Rudrayāmala

श्रीबगलामुखीकवचम्

Bagalamukhi Vairinashaka Kavacham (Rudrayamala) — The armour of Bagalāmukhī that destroys enemies, asked by Bhairavī and told by Bhairava

A short hymn of protection (Kavach) of Baglamukhi. After Bhairavī asks for an armour that destroys enemies, Bhairava names the goddess in her many forms over each part of the body, over the reciter's children, wife, brother and father, and ends with what the recitation brings.

अथ बगलामुखीकवचम्The kavaca of Bagalāmukhī

Verse 1

श्रीभैरवी उवाच — भैरवी ने कहा Bhairavī said

श्रुत्वा च बगलापूजां स्तोत्रं चापि महेश्वर ।
इदानीं श्रोतुमिच्छामि कवचं वद मे प्रभो ॥१॥

śrutvā ca bagalāpūjāṃ stotraṃ cāpi maheśvara
idānīṃ śrotumicchāmi kavacaṃ vada me prabho

Meaning open with adhikāra · अर्थ अधिकार से

Verse 2

वैरिनाशकरं दिव्यं सर्वाशुभविनाशनम् ।
शुभदं स्मरणात्पुण्यं त्राहि मां दुःखनाशनम् ॥२॥

vairināśakaraṃ divyaṃ sarvāśubhavināśanam
śubhadaṃ smaraṇātpuṇyaṃ trāhi māṃ duḥkhanāśanam

Meaning open with adhikāra · अर्थ अधिकार से

Verse 3

श्रीभैरव उवाच — भैरव ने कहा Bhairava said

कवचं शृणु वक्ष्यामि भैरवि प्राणवल्लभे ।
पठित्वा धारयित्वा तु त्रैलोक्ये विजयी भवेत् ॥३॥

kavacaṃ śṛṇu vakṣyāmi bhairavi prāṇavallabhe
paṭhitvā dhārayitvā tu trailokye vijayī bhavet

Meaning open with adhikāra · अर्थ अधिकार से

Verse 4

शिरो मे बगला पातु हृदयैकाक्षरी परा ।
ॐ ह्रीं ॐ मे ललाटे च बगला वैरिनाशिनी ॥४॥

śiro me bagalā pātu hṛdayaikākṣarī parā
oṃ hrīṃ oṃ me lalāṭe ca bagalā vairināśinī

Meaning open with adhikāra · अर्थ अधिकार से

Verse 5

गदाहस्ता सदा पातु मुखं मे मोक्षदायिनी ।
वैरिजिह्वाधरा पातु कण्ठं मे बगलामुखी ॥५॥

gadāhastā sadā pātu mukhaṃ me mokṣadāyinī
vairijihvādharā pātu kaṇṭhaṃ me bagalāmukhī

Meaning open with adhikāra · अर्थ अधिकार से

Verse 6

उदरं नाभिदेशं च पातु नित्यं परात्परा ।
परात्परतरा पातु मम गुह्यं सुरेश्वरी ॥६॥

udaraṃ nābhideśaṃ ca pātu nityaṃ parātparā
parātparatarā pātu mama guhyaṃ sureśvarī

Meaning open with adhikāra · अर्थ अधिकार से

Verse 7

हस्तौ चैव तथा पातु पार्वतीपरिपातु मे ।
विवादे विषमे घोरे सङ्ग्रामे रिपुसङ्कटे ॥७॥

hastau caiva tathā pātu pārvatīparipātu me
vivāde viṣame ghore saṅgrāme ripusaṅkaṭe

Meaning open with adhikāra · अर्थ अधिकार से

Verse 8

पीताम्बरधरा पातु सर्वाङ्गं शिवनर्तकी ।
श्रीविद्यासमयं पातु मातङ्गी पूरिता शिवा ॥८॥

pītāmbaradharā pātu sarvāṅgaṃ śivanartakī
śrīvidyāsamayaṃ pātu mātaṅgī pūritā śivā

Meaning open with adhikāra · अर्थ अधिकार से

पूरिता uncertain

Verse 9

पातु पुत्रं सुतां चैव कलत्रं कालिका मम ।
पातु नित्यं भ्रातरं मे पितरं शूलिनी सदा ॥९॥

pātu putraṃ sutāṃ caiva kalatraṃ kālikā mama
pātu nityaṃ bhrātaraṃ me pitaraṃ śūlinī sadā

Meaning open with adhikāra · अर्थ अधिकार से

Verse 10

इदं हि बगलादेव्याः कवचं मन्मुखोदितम् ।
नैव देयममुख्याय सर्वसिद्धिप्रदायकम् ॥१०॥

idaṃ hi bagalādevyāḥ kavacaṃ manmukhoditam
naiva deyamamukhyāya sarvasiddhipradāyakam

Meaning open with adhikāra · अर्थ अधिकार से

इदं हि uncertain

Verse 11

पठनाद्धारणादस्य पूजनाद्वाञ्छितं लभेत् ।
इदं कवचमज्ञात्वा यो जपेद्बगलामुखीम् ॥११॥

paṭhanāddhāraṇādasya pūjanādvāñchitaṃ labhet
idaṃ kavacamajñātvā yo japedbagalāmukhīm

Meaning open with adhikāra · अर्थ अधिकार से

Verse 12

पिबन्ति शोणितं तस्य योगिन्यः प्राप्य सादराः ।
वश्ये चाकर्षणे चैव मारणे मोहने तथा ॥१२॥

pibanti śoṇitaṃ tasya yoginyaḥ prāpya sādarāḥ
vaśye cākarṣaṇe caiva māraṇe mohane tathā

Meaning open with adhikāra · अर्थ अधिकार से

Verse 13

महाभये विपत्तौ च पठेद्वा पाठयेत्तु यः ।
तस्य सर्वार्थसिद्धिः स्याद्भक्तियुक्तस्य पार्वति ॥१३॥

mahābhaye vipattau ca paṭhedvā pāṭhayettu yaḥ
tasya sarvārthasiddhiḥ syādbhaktiyuktasya pārvati

Meaning open with adhikāra · अर्थ अधिकार से

इति श्रीरुद्रयामले बगलामुखीकवचं सम्पूर्णम् ॥

Terms on this page

Bija Mantra बीज मंत्र A "seed" mantra whose power depends on exact pronunciation — even a small mispronunciation can misdirect the energy it draws in.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Baglamukhi बगलामुखी A fierce Mahavidya invoked for stambhana (paralyzing/silencing an opponent) — her rites are counted among the most potent and binding in Tantra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras