श्रीवगलामुखीकवचम्

ॐ कैलासाचलमध्यगं पुरहरं शांतं त्रिनेत्रं शिवं वामस्थां कवचं प्रणम्य गिरिजा भूतिप्रदं पृच्छति ।
देवी श्रीवगलामुखी रिपुकुलारण्याग्निरूपा च या तस्याः शापविमुक्तमंत्रसहितं प्रीत्याऽधुना ब्रूहि माम् ॥१॥

oṃ kailāsācalamadhyagaṃ puraharaṃ śāṃtaṃ trinetraṃ śivaṃ vāmasthāṃ kavacaṃ praṇamya girijā bhūtipradaṃ pṛcchati
devī śrīvagalāmukhī ripukulāraṇyāgnirūpā ca yā tasyāḥ śāpavimuktamaṃtrasahitaṃ prītyā'dhunā brūhi mām

श्रीशंकर उवाच — श्रीशंकर ने कहा Shankara said

देवि श्रीभववल्लभे शृणु महामंत्रं विभूतिप्रदं देव्या वर्मयुतं समस्तसुखदं साम्राज्यदं मुक्तिदम् ।
तारं रुद्रवधूविरिंचिमहिले विष्णुप्रिये कामयुक् कांते श्रीवगलानने मम रिपून्नाशाय युग्मं त्विति ॥२॥

devi śrībhavavallabhe śṛṇu mahāmaṃtraṃ vibhūtipradaṃ devyā varmayutaṃ samastasukhadaṃ sāmrājyadaṃ muktidam
tāraṃ rudravadhūviriṃcimahile viṣṇupriye kāmayuk kāṃte śrīvagalānane mama ripūnnāśāya yugmaṃ tviti

ऐश्वर्याणि पदं च देहियुगलं शीघ्रं मनोवांछितं कार्यं साधय युग्ममुक् शिववधूवह्निप्रियांतो मनुः ।
कंसारेस्तनयं च वीजमपरा शक्तिं च वाणीं तथा कीलं श्रीमति भैरवर्षिसहितं छन्दोविराट्संयुतम् ॥३॥

aiśvaryāṇi padaṃ ca dehiyugalaṃ śīghraṃ manovāṃchitaṃ kāryaṃ sādhaya yugmamuk śivavadhūvahnipriyāṃto manuḥ
kaṃsārestanayaṃ ca vījamaparā śaktiṃ ca vāṇīṃ tathā kīlaṃ śrīmati bhairavarṣisahitaṃ chandovirāṭsaṃyutam

स्वेष्टार्थस्य परस्य चापि नितरां कार्यस्य संप्राप्तये नानासाध्यमहागदस्य नियतं नाशाय वीर्याप्तये ।
ध्यात्वा श्रीवगलाननां मनुवरं जप्त्वा सहस्राख्यकं दीर्घैः षट्कयुतैश्च रुद्रमहिलाबीजैर्विन्यस्यांगके ॥४॥

sveṣṭārthasya parasya cāpi nitarāṃ kāryasya saṃprāptaye nānāsādhyamahāgadasya niyataṃ nāśāya vīryāptaye
dhyātvā śrīvagalānanāṃ manuvaraṃ japtvā sahasrākhyakaṃ dīrghaiḥ ṣaṭkayutaiśca rudramahilābījairvinyasyāṃgake

ॐ सौवर्णासनसंस्थितां त्रिनयनां पीतांशुकोल्लासिनीं हेमाभांगरुचिं शशांकमुकुटां स्वच्चंपकस्रग्युताम् ।
हस्तैर्मुद्गरपाशवज्ररशनाः संविभ्रतीं भूषणैर्व्याप्तांगीं वगलामुखीं त्रिजगतां संस्तंभिनीं चिंतये ॥५॥

oṃ sauvarṇāsanasaṃsthitāṃ trinayanāṃ pītāṃśukollāsinīṃ hemābhāṃgaruciṃ śaśāṃkamukuṭāṃ svaccaṃpakasragyutām
hastairmudgarapāśavajraraśanāḥ saṃvibhratīṃ bhūṣaṇairvyāptāṃgīṃ vagalāmukhīṃ trijagatāṃ saṃstaṃbhinīṃ ciṃtaye

Meaning open with adhikāra · अर्थ अधिकार से

शिरो मे पातु ॐ ह्रीं ऐं श्रीं ह्रीं पातु ललाटकम् ।
संवोधनपदं पातु नेत्रे श्रीवगलानने ॥६॥

śiro me pātu oṃ hrīṃ aiṃ śrīṃ hrīṃ pātu lalāṭakam
saṃvodhanapadaṃ pātu netre śrīvagalānane

Meaning open with adhikāra · अर्थ अधिकार से

श्रुतौ मम रिपुं पातु नासिकां नाशयद्वयम् ।
पातु गंडौ सदा मामैश्वर्याण्यंतु मस्तकम् ॥७॥

śrutau mama ripuṃ pātu nāsikāṃ nāśayadvayam
pātu gaṃḍau sadā māmaiśvaryāṇyaṃtu mastakam

Meaning open with adhikāra · अर्थ अधिकार से

देहिद्वंद्वं सदा जिह्वां पातु शीघ्रं वचो मम ।
कंठदेशं मनः पातु वांछितं वाहुमूलकम् ॥८॥

dehidvaṃdvaṃ sadā jihvāṃ pātu śīghraṃ vaco mama
kaṃṭhadeśaṃ manaḥ pātu vāṃchitaṃ vāhumūlakam

Meaning open with adhikāra · अर्थ अधिकार से

कार्यं साधयद्वंद्वं तु करौ पातु सदा मम ।
मायायुक्तां तथा स्वाहा हृदयं पातु सर्वदा ॥९॥

kāryaṃ sādhayadvaṃdvaṃ tu karau pātu sadā mama
māyāyuktāṃ tathā svāhā hṛdayaṃ pātu sarvadā

Meaning open with adhikāra · अर्थ अधिकार से

अष्टाधिकचत्वारिंशद्वर्णाढ्या वगलामुखी ।
रक्षां करोतु सर्वत्र गृहेऽरण्ये सदा मम ॥१०॥

aṣṭādhikacatvāriṃśadvarṇāḍhyā vagalāmukhī
rakṣāṃ karotu sarvatra gṛhe'raṇye sadā mama

Meaning open with adhikāra · अर्थ अधिकार से

ब्रह्माख्याख्यो मनुः पातु सर्वांगं सर्वसंधिषु ।
मंत्रराजः सदा रक्षां करोतु मम सर्वदा ॥११॥

brahmākhyākhyo manuḥ pātu sarvāṃgaṃ sarvasaṃdhiṣu
maṃtrarājaḥ sadā rakṣāṃ karotu mama sarvadā

Meaning open with adhikāra · अर्थ अधिकार से

ॐ ह्रीं पातु नाभिदेशं कटिं मे वगलाऽवतु ।
मुखी वर्णद्वयं पातु लिंगं मे मुष्कयुग्मकम् ॥१२॥

oṃ hrīṃ pātu nābhideśaṃ kaṭiṃ me vagalā'vatu
mukhī varṇadvayaṃ pātu liṃgaṃ me muṣkayugmakam

Meaning open with adhikāra · अर्थ अधिकार से

जानुनी सर्वदुष्टानां पातु मे वर्णपञ्चकम् ।
वाचं मुखं तथा पादौ षडर्णा परमेश्वरी ॥१३॥

jānunī sarvaduṣṭānāṃ pātu me varṇapañcakam
vācaṃ mukhaṃ tathā pādau ṣaḍarṇā parameśvarī

Meaning open with adhikāra · अर्थ अधिकार से

जंघायुग्मे सदा पातु वगला रिपुमोहिनी ।
स्तंभयेति पदं पृष्ठं पातु वर्णत्रयं मम ॥१४॥

jaṃghāyugme sadā pātu vagalā ripumohinī
staṃbhayeti padaṃ pṛṣṭhaṃ pātu varṇatrayaṃ mama

Meaning open with adhikāra · अर्थ अधिकार से

जिह्वां वर्णद्वयं पातु गुल्फौ मे कीलयेति च ।
पादोर्ध्वे सर्वदा पातु बुद्धि पादतले मम ॥१५॥

jihvāṃ varṇadvayaṃ pātu gulphau me kīlayeti ca
pādordhve sarvadā pātu buddhi pādatale mama

Meaning open with adhikāra · अर्थ अधिकार से

विनाशयपदं पातु पादांगुल्योर्नखानि मे ।
ह्रीं वीजं सर्वदा पातु बुद्धीन्द्रियवचांसि मे ॥१६॥

vināśayapadaṃ pātu pādāṃgulyornakhāni me
hrīṃ vījaṃ sarvadā pātu buddhīndriyavacāṃsi me

Meaning open with adhikāra · अर्थ अधिकार से

सर्वांगं प्रणवः पातु स्वाहा रोमाणि मेऽवतु ।
ब्राह्मी पूर्वदले पातु चाग्नेय्यां विष्णुवल्लभा ॥१७॥

sarvāṃgaṃ praṇavaḥ pātu svāhā romāṇi me'vatu
brāhmī pūrvadale pātu cāgneyyāṃ viṣṇuvallabhā

Meaning open with adhikāra · अर्थ अधिकार से

माहेशी दक्षिणे पातु चामुण्डा राक्षसेऽवतु ।
कौमारी पश्चिमे पातु वायव्ये चापराजिता ॥१८॥

māheśī dakṣiṇe pātu cāmuṇḍā rākṣase'vatu
kaumārī paścime pātu vāyavye cāparājitā

Meaning open with adhikāra · अर्थ अधिकार से

वाराही चोत्तरे पातु नारसिंही शिवेऽवतु ।
ऊर्ध्वे पातु महालक्ष्मीः पाताले शारदाऽवतु ॥१९॥

vārāhī cottare pātu nārasiṃhī śive'vatu
ūrdhve pātu mahālakṣmīḥ pātāle śāradā'vatu

Meaning open with adhikāra · अर्थ अधिकार से

इत्यष्टौ शक्तयः पांतु सायुधाश्च सवाहनाः ।
राजद्वारे महादुर्गे पातु मां गणनायकः ॥२०॥

ityaṣṭau śaktayaḥ pāṃtu sāyudhāśca savāhanāḥ
rājadvāre mahādurge pātu māṃ gaṇanāyakaḥ

Meaning open with adhikāra · अर्थ अधिकार से

श्मशाने जलमध्ये च भैरवश्च सदाऽवतु ।
द्विभुजा रक्तवसनाः सर्वाभरणभूषिताः ॥२१॥

śmaśāne jalamadhye ca bhairavaśca sadā'vatu
dvibhujā raktavasanāḥ sarvābharaṇabhūṣitāḥ

Meaning open with adhikāra · अर्थ अधिकार से

योगिन्यः सर्वदा पांतु महारण्ये सदा मम ।
इति ते कथितं देवि कवचं परमाद्भुतम् ॥२२॥

yoginyaḥ sarvadā pāṃtu mahāraṇye sadā mama
iti te kathitaṃ devi kavacaṃ paramādbhutam

Meaning open with adhikāra · अर्थ अधिकार से

श्रीविश्वविजयं नाम कीर्तिश्रीविजयप्रदम् ।
अपुत्रो लभते पुत्रं धीरं शूरं शतायुषम् ॥२३॥

śrīviśvavijayaṃ nāma kīrtiśrīvijayapradam
aputro labhate putraṃ dhīraṃ śūraṃ śatāyuṣam

Meaning open with adhikāra · अर्थ अधिकार से

निर्धनो धनमाप्नोति कवचस्यास्य पाठतः ।
जपित्वा मंत्रराजं तु ध्यात्वा श्रीवगलामुखीम् ॥२४॥

nirdhano dhanamāpnoti kavacasyāsya pāṭhataḥ
japitvā maṃtrarājaṃ tu dhyātvā śrīvagalāmukhīm

Meaning open with adhikāra · अर्थ अधिकार से

पठेदिदं हि कवचं निशायां नियमात्तु यः ।
यं यं कामयते कामं साध्यासाध्यं महीतले ॥२५॥

paṭhedidaṃ hi kavacaṃ niśāyāṃ niyamāttu yaḥ
yaṃ yaṃ kāmayate kāmaṃ sādhyāsādhyaṃ mahītale

Meaning open with adhikāra · अर्थ अधिकार से

तं तं काममवाप्नोति सप्तरात्रेण शांकरि ।
गुरुं ध्यात्वा सुरां पीत्वा रात्रौ शक्तिसमन्वितः ॥२६॥

taṃ taṃ kāmamavāpnoti saptarātreṇa śāṃkari
guruṃ dhyātvā surāṃ pītvā rātrau śaktisamanvitaḥ

Meaning open with adhikāra · अर्थ अधिकार से

कवचं यः पठेद्देवि तस्यासाध्यं न किञ्चन ।
यं ध्यात्वा प्रजपेन्मंत्रं सहस्रं कवचं पठेत् ॥२७॥

kavacaṃ yaḥ paṭheddevi tasyāsādhyaṃ na kiñcana
yaṃ dhyātvā prajapenmaṃtraṃ sahasraṃ kavacaṃ paṭhet

Meaning open with adhikāra · अर्थ अधिकार से

त्रिरात्रेण वशं याति तस्य तन्नात्र संशयः ।
लिखित्वा प्रतिमां शत्रोः सतालेन हारिद्रया ॥२८॥

trirātreṇa vaśaṃ yāti tasya tannātra saṃśayaḥ
likhitvā pratimāṃ śatroḥ satālena hāridrayā

Meaning open with adhikāra · अर्थ अधिकार से

लिखित्वा हृदि तन्नाम तं ध्यात्वा प्रजपेन्मनुम् ।
एकविंशद्दिनं यावत्प्रत्यहं च सहस्रकम् ॥२९॥

likhitvā hṛdi tannāma taṃ dhyātvā prajapenmanum
ekaviṃśaddinaṃ yāvatpratyahaṃ ca sahasrakam

Meaning open with adhikāra · अर्थ अधिकार से

जप्त्वा पठेत्तु कवचं चतुर्विंशतिवारकम् ।
संस्तंभो जायते शत्रोर्नात्र कार्या विचारणा ॥३०॥

japtvā paṭhettu kavacaṃ caturviṃśativārakam
saṃstaṃbho jāyate śatrornātra kāryā vicāraṇā

Meaning open with adhikāra · अर्थ अधिकार से

विवादे विजयस्तस्य संग्रामे जयमाप्नुयात् ।
श्मशाने च भयं नास्ति कवचस्य प्रभावतः ॥३१॥

vivāde vijayastasya saṃgrāme jayamāpnuyāt
śmaśāne ca bhayaṃ nāsti kavacasya prabhāvataḥ

Meaning open with adhikāra · अर्थ अधिकार से

नवनीतं चाभिमंत्र्य स्त्रीणां दद्यान्महेश्वरि ।
वंध्यायां जायते पुत्रो विद्यावलसमन्वितः ॥३२॥

navanītaṃ cābhimaṃtrya strīṇāṃ dadyānmaheśvari
vaṃdhyāyāṃ jāyate putro vidyāvalasamanvitaḥ

Meaning open with adhikāra · अर्थ अधिकार से

श्मशानांगारमादाय भौमे रात्रौ शनावथ ।
पादोदकेन स्पृष्ट्वा च लिखेल्लोहशलाकया ॥३३॥

śmaśānāṃgāramādāya bhaume rātrau śanāvatha
pādodakena spṛṣṭvā ca likhellohaśalākayā

Meaning open with adhikāra · अर्थ अधिकार से

भूमौ शत्रोः स्वरूपं च हृदि नाम समालिखेत् ।
हस्तं तद्धृदये दत्वा कवचं तिथिवारकम् ॥३४॥

bhūmau śatroḥ svarūpaṃ ca hṛdi nāma samālikhet
hastaṃ taddhṛdaye datvā kavacaṃ tithivārakam

Meaning open with adhikāra · अर्थ अधिकार से

ध्यात्वा जपेन्मंत्रराजं नवरात्रं प्रयत्नतः ।
म्रियते ज्वरदाहेन दशमेऽह्नि न संशयः ॥३५॥

dhyātvā japenmaṃtrarājaṃ navarātraṃ prayatnataḥ
mriyate jvaradāhena daśame'hni na saṃśayaḥ

Meaning open with adhikāra · अर्थ अधिकार से

भूर्जपत्रे स्विदं स्तोत्रमष्टगंधेन संलिखेत् ।
धारयेद्दक्षिणे वाहौ नारी वामभुजे तथा ॥३६॥

bhūrjapatre svidaṃ stotramaṣṭagaṃdhena saṃlikhet
dhārayeddakṣiṇe vāhau nārī vāmabhuje tathā

Meaning open with adhikāra · अर्थ अधिकार से

संग्रामे जयमाप्नोति नारी पुत्रवती भवेत् ।
ब्रह्मादीनि शस्त्राणि नैव कृंतति तं जनम् ॥३७॥

saṃgrāme jayamāpnoti nārī putravatī bhavet
brahmādīni śastrāṇi naiva kṛntati taṃ janam

Meaning open with adhikāra · अर्थ अधिकार से

संपूज्य कवचं नित्यं पूजायाः फलमाप्नुयात् ।
वृहस्पतिसमो वापि विभवे धनदोपमः ॥३८॥

saṃpūjya kavacaṃ nityaṃ pūjāyāḥ phalamāpnuyāt
vṛhaspatisamo vāpi vibhave dhanadopamaḥ

Meaning open with adhikāra · अर्थ अधिकार से

कामतुल्यश्च नारीणां शत्रूणां च यमोपमः ।
कवितालहरी तस्य भवेद्गंगाप्रवाहवत् ॥३९॥

kāmatulyaśca nārīṇāṃ śatrūṇāṃ ca yamopamaḥ
kavitālaharī tasya bhavedgaṃgāpravāhavat

Meaning open with adhikāra · अर्थ अधिकार से

गद्यपद्यमयी वाणी भवेद्देवीप्रसादतः ।
एकादशशतं यावत्पुरश्चरणमुच्यते ॥४०॥

gadyapadyamayī vāṇī bhaveddevīprasādataḥ
ekādaśaśataṃ yāvatpuraścaraṇamucyate

Meaning open with adhikāra · अर्थ अधिकार से

पुरश्चर्याविहीनं तु न चेदं फलदायकम् ।
न देयं परशिष्येभ्यो दुष्टेभ्यश्च विशेषतः ॥४१॥

puraścaryāvihīnaṃ tu na cedaṃ phaladāyakam
na deyaṃ paraśiṣyebhyo duṣṭebhyaśca viśeṣataḥ

देयं शिष्याय भक्ताय पंचत्वं चान्यथाऽऽप्नुयात् ।
इदं कवचमज्ञात्वा भजेद्यो वगलामुखीम् ॥४२॥

deyaṃ śiṣyāya bhaktāya paṃcatvaṃ cānyathā''pnuyāt
idaṃ kavacamajñātvā bhajedyo vagalāmukhīm

शतकोटिं जपित्वा तु तस्य सिद्धिर्न जायते ॥४३॥

śatakoṭiṃ japitvā tu tasya siddhirna jāyate

दाराढ्यो मनुजोऽस्य लक्षजपतः प्राप्नोति सिद्धिं परां विद्यां श्रीविजयं तथा सुनियतं धीराश्च वीरा वराः ।
ब्रह्माख्यमनुं निलिख्य नितरां भूर्जेऽष्टगंधेन वै धृत्वा राजपुरं व्रजंति खलु ये दासोऽस्ति तेषां नृपः ॥४४॥

dārāḍhyo manujo'sya lakṣajapataḥ prāpnoti siddhiṃ parāṃ vidyāṃ śrīvijayaṃ tathā suniyataṃ dhīrāśca vīrā varāḥ
brahmākhyamanuṃ nilikhya nitarāṃ bhūrje'ṣṭagaṃdhena vai dhṛtvā rājapuraṃ vrajaṃti khalu ye dāso'sti teṣāṃ nṛpaḥ