Ākāśabhairava Kalpa · adhyāya 14

आशुगरुडकवचम्

Ashu Garuda Kavacham (Akashabhairava Kalpa) — The armour of Garuḍa the swift, as Śiva tells it to the Goddess

A Kavach of Garuḍa, the bird who carries Viṣṇu, told by Śiva to the Goddess in the Ākāśabhairava Kalpa. After a short dialogue, the armour places each part of the body, from the crown to the soles, under one of his many names, then the wheels of the body, the eight directions, above and below, and the things one holds dear. The fruit follows: it keeps off fire, thieves and spirits, brings speech and success, and at the end of the body gives union with Viṣṇu. The last verses give a diagram of Garuḍa and the days on which it is used.

Verse 1

श्रीदेव्युवाच — देवी ने कहा The Goddess said

देव देव महादेव सर्वज्ञ करुणानिधे ।
पाहि मां कृपया शम्भो परमानन्दशङ्कर ॥ १ ॥

deva deva mahādeva sarvajña karuṇānidhe
pāhi māṃ kṛpayā śambho paramānandaśaṅkara

Meaning open with adhikāra · अर्थ अधिकार से

Verse 2

यत्तु गुह्यं शुभतरं सर्वरक्षाकरं परम् ।
गरुत्मान्येन मन्त्रेण सन्तुष्यति हि तद्वद ॥ २ ॥

yattu guhyaṃ śubhataraṃ sarvarakṣākaraṃ param
garutmānyena mantreṇa santuṣyati hi tadvada

Meaning open with adhikāra · अर्थ अधिकार से

Verse 3

श्रीशिव उवाच — शिव ने कहा Śiva said

साधु देवि महाप्राज्ञे ज्ञानं वक्ष्यामि शङ्करि ।
आशुतार्क्ष्यस्य कवचं महामन्त्रं वदाम्यहम् ॥ ३ ॥

sādhu devi mahāprājñe jñānaṃ vakṣyāmi śaṅkari
āśutārkṣyasya kavacaṃ mahāmantraṃ vadāmyaham

Meaning open with adhikāra · अर्थ अधिकार से

Verse 4

भोगमोक्षदमज्ञानतिमिरान्धस्य तौलिकम् ।
भुक्ति मुक्ति प्रदं श्रेष्ठं सिद्धिदं सर्वसिद्धिदम् ॥ ४ ॥

bhogamokṣadamajñānatimirāndhasya taulikam
bhukti mukti pradaṃ śreṣṭhaṃ siddhidaṃ sarvasiddhidam

Meaning open with adhikāra · अर्थ अधिकार से

दमज्ञान uncertain

Verse 5

ऋषिन्यासप्रभावाश्च शङ्करादिति मन्त्रवित् ।
समाहितेन मनसा जपेन्मन्त्रोत्तमोत्तमम् ॥ ५ ॥

ṛṣinyāsaprabhāvāśca śaṅkarāditi mantravit
samāhitena manasā japenmantrottamottamam

Meaning open with adhikāra · अर्थ अधिकार से

कवचम्The armour

Verse 6

तार्क्ष्यो मे पुरतः पातु गरुडः पातु पृष्ठतः ।
सोमः पातु च मे वामं वैनतेयस्तु दक्षिणम् ॥ ६ ॥

tārkṣyo me purataḥ pātu garuḍaḥ pātu pṛṣṭhataḥ
somaḥ pātu ca me vāmaṃ vainateyastu dakṣiṇam

Meaning open with adhikāra · अर्थ अधिकार से

Verse 7

शिखायां गरुडः पातु निटिलं त्वहिसन्धरः ।
नासिकाग्रं विभुः पातु नयने विनतासुतः ॥ ७ ॥

śikhāyāṃ garuḍaḥ pātu niṭilaṃ tvahisandharaḥ
nāsikāgraṃ vibhuḥ pātu nayane vinatāsutaḥ

Meaning open with adhikāra · अर्थ अधिकार से

Verse 8

तेजिष्ठः श्रोत्रयोः पातु मुखं सन्तापमोचनः ।
ओष्ठयोः पातु नागारिः पातु तालू प्रजाकरः ॥ ८ ॥

tejiṣṭhaḥ śrotrayoḥ pātu mukhaṃ santāpamocanaḥ
oṣṭhayoḥ pātu nāgāriḥ pātu tālū prajākaraḥ

Meaning open with adhikāra · अर्थ अधिकार से

Verse 9

जिह्वां खगेश्वरः पातु दन्तान्पात्वरुणानुजः ।
सीरुकश्चिबुकं पातु पातु चोग्रः कपोलयोः ॥ ९ ॥

jihvāṃ khageśvaraḥ pātu dantānpātvaruṇānujaḥ
sīrukaścibukaṃ pātu pātu cograḥ kapolayoḥ

Meaning open with adhikāra · अर्थ अधिकार से

Verse 10

महारिहा गलं पातु चांसयोः कृतविक्रमः ।
करौ पातु च रक्ताक्षः कराग्रे तु महाबलः ॥ १० ॥

mahārihā galaṃ pātu cāṃsayoḥ kṛtavikramaḥ
karau pātu ca raktākṣaḥ karāgre tu mahābalaḥ

Meaning open with adhikāra · अर्थ अधिकार से

Verse 11

अङ्गुष्ठौ च हरिः पातु तर्जन्यौ हरिवाहनः ।
मध्यमे सुमुखः पातु चानामिके त्रिलोचनः ॥ ११ ॥

aṅguṣṭhau ca hariḥ pātu tarjanyau harivāhanaḥ
madhyame sumukhaḥ pātu cānāmike trilocanaḥ

Meaning open with adhikāra · अर्थ अधिकार से

Verse 12

कनिष्ठिके महोत्साहः स्वात्माङ्गः पातु दोः स्तनम् ।
करपृष्ठं कलातीतो नखान्यमृतसन्धरः ॥ १२ ॥

kaniṣṭhike mahotsāhaḥ svātmāṅgaḥ pātu doḥ stanam
karapṛṣṭhaṃ kalātīto nakhānyamṛtasandharaḥ

Meaning open with adhikāra · अर्थ अधिकार से

Verse 13

हृदयं पातु सर्वज्ञः कक्षे पक्षिविराट् ततः ।
उरःस्थलं कलाधारः पातु मे जठरं परम् ॥ १३ ॥

hṛdayaṃ pātu sarvajñaḥ kakṣe pakṣivirāṭ tataḥ
uraḥsthalaṃ kalādhāraḥ pātu me jaṭharaṃ param

Meaning open with adhikāra · अर्थ अधिकार से

Verse 14

परात्परः कटिं पातु पातु नाभिं हरिप्रियः ।
गुह्यं पातु मनोवेगः जघनं खगपद्मजः ॥ १४ ॥

parātparaḥ kaṭiṃ pātu pātu nābhiṃ haripriyaḥ
guhyaṃ pātu manovegaḥ jaghanaṃ khagapadmajaḥ

Meaning open with adhikāra · अर्थ अधिकार से

Verse 15

जितेन्द्रियो गुदं पातु मेढ्रं सन्तानवर्धनः ।
ऊरू पशुपतिः पातु जानुनी भक्तवत्सलः ॥ १५ ॥

jitendriyo gudaṃ pātu meḍhraṃ santānavardhanaḥ
ūrū paśupatiḥ pātu jānunī bhaktavatsalaḥ

Meaning open with adhikāra · अर्थ अधिकार से

Verse 16

जङ्घे पातु वषट्कारः सर्वलोकवशङ्करः ।
गुल्फौ नीलशिरः पातु पादपृष्ठं मुरारिधृक् ॥ १६ ॥

jaṅghe pātu vaṣaṭkāraḥ sarvalokavaśaṅkaraḥ
gulphau nīlaśiraḥ pātu pādapṛṣṭhaṃ murāridhṛk

Meaning open with adhikāra · अर्थ अधिकार से

Verse 17

धीरः पादतलं पातु चाङ्गुलीः परमन्त्रतुत् ।
रोमकूपाणि मे पातु मन्त्रबन्धिविमोचकः ॥ १७ ॥

dhīraḥ pādatalaṃ pātu cāṅgulīḥ paramantratut
romakūpāṇi me pātu mantrabandhivimocakaḥ

Meaning open with adhikāra · अर्थ अधिकार से

Verse 18

स्वाहाकारस्त्वचं पातु रुधिरं वेदपारगः ।
साक्षिकः पातु मे मांसं मेदांसि पातु यज्ञभुक् ॥ १८ ॥

svāhākārastvacaṃ pātu rudhiraṃ vedapāragaḥ
sākṣikaḥ pātu me māṃsaṃ medāṃsi pātu yajñabhuk

Meaning open with adhikāra · अर्थ अधिकार से

Verse 19

सामगः पातु मे चास्थि शुक्रं तु हविवर्धनः ।
शोभनः पातु मे मज्जां बुद्धिं भक्तवरप्रदः ॥ १९ ॥

sāmagaḥ pātu me cāsthi śukraṃ tu havivardhanaḥ
śobhanaḥ pātu me majjāṃ buddhiṃ bhaktavarapradaḥ

Meaning open with adhikāra · अर्थ अधिकार से

Verse 20

मूलाधारं खगः पातु स्वाधिष्ठानमथात्मवित् ।
मणिपूरकमत्युग्रः कलधी पात्वनाहतम् ॥ २० ॥

mūlādhāraṃ khagaḥ pātu svādhiṣṭhānamathātmavit
maṇipūrakamatyugraḥ kaladhī pātvanāhatam

Meaning open with adhikāra · अर्थ अधिकार से

Verse 21

विशुद्धिमपरः पातु चाज्ञामाखण्डलप्रियः ।
द्रुततार्क्ष्यो महाभीमो ब्रह्मरन्ध्रं स पातु मे ॥ २१ ॥

viśuddhimaparaḥ pātu cājñāmākhaṇḍalapriyaḥ
drutatārkṣyo mahābhīmo brahmarandhraṃ sa pātu me

Meaning open with adhikāra · अर्थ अधिकार से

Verse 22

ऐन्द्रं फणिभुजः पातु आग्नेयं कलिदोषभित् ।
याम्यं लघुगतिः पातु नैरृतं सुरवैरिजित् ॥ २२ ॥

aindraṃ phaṇibhujaḥ pātu āgneyaṃ kalidoṣabhit
yāmyaṃ laghugatiḥ pātu nairṛtaṃ suravairijit

Meaning open with adhikāra · अर्थ अधिकार से

Verse 23

पश्चिमं पातु लोकेशो धौतोरुः पातु मारुतम् ।
गुलिकाशीति कौवेरं पातु चैशान्यमौजसः ॥ २३ ॥

paścimaṃ pātu lokeśo dhautoruḥ pātu mārutam
gulikāśīti kauveraṃ pātu caiśānyamaujasaḥ

Meaning open with adhikāra · अर्थ अधिकार से

Verse 24

ऊर्ध्वं पातु सदानन्दगीतनृत्यप्रियस्तथा ।
गरुडः पातु पातालं गरलाशी तनुं तथा ॥ २४ ॥

ūrdhvaṃ pātu sadānandagītanṛtyapriyastathā
garuḍaḥ pātu pātālaṃ garalāśī tanuṃ tathā

Meaning open with adhikāra · अर्थ अधिकार से

Verse 25

धन धान्यादिकं पातु तार्क्ष्यो राक्षसवैरिधृक् ।
भीषणः कन्यकाः पातु भार्यामग्निकणेक्षणः ॥ २५ ॥

dhana dhānyādikaṃ pātu tārkṣyo rākṣasavairidhṛk
bhīṣaṇaḥ kanyakāḥ pātu bhāryāmagnikaṇekṣaṇaḥ

Meaning open with adhikāra · अर्थ अधिकार से

Verse 26

त्वरितः पातु चात्मानं धर्मकर्मक्रतूत्तमः ।
पुत्रानायुष्करः पातु वंशं रिपुनिषूदनः ॥ २६ ॥

tvaritaḥ pātu cātmānaṃ dharmakarmakratūttamaḥ
putrānāyuṣkaraḥ pātu vaṃśaṃ ripuniṣūdanaḥ

Meaning open with adhikāra · अर्थ अधिकार से

Verse 27

सङ्ग्रामे विजयः पातु माग्रं शत्रुविमर्दनः ।
सिद्धिं पातु महादेवो भगवान्भुजगाशनः ॥ २७ ॥

saṅgrāme vijayaḥ pātu māgraṃ śatruvimardanaḥ
siddhiṃ pātu mahādevo bhagavānbhujagāśanaḥ

Meaning open with adhikāra · अर्थ अधिकार से

Verse 28

सततं पातु मां श्रेष्ठं स्वस्तिदः साधकात्मवान् ।
जाग्रत्स्वप्नसुषुप्तौ च कुङ्कुमारुणवक्षसः ॥ २८ ॥

satataṃ pātu māṃ śreṣṭhaṃ svastidaḥ sādhakātmavān
jāgratsvapnasuṣuptau ca kuṅkumāruṇavakṣasaḥ

Meaning open with adhikāra · अर्थ अधिकार से

फलश्रुतिःThe fruit

Verse 29

सर्वसम्पत्प्रदः पातु स्तुतिर्मन्त्रस्य सिद्धिषु ।
इदं तु तार्क्ष्यकवचं पुरुषार्थप्रदं परम् ॥ २९ ॥

sarvasampatpradaḥ pātu stutirmantrasya siddhiṣu
idaṃ tu tārkṣyakavacaṃ puruṣārthapradaṃ param

Meaning open with adhikāra · अर्थ अधिकार से

Verse 30

स्वस्तिदं पुत्रदं सर्वरक्षाकरमनुत्तमम् ।
युद्धे वह्निभये चैव राजचोरसमागमे ॥ ३० ॥

svastidaṃ putradaṃ sarvarakṣākaramanuttamam
yuddhe vahnibhaye caiva rājacorasamāgame

Meaning open with adhikāra · अर्थ अधिकार से

Verse 31

महाभूतारिसङ्घट्टे निजपेत् कवचं शिवे ।
स्मरणादेव नश्यन्ति प्रचण्डानलतूलवत् ॥ ३१ ॥

mahābhūtārisaṅghaṭṭe nijapet kavacaṃ śive
smaraṇādeva naśyanti pracaṇḍānalatūlavat

Meaning open with adhikāra · अर्थ अधिकार से

Verse 32

आशुतार्क्ष्याख्यकवचं परमं पुण्यवर्धनम् ।
महागुह्यं महामन्त्रं महामोहनसंज्ञकम् ॥ ३२ ॥

āśutārkṣyākhyakavacaṃ paramaṃ puṇyavardhanam
mahāguhyaṃ mahāmantraṃ mahāmohanasaṃjñakam

Meaning open with adhikāra · अर्थ अधिकार से

Verse 33

सर्वदेवमयं मन्त्रं सर्वायुधकरं परम् ।
सर्वमृत्युप्रशमनं सर्वसौभाग्यवर्धनम् ॥ ३३ ॥

sarvadevamayaṃ mantraṃ sarvāyudhakaraṃ param
sarvamṛtyupraśamanaṃ sarvasaubhāgyavardhanam

Meaning open with adhikāra · अर्थ अधिकार से

Verse 34

पावनं परमायुष्यं पापपाशप्रमोचनम् ।
मुनीश्वरैश्च यमिभिर्नाभिजाद्यमरैः परैः ॥ ३४ ॥

pāvanaṃ paramāyuṣyaṃ pāpapāśapramocanam
munīśvaraiśca yamibhirnābhijādyamaraiḥ paraiḥ

Meaning open with adhikāra · अर्थ अधिकार से

Verse 35

गुह्यकैश्च सुरश्रेष्ठैः स्तूयमानं महोज्ज्वलम् ।
त्रिकालं प्रजपेद् ध्यानपूर्वकं कवचं शिवे ॥ ३५ ॥

guhyakaiśca suraśreṣṭhaiḥ stūyamānaṃ mahojjvalam
trikālaṃ prajaped dhyānapūrvakaṃ kavacaṃ śive

Meaning open with adhikāra · अर्थ अधिकार से

Verse 36

सहसा सर्वसिद्धिः स्याद्वाग्विभूतिर्विशेषतः ।
मुनीनामपि सम्पूज्यः कवचेनावृतः पुमान् ॥ ३६ ॥

sahasā sarvasiddhiḥ syādvāgvibhūtirviśeṣataḥ
munīnāmapi sampūjyaḥ kavacenāvṛtaḥ pumān

Meaning open with adhikāra · अर्थ अधिकार से

Verse 37

चतुर्दशसु लोकेषु सञ्चरेन्मारवत्तु सः ।
अनेनैव तु कायेन भूतले बहुसम्पदम् ॥ ३७ ॥

caturdaśasu lokeṣu sañcarenmāravattu saḥ
anenaiva tu kāyena bhūtale bahusampadam

Meaning open with adhikāra · अर्थ अधिकार से

Verse 38

चिरं प्राप्य तु देहान्ते विष्णुसायुज्यमाप्नुयात् ॥ ३८ ॥

ciraṃ prāpya tu dehānte viṣṇusāyujyamāpnuyāt

Meaning open with adhikāra · अर्थ अधिकार से

चक्रम्The diagram

Verse 39

शिखि ऋतु वसु कोणं चाष्टपत्रं भुवं च ।
क्रतु शत शशिचाग्निं भास्कर व्योमकं च ॥
सकलमनिलयुक्तं तद्बिहिः साध्यशक्तिम् ।
धृत मृत सुत वन्ध्या पुत्रदं तार्क्ष्यमेतत् ॥ ३९ ॥

śikhi ṛtu vasu koṇaṃ cāṣṭapatraṃ bhuvaṃ ca
kratu śata śaśicāgniṃ bhāskara vyomakaṃ ca
sakalamanilayuktaṃ tadbihiḥ sādhyaśaktim
dhṛta mṛta suta vandhyā putradaṃ tārkṣyametat

Meaning open with adhikāra · अर्थ अधिकार से

Verse 40

इदं चक्रं महाख्यातं सर्ववक्त्रोक्तमुत्तमम् ।
महागुह्यं महाभीमं महासिद्धिकरं परम् ॥ ४० ॥

idaṃ cakraṃ mahākhyātaṃ sarvavaktroktamuttamam
mahāguhyaṃ mahābhīmaṃ mahāsiddhikaraṃ param

Meaning open with adhikāra · अर्थ अधिकार से

Verse 41

शुक्रवासरमारभ्य पूज्य जप्त्वा दिनत्रयम् ।
अनेन कवचेनैव जपेदष्टोत्तरं शतम् ॥ ४१ ॥

śukravāsaramārabhya pūjya japtvā dinatrayam
anena kavacenaiva japedaṣṭottaraṃ śatam

Meaning open with adhikāra · अर्थ अधिकार से

Verse 42

तज्जलेनाभिषिञ्च्याथ होमं कृत्वा हि रुक्षकैः ।
निमज्जतां जले देवि बन्धयेत्पुत्रकामिनाम् ॥ ४२ ॥

tajjalenābhiṣiñcyātha homaṃ kṛtvā hi rukṣakaiḥ
nimajjatāṃ jale devi bandhayetputrakāminām

Meaning open with adhikāra · अर्थ अधिकार से

इति श्रीआकाशभैरवकल्पे प्रत्यक्षसिद्धिप्रदे उमामहेश्वरसंवादे आशुगारुडकवचं नाम चतुर्दशोऽध्यायः ।

Terms on this page

Kavach कवच A protective text or armor recited for a deity's shielding power — such as the Durga Kavach or Hanuman Kavach.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras