Rudrayāmala · Bālā Tripurasundarī

बालात्रैलोक्यविजयकवचम्

Bala Trailokyavijaya Kavacham (Rudrayamala) — Bālā's armour of the seed-syllables and the letters, "victory over the three worlds"

Bhairava tells the Goddess that this armour of Bālā is the best he has, and that it is hidden even from the gods. The seed-syllables aiṃ, klīṃ and sauḥ are joined to the vowels and the consonants, one group for each part of the body. Then Tripurasundari is asked to guard the eight quarters and the hours of the day and night. The close says what wearing it gives.

Verse 1

श्रीभैरव उवाच — भैरव बोले Bhairava said

अधुना ते प्रवक्ष्यामि कवचं मन्त्रविग्रहम् ।
त्रैलोक्यविजयं नाम रहस्यं देवदुर्लभम् ॥ १ ॥

adhunā te pravakṣyāmi kavacaṃ mantravigraham
trailokyavijayaṃ nāma rahasyaṃ devadurlabham

Meaning open with adhikāra · अर्थ अधिकार से

Verse 2

श्रीदेव्युवाच — देवी बोलीं The Goddess said

या देवी त्र्यक्षरी बाला चित्कला श्रीसरस्वती ।
महाविद्येश्वरी नित्या महात्रिपुरसुन्दरी ॥ २ ॥

yā devī tryakṣarī bālā citkalā śrīsarasvatī
mahāvidyeśvarī nityā mahātripurasundarī

Meaning open with adhikāra · अर्थ अधिकार से

Verse 3

तस्याः कवचमीशान मन्त्रगर्भं परात्मकम् ।
त्रैलोक्यविजयं नाम श्रोतुमिच्छामि तत्त्वतः ॥ ३ ॥

tasyāḥ kavacamīśāna mantragarbhaṃ parātmakam
trailokyavijayaṃ nāma śrotumicchāmi tattvataḥ

Meaning open with adhikāra · अर्थ अधिकार से

Verse 4

श्रीभैरव उवाच — भैरव बोले Bhairava said

देवदेवि महादेवि बालाकवचमुत्तमम् ।
मन्त्रगर्भं परं तत्त्वं लक्ष्मीसंवर्धनं परम् ॥ ४ ॥

devadevi mahādevi bālākavacamuttamam
mantragarbhaṃ paraṃ tattvaṃ lakṣmīsaṃvardhanaṃ param

Meaning open with adhikāra · अर्थ अधिकार से

Verse 5

सर्वस्वं मे रहस्यं तु गुह्यं त्रिदशगोपितम् ।
प्रवक्ष्यामि तव स्नेहान्नाख्येयं यस्य कस्यचित् ॥ ५ ॥

sarvasvaṃ me rahasyaṃ tu guhyaṃ tridaśagopitam
pravakṣyāmi tava snehānnākhyeyaṃ yasya kasyacit

Meaning open with adhikāra · अर्थ अधिकार से

Verse 6

यद्धृत्वा कवचं देव्या मातृकाक्षरमण्डितम् ।
नारायणोऽपि दैत्येन्द्रान् जघान रणमण्डले ॥ ६ ॥

yaddhṛtvā kavacaṃ devyā mātṛkākṣaramaṇḍitam
nārāyaṇo'pi daityendrān jaghāna raṇamaṇḍale

Meaning open with adhikāra · अर्थ अधिकार से

Verse 7

त्र्यम्बकः कामदेवं च बलं शक्रो जघान हि ।
कुमारस्तारकं दैत्यमन्धकं चन्द्रशेखरः ॥ ७ ॥

tryambakaḥ kāmadevaṃ ca balaṃ śakro jaghāna hi
kumārastārakaṃ daityamandhakaṃ candraśekharaḥ

Meaning open with adhikāra · अर्थ अधिकार से

Verse 8

अवधीद्रावणं रामो वातापिं कुम्भसम्भवः ।
कवचस्यास्य देवेशि धारणात्पठनादपि ॥ ८ ॥

avadhīdrāvaṇaṃ rāmo vātāpiṃ kumbhasambhavaḥ
kavacasyāsya deveśi dhāraṇātpaṭhanādapi

Meaning open with adhikāra · अर्थ अधिकार से

Verse 9

स्रष्टा प्रजापतिर्ब्रह्मा विष्णुस्त्रैलोक्यपालकः ।
शिवोऽणिमादिसिद्धीशो मघवान् देवनायकः ॥ ९ ॥

sraṣṭā prajāpatirbrahmā viṣṇustrailokyapālakaḥ
śivo'ṇimādisiddhīśo maghavān devanāyakaḥ

Meaning open with adhikāra · अर्थ अधिकार से

Verse 10

सूर्यस्तेजोनिधिर्देवि चन्द्रस्ताराधिपः स्थितः ।
वह्निर्महोर्मिनिलयो वरुणोऽपि दिशां पतिः ॥ १० ॥

sūryastejonidhirdevi candrastārādhipaḥ sthitaḥ
vahnirmahorminilayo varuṇo'pi diśāṃ patiḥ

Meaning open with adhikāra · अर्थ अधिकार से

Verse 11

समीरो बलवांल्लोके यमो धर्मनिधिः स्मृतः ।
कुबेरो निधिनाथोऽस्ति नैरृतिः सर्वराक्षसाम् ॥ ११ ॥

samīro balavāṃlloke yamo dharmanidhiḥ smṛtaḥ
kubero nidhinātho'sti nairṛtiḥ sarvarākṣasām

Meaning open with adhikāra · अर्थ अधिकार से

Verse 12

ईश्वरः शङ्करो रुद्रो देवि रत्नाकरोऽम्बुधिः ।
अस्य स्मरणमात्रेण कुले तस्य कुलेश्वरि ॥ १२ ॥

īśvaraḥ śaṅkaro rudro devi ratnākaro'mbudhiḥ
asya smaraṇamātreṇa kule tasya kuleśvari

Meaning open with adhikāra · अर्थ अधिकार से

Verse 13

आयुः कीर्तिः प्रभा लक्ष्मीर्वृद्धिर्भवति सन्ततम् ।
कवचं सुभगं देवि बालायाः कौलिकेश्वरि ॥ १३ ॥

āyuḥ kīrtiḥ prabhā lakṣmīrvṛddhirbhavati santatam
kavacaṃ subhagaṃ devi bālāyāḥ kaulikeśvari

Meaning open with adhikāra · अर्थ अधिकार से

Verse 14

ऋषिः स्याद्दक्षिणामूर्तिः पङ्क्तिश्छन्द उदाहृतः ।
बाला सरस्वती देवि देवता त्र्यक्षरी स्मृता ॥ १४ ॥

ṛṣiḥ syāddakṣiṇāmūrtiḥ paṅktiśchanda udāhṛtaḥ
bālā sarasvatī devi devatā tryakṣarī smṛtā

Meaning open with adhikāra · अर्थ अधिकार से

Verse 15

बीजं तु वाग्भवं प्रोक्तं शक्तिः शक्तिरुदाहृता ।
कीलकं कामराजं तु फडाशाबन्धनं तथा ।
भोगापवर्गसिद्ध्यर्थं विनियोगः प्रकीर्तितः ॥ १५ ॥

bījaṃ tu vāgbhavaṃ proktaṃ śaktiḥ śaktirudāhṛtā
kīlakaṃ kāmarājaṃ tu phaḍāśābandhanaṃ tathā
bhogāpavargasiddhyarthaṃ viniyogaḥ prakīrtitaḥ

Meaning open with adhikāra · अर्थ अधिकार से

ध्यानम्Dhyāna

Verse dh1

अकुलकुलमयन्ती चक्रमध्ये स्फुरन्ती
मधुरमधु पिबन्ती कण्टकान् भक्षयन्ती ।
दुरितमपहरन्ती साधकान् पोषयन्ती
जयतु जयतु बाला सुन्दरी क्रीडयन्ती ॥

akulakulamayantī cakramadhye sphurantī
madhuramadhu pibantī kaṇṭakān bhakṣayantī
duritamapaharantī sādhakān poṣayantī
jayatu jayatu bālā sundarī krīḍayantī

Meaning open with adhikāra · अर्थ अधिकार से

कवचम्The kavaca

Verse k1

ऐं बीजं मे शिरः पातु क्लीं बीजं भ्रुकुटीं मम ।
सौः फालं पातु मे बाला ऐं क्लीं सौः नयने मम ॥ १ ॥

aiṃ bījaṃ me śiraḥ pātu klīṃ bījaṃ bhrukuṭīṃ mama
sauḥ phālaṃ pātu me bālā aiṃ klīṃ sauḥ nayane mama

Meaning open with adhikāra · अर्थ अधिकार से

Verse k2

अं आं इं ईं श्रुती पातु बाला कामेश्वरी मम ।
उं ऊं ऋं ॠं सदा पातु मम नासापुटद्वयम् ॥ २ ॥

aṃ āṃ iṃ īṃ śrutī pātu bālā kāmeśvarī mama
uṃ ūṃ ṛṃ ṝṃ sadā pātu mama nāsāpuṭadvayam

Meaning open with adhikāra · अर्थ अधिकार से

Verse k3

ऌं ॡं एं ऐं पातु गण्डौ ऐं क्लीं सौः त्रिपुराम्बिका ।
ओं औं अं अः मुखं पातु क्लीं ऐं सौः त्रिपुरेश्वरी ॥ ३ ॥

ḷṃ ḹṃ eṃ aiṃ pātu gaṇḍau aiṃ klīṃ sauḥ tripurāmbikā
oṃ auṃ aṃ aḥ mukhaṃ pātu klīṃ aiṃ sauḥ tripureśvarī

Meaning open with adhikāra · अर्थ अधिकार से

Verse k4

कं खं गं घं ङं करौ मे सौः ऐं क्लीं शत्रुमर्दिनी ।
चं छं जं झं ञं पातु मे कुक्षिं ऐं कुलनायिका ॥ ४ ॥

kaṃ khaṃ gaṃ ghaṃ ṅaṃ karau me sauḥ aiṃ klīṃ śatrumardinī
caṃ chaṃ jaṃ jhaṃ ñaṃ pātu me kukṣiṃ aiṃ kulanāyikā

Meaning open with adhikāra · अर्थ अधिकार से

Verse k5

टं ठं डं ढं णं मे पातु वक्षः क्लीं भगमालिनी ।
तं थं दं धं नं मे पातु बाहू सौः जयदायिनी ॥ ५ ॥

ṭaṃ ṭhaṃ ḍaṃ ḍhaṃ ṇaṃ me pātu vakṣaḥ klīṃ bhagamālinī
taṃ thaṃ daṃ dhaṃ naṃ me pātu bāhū sauḥ jayadāyinī

Meaning open with adhikāra · अर्थ अधिकार से

Verse k6

पं फं बं भं मं मे पातु पार्श्वौ परमसुन्दरी ।
यं रं लं वं पातु पृष्ठं ऐं क्लीं सौः विश्वमातृका ॥ ६ ॥

paṃ phaṃ baṃ bhaṃ maṃ me pātu pārśvau paramasundarī
yaṃ raṃ laṃ vaṃ pātu pṛṣṭhaṃ aiṃ klīṃ sauḥ viśvamātṛkā

Meaning open with adhikāra · अर्थ अधिकार से

Verse k7

शं षं सं हं पातु नाभिं भगवत्यमृतेश्वरी ।
लं क्षं कटिं सदा पातु क्लीं क्लीं क्लीं मातृकेश्वरी ॥ ७ ॥

śaṃ ṣaṃ saṃ haṃ pātu nābhiṃ bhagavatyamṛteśvarī
laṃ kṣaṃ kaṭiṃ sadā pātu klīṃ klīṃ klīṃ mātṛkeśvarī

Meaning open with adhikāra · अर्थ अधिकार से

Verse k8

ऐं ऐं ऐं पातु मे लिङ्गं भगं मे भगगर्भिणी ।
सौः सौः सौः पातु मे ऊरू वीरमाताऽष्टसिद्धिदा ॥ ८ ॥

aiṃ aiṃ aiṃ pātu me liṅgaṃ bhagaṃ me bhagagarbhiṇī
sauḥ sauḥ sauḥ pātu me ūrū vīramātā'ṣṭasiddhidā

Meaning open with adhikāra · अर्थ अधिकार से

Verse k9

सौः ऐं क्लीं जानू मे पातु महामुद्राभिमुद्रिता ।
सौः क्लीं ऐं पातु मे जङ्घे बाला त्रिभुवनेश्वरी ॥ ९ ॥

sauḥ aiṃ klīṃ jānū me pātu mahāmudrābhimudritā
sauḥ klīṃ aiṃ pātu me jaṅghe bālā tribhuvaneśvarī

Meaning open with adhikāra · अर्थ अधिकार से

Verse k10

क्लीं ऐं सौः पातु गुल्फौ मे त्रैलोक्यविजयप्रदा ।
ऐं क्लीं सौः पातु मे पादौ बाला त्र्यक्षररूपिणी ॥ १० ॥

klīṃ aiṃ sauḥ pātu gulphau me trailokyavijayapradā
aiṃ klīṃ sauḥ pātu me pādau bālā tryakṣararūpiṇī

Meaning open with adhikāra · अर्थ अधिकार से

Verse k11

शीर्षादिपादपर्यन्तं सर्वावयवसम्युतम् ।
पायात्पादादि शीर्षान्तं ऐं क्लीं सौः सकलं वपुः ॥ ११ ॥

śīrṣādipādaparyantaṃ sarvāvayavasamyutam
pāyātpādādi śīrṣāntaṃ aiṃ klīṃ sauḥ sakalaṃ vapuḥ

Meaning open with adhikāra · अर्थ अधिकार से

Verse k12

ब्राह्मी मां पूर्वतः पातु वह्नौ वाराहिकाऽवतु ।
माहेश्वरी दक्षिणे च इन्द्राणी पातु नैरृतौ ॥ १२ ॥

brāhmī māṃ pūrvataḥ pātu vahnau vārāhikā'vatu
māheśvarī dakṣiṇe ca indrāṇī pātu nairṛtau

Meaning open with adhikāra · अर्थ अधिकार से

Verse k13

पश्चिमे पातु कौमारी वायव्ये चण्डिकाऽवतु ।
वैष्णवी पातु कौबेर्यां ईशान्यां नारसिंहका ॥ १३ ॥

paścime pātu kaumārī vāyavye caṇḍikā'vatu
vaiṣṇavī pātu kauberyāṃ īśānyāṃ nārasiṃhakā

Meaning open with adhikāra · अर्थ अधिकार से

Verse k14

प्रभाते भैरवी पातु मध्याह्ने योगिनी तथा ।
सायाह्ने वटुका पातु अर्धरात्रे शिवोऽवतु ॥ १४ ॥

prabhāte bhairavī pātu madhyāhne yoginī tathā
sāyāhne vaṭukā pātu ardharātre śivo'vatu

Meaning open with adhikāra · अर्थ अधिकार से

Verse k15

निशान्ते सर्वगा पातु सर्वदा चक्रनायिका ।
रणे नागकुले द्यूते विवादे शत्रुसङ्कटे ॥ १५ ॥

niśānte sarvagā pātu sarvadā cakranāyikā
raṇe nāgakule dyūte vivāde śatrusaṅkaṭe

Meaning open with adhikāra · अर्थ अधिकार से

Verse k16

सर्वत्र सर्वदा पातु ऐं क्लीं सौः बीजभूषिता ॥ १६ ॥

sarvatra sarvadā pātu aiṃ klīṃ sauḥ bījabhūṣitā

Meaning open with adhikāra · अर्थ अधिकार से

फलश्रुतिःFruit of reciting

Verse ph17

इतीदं कवचं दिव्यं बालायाः सारमुत्तमम् ।
मन्त्रविद्यामयं तत्त्वं मातृकाक्षरभूषितम् ॥ १७ ॥

itīdaṃ kavacaṃ divyaṃ bālāyāḥ sāramuttamam
mantravidyāmayaṃ tattvaṃ mātṛkākṣarabhūṣitam

Meaning open with adhikāra · अर्थ अधिकार से

Verse ph18

ब्रह्मविद्यामयं ब्रह्मसाधनं मन्त्रसाधनम् ।
यः पठेत्सततं भक्त्या धारयेद्वा महेश्वरि ॥ १८ ॥

brahmavidyāmayaṃ brahmasādhanaṃ mantrasādhanam
yaḥ paṭhetsatataṃ bhaktyā dhārayedvā maheśvari

Meaning open with adhikāra · अर्थ अधिकार से

Verse ph19

तस्य सर्वार्थसिद्धिः स्यात् साधकस्य न संशयः ।
रवौ भूर्जे लिखित्वेदं अर्चयेद्धारयेत्ततः ॥ १९ ॥

tasya sarvārthasiddhiḥ syāt sādhakasya na saṃśayaḥ
ravau bhūrje likhitvedaṃ arcayeddhārayettataḥ

Meaning open with adhikāra · अर्थ अधिकार से

Verse ph20

वन्ध्यापि काकवन्ध्यापि मृतवत्सापि पार्वति ।
लभेत्पुत्रान् महावीरान् मार्कण्डेयसमायुषः ॥ २० ॥

vandhyāpi kākavandhyāpi mṛtavatsāpi pārvati
labhetputrān mahāvīrān mārkaṇḍeyasamāyuṣaḥ

Meaning open with adhikāra · अर्थ अधिकार से

Verse ph21

वित्तं दरिद्रो लभते मतिमानयशःस्त्रियः ।
य एतद्धारयेद्वर्म सङ्ग्रामे स रिपून् जयेत् ॥ २१ ॥

vittaṃ daridro labhate matimānayaśaḥstriyaḥ
ya etaddhārayedvarma saṅgrāme sa ripūn jayet

Meaning open with adhikāra · अर्थ अधिकार से

Verse ph22

जित्वा वैरिकुलं घोरं कल्याणं गृहमाविशेत् ।
बाहौ कण्ठे तथा देवि धारयेन्मूर्ध्नि सन्ततम् ॥ २२ ॥

jitvā vairikulaṃ ghoraṃ kalyāṇaṃ gṛhamāviśet
bāhau kaṇṭhe tathā devi dhārayenmūrdhni santatam

Meaning open with adhikāra · अर्थ अधिकार से

Verse ph23

इह लोके धनारोग्यं परमायुर्यशः श्रियम् ।
प्राप्य भक्त्या नरो भोगानन्ते याति परं पदम् ॥ २३ ॥

iha loke dhanārogyaṃ paramāyuryaśaḥ śriyam
prāpya bhaktyā naro bhogānante yāti paraṃ padam

Meaning open with adhikāra · अर्थ अधिकार से

Verse ph24

इदं रहस्यं परमं सर्वतस्तूत्तमोत्तमम् ।
गुह्याद्गुह्यमिमं नित्यं गोपनीयं स्वयोनिवत् ॥ २४ ॥

idaṃ rahasyaṃ paramaṃ sarvatastūttamottamam
guhyādguhyamimaṃ nityaṃ gopanīyaṃ svayonivat

Meaning open with adhikāra · अर्थ अधिकार से

इति श्रीबालात्रैलोक्यविजयकवचं सम्पूर्णम् ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Bhairava भैरव A fierce form of Shiva, worshipped at home in gentler forms like Batuk or Bal Bhairava, protecting the household alongside the family deity.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Rudrayamala Tantra रुद्रयामल तंत्र A major Tantric scripture cited as the source of several Bhairava and Kali rites, including the Batuk Bhairav Ashtottara Shatanama and the Shree Kalika Kavach.
Shri Vidya श्री विद्या A Tantric tradition centered on the worship of the Goddess as Tripura Sundari via the Shri Yantra — its rituals like Shri Yantra Chakra Pujan are reserved for its own initiates.
Tripurasundari त्रिपुरसुंदरी The Goddess of Sri Vidya, before whom Lord Shiva is said to dance the Tandava in joyous ecstasy — distinct from the Mahavidya Tripura Bhairavi.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras