वटुकभैरवाष्टोत्तरशतनामस्तोत्रम्

नीलजीमूतसंकाशो जटिलो रक्तलोचनः ॥
दंष्ट्राकरालवदनः सर्पयज्ञोपवीतवान् ॥ १ ॥

nīlajīmūtasaṃkāśo jaṭilo raktalocanaḥ
daṃṣṭrākarālavadanaḥ sarpayajñopavītavān

दंष्ट्रायुधालंकृतश्च कपालस्रग्विभूषितः ॥
हस्तन्यस्तकरोटीको भस्मभूषितविग्रहः ॥ २ ॥

daṃṣṭrāyudhālaṃkṛtaśca kapālasragvibhūṣitaḥ
hastanyastakaroṭīko bhasmabhūṣitavigrahaḥ

नागराजकटीसूत्रो बालमूर्तिर्दिगंबरः ॥
मंजुसिंजानमंजीरपादकंपितभूतलः ॥ ३ ॥

nāgarājakaṭīsūtro bālamūrtirdigaṃbaraḥ
maṃjusiṃjānamaṃjīrapādakaṃpitabhūtalaḥ

भूतप्रेतपिशाचैश्च सर्वतः परिवारितः ॥
योगिनीचक्रमध्यस्थो मातृमंडलवेष्टितः ॥ ४ ॥

bhūtapretapiśācaiśca sarvataḥ parivāritaḥ
yoginīcakramadhyastho mātṛmaṃḍalaveṣṭitaḥ

अट्टहासस्फुरद्वक्त्रो भृकुटीभीषणाननः ॥
भक्तसंरक्षणार्थाय दिक्षु भ्रमणतत्परः ॥
एवंभूतस्तु वटुको ध्यातव्यो भैरवीश्वरः ॥ ५ ॥
एवं ध्यात्वा स्तोत्रं पठेत् ॥

aṭṭahāsasphuradvaktro bhṛkuṭībhīṣaṇānanaḥ
bhaktasaṃrakṣaṇārthāya dikṣu bhramaṇatatparaḥ
evaṃbhūtastu vaṭuko dhyātavyo bhairavīśvaraḥ
evaṃ dhyātvā stotraṃ paṭhet

Meaning open with adhikāra · अर्थ अधिकार से

ॐ ह्रीं वटुको वरदः शूरो भैरवः कालभैरवः ॥
भैरवीवल्लभो भव्यो दंडपाणिर्दयानिधिः ॥ ६ ॥

oṃ hrīṃ vaṭuko varadaḥ śūro bhairavaḥ kālabhairavaḥ
bhairavīvallabho bhavyo daṃḍapāṇirdayānidhiḥ

Meaning open with adhikāra · अर्थ अधिकार से

वेतालवाहनो रौद्रो रुद्रभ्रुकुटिसंभवः ॥
कपाललोचनः कांतः कामिनीवशकृद्वशी ॥ ७ ॥

vetālavāhano raudro rudrabhrukuṭisaṃbhavaḥ
kapālalocanaḥ kāṃtaḥ kāminīvaśakṛdvaśī

Meaning open with adhikāra · अर्थ अधिकार से

आपदुद्धारणो धीरो हरिणांकशिरोमणिः ॥
दंष्ट्राकरालो दष्टौष्ठो धृष्टो दुष्टनिवर्हणः ॥ ८ ॥

āpaduddhāraṇo dhīro hariṇāṃkaśiromaṇiḥ
daṃṣṭrākarālo daṣṭauṣṭho dhṛṣṭo duṣṭanivarhaṇaḥ

Meaning open with adhikāra · अर्थ अधिकार से

सर्पहारः सर्पशिराः सर्पकुंडलमंडितः ॥
कपाली करुणापूर्णः कपालैकशिरोमणिः ॥ ९ ॥

sarpahāraḥ sarpaśirāḥ sarpakuṃḍalamaṃḍitaḥ
kapālī karuṇāpūrṇaḥ kapālaikaśiromaṇiḥ

Meaning open with adhikāra · अर्थ अधिकार से

श्मशानवासी मांसाशी मधुमत्तोऽट्टहासवान् ॥
वाग्मी वामव्रतो वामो वासुदेवप्रियंकरः ॥ १० ॥

śmaśānavāsī māṃsāśī madhumatto'ṭṭahāsavān
vāgmī vāmavrato vāmo vāsudevapriyaṃkaraḥ

Meaning open with adhikāra · अर्थ अधिकार से

वनेचरो रात्रिचरो वसुदो वायुवेगवान् ॥
योगी योगव्रतधरो योगिनीवल्लभो युवा ॥ ११ ॥

vanecaro rātricaro vasudo vāyuvegavān
yogī yogavratadharo yoginīvallabho yuvā

Meaning open with adhikāra · अर्थ अधिकार से

वीरभद्रो विश्वनाथो विजेता वीरवंदितः ॥
भूताध्यक्षो भूतिधरो भूतभीतिनिवारणः ॥ १२ ॥

vīrabhadro viśvanātho vijetā vīravaṃditaḥ
bhūtādhyakṣo bhūtidharo bhūtabhītinivāraṇaḥ

Meaning open with adhikāra · अर्थ अधिकार से

कलंकहीनः कंकाली क्रूरः कुक्कुरवाहनः ॥
गाढो गहनगंभीरो गणनाथसहोदरः ॥ १३ ॥

kalaṃkahīnaḥ kaṃkālī krūraḥ kukkuravāhanaḥ
gāḍho gahanagaṃbhīro gaṇanāthasahodaraḥ

Meaning open with adhikāra · अर्थ अधिकार से

देवीपुत्रो दिव्यमूर्तिर्दीप्तिमान् दीप्तिलोचनः ॥
महासेनप्रियकरो मान्यो माधवमातुलः ॥ १४ ॥

devīputro divyamūrtirdīptimān dīptilocanaḥ
mahāsenapriyakaro mānyo mādhavamātulaḥ

Meaning open with adhikāra · अर्थ अधिकार से

भद्रकालीपतिर्भद्रो भद्रदो भद्रवाहनः ॥
पशूपहाररसिकः पाशी पशुपतिः पतिः ॥ १५ ॥

bhadrakālīpatirbhadro bhadrado bhadravāhanaḥ
paśūpahārarasikaḥ pāśī paśupatiḥ patiḥ

Meaning open with adhikāra · अर्थ अधिकार से

चंडः प्रचंडचंडेशश्चंडीहृदयनन्दनः ॥
दक्षो दक्षाध्वरहरो दिग्वासा दीर्घलोचनः ॥ १६ ॥

caṃḍaḥ pracaṃḍacaṃḍeśaścaṃḍīhṛdayanandanaḥ
dakṣo dakṣādhvaraharo digvāsā dīrghalocanaḥ

Meaning open with adhikāra · अर्थ अधिकार से

निरातंको निर्विकल्पः कल्पः कल्पांतभैरवः ॥
मदतांडवकृन्मत्तो महादेवप्रियो महान् ॥ १७ ॥

nirātaṃko nirvikalpaḥ kalpaḥ kalpāṃtabhairavaḥ
madatāṃḍavakṛnmatto mahādevapriyo mahān

Meaning open with adhikāra · अर्थ अधिकार से

खट्वांगपाणिः खातीतः खरशूलः खरांतकृत् ॥
ब्रह्मांडभेदनो ब्रह्मज्ञानी ब्राह्मणपालकः ॥ १८ ॥

khaṭvāṃgapāṇiḥ khātītaḥ kharaśūlaḥ kharāṃtakṛt
brahmāṃḍabhedano brahmajñānī brāhmaṇapālakaḥ

Meaning open with adhikāra · अर्थ अधिकार से

दिक्चरो भूचरो भूष्णुः खचरः खेलनप्रियः ॥
सर्वदुष्टप्रहर्ता च सर्वरोगनिषूदनः ॥ १९ ॥

dikcaro bhūcaro bhūṣṇuḥ khacaraḥ khelanapriyaḥ
sarvaduṣṭaprahartā ca sarvaroganiṣūdanaḥ

Meaning open with adhikāra · अर्थ अधिकार से

सर्वकामप्रदः शर्वः सर्वपापनिकृंतनः ॥
इत्थमष्टोत्तरशतं नाम्नां सर्वसमृद्धिदम् ॥ २० ॥

sarvakāmapradaḥ śarvaḥ sarvapāpanikṛṃtanaḥ
itthamaṣṭottaraśataṃ nāmnāṃ sarvasamṛddhidam

Meaning open with adhikāra · अर्थ अधिकार से

आपदुद्धारजनकं वटुकस्य प्रकीर्तितम् ॥
एतच्च शृणुयान्नित्यं लिखेद्वा स्थापयेद्गृहे ॥ २१ ॥

āpaduddhārajanakaṃ vaṭukasya prakīrtitam
etacca śṛṇuyānnityaṃ likhedvā sthāpayedgṛhe

Meaning open with adhikāra · अर्थ अधिकार से

धारयेद्वा गले बाहौ तस्य सर्वाः समृद्धयः ॥
न तस्य दुरितं किंचिन्न चोरनृपजं भयम् ॥ २२ ॥

dhārayedvā gale bāhau tasya sarvāḥ samṛddhayaḥ
na tasya duritaṃ kiṃcinna coranṛpajaṃ bhayam

Meaning open with adhikāra · अर्थ अधिकार से

न चापस्मृतिरोगेभ्यो डाकिनीभ्यो भयं नहि ॥
न कूष्मांडग्रहादिभ्यो नापमृत्योर्न च ज्वरात् ॥ २३ ॥

na cāpasmṛtirogebhyo ḍākinībhyo bhayaṃ nahi
na kūṣmāṃḍagrahādibhyo nāpamṛtyorna ca jvarāt

Meaning open with adhikāra · अर्थ अधिकार से

मासमेकं त्रिसंध्यं च शुचिर्भूत्वा पठेन्नरः ॥
सर्वदारिद्र्यनिर्मुक्तो निधिं पश्यति भूतले ॥ २४ ॥

māsamekaṃ trisaṃdhyaṃ ca śucirbhūtvā paṭhennaraḥ
sarvadāridryanirmukto nidhiṃ paśyati bhūtale

Meaning open with adhikāra · अर्थ अधिकार से

मासद्वयमधीयानः पादुकासिद्धिमान् भवेत् ॥
अंजनं गुटिका खड्गं धातुवादरसायनम् ॥ २५ ॥

māsadvayamadhīyānaḥ pādukāsiddhimān bhavet
aṃjanaṃ guṭikā khaḍgaṃ dhātuvādarasāyanam

सारस्वतं च वेतालवाहनं बिलसाधनम् ॥
कार्यसिद्धिं महासिद्धिं मंत्रं चैव समीहितम् ॥ २६ ॥

sārasvataṃ ca vetālavāhanaṃ bilasādhanam
kāryasiddhiṃ mahāsiddhiṃ maṃtraṃ caiva samīhitam

वर्षमात्रमधीयानः प्राप्नुयात्साधकोत्तमः ॥
एतत्ते कथितं देवि गुह्याद्गुह्यतरं परम् ॥ २७ ॥

varṣamātramadhīyānaḥ prāpnuyātsādhakottamaḥ
etatte kathitaṃ devi guhyādguhyataraṃ param

कालसंकर्षणीतंत्रे कलिकल्मषनाशनम् ॥
नरनारीनृपाणां च वशीकरणमंबिके ॥ २८ ॥

kālasaṃkarṣaṇītaṃtre kalikalmaṣanāśanam
naranārīnṛpāṇāṃ ca vaśīkaraṇamaṃbike