Skanda Purāṇa, Brahmottara Khaṇḍa

अमोघशिवकवचम्

Amogha Shiva Kavacham (Skanda Purana) — The armour of Śiva that Ṛṣabha gave to Bhadrāyu

A hymn of protection (Kavach) of Shiva. Ṛṣabha tells it to the prince Bhadrāyu. After a few verses on meditating on Śiva in the heart, the hymn calls on his four faces for the four quarters and the fifth for above, gives each limb to one of his names, hands the watches of the day and night to others, and goes on to roads, mountains, forests and battle. It ends in a long prose invocation, and the last verses tell what the one who wears it gains.

अथ कवचम्The kavaca

Verse 1

ऋषभ उवाच — ऋषभ ने कहा Ṛṣabha said

नमस्कृत्य महादेवं विश्वव्यापिनमीश्वरम् ।
वक्ष्ये शिवमयं वर्म सर्वरक्षाकरं नृणाम् ॥ १ ॥

namaskṛtya mahādevaṃ viśvavyāpinamīśvaram
vakṣye śivamayaṃ varma sarvarakṣākaraṃ nṛṇām

Meaning open with adhikāra · अर्थ अधिकार से

Verse 2

शुचौ देशे समासीनो यथावत्कल्पितासनः ।
जितेन्द्रियो जितप्राणश्चिन्तयेच्छिवमव्ययम् ॥ २ ॥

śucau deśe samāsīno yathāvatkalpitāsanaḥ
jitendriyo jitaprāṇaścintayecchivamavyayam

Meaning open with adhikāra · अर्थ अधिकार से

Verse 3

हृत्पुण्डरीकान्तरसन्निविष्टं स्वतेजसा व्याप्तनभोवकाशम् ।
अतीन्द्रियं सूक्ष्ममनन्तमाद्यं ध्यायेत्परानन्दमयं महेशम् ॥ ३ ॥

hṛtpuṇḍarīkāntarasanniviṣṭaṃ svatejasā vyāptanabhovakāśam
atīndriyaṃ sūkṣmamanantamādyaṃ dhyāyetparānandamayaṃ maheśam

Meaning open with adhikāra · अर्थ अधिकार से

Verse 4

ध्यानावधूताखिलकर्मबन्धश्चिरं चिदानन्दनिमग्नचेताः ।
षडक्षरन्याससमाहितात्मा शैवेन कुर्यात्कवचेन रक्षाम् ॥ ४ ॥

dhyānāvadhūtākhilakarmabandhaściraṃ cidānandanimagnacetāḥ
ṣaḍakṣaranyāsasamāhitātmā śaivena kuryātkavacena rakṣām

Meaning open with adhikāra · अर्थ अधिकार से

Verse 5

मां पातु देवोऽखिलदेवतात्मा संसारकूपे पतितं गभीरे ।
तन्नाम दिव्यं वरमन्त्रमूलं धुनोति मे सर्वमघं हृदिस्थम् ॥ ५ ॥

māṃ pātu devo'khiladevatātmā saṃsārakūpe patitaṃ gabhīre
tannāma divyaṃ varamantramūlaṃ dhunoti me sarvamaghaṃ hṛdistham

Meaning open with adhikāra · अर्थ अधिकार से

Verse 6

सर्वत्र मां रक्षतु विश्वमूर्तिर्ज्योतिर्मयानन्दघनश्चिदात्मा ।
अणोरणीयानुरुशक्तिरेकः स ईश्वरः पातु भयादशेषात् ॥ ६ ॥

sarvatra māṃ rakṣatu viśvamūrtirjyotirmayānandaghanaścidātmā
aṇoraṇīyānuruśaktirekaḥ sa īśvaraḥ pātu bhayādaśeṣāt

Meaning open with adhikāra · अर्थ अधिकार से

Verse 7

यो भूस्वरूपेण बिभर्ति विश्वं पायात्स भूमेर्गिरिशोऽष्टमूर्तिः ।
योऽपां स्वरूपेण नृणां करोति सञ्जीवनं सोऽवतु मां जलेभ्यः ॥ ७ ॥

yo bhūsvarūpeṇa bibharti viśvaṃ pāyātsa bhūmergiriśo'ṣṭamūrtiḥ
yo'pāṃ svarūpeṇa nṛṇāṃ karoti sañjīvanaṃ so'vatu māṃ jalebhyaḥ

Meaning open with adhikāra · अर्थ अधिकार से

Verse 8

कल्पावसाने भुवनानि दग्ध्वा सर्वाणि यो नृत्यति भूरिलीलः ।
स कालरुद्रोऽवतु मां दवाग्नेर्वात्यादिभीतेरखिलाच्च तापात् ॥ ८ ॥

kalpāvasāne bhuvanāni dagdhvā sarvāṇi yo nṛtyati bhūrilīlaḥ
sa kālarudro'vatu māṃ davāgnervātyādibhīterakhilācca tāpāt

Meaning open with adhikāra · अर्थ अधिकार से

Verse 9

प्रदीप्तविद्युत्कनकावभासो विद्यावराभीतिकुठारपाणिः ।
चतुर्मुखस्तत्पुरुषस्त्रिनेत्रः प्राच्यां स्थितं रक्षतु मामजस्रम् ॥ ९ ॥

pradīptavidyutkanakāvabhāso vidyāvarābhītikuṭhārapāṇiḥ
caturmukhastatpuruṣastrinetraḥ prācyāṃ sthitaṃ rakṣatu māmajasram

Meaning open with adhikāra · अर्थ अधिकार से

Verse 10

कुठारवेदाङ्कुशपाशशूलकपालढक्काक्षगुणान्दधानः ।
चतुर्मुखो नीलरुचिस्त्रिनेत्रः पायादघोरो दिशि दक्षिणस्याम् ॥ १० ॥

kuṭhāravedāṅkuśapāśaśūlakapālaḍhakkākṣaguṇāndadhānaḥ
caturmukho nīlarucistrinetraḥ pāyādaghoro diśi dakṣiṇasyām

Meaning open with adhikāra · अर्थ अधिकार से

Verse 11

कुन्देन्दुशङ्खस्फटिकावभासो वेदाक्षमालावरदाभयाङ्कः ।
त्र्यक्षश्चतुर्वक्त्र उरुप्रभावः सद्योऽधिजातोऽवतु मां प्रतीच्याम् ॥ ११ ॥

kundenduśaṅkhasphaṭikāvabhāso vedākṣamālāvaradābhayāṅkaḥ
tryakṣaścaturvaktra uruprabhāvaḥ sadyo'dhijāto'vatu māṃ pratīcyām

Meaning open with adhikāra · अर्थ अधिकार से

Verse 12

वराक्षमालाभयटङ्कहस्तः सरोजकिञ्जल्कसमानवर्णः ।
त्रिलोचनश्चारुचतुर्मुखो मां पायादुदीच्यां दिशि वामदेवः ॥ १२ ॥

varākṣamālābhayaṭaṅkahastaḥ sarojakiñjalkasamānavarṇaḥ
trilocanaścārucaturmukho māṃ pāyādudīcyāṃ diśi vāmadevaḥ

Meaning open with adhikāra · अर्थ अधिकार से

Verse 13

वेदाभयेष्टाङ्कुशटङ्कपाशकपालढक्काक्षकशूलपाणिः ।
सितद्युतिः पञ्चमुखोऽवतान्मामीशान ऊर्द्ध्वं परमप्रकाशः ॥ १३ ॥

vedābhayeṣṭāṅkuśaṭaṅkapāśakapālaḍhakkākṣakaśūlapāṇiḥ
sitadyutiḥ pañcamukho'vatānmāmīśāna ūrddhvaṃ paramaprakāśaḥ

Meaning open with adhikāra · अर्थ अधिकार से

Verse 14

मूर्धानमव्यान्मम चन्द्रमौलिर्भालं ममाव्यादथ भालनेत्रः ।
नेत्रे ममाव्याद्भगनेत्रहारी नासां सदा रक्षतु विश्वनाथः ॥ १४ ॥

mūrdhānamavyānmama candramaulirbhālaṃ mamāvyādatha bhālanetraḥ
netre mamāvyādbhaganetrahārī nāsāṃ sadā rakṣatu viśvanāthaḥ

Meaning open with adhikāra · अर्थ अधिकार से

Verse 15

पायाच्छ्रुती मे श्रुतिगीतकीर्तिः कपोलमव्यात्सततं कपाली ।
वक्त्रं सदा रक्षतु पञ्चवक्त्रो जिह्वां सदा रक्षतु वेदजिह्वः ॥ १५ ॥

pāyācchrutī me śrutigītakīrtiḥ kapolamavyātsatataṃ kapālī
vaktraṃ sadā rakṣatu pañcavaktro jihvāṃ sadā rakṣatu vedajihvaḥ

Meaning open with adhikāra · अर्थ अधिकार से

Verse 16

कण्ठं गिरीशोऽवतु नीलकण्ठः पाणिद्वयं पातु पिनाकपाणिः ।
दोर्मूलमव्यान्मम धर्मबाहुर्वक्षःस्थलं दक्षमखान्तकोऽव्यात् ॥ १६ ॥

kaṇṭhaṃ girīśo'vatu nīlakaṇṭhaḥ pāṇidvayaṃ pātu pinākapāṇiḥ
dormūlamavyānmama dharmabāhurvakṣaḥsthalaṃ dakṣamakhāntako'vyāt

Meaning open with adhikāra · अर्थ अधिकार से

Verse 17

ममोदरं पातु गिरीन्द्रधन्वा मध्यं ममाव्यान्मदनान्तकारी ।
हेरम्बतातो मम पातु नाभिं पायात्कटीं धूर्जटिरीश्वरो मे ॥ १७ ॥

mamodaraṃ pātu girīndradhanvā madhyaṃ mamāvyānmadanāntakārī
herambatāto mama pātu nābhiṃ pāyātkaṭīṃ dhūrjaṭirīśvaro me

Meaning open with adhikāra · अर्थ अधिकार से

Verse 18

ऊरुद्वयं पातु कुबेरमित्रो जानुद्वयं मे जगदीश्वरोऽव्यात् ।
जङ्घायुगं पुङ्गवकेतुरव्यात्पादौ ममाऽव्यात्सुरवन्द्यपादः ॥ १८ ॥

ūrudvayaṃ pātu kuberamitro jānudvayaṃ me jagadīśvaro'vyāt
jaṅghāyugaṃ puṅgavaketuravyātpādau mamā'vyātsuravandyapādaḥ

Meaning open with adhikāra · अर्थ अधिकार से

Verse 19

महेश्वरः पातु दिनादियामे मां मध्ययामेऽवतु वामदेवः ।
त्रियम्बकः पातु तृतीययामे वृषध्वजः पातु दिनान्त्ययामे ॥ १९ ॥

maheśvaraḥ pātu dinādiyāme māṃ madhyayāme'vatu vāmadevaḥ
triyambakaḥ pātu tṛtīyayāme vṛṣadhvajaḥ pātu dināntyayāme

Meaning open with adhikāra · अर्थ अधिकार से

Verse 20

पायान्निशादौ शशिशेखरो मां गङ्गाधरो रक्षतु मां निशीथे ।
गौरीपतिः पातु निशावसाने मृत्युञ्जयो रक्षतु सर्वकालम् ॥ २० ॥

pāyānniśādau śaśiśekharo māṃ gaṅgādharo rakṣatu māṃ niśīthe
gaurīpatiḥ pātu niśāvasāne mṛtyuñjayo rakṣatu sarvakālam

Meaning open with adhikāra · अर्थ अधिकार से

Verse 21

अन्तःस्थितं रक्षतु शङ्करो मां स्थाणुः सदा पातु बहिःस्थितं माम् ।
तदन्तरे पातु पतिः पशूनां सदाशिवो रक्षतु मां समन्तात् ॥ २१ ॥

antaḥsthitaṃ rakṣatu śaṅkaro māṃ sthāṇuḥ sadā pātu bahiḥsthitaṃ mām
tadantare pātu patiḥ paśūnāṃ sadāśivo rakṣatu māṃ samantāt

Meaning open with adhikāra · अर्थ अधिकार से

Verse 22

तिष्ठन्तमव्याद्भुवनैकनाथः पायाद्व्रजन्तं प्रमथाधिनाथः ।
वेदान्तवेद्योऽवतु मान्निषण्णं मामव्ययः पातु शिवः शयानम् ॥ २२ ॥

tiṣṭhantamavyādbhuvanaikanāthaḥ pāyādvrajantaṃ pramathādhināthaḥ
vedāntavedyo'vatu mānniṣaṇṇaṃ māmavyayaḥ pātu śivaḥ śayānam

Meaning open with adhikāra · अर्थ अधिकार से

Verse 23

मार्गेषु मां रक्षतु नीलकण्ठः शैलादिदुर्गेषु पुरत्रयारिः ।
अरण्यवासादिमहाप्रवासे पायान्मृगव्याध उदारशक्तिः ॥ २३ ॥

mārgeṣu māṃ rakṣatu nīlakaṇṭhaḥ śailādidurgeṣu puratrayāriḥ
araṇyavāsādimahāpravāse pāyānmṛgavyādha udāraśaktiḥ

Meaning open with adhikāra · अर्थ अधिकार से

Verse 24

कल्पान्तकाटोपपटुप्रकोपः स्फुटाट्टहासोच्चलिताण्डकोशः ।
घोरारिसेनार्णवदुर्निवारमहाभयाद्रक्षतु वीरभद्रः ॥ २४ ॥

kalpāntakāṭopapaṭuprakopaḥ sphuṭāṭṭahāsoccalitāṇḍakośaḥ
ghorārisenārṇavadurnivāramahābhayādrakṣatu vīrabhadraḥ

Meaning open with adhikāra · अर्थ अधिकार से

Verse 25

पत्त्यश्वमातङ्गघटावरूथसहस्रलक्षायुतकोटिभीषणम् ।
अक्षौहिणीनां शतमाततायिनां छिन्द्यान्मृडो घोरकुठारधारया ॥ २५ ॥

pattyaśvamātaṅgaghaṭāvarūthasahasralakṣāyutakoṭibhīṣaṇam
akṣauhiṇīnāṃ śatamātatāyināṃ chindyānmṛḍo ghorakuṭhāradhārayā

Meaning open with adhikāra · अर्थ अधिकार से

Verse 26

निहन्तु दस्यून्प्रलयानलार्चिर्ज्वलत्त्रिशूलं त्रिपुरान्तकस्य ।
शार्दूलसिंहर्क्षवृकादिहिंस्रान्सन्त्रासयत्वीशधनुः पिनाकम् ॥ २६ ॥

nihantu dasyūnpralayānalārcirjvalattriśūlaṃ tripurāntakasya
śārdūlasiṃharkṣavṛkādihiṃsrānsantrāsayatvīśadhanuḥ pinākam

Meaning open with adhikāra · अर्थ अधिकार से

Verse 27

दुःस्वप्नदुःशकुनदुर्गतिदौर्मनस्यदुर्भिक्षदुर्व्यसनदुःसहदुर्यशांसि ।
उत्पाततापविषभीतिमसद्ग्रहार्तिव्याधींश्च नाशयतु मे जगतामधीशः ।
ॐ नमो भगवते सदाशिवाय सकलतत्त्वात्मकाय सकलतत्त्वविहाराय सकललोकैककर्त्रे सकललोकैकभर्त्रे सकललोकैकहर्त्रे सकललोकैकगुरवे सकललोकैकसाक्षिणे सकलनिगमगुह्याय सकलवरप्रदाय सकलदुरितार्तिभञ्जनाय सकलजगदभयङ्कराय सकललोकैकशङ्कराय शशाङ्कशेखराय शाश्वतनिजाभासाय निर्गुणाय निरुपमाय नीरूपाय निराभासाय निरामयाय निष्प्रपञ्चाय निष्कलङ्काय निर्द्वन्द्वाय निःसङ्गाय निर्मलाय निर्गमाय नित्यरूपविभवाय निरुपमविभवाय निराधाराय नित्यशुद्धबुद्धपरिपूर्णसच्चिदानन्दाद्वयाय परमशान्तप्रकाशतेजोरूपाय
जय जय महारुद्र महारौद्र भद्रावतार दुःखदावदारण महाभैरव कालभैरव कल्पान्तभैरव कपालमालाधर खट्वाङ्गखड्गचर्मपाशाङ्कुशडमरुशूलचापबाणगदाशक्तिभिण्डिपालतोमरमुसलमुद्गरपट्टिशपरशुपरिघभुशुण्डीशतघ्नीचक्राद्यायुधभीषणकरसहस्र मुखदंष्ट्राकराल विकटाट्टहासविस्फारितब्रह्माण्डमण्डल नागेन्द्रकुण्डल नागेन्द्रहार नागेन्द्रचर्मधर मृत्युञ्जय त्र्यम्बक त्रिपुरान्तक विरूपाक्ष विश्वेश्वर विश्वरूप वृषभवाहन विषभूषण विश्वतोमुख
सर्वतो रक्ष रक्ष मां ज्वल ज्वल महामृत्युभयमपमृत्युभयं नाशय नाशय रोगभयमुत्सादयोत्सादय विषसर्पभयं शमय शमय चोरभयं मारय मारय मम शत्रूनुच्चाटयोच्चाटय शूलेन विदारय विदारय कुठारेण भिन्धि भिन्धि खड्गेन छिन्धि छिन्धि खट्वाङ्गेन विपोथय विपोथय मुसलेन निष्पेषय निष्पेषय बाणैः सन्ताडय सन्ताडय रक्षांसि भीषय भीषय भूतानि विद्रावय विद्रावय कूष्माण्डवेतालमारीगणब्रह्मराक्षसान्सन्त्रासय सन्त्रासय
ममाऽभयं कुरु कुरु वित्रस्तं मामाऽऽश्वासयाऽऽश्वासय नरकभयान्मामुद्धारयोद्धारय सञ्जीवय सञ्जीवय क्षुत्तृड्भ्यां मामाप्याययाप्यायय दुःखातुरं मामानन्दयाऽऽनन्दय शिवकवचेन मामाच्छादयाऽऽच्छादय त्र्यम्बक सदाशिव नमस्ते नमस्ते नमस्ते ॥ २७ ॥

duḥsvapnaduḥśakunadurgatidaurmanasyadurbhikṣadurvyasanaduḥsahaduryaśāṃsi
utpātatāpaviṣabhītimasadgrahārtivyādhīṃśca nāśayatu me jagatāmadhīśaḥ
oṃ namo bhagavate sadāśivāya sakalatattvātmakāya sakalatattvavihārāya sakalalokaikakartre sakalalokaikabhartre sakalalokaikahartre sakalalokaikagurave sakalalokaikasākṣiṇe sakalanigamaguhyāya sakalavarapradāya sakaladuritārtibhañjanāya sakalajagadabhayaṅkarāya sakalalokaikaśaṅkarāya śaśāṅkaśekharāya śāśvatanijābhāsāya nirguṇāya nirupamāya nīrūpāya nirābhāsāya nirāmayāya niṣprapañcāya niṣkalaṅkāya nirdvandvāya niḥsaṅgāya nirmalāya nirgamāya nityarūpavibhavāya nirupamavibhavāya nirādhārāya nityaśuddhabuddhaparipūrṇasaccidānandādvayāya paramaśāntaprakāśatejorūpāya
jaya jaya mahārudra mahāraudra bhadrāvatāra duḥkhadāvadāraṇa mahābhairava kālabhairava kalpāntabhairava kapālamālādhara khaṭvāṅgakhaḍgacarmapāśāṅkuśaḍamaruśūlacāpabāṇagadāśaktibhiṇḍipālatomaramusalamudgarapaṭṭiśaparaśuparighabhuśuṇḍīśataghnīcakrādyāyudhabhīṣaṇakarasahasra mukhadaṃṣṭrākarāla vikaṭāṭṭahāsavisphāritabrahmāṇḍamaṇḍala nāgendrakuṇḍala nāgendrahāra nāgendracarmadhara mṛtyuñjaya tryambaka tripurāntaka virūpākṣa viśveśvara viśvarūpa vṛṣabhavāhana viṣabhūṣaṇa viśvatomukha
sarvato rakṣa rakṣa māṃ jvala jvala mahāmṛtyubhayamapamṛtyubhayaṃ nāśaya nāśaya rogabhayamutsādayotsādaya viṣasarpabhayaṃ śamaya śamaya corabhayaṃ māraya māraya mama śatrūnuccāṭayoccāṭaya śūlena vidāraya vidāraya kuṭhāreṇa bhindhi bhindhi khaḍgena chindhi chindhi khaṭvāṅgena vipothaya vipothaya musalena niṣpeṣaya niṣpeṣaya bāṇaiḥ santāḍaya santāḍaya rakṣāṃsi bhīṣaya bhīṣaya bhūtāni vidrāvaya vidrāvaya kūṣmāṇḍavetālamārīgaṇabrahmarākṣasānsantrāsaya santrāsaya
mamā'bhayaṃ kuru kuru vitrastaṃ māmā''śvāsayā''śvāsaya narakabhayānmāmuddhārayoddhāraya sañjīvaya sañjīvaya kṣuttṛḍbhyāṃ māmāpyāyayāpyāyaya duḥkhāturaṃ māmānandayā''nandaya śivakavacena māmācchādayā''cchādaya tryambaka sadāśiva namaste namaste namaste

Meaning open with adhikāra · अर्थ अधिकार से

फलश्रुतिःThe fruit

Verse 28

ऋषभ उवाच — ऋषभ ने कहा Ṛṣabha said

इत्येतत्कवचं शैवं वरदं व्याहृतं मया ।
सर्वबाधाप्रशमनं रहस्यं सर्वदेहिनाम् ॥ २८ ॥

ityetatkavacaṃ śaivaṃ varadaṃ vyāhṛtaṃ mayā
sarvabādhāpraśamanaṃ rahasyaṃ sarvadehinām

Meaning open with adhikāra · अर्थ अधिकार से

Verse 29

यः सदा धारयेन्मर्त्यः शैवं कवचमुत्तमम् ।
न तस्य जायते क्वापि भयं शम्भोरनुग्रहात् ॥ २९ ॥

yaḥ sadā dhārayenmartyaḥ śaivaṃ kavacamuttamam
na tasya jāyate kvāpi bhayaṃ śambhoranugrahāt

Meaning open with adhikāra · अर्थ अधिकार से

Verse 30

क्षीणायुर्मृत्युमापन्नो महारोगहतोऽपि वा ।
सद्यः सुखमवाप्नोति दीर्घमायुश्च विन्दति ॥ ३० ॥

kṣīṇāyurmṛtyumāpanno mahārogahato'pi vā
sadyaḥ sukhamavāpnoti dīrghamāyuśca vindati

Meaning open with adhikāra · अर्थ अधिकार से

Verse 31

सर्वदारिद्र्यशमनं सौमङ्गल्यविवर्धनम् ।
यो धत्ते कवचं शैवं स देवैरपि पूज्यते ॥ ३१ ॥

sarvadāridryaśamanaṃ saumaṅgalyavivardhanam
yo dhatte kavacaṃ śaivaṃ sa devairapi pūjyate

Meaning open with adhikāra · अर्थ अधिकार से

Verse 32

महापातकसङ्घातैर्मुच्यते चोपपातकैः ।
देहान्ते शिवमाप्नोति शिववर्मानुभावतः ॥ ३२ ॥

mahāpātakasaṅghātairmucyate copapātakaiḥ
dehānte śivamāpnoti śivavarmānubhāvataḥ

Meaning open with adhikāra · अर्थ अधिकार से

Verse 33

त्वमपि श्रद्धया वत्स शैवं कवचमुत्तमम् ।
धारयस्व मया दत्तं सद्यः श्रेयो ह्यवाप्स्यसि ॥ ३३ ॥

tvamapi śraddhayā vatsa śaivaṃ kavacamuttamam
dhārayasva mayā dattaṃ sadyaḥ śreyo hyavāpsyasi

Meaning open with adhikāra · अर्थ अधिकार से

Terms on this page

Bhasma भस्म Sacred ash, used as a substitute for milk in a Shivling's abhishekam when milk isn't available.
Shiva शिव One of the principal deities of Hinduism.
Kavach कवच A protective text or armor recited for a deity's shielding power — such as the Durga Kavach or Hanuman Kavach.
Sadashiva सदाशिव The supreme, eternal form of Lord Shiva, credited in the Vishwasara Tantra as the personal composer of the Durga Ashtottara Shatanam Stotra.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras