सः ।
कृत्स्नां हि पृथिवीं जिग्ये कवचस्य प्रसादतः ॥५॥

babhūva siddhakavaco'pyayodhyāmājagāma saḥ
kṛtsnāṃ hi pṛthivīṃ jigye kavacasya prasādataḥ

Meaning open with adhikāra · अर्थ अधिकार से

Verse 6

नारद उवाच — नारद ने कहा Nārada said

श्रुता दशाक्षरी विद्या त्रिषु लोकेषु दुर्लभा ।
अधुना श्रोतुमिच्छामि कवचं ब्रूहि मे प्रभो ॥६॥

śrutā daśākṣarī vidyā triṣu lokeṣu durlabhā
adhunā śrotumicchāmi kavacaṃ brūhi me prabho

Meaning open with adhikāra · अर्थ अधिकार से

Verse 7

नारायण उवाच — नारायण ने कहा Nārāyaṇa said

शृणु वक्ष्यामि विप्रेन्द्र कवचं परमाद्भुतम् ।
नारायणेन यद्दत्तं कृपया शूलिने पुरा ॥७॥

śṛṇu vakṣyāmi viprendra kavacaṃ paramādbhutam
nārāyaṇena yaddattaṃ kṛpayā śūline purā

Meaning open with adhikāra · अर्थ अधिकार से

Verse 8

त्रिपुरस्य वधे घोरे शिवस्य विजयाय च ।
तदेव शूलिना दत्तं पुरा दुर्वाससे मुने ॥८॥

tripurasya vadhe ghore śivasya vijayāya ca
tadeva śūlinā dattaṃ purā durvāsase mune

Meaning open with adhikāra · अर्थ अधिकार से

Verse 9

दुर्वाससा च यद्दत्तं सुचन्द्राय महात्मने ।
अतिगुह्यतरं तत्त्वं सर्वमन्त्रौघविग्रहम् ॥९॥

durvāsasā ca yaddattaṃ sucandrāya mahātmane
atiguhyataraṃ tattvaṃ sarvamantraughavigraham

Meaning open with adhikāra · अर्थ अधिकार से

कवचम्The armour

Verse 10

ॐ ह्रीं श्रीं क्लीं कालिकायै स्वाहा मे पातु मस्तकम् ।
क्लीं कपालं सदा पातु ह्रीं ह्रीं ह्रीमिति लोचने ॥१०॥

oṃ hrīṃ śrīṃ klīṃ kālikāyai svāhā me pātu mastakam
klīṃ kapālaṃ sadā pātu hrīṃ hrīṃ hrīmiti locane

Meaning open with adhikāra · अर्थ अधिकार से

Verse 11

ॐ ह्रीं त्रिलोचने स्वाहा नासिकां मे सदाऽवतु ।
क्लीं कालिके रक्ष रक्ष स्वाहा दन्तान्सदाऽवतु ॥११॥

oṃ hrīṃ trilocane svāhā nāsikāṃ me sadā'vatu
klīṃ kālike rakṣa rakṣa svāhā dantānsadā'vatu

Meaning open with adhikāra · अर्थ अधिकार से

Verse 12

क्लीं भद्रकालिके स्वाहा पातु मेऽधरयुग्मकम् ।
ॐ ह्रीं ह्रीं क्लीं कालिकायै स्वाहा कण्ठं सदाऽवतु ॥१२॥

klīṃ bhadrakālike svāhā pātu me'dharayugmakam
oṃ hrīṃ hrīṃ klīṃ kālikāyai svāhā kaṇṭhaṃ sadā'vatu

Meaning open with adhikāra · अर्थ अधिकार से

Verse 13

ॐ ह्रीं कालिकायै स्वाहा कर्णयुग्मं सदाऽवतु ।
ॐ क्रीं क्रीं क्लीं काल्यै स्वाहा स्कन्धं पातु सदा मम ॥१३॥

oṃ hrīṃ kālikāyai svāhā karṇayugmaṃ sadā'vatu
oṃ krīṃ krīṃ klīṃ kālyai svāhā skandhaṃ pātu sadā mama

Meaning open with adhikāra · अर्थ अधिकार से

Verse 14

ॐ क्रीं भद्रकाल्यै स्वाहा मम वक्षः सदाऽवतु ।
ॐ क्लीं कालिकायै स्वाहा मम नाभिं सदाऽवतु ॥१४॥

oṃ krīṃ bhadrakālyai svāhā mama vakṣaḥ sadā'vatu
oṃ klīṃ kālikāyai svāhā mama nābhiṃ sadā'vatu

Meaning open with adhikāra · अर्थ अधिकार से

Verse 15

ॐ ह्रीं कालिकायै स्वाहा मम पृष्ठं सदाऽवतु ।
रक्तबीजविनाशिन्यै स्वाहा हस्तौ सदाऽवतु ॥१५॥

oṃ hrīṃ kālikāyai svāhā mama pṛṣṭhaṃ sadā'vatu
raktabījavināśinyai svāhā hastau sadā'vatu

Meaning open with adhikāra · अर्थ अधिकार से

Verse 16

ॐ ह्रीं क्लीं मुण्डमालिन्यै स्वाहा पादौ सदाऽवतु ।
ॐ ह्रीं चामुण्डायै स्वाहा सर्वाङ्गं मे सदाऽवतु ॥१६॥

oṃ hrīṃ klīṃ muṇḍamālinyai svāhā pādau sadā'vatu
oṃ hrīṃ cāmuṇḍāyai svāhā sarvāṅgaṃ me sadā'vatu

Meaning open with adhikāra · अर्थ अधिकार से

Verse 17

प्राच्यां पातु महाकाली चाग्नेय्यां रक्तदन्तिका ।
दक्षिणे पातु चामुण्डा नैर्ऋत्यां पातु कालिका ॥१७॥

prācyāṃ pātu mahākālī cāgneyyāṃ raktadantikā
dakṣiṇe pātu cāmuṇḍā nairṛtyāṃ pātu kālikā

Meaning open with adhikāra · अर्थ अधिकार से

Verse 18

श्यामा च वारुणे पातु वायव्यां पातु चण्डिका ।
उत्तरे विकटास्या चाप्यैशान्यां साट्टहासिनी ॥१८॥

śyāmā ca vāruṇe pātu vāyavyāṃ pātu caṇḍikā
uttare vikaṭāsyā cāpyaiśānyāṃ sāṭṭahāsinī

Meaning open with adhikāra · अर्थ अधिकार से

Verse 19

पातूर्ध्वं लोलजिह्वा सा मायाऽऽद्या पात्वधः सदा ।
जले स्थले चान्तरिक्षे पातु विश्वप्रसूः सदा ॥१९॥

pātūrdhvaṃ lolajihvā sā māyā''dyā pātvadhaḥ sadā
jale sthale cāntarikṣe pātu viśvaprasūḥ sadā

Meaning open with adhikāra · अर्थ अधिकार से

फलश्रुतिःThe fruit of reciting it

Verse 20

इति ते कथितं वत्स सर्वमन्त्रौघविग्रहम् ।
सर्वेषां कवचानां च सारभूतं परात्परम् ॥२०॥

iti te kathitaṃ vatsa sarvamantraughavigraham
sarveṣāṃ kavacānāṃ ca sārabhūtaṃ parātparam

Meaning open with adhikāra · अर्थ अधिकार से

Verse 21

सप्तद्वीपेश्वरो राजा सुचन्द्रोऽस्य प्रसादतः ।
कवचस्य प्रसादेन मान्धाता पृथिवीपतिः ॥२१॥

saptadvīpeśvaro rājā sucandro'sya prasādataḥ
kavacasya prasādena māndhātā pṛthivīpatiḥ

Meaning open with adhikāra · अर्थ अधिकार से

Verse 22

प्रचेता लोमशश्चैव यतः सिद्धो बभूव ह ।
यतो हि योगिनां श्रेष्ठः सौभरिः पिप्पलायनः ॥२२॥

pracetā lomaśaścaiva yataḥ siddho babhūva ha
yato hi yogināṃ śreṣṭhaḥ saubhariḥ pippalāyanaḥ

Meaning open with adhikāra · अर्थ अधिकार से

Verse 23

यदि स्यात्सिद्धकवचः सर्वसिद्धीश्वरो भवेत् ।
महादानानि सर्वाणि तपांस्येवं व्रतानि च ।
निश्चितं कवचस्यास्य कलां नार्हन्ति षोडशीम् ॥२३॥

yadi syātsiddhakavacaḥ sarvasiddhīśvaro bhavet
mahādānāni sarvāṇi tapāṃsyevaṃ vratāni ca
niścitaṃ kavacasyāsya kalāṃ nārhanti ṣoḍaśīm

Meaning open with adhikāra · अर्थ अधिकार से

Verse 24

इदं कवचमज्ञात्वा भजेत्कालीं जगत्प्रसूम् ।
शतलक्षं प्रजप्तोऽपि न मन्त्रः सिद्धिदायकः ॥२४॥

idaṃ kavacamajñātvā bhajetkālīṃ jagatprasūm
śatalakṣaṃ prajapto'pi na mantraḥ siddhidāyakaḥ

Meaning open with adhikāra · अर्थ अधिकार से

॥ इति श्रीब्रह्मवैवर्तमहापुराणे गणपतिखण्डे नारदनारायणसंवादे भद्रकालीकवचनिरूपणं नाम सप्तत्रिंशोऽध्यायः ॥३७॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kali काली The fierce Goddess; for home worship the gentle Dakshina Kali form, granting boons and fearlessness, is recommended over her destructive postures.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Bhadrakali भद्रकाली A fierce form of Goddess Kali without the boon-granting (Varada) hand gesture — tantric in nature and not intended for ordinary householder worship.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras