श्रीवक्रतुंडगणेशसहस्रनामस्तोत्रम्

व्यास उवाच — व्यास ने कहा Vyāsa said

कथं नाम्नां सहस्रं स्वं गणेश उपदिष्टवान् ॥
शिवाय तन्ममाचक्ष्व लोकानुग्रहतत्पर ॥ १ ॥

kathaṃ nāmnāṃ sahasraṃ svaṃ gaṇeśa upadiṣṭavān
śivāya tanmamācakṣva lokānugrahatatpara

ब्रह्मोवाच — ब्रह्मा ने कहा Brahmā said

देवदेवः पुरारातिः पुरत्रयजयोद्यमे ॥
अनर्चनाद्गणेशस्य जातो विघ्नाकुलः किल ॥ २ ॥

devadevaḥ purārātiḥ puratrayajayodyame
anarcanādgaṇeśasya jāto vighnākulaḥ kila

मनसा स विनिर्धार्य्य ततस्तद्विघ्नकारणम् ॥
महागणपतिं भक्त्या समभ्यर्च्य यथाविधि ॥ ३ ॥

manasā sa vinirdhāryya tatastadvighnakāraṇam
mahāgaṇapatiṃ bhaktyā samabhyarcya yathāvidhi

विघ्नप्रशमनोपायमपृच्छदपराजितः ॥
संतुष्टः पूजया शम्भोर्महागणपतिः स्वयम् ॥ ४ ॥

vighnapraśamanopāyamapṛcchadaparājitaḥ
saṃtuṣṭaḥ pūjayā śambhormahāgaṇapatiḥ svayam

सर्वविघ्नैकहरणं सर्वकामफलप्रदम् ॥
ततस्तस्मै स्वकं नाम्नां सहस्रमिदमब्रवीत् ॥ ५ ॥

sarvavighnaikaharaṇaṃ sarvakāmaphalapradam
tatastasmai svakaṃ nāmnāṃ sahasramidamabravīt

Meaning open with adhikāra · अर्थ अधिकार से

महागणपतिरुवाच — महागणपति ने कहा Mahāgaṇapati said

ॐ गणेश्वरो गणक्रीडो गणनाथो गणाधिपः ॥
एकदंष्ट्रो वक्रतुण्डो गजवक्रो महोदरः ॥ ६ ॥

oṃ gaṇeśvaro gaṇakrīḍo gaṇanātho gaṇādhipaḥ
ekadaṃṣṭro vakratuṇḍo gajavakro mahodaraḥ

Meaning open with adhikāra · अर्थ अधिकार से

लम्बोदरो धूम्रवर्णो विकटो विघ्ननायकः ॥
सुमुखो दुर्मुखो बुद्धो विघ्नराजो गजाननः ॥ ७ ॥

lambodaro dhūmravarṇo vikaṭo vighnanāyakaḥ
sumukho durmukho buddho vighnarājo gajānanaḥ

Meaning open with adhikāra · अर्थ अधिकार से

भीमः प्रमोद आमोदः सुरानन्दो मदोत्कटः ॥
हेरम्बः शम्बरः शम्भुर्लम्बकर्णो महावलः ॥ ८ ॥

bhīmaḥ pramoda āmodaḥ surānando madotkaṭaḥ
herambaḥ śambaraḥ śambhurlambakarṇo mahāvalaḥ

Meaning open with adhikāra · अर्थ अधिकार से

नन्दनो लम्पटोऽभीरुर्मेघनादो गणंजयः ॥
विनायको विरूपाक्षो धीरः शूरो वरप्रदः ॥ ९ ॥

nandano lampaṭo'bhīrurmeghanādo gaṇaṃjayaḥ
vināyako virūpākṣo dhīraḥ śūro varapradaḥ

Meaning open with adhikāra · अर्थ अधिकार से

महागणपतिर्बुद्धिप्रियः क्षिप्रप्रसादनः ॥
रुद्रप्रियो गणाध्यक्ष उमापुत्रोऽघनाशनः ॥ १० ॥

mahāgaṇapatirbuddhipriyaḥ kṣipraprasādanaḥ
rudrapriyo gaṇādhyakṣa umāputro'ghanāśanaḥ

Meaning open with adhikāra · अर्थ अधिकार से

कुमारगुरुरीशानपुत्रो मूषकवाहनः ॥
सिद्धिप्रियः सिद्धिपतिः सिद्धः सिद्धिविनायकः ॥ ११ ॥

kumāragururīśānaputro mūṣakavāhanaḥ
siddhipriyaḥ siddhipatiḥ siddhaḥ siddhivināyakaḥ

Meaning open with adhikāra · अर्थ अधिकार से

अविघ्नस्तुम्बरुः सिंहवाहनो मोहिनीप्रियः ॥
कटंकटो राजपुत्रः शालकः सम्मितोऽमितः ॥ १२ ॥

avighnastumbaruḥ siṃhavāhano mohinīpriyaḥ
kaṭaṃkaṭo rājaputraḥ śālakaḥ sammito'mitaḥ

Meaning open with adhikāra · अर्थ अधिकार से

कूष्माण्डसामसम्भूतिर्दुर्जयो धूर्जयो जयः ॥
भूपतिर्भुवनपतिर्भूतानाम्पतिरव्ययः ॥ १३ ॥

kūṣmāṇḍasāmasambhūtirdurjayo dhūrjayo jayaḥ
bhūpatirbhuvanapatirbhūtānāmpatiravyayaḥ

Meaning open with adhikāra · अर्थ अधिकार से

विश्वकर्ता विश्वमुखो विश्वरूपो निधिर्घृणिः ॥
कविः कवीनामृषभो ब्रह्मण्यो ब्रह्मणस्पतिः ॥ १४ ॥

viśvakartā viśvamukho viśvarūpo nidhirghṛṇiḥ
kaviḥ kavīnāmṛṣabho brahmaṇyo brahmaṇaspatiḥ

Meaning open with adhikāra · अर्थ अधिकार से

ज्येष्ठराजो निधिपतिर्निधिप्रियपतिप्रियः ॥
हिरण्मयपुरान्तस्थः सूर्य्यमण्डलमध्यगः ॥ १५ ॥

jyeṣṭharājo nidhipatirnidhipriyapatipriyaḥ
hiraṇmayapurāntasthaḥ sūryyamaṇḍalamadhyagaḥ

Meaning open with adhikāra · अर्थ अधिकार से

कराहतिध्वस्तसिन्धुसलिलः पूषदन्तहृत् ॥
उमांककेलिकुतुकी मुक्तिदः कुलपालनः ॥ १६ ॥

karāhatidhvastasindhusalilaḥ pūṣadantahṛt
umāṃkakelikutukī muktidaḥ kulapālanaḥ

Meaning open with adhikāra · अर्थ अधिकार से

किरीटी कुण्डली हारी वनमाली मनोमयः ॥
वैमुख्यहतदैत्यश्रीः पादाहतजिताक्षितिः ॥ १७ ॥

kirīṭī kuṇḍalī hārī vanamālī manomayaḥ
vaimukhyahatadaityaśrīḥ pādāhatajitākṣitiḥ

Meaning open with adhikāra · अर्थ अधिकार से

सद्योजातः स्वर्णमुञ्जमेखली दुर्निमित्तहृत् ॥
दुस्स्वप्नहृत्प्रसहनो गुणिनादप्रतिष्ठितः ॥ १८ ॥

sadyojātaḥ svarṇamuñjamekhalī durnimittahṛt
dussvapnahṛtprasahano guṇinādapratiṣṭhitaḥ

Meaning open with adhikāra · अर्थ अधिकार से

सुरूपः सर्वनेत्राधिवासो वीरासनाश्रयः ॥
पीताम्बरः खण्डरदः खण्डेन्दुकृतशेखरः ॥ १९ ॥

surūpaḥ sarvanetrādhivāso vīrāsanāśrayaḥ
pītāmbaraḥ khaṇḍaradaḥ khaṇḍendukṛtaśekharaḥ

Meaning open with adhikāra · अर्थ अधिकार से

चित्रांकः श्यामदशनो भालचन्द्रश्चतुर्भुजः ॥
योगाधिपस्तारकस्थः पुरुषो गजकर्णकः ॥ २० ॥

citrāṃkaḥ śyāmadaśano bhālacandraścaturbhujaḥ
yogādhipastārakasthaḥ puruṣo gajakarṇakaḥ

Meaning open with adhikāra · अर्थ अधिकार से

गणाधिराजो विजयस्थिरो गजपतिर्ध्वजी ॥
देवदेवः स्मरप्राणो दीपको वायुकीलकः ॥ २१ ॥

gaṇādhirājo vijayasthiro gajapatirdhvajī
devadevaḥ smaraprāṇo dīpako vāyukīlakaḥ

Meaning open with adhikāra · अर्थ अधिकार से

विपश्चिद्वरदो नादो नादभिन्नबलाहकः ॥
वाराहरदनो मृत्युञ्जयो व्याघ्राजिनाम्बरः ॥ २२ ॥

vipaścidvarado nādo nādabhinnabalāhakaḥ
vārāharadano mṛtyuñjayo vyāghrājināmbaraḥ

Meaning open with adhikāra · अर्थ अधिकार से

इच्छाशक्तिधरो देवत्राता दैत्यविमर्दनः ॥
शम्भुवक्रोद्भवः शम्भुकोपहा शम्भुहास्यभूः ॥ २३ ॥

icchāśaktidharo devatrātā daityavimardanaḥ
śambhuvakrodbhavaḥ śambhukopahā śambhuhāsyabhūḥ

Meaning open with adhikāra · अर्थ अधिकार से

शम्भुतेजाः शिवाशोकहारी गौरीसुखावहः ॥
उमांगमलजो गौरीतेजोभूः स्वर्धुनीभवः ॥ २४ ॥

śambhutejāḥ śivāśokahārī gaurīsukhāvahaḥ
umāṃgamalajo gaurītejobhūḥ svardhunībhavaḥ

Meaning open with adhikāra · अर्थ अधिकार से

यज्ञकायो महानादो गिरिवर्ष्मा शुभाननः ॥
सर्वात्मा सर्वदेवात्मा ब्रह्ममूर्द्धा ककुप्श्रुतिः ॥ २५ ॥

yajñakāyo mahānādo girivarṣmā śubhānanaḥ
sarvātmā sarvadevātmā brahmamūrddhā kakupśrutiḥ

Meaning open with adhikāra · अर्थ अधिकार से

ब्रह्माण्डकुम्भश्चिद्व्योमभालः सत्यशिरोरुहः ॥
जगज्जन्मलयोन्मेषनिमिषोऽग्न्यर्कसोमदृक् ॥ २६ ॥

brahmāṇḍakumbhaścidvyomabhālaḥ satyaśiroruhaḥ
jagajjanmalayonmeṣanimiṣo'gnyarkasomadṛk

Meaning open with adhikāra · अर्थ अधिकार से

गिरीन्द्रैकरदो धर्मो धर्मिष्ठः सामबृंहितः ॥
ग्रहर्क्षदशनो वाणीजिह्वो वासवनासिकः ॥ २७ ॥

girīndraikarado dharmo dharmiṣṭhaḥ sāmabṛṃhitaḥ
graharkṣadaśano vāṇījihvo vāsavanāsikaḥ

Meaning open with adhikāra · अर्थ अधिकार से

कुलाचलांसः सोमार्कघण्टो रुद्रशिरोधरः ॥
नदीनदभुजः सर्पांगुलीकस्तारकानखः ॥ २८ ॥

kulācalāṃsaḥ somārkaghaṇṭo rudraśirodharaḥ
nadīnadabhujaḥ sarpāṃgulīkastārakānakhaḥ

Meaning open with adhikāra · अर्थ अधिकार से

भ्रूमध्यसंस्थितकरो ब्रह्मविद्यामदोत्कटः ॥
व्योमनाभिः श्रीहृदयो मेरुपृष्ठोऽर्णवोदरः ॥ २९ ॥

bhrūmadhyasaṃsthitakaro brahmavidyāmadotkaṭaḥ
vyomanābhiḥ śrīhṛdayo merupṛṣṭho'rṇavodaraḥ

Meaning open with adhikāra · अर्थ अधिकार से

कुक्षिस्थयक्षगंधर्वरक्षःकिन्नरमानुषः ॥
पृथ्वीकटिः सृष्टिलिंगः शैलोरुर्दस्रजानुकः ॥ ३० ॥

kukṣisthayakṣagaṃdharvarakṣaḥkinnaramānuṣaḥ
pṛthvīkaṭiḥ sṛṣṭiliṃgaḥ śailorurdasrajānukaḥ

Meaning open with adhikāra · अर्थ अधिकार से

पातालजंघो मुनिपात्कालांगुष्ठत्रयीतनुः ॥
ज्योतिर्मण्डललांगूलो हृदयालाननिश्चलः ॥ ३१ ॥

pātālajaṃgho munipātkālāṃguṣṭhatrayītanuḥ
jyotirmaṇḍalalāṃgūlo hṛdayālānaniścalaḥ

Meaning open with adhikāra · अर्थ अधिकार से

हृत्पद्मकर्णिकाशाली वियत्केलिसरोवरः ॥
सद्भक्तध्याननिगडः पूजावारिनिवारितः ॥ ३२ ॥

hṛtpadmakarṇikāśālī viyatkelisarovaraḥ
sadbhaktadhyānanigaḍaḥ pūjāvārinivāritaḥ

Meaning open with adhikāra · अर्थ अधिकार से

प्रतापी कश्यपसुतो गणपो विष्टपी बली ॥
यशस्वी धार्मिकः स्वोजाः प्रथमः प्रमथेश्वरः ॥ ३३ ॥

pratāpī kaśyapasuto gaṇapo viṣṭapī balī
yaśasvī dhārmikaḥ svojāḥ prathamaḥ pramatheśvaraḥ

Meaning open with adhikāra · अर्थ अधिकार से

चिंतामणिर्द्वीपपतिः कल्पद्रुमवनालयः ॥
रत्नमंडपमध्यस्थो रत्नसिंहासनाश्रयः ॥ ३४ ॥

ciṃtāmaṇirdvīpapatiḥ kalpadrumavanālayaḥ
ratnamaṃḍapamadhyastho ratnasiṃhāsanāśrayaḥ

Meaning open with adhikāra · अर्थ अधिकार से

तीव्राशिरोधृतपदो ज्वालिनीमौलिलालितः ॥
नन्दानन्दितपीठश्रीर्भोगदो भूषितासनः ॥ ३५ ॥

tīvrāśirodhṛtapado jvālinīmaulilālitaḥ
nandānanditapīṭhaśrīrbhogado bhūṣitāsanaḥ

Meaning open with adhikāra · अर्थ अधिकार से

सकामदायिनीपीठः स्फुरदुग्रासनाश्रयः ॥
तेजोवतीशिरोरत्नं सत्यानित्यावतंसितः ॥ ३६ ॥

sakāmadāyinīpīṭhaḥ sphuradugrāsanāśrayaḥ
tejovatīśiroratnaṃ satyānityāvataṃsitaḥ

Meaning open with adhikāra · अर्थ अधिकार से

सविघ्ननाशिनीपीठः सर्वशक्त्यम्बुजाश्रयः ॥
लिपिपद्मासनाधारो वह्निधामत्रयाश्रयः ॥ ३७ ॥

savighnanāśinīpīṭhaḥ sarvaśaktyambujāśrayaḥ
lipipadmāsanādhāro vahnidhāmatrayāśrayaḥ

Meaning open with adhikāra · अर्थ अधिकार से

उन्नतप्रपदागूढगुल्फसंवृतपार्ष्णिकः ॥
पीनजंघः श्लिष्टजानुः स्थूलोरुः प्रोन्नमत्कटिः ॥ ३८ ॥

unnataprapadāgūḍhagulphasaṃvṛtapārṣṇikaḥ
pīnajaṃghaḥ śliṣṭajānuḥ sthūloruḥ pronnamatkaṭiḥ

Meaning open with adhikāra · अर्थ अधिकार से

निम्ननाभिः स्थूलकुक्षिः पीनवक्षा बृहद्भुजः ॥
पीनस्कंधः कम्बुकंठो लम्बोष्ठो लम्बनासिकः ॥ ३९ ॥

nimnanābhiḥ sthūlakukṣiḥ pīnavakṣā bṛhadbhujaḥ
pīnaskaṃdhaḥ kambukaṃṭho lamboṣṭho lambanāsikaḥ

Meaning open with adhikāra · अर्थ अधिकार से

भग्नवामरदस्तुंगसव्यदन्तो महाहनुः ॥
ह्रस्वनेत्रत्रयः शूर्पकर्णो निविडमस्तकः ॥ ४० ॥

bhagnavāmaradastuṃgasavyadanto mahāhanuḥ
hrasvanetratrayaḥ śūrpakarṇo niviḍamastakaḥ

Meaning open with adhikāra · अर्थ अधिकार से

स्तबकाकारकुम्भाग्रो रत्नमौलिर्निरंकुशः ॥
सर्पहारकटीसूत्रः सर्पयज्ञोपवीतवान् ॥ ४१ ॥

stabakākārakumbhāgro ratnamaulirniraṃkuśaḥ
sarpahārakaṭīsūtraḥ sarpayajñopavītavān

Meaning open with adhikāra · अर्थ अधिकार से

सर्पकोटीरकटकः सर्पग्रैवेयकांगदः ॥
सर्पकक्ष्योदराबन्धः सर्पराजोत्तरीयकः ॥ ४२ ॥

sarpakoṭīrakaṭakaḥ sarpagraiveyakāṃgadaḥ
sarpakakṣyodarābandhaḥ sarparājottarīyakaḥ

Meaning open with adhikāra · अर्थ अधिकार से

रक्तो रक्ताम्बरधरो रक्तमाल्यविभूषणः ॥
रक्तेक्षणो रक्तकरो रक्तताल्वोष्ठपल्लवः ॥ ४३ ॥

rakto raktāmbaradharo raktamālyavibhūṣaṇaḥ
raktekṣaṇo raktakaro raktatālvoṣṭhapallavaḥ

Meaning open with adhikāra · अर्थ अधिकार से

श्वेतः श्वेताम्बरधरः श्वेतमाल्यविभूषणः ॥
श्वेतातपत्ररुचिरः श्वेतचामरवीजितः ॥ ४४ ॥

śvetaḥ śvetāmbaradharaḥ śvetamālyavibhūṣaṇaḥ
śvetātapatraruciraḥ śvetacāmaravījitaḥ

Meaning open with adhikāra · अर्थ अधिकार से

सर्वावयवसम्पूर्णः सर्वलक्षणलक्षितः ॥
सर्वाभरणशोभाढ्यः सर्वशोभासमन्वितः ॥ ४५ ॥

sarvāvayavasampūrṇaḥ sarvalakṣaṇalakṣitaḥ
sarvābharaṇaśobhāḍhyaḥ sarvaśobhāsamanvitaḥ

Meaning open with adhikāra · अर्थ अधिकार से

सर्वमंगलमांगल्यः सर्वकारणकारणम् ॥
सर्वदैककरः शार्ङ्गी बीजापूरी गदाधरः ॥ ४६ ॥

sarvamaṃgalamāṃgalyaḥ sarvakāraṇakāraṇam
sarvadaikakaraḥ śārṅgī bījāpūrī gadādharaḥ

Meaning open with adhikāra · अर्थ अधिकार से

इक्षुचापधरः शूली चक्रपाणिः सरोजभृत् ॥
पाशी धृतोत्पलः शालिमञ्जरीभृत्स्वदन्तभृत् ॥ ४७ ॥

ikṣucāpadharaḥ śūlī cakrapāṇiḥ sarojabhṛt
pāśī dhṛtotpalaḥ śālimañjarībhṛtsvadantabhṛt

Meaning open with adhikāra · अर्थ अधिकार से

कल्पवल्लीधरो विश्वाभयदैककरो वशी ॥
अक्षमालाधरो ज्ञानमुद्रावान्मुद्गरायुधः ॥ ४८ ॥

kalpavallīdharo viśvābhayadaikakaro vaśī
akṣamālādharo jñānamudrāvānmudgarāyudhaḥ

Meaning open with adhikāra · अर्थ अधिकार से

पूर्णपात्री कम्बुधरो विधृतालिसमूहकः ॥
मातुलुंगधरश्चूतकलिकाभृत्कुठारवान् ॥ ४९ ॥

pūrṇapātrī kambudharo vidhṛtālisamūhakaḥ
mātuluṃgadharaścūtakalikābhṛtkuṭhāravān

Meaning open with adhikāra · अर्थ अधिकार से

पुष्करस्थस्वर्णघटीपूर्णरत्नाभिवर्षकः ॥
भारतीसुंदरीनाथो विनायकरतिप्रियः ॥ ५० ॥

puṣkarasthasvarṇaghaṭīpūrṇaratnābhivarṣakaḥ
bhāratīsuṃdarīnātho vināyakaratipriyaḥ

Meaning open with adhikāra · अर्थ अधिकार से

महालक्ष्मीप्रियतमः सिद्धलक्ष्मीमनोरमः ॥
रमारमेशपूर्वांगो दक्षिणोमामहेश्वरः ॥ ५१ ॥

mahālakṣmīpriyatamaḥ siddhalakṣmīmanoramaḥ
ramārameśapūrvāṃgo dakṣiṇomāmaheśvaraḥ

Meaning open with adhikāra · अर्थ अधिकार से

महीवराहवामांगो रतिकन्दर्पपश्चिमः ॥
आमोदमोदजननः सप्रमोदप्रमोदनः ॥ ५२ ॥

mahīvarāhavāmāṃgo ratikandarpapaścimaḥ
āmodamodajananaḥ sapramodapramodanaḥ

Meaning open with adhikāra · अर्थ अधिकार से

समैधिता समिद्धश्रीर्ऋद्धिसिद्धिप्रवर्तकः ॥
दत्तसौमुख्यसुमुखः कांतिकन्दलिताश्रयः ॥ ५३ ॥

samaidhitā samiddhaśrīrṛddhisiddhipravartakaḥ
dattasaumukhyasumukhaḥ kāṃtikandalitāśrayaḥ

Meaning open with adhikāra · अर्थ अधिकार से

मदनावत्याश्रितांघ्रिः कृतदौर्मुख्यदुर्मुखः ॥
विघ्नसम्पल्लवोपघ्नः सेवोन्निद्रमदद्रवः ॥ ५४ ॥

madanāvatyāśritāṃghriḥ kṛtadaurmukhyadurmukhaḥ
vighnasampallavopaghnaḥ sevonnidramadadravaḥ

Meaning open with adhikāra · अर्थ अधिकार से

विघ्नकृन्निघ्नचरणो द्राविणीशक्तिसत्कृतः ॥
तीव्राप्रसन्ननयनो ज्वालिनीपालितैकदृक् ॥ ५५ ॥

vighnakṛnnighnacaraṇo drāviṇīśaktisatkṛtaḥ
tīvrāprasannanayano jvālinīpālitaikadṛk

Meaning open with adhikāra · अर्थ अधिकार से

मोहिनीमोहनो भोगदायिनीकांतिमंडितः ॥
कामिनीकान्तवक्त्रश्रीरधिष्ठितवसुन्धरः ॥ ५६ ॥

mohinīmohano bhogadāyinīkāṃtimaṃḍitaḥ
kāminīkāntavaktraśrīradhiṣṭhitavasundharaḥ

Meaning open with adhikāra · अर्थ अधिकार से

वसुंधरामदोन्नद्धमहाशंखनिधिः प्रभुः ॥
नमद्वसुमतीमौलिर्महापद्मनिधिप्रभुः ॥ ५७ ॥

vasuṃdharāmadonnaddhamahāśaṃkhanidhiḥ prabhuḥ
namadvasumatīmaulirmahāpadmanidhiprabhuḥ

Meaning open with adhikāra · अर्थ अधिकार से

सर्वसद्गुरुसंसेव्यः शोचिष्केशहृदाश्रयः ॥
ईशानमूर्द्धा देवेन्द्रशिखः पवननन्दनः ॥ ५८ ॥

sarvasadgurusaṃsevyaḥ śociṣkeśahṛdāśrayaḥ
īśānamūrddhā devendraśikhaḥ pavananandanaḥ

Meaning open with adhikāra · अर्थ अधिकार से

अग्रप्रत्यग्रनयनो दिव्यास्त्राणांप्रयोगवित् ॥
ऐरावतादिसर्वाशावारणावरणप्रियः ॥ ५९ ॥

agrapratyagranayano divyāstrāṇāṃprayogavit
airāvatādisarvāśāvāraṇāvaraṇapriyaḥ

Meaning open with adhikāra · अर्थ अधिकार से

वज्राद्यस्त्रपरीवारो गणचण्डसमाश्रयः ॥
जयाजयपरीवारो विजयाविजयावहः ॥ ६० ॥

vajrādyastraparīvāro gaṇacaṇḍasamāśrayaḥ
jayājayaparīvāro vijayāvijayāvahaḥ

Meaning open with adhikāra · अर्थ अधिकार से

अजितार्चितपादाब्जो नित्यानित्यावतंसितः ॥
विलासिनीकृतोल्लासः शौण्डिसौन्दर्य्यमण्डितः ॥ ६१ ॥

ajitārcitapādābjo nityānityāvataṃsitaḥ
vilāsinīkṛtollāsaḥ śauṇḍisaundaryyamaṇḍitaḥ

Meaning open with adhikāra · अर्थ अधिकार से

अनंतानन्तसुखदः सुमंगलसुमंगलः ॥
इच्छाशक्तिज्ञानशक्तिक्रियाशक्तिनिषेवितः ॥ ६२ ॥

anaṃtānantasukhadaḥ sumaṃgalasumaṃgalaḥ
icchāśaktijñānaśaktikriyāśaktiniṣevitaḥ

Meaning open with adhikāra · अर्थ अधिकार से

सुभगासंश्रितपदो ललितालालिताश्रयः ॥
कामिनीकामनः काममालिनीकेलिलालितः ॥ ६३ ॥

subhagāsaṃśritapado lalitālālitāśrayaḥ
kāminīkāmanaḥ kāmamālinīkelilālitaḥ

Meaning open with adhikāra · अर्थ अधिकार से

सरस्वत्याश्रयो गौरीनन्दनः श्रीनिकेतनः ॥
गुरुगुप्तपदो वाचा सिद्धो वागीश्वरीपतिः ॥ ६४ ॥

sarasvatyāśrayo gaurīnandanaḥ śrīniketanaḥ
guruguptapado vācā siddho vāgīśvarīpatiḥ

Meaning open with adhikāra · अर्थ अधिकार से

नलिनीकामुको वामारामो ज्येष्ठामनोरमः ॥
रौद्रीमुद्रितपादाब्जो हुंबीजस्तुङ्गशक्तिकः ॥ ६५ ॥

nalinīkāmuko vāmārāmo jyeṣṭhāmanoramaḥ
raudrīmudritapādābjo huṃbījastuṅgaśaktikaḥ

Meaning open with adhikāra · अर्थ अधिकार से

विश्वादिजननत्राणः स्वाहाशक्तिः सकीलकः ॥
अमृताब्धिकृतावासो मदघूर्णितलोचनः ॥ ६६ ॥

viśvādijananatrāṇaḥ svāhāśaktiḥ sakīlakaḥ
amṛtābdhikṛtāvāso madaghūrṇitalocanaḥ

Meaning open with adhikāra · अर्थ अधिकार से

उच्छिष्टगण उच्छिष्टगणेशो गणनायकः ॥
सर्वकालिकसंसिद्धिर्नित्यशैवो दिगम्बरः ॥ ६७ ॥

ucchiṣṭagaṇa ucchiṣṭagaṇeśo gaṇanāyakaḥ
sarvakālikasaṃsiddhirnityaśaivo digambaraḥ

Meaning open with adhikāra · अर्थ अधिकार से

अनपायोऽनन्तदृष्टिरप्रमेयोऽजरामरः ॥
अनाविलोऽप्रतिरथो ह्यच्युतोऽमृतमक्षरम् ॥ ६८ ॥

anapāyo'nantadṛṣṭiraprameyo'jarāmaraḥ
anāvilo'pratiratho hyacyuto'mṛtamakṣaram

Meaning open with adhikāra · अर्थ अधिकार से

अप्रतर्क्योऽक्षयोऽजय्योऽनाधारोऽनामयोऽमलः ॥
अमोघसिद्धिरद्वैतमघोरोऽप्रमिताननः ॥ ६९ ॥

apratarkyo'kṣayo'jayyo'nādhāro'nāmayo'malaḥ
amoghasiddhiradvaitamaghoro'pramitānanaḥ

Meaning open with adhikāra · अर्थ अधिकार से

अनाकारोऽब्धिभूम्यग्निबलघ्नोऽव्यक्तलक्षणः ॥
आधारपीठ आधार आधाराधेयवर्जितः ॥ ७० ॥

anākāro'bdhibhūmyagnibalaghno'vyaktalakṣaṇaḥ
ādhārapīṭha ādhāra ādhārādheyavarjitaḥ

Meaning open with adhikāra · अर्थ अधिकार से

आखुकेतन आशापूरक आखुमहारथः ॥
इक्षुसागरमध्यस्थ इक्षुभक्षणलालसः ॥ ७१ ॥

ākhuketana āśāpūraka ākhumahārathaḥ
ikṣusāgaramadhyastha ikṣubhakṣaṇalālasaḥ

Meaning open with adhikāra · अर्थ अधिकार से

इक्षुचापातिरेकश्रीरिक्षुचापनिषेवितः ॥
इंद्रगोपसमानश्रीरिन्द्रनीलसमद्युतिः ॥ ७२ ॥

ikṣucāpātirekaśrīrikṣucāpaniṣevitaḥ
iṃdragopasamānaśrīrindranīlasamadyutiḥ

Meaning open with adhikāra · अर्थ अधिकार से

इन्दीवरदलश्याम इन्दुमण्डलनिर्मलः ॥
इध्मप्रिय इडाभाग इडाधामेन्दिराप्रियः ॥ ७३ ॥

indīvaradalaśyāma indumaṇḍalanirmalaḥ
idhmapriya iḍābhāga iḍādhāmendirāpriyaḥ

Meaning open with adhikāra · अर्थ अधिकार से

इक्ष्वाकुविघ्नविध्वंसी इतिकर्तव्यतेप्सितः ॥
ईशानमौलिरीशान ईशानसुत ईतिहा ॥ ७४ ॥

ikṣvākuvighnavidhvaṃsī itikartavyatepsitaḥ
īśānamaulirīśāna īśānasuta ītihā

Meaning open with adhikāra · अर्थ अधिकार से

ईषणात्रयकल्पान्त ईहामात्रविवर्जितः ॥
उपेन्द्र उडुभृन्मौलिरुण्डेरकवलिप्रियः ॥ ७५ ॥

īṣaṇātrayakalpānta īhāmātravivarjitaḥ
upendra uḍubhṛnmauliruṇḍerakavalipriyaḥ

Meaning open with adhikāra · अर्थ अधिकार से

उन्नतानन उत्तुङ्ग उदारत्रिदशाग्रणीः ॥
ऊर्जस्वानूष्मलमद ऊहापोहदुरासदः ॥ ७६ ॥

unnatānana uttuṅga udāratridaśāgraṇīḥ
ūrjasvānūṣmalamada ūhāpohadurāsadaḥ

Meaning open with adhikāra · अर्थ अधिकार से

ऋग्यजुःसामसंभूतिर्ऋद्धिसिद्धिप्रवर्तकः ॥
ऋजुचित्तैकसुलभ ऋणत्रयविमोचकः ॥ ७७ ॥

ṛgyajuḥsāmasaṃbhūtirṛddhisiddhipravartakaḥ
ṛjucittaikasulabha ṛṇatrayavimocakaḥ

Meaning open with adhikāra · अर्थ अधिकार से

लुप्तविघ्नः स्वभक्तानां लुप्तशक्तिः सुरद्विषाम् ॥
लुप्तश्रीर्विमुखार्चानां लूताविस्फोटनाशनः ॥ ७८ ॥

luptavighnaḥ svabhaktānāṃ luptaśaktiḥ suradviṣām
luptaśrīrvimukhārcānāṃ lūtāvisphoṭanāśanaḥ

Meaning open with adhikāra · अर्थ अधिकार से

एकारपीठमध्यस्थ एकपादकृतासनः ॥
एजिताखिलदैत्यश्रीरेजिताखिलसंश्रयः ॥ ७९ ॥

ekārapīṭhamadhyastha ekapādakṛtāsanaḥ
ejitākhiladaityaśrīrejitākhilasaṃśrayaḥ

Meaning open with adhikāra · अर्थ अधिकार से

ऐश्वर्य्यनिधिरैश्वर्यमैहिकामुष्मिकप्रदः ॥
ऐरम्मदसमोन्मेष ऐरावतनिभाननः ॥ ८० ॥

aiśvaryyanidhiraiśvaryamaihikāmuṣmikapradaḥ
airammadasamonmeṣa airāvatanibhānanaḥ

Meaning open with adhikāra · अर्थ अधिकार से

ओंकारवाच्य ओंकार ओजस्वानोषधीपतिः ॥
औदार्यनिधिरौद्धत्यधुर्य औन्नत्यनिःस्वनः ॥ ८१ ॥

oṃkāravācya oṃkāra ojasvānoṣadhīpatiḥ
audāryanidhirauddhatyadhurya aunnatyaniḥsvanaḥ

Meaning open with adhikāra · अर्थ अधिकार से

अंकुशः सुरनागानामंकुशः सुरविद्विषाम् ॥
असमस्तविसर्गाणां पदेषु परिकीर्तितः ॥ ८२ ॥

aṃkuśaḥ suranāgānāmaṃkuśaḥ suravidviṣām
asamastavisargāṇāṃ padeṣu parikīrtitaḥ

Meaning open with adhikāra · अर्थ अधिकार से

कमण्डलुधरः कल्पः कपर्दी कलभाननः ॥
कर्म्मसाक्षी कर्म्मकर्त्ता कर्म्माकर्म्मफलप्रदः ॥ ८३ ॥

kamaṇḍaludharaḥ kalpaḥ kapardī kalabhānanaḥ
karmmasākṣī karmmakarttā karmmākarmmaphalapradaḥ

Meaning open with adhikāra · अर्थ अधिकार से

कदम्बगोलकाकारः कूष्माण्डगणनायकः ॥
कारुण्यदेहः कपिलः कथकः कटिसूत्रभृत् ॥ ८४ ॥

kadambagolakākāraḥ kūṣmāṇḍagaṇanāyakaḥ
kāruṇyadehaḥ kapilaḥ kathakaḥ kaṭisūtrabhṛt

Meaning open with adhikāra · अर्थ अधिकार से

खर्वः खड्गप्रियः खड्गखातान्तस्थः खनिर्मलः ॥
खल्वाटशृङ्गनिलयः खट्वांगी खदुरासदः ॥ ८५ ॥

kharvaḥ khaḍgapriyaḥ khaḍgakhātāntasthaḥ khanirmalaḥ
khalvāṭaśṛṅganilayaḥ khaṭvāṃgī khadurāsadaḥ

Meaning open with adhikāra · अर्थ अधिकार से

गुणाढ्यो गहनो गस्थो गद्यपद्यसुधार्णवः ॥
गद्यगानप्रियो गर्जो गीतगीर्वाणपूर्वजः ॥ ८६ ॥

guṇāḍhyo gahano gastho gadyapadyasudhārṇavaḥ
gadyagānapriyo garjo gītagīrvāṇapūrvajaḥ

Meaning open with adhikāra · अर्थ अधिकार से

गुह्याचाररतो गुह्यो गुह्यागमनिरूपितः ॥
गुहाशयो गुहाब्धिस्थो गुरुगम्यो गुरोर्गुरुः ॥ ८७ ॥

guhyācārarato guhyo guhyāgamanirūpitaḥ
guhāśayo guhābdhistho gurugamyo gurorguruḥ

Meaning open with adhikāra · अर्थ अधिकार से

घण्टाघर्घरिकामाली घटकुम्भो घटोदरः ॥
चण्डश्चण्डेश्वरसुहृच्चण्डेशश्चण्डविक्रमः ॥ ८८ ॥

ghaṇṭāghargharikāmālī ghaṭakumbho ghaṭodaraḥ
caṇḍaścaṇḍeśvarasuhṛccaṇḍeśaścaṇḍavikramaḥ

Meaning open with adhikāra · अर्थ अधिकार से

चराचरपतिश्चिंतामणिश्चर्वणलालसः ॥
छन्दश्छन्दोवपुश्छन्दो दुर्लक्ष्यश्छन्दविग्रहः ॥ ८९ ॥

carācarapatiściṃtāmaṇiścarvaṇalālasaḥ
chandaśchandovapuśchando durlakṣyaśchandavigrahaḥ

Meaning open with adhikāra · अर्थ अधिकार से

जगद्योनिर्जगत्साक्षी जगदीशो जगन्मयः ॥
जपो जपपरो जप्यो जिह्वासिंहासनप्रभुः ॥ ९० ॥

jagadyonirjagatsākṣī jagadīśo jaganmayaḥ
japo japaparo japyo jihvāsiṃhāsanaprabhuḥ

Meaning open with adhikāra · अर्थ अधिकार से

झलज्झल्लोल्लसद्दानझङ्कारिभ्रमराकुलः ॥
टङ्कारस्फारसंरावष्टङ्कारिमणिनूपुरः ॥ ९१ ॥

jhalajjhallollasaddānajhaṅkāribhramarākulaḥ
ṭaṅkārasphārasaṃrāvaṣṭaṅkārimaṇinūpuraḥ

Meaning open with adhikāra · अर्थ अधिकार से

ठद्वयी पल्लवान्तस्थः सर्वमंत्रैकसिद्धिदः ॥
डिण्डिमुण्डो डाकिनीशो डामरो डिण्डिमप्रियः ॥ ९२ ॥

ṭhadvayī pallavāntasthaḥ sarvamaṃtraikasiddhidaḥ
ḍiṇḍimuṇḍo ḍākinīśo ḍāmaro ḍiṇḍimapriyaḥ

Meaning open with adhikāra · अर्थ अधिकार से

ढक्कानिनादमुदितो ढौङ्को ढुण्ढिविनायकः ॥
तत्त्वानां परमं तत्त्वं तत्त्वम्पदनिरूपितः ॥ ९३ ॥

ḍhakkāninādamudito ḍhauṅko ḍhuṇḍhivināyakaḥ
tattvānāṃ paramaṃ tattvaṃ tattvampadanirūpitaḥ

Meaning open with adhikāra · अर्थ अधिकार से

तारकांतरसंस्थानस्तारकस्तारकान्तकः ॥
स्थाणुः स्थाणुप्रियः स्थाता स्थावरञ्जङ्गमंजगत् ॥ ९४ ॥

tārakāṃtarasaṃsthānastārakastārakāntakaḥ
sthāṇuḥ sthāṇupriyaḥ sthātā sthāvarañjaṅgamaṃjagat

Meaning open with adhikāra · अर्थ अधिकार से

दक्षयज्ञप्रमथनो दाता दानवमोहनः ॥
दयावान्दिव्यविभवो दण्डभृद्दण्डनायकः ॥ ९५ ॥

dakṣayajñapramathano dātā dānavamohanaḥ
dayāvāndivyavibhavo daṇḍabhṛddaṇḍanāyakaḥ

Meaning open with adhikāra · अर्थ अधिकार से

दन्तप्रभिन्नाभ्रमालो दैत्यवारणदारणः ॥
दंष्ट्रालग्नद्विपघटो देवार्थनृगजाकृतिः ॥ ९६ ॥

dantaprabhinnābhramālo daityavāraṇadāraṇaḥ
daṃṣṭrālagnadvipaghaṭo devārthanṛgajākṛtiḥ

Meaning open with adhikāra · अर्थ अधिकार से

धनधान्यपतिर्धन्यो धनदो धरणीधरः ॥
ध्यानैकप्रकटो ध्येयो ध्यानं ध्यानपरायणः ॥ ९७ ॥

dhanadhānyapatirdhanyo dhanado dharaṇīdharaḥ
dhyānaikaprakaṭo dhyeyo dhyānaṃ dhyānaparāyaṇaḥ

Meaning open with adhikāra · अर्थ अधिकार से

नन्द्यो नन्दिप्रियो नादो नादमध्यप्रतिष्ठितः ॥
निष्कलो निर्मलो नित्यो नित्यानित्यो निरामयः ॥ ९८ ॥

nandyo nandipriyo nādo nādamadhyapratiṣṭhitaḥ
niṣkalo nirmalo nityo nityānityo nirāmayaḥ

Meaning open with adhikāra · अर्थ अधिकार से

परं व्योम परं धाम परमात्मा परं पदम् ॥
परात्परः पशुपतिः पशुपाशविमोचकः ॥ ९९ ॥

paraṃ vyoma paraṃ dhāma paramātmā paraṃ padam
parātparaḥ paśupatiḥ paśupāśavimocakaḥ

Meaning open with adhikāra · अर्थ अधिकार से

पूर्णानंदः परानन्दः पुराणपुरुषोत्तमः ॥
पद्मप्रसन्ननयनः प्रणताज्ञानमोचनः ॥ १०० ॥

pūrṇānaṃdaḥ parānandaḥ purāṇapuruṣottamaḥ
padmaprasannanayanaḥ praṇatājñānamocanaḥ

Meaning open with adhikāra · अर्थ अधिकार से

प्रणामप्रत्ययातीतः प्रणतार्तिनिवारणः ॥
फलहस्तः फणिपतिः फेत्कारः फाणितप्रियः ॥ १०१ ॥

praṇāmapratyayātītaḥ praṇatārtinivāraṇaḥ
phalahastaḥ phaṇipatiḥ phetkāraḥ phāṇitapriyaḥ

Meaning open with adhikāra · अर्थ अधिकार से

बाणार्चितांघ्रियुगलो बालकेलिकुतूहली ॥
ब्रह्म ब्रह्मार्चितपदो ब्रह्मचारी बृहस्पतिः ॥ १०२ ॥

bāṇārcitāṃghriyugalo bālakelikutūhalī
brahma brahmārcitapado brahmacārī bṛhaspatiḥ

Meaning open with adhikāra · अर्थ अधिकार से

बृहत्तमो ब्रह्मपरो ब्रह्मण्यो ब्रह्मवित्प्रियः ॥
बृहन्नादाग्र्यचीत्कारो ब्रह्माण्डावलिमेखलः ॥ १०३ ॥

bṛhattamo brahmaparo brahmaṇyo brahmavitpriyaḥ
bṛhannādāgryacītkāro brahmāṇḍāvalimekhalaḥ

Meaning open with adhikāra · अर्थ अधिकार से

भ्रूक्षेपदत्तलक्ष्मीको भर्गो भद्रो भयापहः ॥
भगवान् भक्तिसुलभो भूतिदो भूतिभूषणः ॥ १०४ ॥

bhrūkṣepadattalakṣmīko bhargo bhadro bhayāpahaḥ
bhagavān bhaktisulabho bhūtido bhūtibhūṣaṇaḥ

Meaning open with adhikāra · अर्थ अधिकार से

भव्यो भूतालयो भोगदाता भ्रूमध्यगोचरः ॥
मंत्रो मंत्रपतिर्मंत्री मदमत्तो मनोरमः ॥ १०५ ॥

bhavyo bhūtālayo bhogadātā bhrūmadhyagocaraḥ
maṃtro maṃtrapatirmaṃtrī madamatto manoramaḥ

Meaning open with adhikāra · अर्थ अधिकार से

मेखलावान्मन्दगतिर्मतिमान्कमलेक्षणः ॥
महाबलो महावीर्य्यो महाप्राणो महामनाः ॥ १०६ ॥

mekhalāvānmandagatirmatimānkamalekṣaṇaḥ
mahābalo mahāvīryyo mahāprāṇo mahāmanāḥ

Meaning open with adhikāra · अर्थ अधिकार से

यज्ञो यज्ञपतिर्यज्ञगोप्ता यज्ञफलप्रदः ॥
यशस्करो योगगम्यो याज्ञिको याजकप्रियः ॥ १०७ ॥

yajño yajñapatiryajñagoptā yajñaphalapradaḥ
yaśaskaro yogagamyo yājñiko yājakapriyaḥ

Meaning open with adhikāra · अर्थ अधिकार से

रसो रसप्रियो रस्यो रञ्जको रावणार्चितः ॥
रक्षो रक्षाकरो रत्नगर्भो राज्यसुखप्रदः ॥ १०८ ॥

raso rasapriyo rasyo rañjako rāvaṇārcitaḥ
rakṣo rakṣākaro ratnagarbho rājyasukhapradaḥ

Meaning open with adhikāra · अर्थ अधिकार से

लक्ष्यालक्ष्यप्रदो लक्ष्यो लयस्थो लड्डुकप्रियः ॥
लानप्रियो लास्यपरो लाभकृल्लोकविश्रुतः ॥ १०९ ॥

lakṣyālakṣyaprado lakṣyo layastho laḍḍukapriyaḥ
lānapriyo lāsyaparo lābhakṛllokaviśrutaḥ

Meaning open with adhikāra · अर्थ अधिकार से

वरेण्यो वह्निवदनो वन्द्यो वेदांतगोचरः ॥
विकर्ता विश्वतश्चक्षुर्विधाता विश्वतोमुखः ॥ ११० ॥

vareṇyo vahnivadano vandyo vedāṃtagocaraḥ
vikartā viśvataścakṣurvidhātā viśvatomukhaḥ

Meaning open with adhikāra · अर्थ अधिकार से

वामदेवो विश्वनेता वज्री वज्रनिवारणः ॥
विश्वबंधनविष्कम्भाधारो विश्वेश्वरप्रभुः ॥ १११ ॥

vāmadevo viśvanetā vajrī vajranivāraṇaḥ
viśvabaṃdhanaviṣkambhādhāro viśveśvaraprabhuḥ

Meaning open with adhikāra · अर्थ अधिकार से

शब्दब्रह्म शमप्राप्यः शम्भुशक्तिगणेश्वरः ॥
शास्ता शिखाग्रनिलयः शरण्यः शिखरीश्वरः ॥ ११२ ॥

śabdabrahma śamaprāpyaḥ śambhuśaktigaṇeśvaraḥ
śāstā śikhāgranilayaḥ śaraṇyaḥ śikharīśvaraḥ

Meaning open with adhikāra · अर्थ अधिकार से

षडृतुकुसुमस्रग्वी षडाधारः षडक्षरः ॥
संसारैवैद्यः सर्वज्ञः सर्वभेषजभेषजम् ॥ ११३ ॥

ṣaḍṛtukusumasragvī ṣaḍādhāraḥ ṣaḍakṣaraḥ
saṃsāraivaidyaḥ sarvajñaḥ sarvabheṣajabheṣajam

Meaning open with adhikāra · अर्थ अधिकार से

सृष्टिस्थितिलयक्रीडः सुरकुंजरभेदनः ॥
सिन्दूरितमहाकुम्भः सदसद्व्यक्तिदायकः ॥ ११४ ॥

sṛṣṭisthitilayakrīḍaḥ surakuṃjarabhedanaḥ
sindūritamahākumbhaḥ sadasadvyaktidāyakaḥ

Meaning open with adhikāra · अर्थ अधिकार से

साक्षी समुद्रमथनः स्वसंवेद्यः स्वदक्षिणः ॥
स्वतंत्रः सत्यसंकल्पः सामगानरतः सुखी ॥ ११५ ॥

sākṣī samudramathanaḥ svasaṃvedyaḥ svadakṣiṇaḥ
svataṃtraḥ satyasaṃkalpaḥ sāmagānarataḥ sukhī

Meaning open with adhikāra · अर्थ अधिकार से

हंसो हस्तिपिशाचीशो हवनं हव्यकव्यभुक् ॥
हव्यं हुतप्रियो हर्षो हृल्लेखामंत्रमध्यगः ॥ ११६ ॥

haṃso hastipiśācīśo havanaṃ havyakavyabhuk
havyaṃ hutapriyo harṣo hṛllekhāmaṃtramadhyagaḥ

Meaning open with adhikāra · अर्थ अधिकार से

क्षेत्राधिपः क्षमाभर्ता क्षमापरपरायणः ॥
क्षिप्रक्षेमकरः क्षेमानन्दः क्षोणीसुरद्रुमः ॥ ११७ ॥

kṣetrādhipaḥ kṣamābhartā kṣamāparaparāyaṇaḥ
kṣiprakṣemakaraḥ kṣemānandaḥ kṣoṇīsuradrumaḥ

Meaning open with adhikāra · अर्थ अधिकार से

धर्मप्रदोऽर्थदः कामदाता सौभाग्यवर्द्धनः ॥
विद्याप्रदो विभवदो भुक्तिमुक्तिप्रदायकः ॥ ११८ ॥

dharmaprado'rthadaḥ kāmadātā saubhāgyavarddhanaḥ
vidyāprado vibhavado bhuktimuktipradāyakaḥ

Meaning open with adhikāra · अर्थ अधिकार से

आभिरूप्यकरो वीरः श्रीप्रदो विजयप्रदः ॥
सर्ववश्यकरो गर्भदोषहा पुत्रपौत्रदः ॥ ११९ ॥

ābhirūpyakaro vīraḥ śrīprado vijayapradaḥ
sarvavaśyakaro garbhadoṣahā putrapautradaḥ

Meaning open with adhikāra · अर्थ अधिकार से

मेधादः कीर्तिदः शोकहारी दौर्भाग्यनाशनः ॥
श्रीशोकहारी दौर्भाग्यनाशनः सर्वशक्तिभृत् ॥ १२० ॥

medhādaḥ kīrtidaḥ śokahārī daurbhāgyanāśanaḥ
śrīśokahārī daurbhāgyanāśanaḥ sarvaśaktibhṛt

Meaning open with adhikāra · अर्थ अधिकार से

प्रतिवादिमुखस्तम्भो हृष्टचित्तप्रसादनः ॥
पराभिचारशमनो दुःखभञ्जनकारकः ॥ १२१ ॥

prativādimukhastambho hṛṣṭacittaprasādanaḥ
parābhicāraśamano duḥkhabhañjanakārakaḥ

Meaning open with adhikāra · अर्थ अधिकार से

लवस्त्रुटिः कला काष्ठा निमेषस्तत्परः क्षणः ॥
घटी मुहूर्तः प्रहरो दिवा नक्तमहर्निशम् ॥ १२२ ॥

lavastruṭiḥ kalā kāṣṭhā nimeṣastatparaḥ kṣaṇaḥ
ghaṭī muhūrtaḥ praharo divā naktamaharniśam

Meaning open with adhikāra · अर्थ अधिकार से

पक्षो मासोऽयनं वर्षं युगं कल्पो महालयः ॥
राशिस्तारा तिथिर्योगो वारः करणमंशकम् ॥ १२३ ॥

pakṣo māso'yanaṃ varṣaṃ yugaṃ kalpo mahālayaḥ
rāśistārā tithiryogo vāraḥ karaṇamaṃśakam

Meaning open with adhikāra · अर्थ अधिकार से

लग्नं होरा कालचक्रं मेरुः सप्तर्षयो ध्रुवः ॥
राहुर्मन्दः कविर्जीवो बुधो भौमः शशी रविः ॥ १२४ ॥

lagnaṃ horā kālacakraṃ meruḥ saptarṣayo dhruvaḥ
rāhurmandaḥ kavirjīvo budho bhaumaḥ śaśī raviḥ

Meaning open with adhikāra · अर्थ अधिकार से

कालः सृष्टिः स्थितिर्विश्वं स्थावरं जङ्गमं च यत् ॥
भूरापोऽग्निर्मरुद्व्योमाहंकृतिः प्रकृतिः पुमान् ॥ १२५ ॥

kālaḥ sṛṣṭiḥ sthitirviśvaṃ sthāvaraṃ jaṅgamaṃ ca yat
bhūrāpo'gnirmarudvyomāhaṃkṛtiḥ prakṛtiḥ pumān

Meaning open with adhikāra · अर्थ अधिकार से

ब्रह्मा विष्णुः शिवो रुद्र ईशः शक्तिः सदाशिवः ॥
त्रिदशाः पितरः सिद्धा यक्षरक्षांसि किन्नराः ॥ १२६ ॥

brahmā viṣṇuḥ śivo rudra īśaḥ śaktiḥ sadāśivaḥ
tridaśāḥ pitaraḥ siddhā yakṣarakṣāṃsi kinnarāḥ

Meaning open with adhikāra · अर्थ अधिकार से

साध्या विद्याधरा भूता मनुष्याः पशवः खगाः ॥
समुद्राः सरितः शैला भूतभव्यभवोद्भवः ॥ १२७ ॥

sādhyā vidyādharā bhūtā manuṣyāḥ paśavaḥ khagāḥ
samudrāḥ saritaḥ śailā bhūtabhavyabhavodbhavaḥ

Meaning open with adhikāra · अर्थ अधिकार से

सांख्यं पातञ्जलं योगः पुराणानि श्रुतिः स्मृतिः ॥
वेदाङ्गानि सदाचारो मीमांसा न्यायविस्तरः ॥ १२८ ॥

sāṃkhyaṃ pātañjalaṃ yogaḥ purāṇāni śrutiḥ smṛtiḥ
vedāṅgāni sadācāro mīmāṃsā nyāyavistaraḥ

Meaning open with adhikāra · अर्थ अधिकार से

आयुर्वेदो धनुर्वेदो गान्धर्वं काव्यनाटकम् ॥
वैखानसं भागवतं सात्वतं पाञ्चरात्रकम् ॥ १२९ ॥

āyurvedo dhanurvedo gāndharvaṃ kāvyanāṭakam
vaikhānasaṃ bhāgavataṃ sātvataṃ pāñcarātrakam

Meaning open with adhikāra · अर्थ अधिकार से

शैवं पाशुपतं कालमुखं भैरवशासनम् ॥
शाक्तं वैनायकं सौरं जैनमार्हतसंहिता ॥ १३० ॥

śaivaṃ pāśupataṃ kālamukhaṃ bhairavaśāsanam
śāktaṃ vaināyakaṃ sauraṃ jainamārhatasaṃhitā

Meaning open with adhikāra · अर्थ अधिकार से

सदसद्व्यक्तमव्यक्तं सचेतनमचेतनम् ॥
वन्धो मोक्षः सुखं भोगो योगः सत्यमणुर्महान् ॥ १३१ ॥

sadasadvyaktamavyaktaṃ sacetanamacetanam
vandho mokṣaḥ sukhaṃ bhogo yogaḥ satyamaṇurmahān

Meaning open with adhikāra · अर्थ अधिकार से

स्वस्ति हुं फट् स्वधा स्वाहा श्रौषट् वौषड्वषण्नमः ॥
ज्ञानविज्ञानमानन्दो बोधः संविच्छमो यमः ॥ १३२ ॥

svasti huṃ phaṭ svadhā svāhā śrauṣaṭ vauṣaḍvaṣaṇnamaḥ
jñānavijñānamānando bodhaḥ saṃvicchamo yamaḥ

Meaning open with adhikāra · अर्थ अधिकार से

एक एकाक्षराधार एकाक्षरपरायणः ॥
एकाग्रधीरेकवीर एकानेकस्वरूपधृक् ॥ १३३ ॥

eka ekākṣarādhāra ekākṣaraparāyaṇaḥ
ekāgradhīrekavīra ekānekasvarūpadhṛk

Meaning open with adhikāra · अर्थ अधिकार से

द्विरूपो द्विभुजो द्व्यक्षो द्विरदो द्वीपरक्षकः ॥
द्वैमातुरो द्विवदनो द्वन्द्वातीतो द्वयातिगः ॥ १३४ ॥

dvirūpo dvibhujo dvyakṣo dvirado dvīparakṣakaḥ
dvaimāturo dvivadano dvandvātīto dvayātigaḥ

Meaning open with adhikāra · अर्थ अधिकार से

त्रिधामा त्रिकरस्त्रेता त्रिवर्गफलदायकः ॥
त्रिगुणात्मा त्रिलोकादिस्त्रिशक्तीशस्त्रिलोचनः ॥ १३५ ॥

tridhāmā trikarastretā trivargaphaladāyakaḥ
triguṇātmā trilokādistriśaktīśastrilocanaḥ

Meaning open with adhikāra · अर्थ अधिकार से

चतुर्बाहुश्चतुर्दन्तश्चतुरात्मा चतुर्मुखः ॥
चतुर्विधोपायमयश्चतुर्वर्णाश्रमाश्रयः ॥ १३६ ॥

caturbāhuścaturdantaścaturātmā caturmukhaḥ
caturvidhopāyamayaścaturvarṇāśramāśrayaḥ

Meaning open with adhikāra · अर्थ अधिकार से

चतुर्विधवचोवृत्तिपरिवर्तप्रवर्तकः ॥
चतुर्थीपूजनप्रीतश्चतुर्थीतिथिसंभवः ॥ १३७ ॥

caturvidhavacovṛttiparivartapravartakaḥ
caturthīpūjanaprītaścaturthītithisaṃbhavaḥ

Meaning open with adhikāra · अर्थ अधिकार से

पञ्चाक्षरात्मा पञ्चात्मा पञ्चास्यः पञ्चकृत्यकृत् ॥
पञ्चाधारः पञ्चवर्णः पञ्चाक्षरपरायणः ॥ १३८ ॥

pañcākṣarātmā pañcātmā pañcāsyaḥ pañcakṛtyakṛt
pañcādhāraḥ pañcavarṇaḥ pañcākṣaraparāyaṇaḥ

Meaning open with adhikāra · अर्थ अधिकार से

पञ्चतालः पञ्चकरः पञ्चप्रणवभावितः ॥
पञ्चब्रह्ममयस्फूर्तिः पञ्चावारणवारितः ॥ १३९ ॥

pañcatālaḥ pañcakaraḥ pañcapraṇavabhāvitaḥ
pañcabrahmamayasphūrtiḥ pañcāvāraṇavāritaḥ

Meaning open with adhikāra · अर्थ अधिकार से

पञ्चभक्ष्यप्रियः पञ्चवाणः पञ्चशिवात्मकः ॥
षट्कोणपीठः षट्चक्रधामा षड्ग्रन्थिभेदकः ॥ १४० ॥

pañcabhakṣyapriyaḥ pañcavāṇaḥ pañcaśivātmakaḥ
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ

Meaning open with adhikāra · अर्थ अधिकार से

षडध्वध्वान्तविध्वंसी षडंगुलमहाहृदः ॥
षण्मुखः षण्मुखभ्राता षट्शक्तिपरिवारितः ॥ १४१ ॥

ṣaḍadhvadhvāntavidhvaṃsī ṣaḍaṃgulamahāhṛdaḥ
ṣaṇmukhaḥ ṣaṇmukhabhrātā ṣaṭśaktiparivāritaḥ

Meaning open with adhikāra · अर्थ अधिकार से

षड्वैरिवर्गविध्वंसी षडूर्मिभयभञ्जनः ॥
षट्तर्कदूरः षट्कर्मानिरतः षड्रसाश्रयः ॥ १४२ ॥

ṣaḍvairivargavidhvaṃsī ṣaḍūrmibhayabhañjanaḥ
ṣaṭtarkadūraḥ ṣaṭkarmānirataḥ ṣaḍrasāśrayaḥ

Meaning open with adhikāra · अर्थ अधिकार से

सप्तपातालचरणः सप्तद्वीपोरुमण्डलः ॥
सप्तस्वर्लोकमुकुटः सप्तसप्तिवरप्रदः ॥ १४३ ॥

saptapātālacaraṇaḥ saptadvīporumaṇḍalaḥ
saptasvarlokamukuṭaḥ saptasaptivarapradaḥ

Meaning open with adhikāra · अर्थ अधिकार से

सप्तांगराज्यसुखदः सप्तर्षिगणमण्डितः ॥
सप्तच्छन्दोनिधिः सप्तहोता सप्तस्वराश्रयः ॥ १४४ ॥

saptāṃgarājyasukhadaḥ saptarṣigaṇamaṇḍitaḥ
saptacchandonidhiḥ saptahotā saptasvarāśrayaḥ

Meaning open with adhikāra · अर्थ अधिकार से

सप्ताब्धिकेलिकासारः सप्तमातृनिषेवितः ॥
सप्तच्छन्दोमोदमदः सप्तच्छन्दो मखप्रभुः ॥ १४५ ॥

saptābdhikelikāsāraḥ saptamātṛniṣevitaḥ
saptacchandomodamadaḥ saptacchando makhaprabhuḥ

Meaning open with adhikāra · अर्थ अधिकार से

अष्टमूर्तिर्ध्येयमूर्तिरष्टप्रकृतिकारणम् ॥
अष्टांगयोगफलभूरष्टपात्राम्बुजासनः ॥ १४६ ॥

aṣṭamūrtirdhyeyamūrtiraṣṭaprakṛtikāraṇam
aṣṭāṃgayogaphalabhūraṣṭapātrāmbujāsanaḥ

Meaning open with adhikāra · अर्थ अधिकार से

अष्टशक्तिसमृद्धश्रीरष्टैश्वर्यप्रदायकः ॥
अष्टपीठोपपीठश्रीरष्टमातृसमावृतः ॥ १४७ ॥

aṣṭaśaktisamṛddhaśrīraṣṭaiśvaryapradāyakaḥ
aṣṭapīṭhopapīṭhaśrīraṣṭamātṛsamāvṛtaḥ

Meaning open with adhikāra · अर्थ अधिकार से

अष्टभैरवसेव्योऽष्टवसुवन्द्योऽष्टमूर्तिभृत् ॥
अष्टचक्रस्फुरन्मूर्तिरष्टद्रव्यहविःप्रियः ॥ १४८ ॥

aṣṭabhairavasevyo'ṣṭavasuvandyo'ṣṭamūrtibhṛt
aṣṭacakrasphuranmūrtiraṣṭadravyahaviḥpriyaḥ

Meaning open with adhikāra · अर्थ अधिकार से

नवनागासनाध्यासी नवविध्यनुशासिता ॥
नवद्वारपुराधारो नवद्वारनिकेतनः ॥ १४९ ॥

navanāgāsanādhyāsī navavidhyanuśāsitā
navadvārapurādhāro navadvāraniketanaḥ

Meaning open with adhikāra · अर्थ अधिकार से

नवनारायणस्तुत्यो नवदुर्गानिषेवितः ॥
नवनाथमहानाथो नवनागविभूषणः ॥ १५० ॥

navanārāyaṇastutyo navadurgāniṣevitaḥ
navanāthamahānātho navanāgavibhūṣaṇaḥ

Meaning open with adhikāra · अर्थ अधिकार से

नवरत्नविचित्रांगो नवशक्तिशिरोधृतः ॥
दशात्मको दशभुजो दशदिक्पतिवन्दितः ॥ १५१ ॥

navaratnavicitrāṃgo navaśaktiśirodhṛtaḥ
daśātmako daśabhujo daśadikpativanditaḥ

Meaning open with adhikāra · अर्थ अधिकार से

दशाध्यायो दशप्राणो दशेन्द्रियनियामकः ॥
दशाक्षरमहामंत्रो दशाशाव्यापिविग्रहः ॥ १५२ ॥

daśādhyāyo daśaprāṇo daśendriyaniyāmakaḥ
daśākṣaramahāmaṃtro daśāśāvyāpivigrahaḥ

Meaning open with adhikāra · अर्थ अधिकार से

एकादशादिभी रुद्रैः स्तुत एकादशाक्षरः ॥
द्वादशोद्दण्डदोर्दण्डो द्वादशान्तनिकेतनः ॥ १५३ ॥

ekādaśādibhī rudraiḥ stuta ekādaśākṣaraḥ
dvādaśoddaṇḍadordaṇḍo dvādaśāntaniketanaḥ

Meaning open with adhikāra · अर्थ अधिकार से

त्रयोदशभिदाभिन्नविश्वेदेवाधिदैवतम् ॥
चतुर्दशेन्द्रवरदश्चतुर्दशमनुप्रभुः ॥ १५४ ॥

trayodaśabhidābhinnaviśvedevādhidaivatam
caturdaśendravaradaścaturdaśamanuprabhuḥ

Meaning open with adhikāra · अर्थ अधिकार से

चतुर्दशादिविद्याढ्यश्चतुर्दशजगत्प्रभुः ॥
सामपञ्चदशः पञ्चदशीशीतांशुनिर्मलः ॥ १५५ ॥

caturdaśādividyāḍhyaścaturdaśajagatprabhuḥ
sāmapañcadaśaḥ pañcadaśīśītāṃśunirmalaḥ

Meaning open with adhikāra · अर्थ अधिकार से

षोडशाधारनिलयः षोडशस्वरमातृकः ॥
षोडशान्तपदावासः षोडशेन्दुकलात्मकः ॥ १५६ ॥

ṣoḍaśādhāranilayaḥ ṣoḍaśasvaramātṛkaḥ
ṣoḍaśāntapadāvāsaḥ ṣoḍaśendukalātmakaḥ

Meaning open with adhikāra · अर्थ अधिकार से

कलासप्तदशीसप्तदशः सप्तदशाक्षरः ॥
अष्टादशद्वीपपतिरष्टादशपुराणकृत् ॥ १५७ ॥

kalāsaptadaśīsaptadaśaḥ saptadaśākṣaraḥ
aṣṭādaśadvīpapatiraṣṭādaśapurāṇakṛt

Meaning open with adhikāra · अर्थ अधिकार से

अष्टादशौषधीसृष्टिरष्टादशविधिः स्मृतः ॥
अष्टादशलिपिव्यष्टिसमष्टिज्ञानकोविदः ॥ १५८ ॥

aṣṭādaśauṣadhīsṛṣṭiraṣṭādaśavidhiḥ smṛtaḥ
aṣṭādaśalipivyaṣṭisamaṣṭijñānakovidaḥ

Meaning open with adhikāra · अर्थ अधिकार से

एकविंशः पुमानेकविंशत्यंगुलिपल्लवः ॥
चतुर्विंशतितत्त्वात्मा पञ्चविंशाख्यपूरुषः ॥ १५९ ॥

ekaviṃśaḥ pumānekaviṃśatyaṃgulipallavaḥ
caturviṃśatitattvātmā pañcaviṃśākhyapūruṣaḥ

Meaning open with adhikāra · अर्थ अधिकार से

सप्तविंशतितारेशः सप्तविंशतियोगकृत् ॥
द्वात्रिंशद्भैरवाधीशश्चतुस्त्रिंशन्महाह्रदः ॥ १६० ॥

saptaviṃśatitāreśaḥ saptaviṃśatiyogakṛt
dvātriṃśadbhairavādhīśaścatustriṃśanmahāhradaḥ

Meaning open with adhikāra · अर्थ अधिकार से

षट्त्रिंशत्तत्त्वसम्भूतिरष्टत्रिंशत्कलातनुः ॥
नमदेकोनपञ्चाशन्मरुद्वर्गनिरर्गलः ॥ १६१ ॥

ṣaṭtriṃśattattvasambhūtiraṣṭatriṃśatkalātanuḥ
namadekonapañcāśanmarudvarganirargalaḥ

Meaning open with adhikāra · अर्थ अधिकार से

पञ्चाशदक्षरश्रेणिः पंचाशद्रुद्रविग्रहः ॥
पंचाशद्विष्णुशक्तीशः पञ्चाशन्मातृकालयः ॥ १६२ ॥

pañcāśadakṣaraśreṇiḥ paṃcāśadrudravigrahaḥ
paṃcāśadviṣṇuśaktīśaḥ pañcāśanmātṛkālayaḥ

Meaning open with adhikāra · अर्थ अधिकार से

द्विपञ्चाशद्वपुःश्रेणिस्त्रिषष्ट्यक्षरसंश्रयः ॥
चतुःषष्ट्यर्णनिर्णेता चतुःषष्टिकलानिधिः ॥ १६३ ॥

dvipañcāśadvapuḥśreṇistriṣaṣṭyakṣarasaṃśrayaḥ
catuḥṣaṣṭyarṇanirṇetā catuḥṣaṣṭikalānidhiḥ

Meaning open with adhikāra · अर्थ अधिकार से

चतुःषष्टिमहासिद्धयोगिनीवृन्दवंदितः ॥
अष्टषष्टिमहातीर्थक्षेत्रभैरवभावनः ॥ १६४ ॥

catuḥṣaṣṭimahāsiddhayoginīvṛndavaṃditaḥ
aṣṭaṣaṣṭimahātīrthakṣetrabhairavabhāvanaḥ

Meaning open with adhikāra · अर्थ अधिकार से

चतुर्णवतिमंत्रात्मा षण्णवत्यधिकः प्रभुः ॥
शतानन्दः शतधृतिः शतपत्रायतेक्षणः ॥ १६५ ॥

caturṇavatimaṃtrātmā ṣaṇṇavatyadhikaḥ prabhuḥ
śatānandaḥ śatadhṛtiḥ śatapatrāyatekṣaṇaḥ

Meaning open with adhikāra · अर्थ अधिकार से

शतानीकः शतमुखः शतधारवरायुधः ॥
सहस्रपत्रनिलयः सहस्रफलभूषणः ॥ १६६ ॥

śatānīkaḥ śatamukhaḥ śatadhāravarāyudhaḥ
sahasrapatranilayaḥ sahasraphalabhūṣaṇaḥ

Meaning open with adhikāra · अर्थ अधिकार से

सहस्रशीर्षा पुरुषः सहस्राक्षः सहस्रपात् ॥
सहस्रनामसंस्तुत्यः सहस्राक्षवलापहः ॥ १६७ ॥

sahasraśīrṣā puruṣaḥ sahasrākṣaḥ sahasrapāt
sahasranāmasaṃstutyaḥ sahasrākṣavalāpahaḥ

Meaning open with adhikāra · अर्थ अधिकार से

दशसाहस्रफणिभृत् फणिराजकृतासनः ॥
अष्टाशीतिसहस्रौघमहर्षिस्तोत्रयंत्रितः ॥ १६८ ॥

daśasāhasraphaṇibhṛt phaṇirājakṛtāsanaḥ
aṣṭāśītisahasraughamaharṣistotrayaṃtritaḥ

Meaning open with adhikāra · अर्थ अधिकार से

लक्षाधीशप्रियाधारो लक्षाधीशमनोमयः ॥
चतुर्लक्षजपप्रीतश्चतुर्लक्षप्रकाशितः ॥ १६९ ॥

lakṣādhīśapriyādhāro lakṣādhīśamanomayaḥ
caturlakṣajapaprītaścaturlakṣaprakāśitaḥ

Meaning open with adhikāra · अर्थ अधिकार से

चतुरशीतिलक्षाणां जीवानां देहसंस्थितः ॥
कोटिसूर्य्यप्रतीकाशः कोटिचन्द्रांशुनिर्मलः ॥ १७० ॥

caturaśītilakṣāṇāṃ jīvānāṃ dehasaṃsthitaḥ
koṭisūryyapratīkāśaḥ koṭicandrāṃśunirmalaḥ

Meaning open with adhikāra · अर्थ अधिकार से

शिवाभवाध्युष्टकोटिविनायकधुरन्धरः ॥
सप्तकोटिमहामंत्रमंत्रितावयवद्युतिः ॥ १७१ ॥

śivābhavādhyuṣṭakoṭivināyakadhurandharaḥ
saptakoṭimahāmaṃtramaṃtritāvayavadyutiḥ

Meaning open with adhikāra · अर्थ अधिकार से

त्रयस्त्रिंशत्कोटिसुरश्रेणीप्रणतपादुकः ॥
अनंतदेवतासेव्यो ह्यनन्तमुनिसंस्तुतः ॥ १७२ ॥

trayastriṃśatkoṭisuraśreṇīpraṇatapādukaḥ
anaṃtadevatāsevyo hyanantamunisaṃstutaḥ

Meaning open with adhikāra · अर्थ अधिकार से

अनन्तनामानन्तश्रीरनन्तानन्तसौख्यदः ॥
इति वैनायकं नाम्नां सहस्रमिदमीरितम् ॥ १७३ ॥

anantanāmānantaśrīranantānantasaukhyadaḥ
iti vaināyakaṃ nāmnāṃ sahasramidamīritam

Meaning open with adhikāra · अर्थ अधिकार से

इदं ब्राह्मे मुहूर्ते वै यः पठेत्प्रत्यहं नरः ॥
करस्थं तस्य सकलमैहिकामुष्मिकं सुखम् ॥ १७४ ॥

idaṃ brāhme muhūrte vai yaḥ paṭhetpratyahaṃ naraḥ
karasthaṃ tasya sakalamaihikāmuṣmikaṃ sukham

Meaning open with adhikāra · अर्थ अधिकार से

आयुरारोग्यमैश्वर्यं धर्म्मः शौर्य्यं बलं यशः ॥
मेधा प्रज्ञा धृतिः कांतिः सौभाग्यमतिरूपता ॥ १७५ ॥

āyurārogyamaiśvaryaṃ dharmmaḥ śauryyaṃ balaṃ yaśaḥ
medhā prajñā dhṛtiḥ kāṃtiḥ saubhāgyamatirūpatā

Meaning open with adhikāra · अर्थ अधिकार से

सत्यं दया क्षमा शांतिर्दाक्षिण्यं धर्म्मशीलता ॥
जगत्संयमनं विश्वसंवादो वादपाटवम् ॥ १७६ ॥

satyaṃ dayā kṣamā śāṃtirdākṣiṇyaṃ dharmmaśīlatā
jagatsaṃyamanaṃ viśvasaṃvādo vādapāṭavam

Meaning open with adhikāra · अर्थ अधिकार से

सभापाण्डित्यमौदार्य्यं गाम्भीर्य्यं ब्रह्मवर्चसम् ॥
औन्नत्यं च कुलं शीलं प्रतापो वीर्यमार्य्यता ॥ १७७ ॥

sabhāpāṇḍityamaudāryyaṃ gāmbhīryyaṃ brahmavarcasam
aunnatyaṃ ca kulaṃ śīlaṃ pratāpo vīryamāryyatā

Meaning open with adhikāra · अर्थ अधिकार से

ज्ञानं विज्ञानमास्तिक्यं धैर्य्यं विश्वातिशायिता ॥
धनधान्याभिवृद्धिश्च सकृदस्य जपाद्भवेत् ॥ १७८ ॥

jñānaṃ vijñānamāstikyaṃ dhairyyaṃ viśvātiśāyitā
dhanadhānyābhivṛddhiśca sakṛdasya japādbhavet

Meaning open with adhikāra · अर्थ अधिकार से

वश्यं चतुर्विधं नॄणां जपादस्य प्रजायते ॥
राज्ञो राजकलत्रस्य राजपुत्रस्य मंत्रिणः ॥ १७९ ॥

vaśyaṃ caturvidhaṃ nṝṇāṃ japādasya prajāyate
rājño rājakalatrasya rājaputrasya maṃtriṇaḥ

Meaning open with adhikāra · अर्थ अधिकार से

जप्यते यस्य वश्यार्थे स दासस्तस्य जायते ॥
धर्म्मार्थकाममोक्षाणामनायासेन साधनम् ॥ १८० ॥

japyate yasya vaśyārthe sa dāsastasya jāyate
dharmmārthakāmamokṣāṇāmanāyāsena sādhanam

Meaning open with adhikāra · अर्थ अधिकार से

शाकिनीडाकिनीरक्षोयक्षोरगभयापहम् ॥
साम्राज्यसुखदं चैव समस्तरिपुमर्दनम् ॥ १८१ ॥

śākinīḍākinīrakṣoyakṣoragabhayāpaham
sāmrājyasukhadaṃ caiva samastaripumardanam

Meaning open with adhikāra · अर्थ अधिकार से

समस्तकलहध्वंसि दग्धबीजप्ररोहणम् ॥
दुःखप्रशमनं क्रुद्धस्वामिचित्तप्रसादनम् ॥ १८२ ॥

samastakalahadhvaṃsi dagdhabījaprarohaṇam
duḥkhapraśamanaṃ kruddhasvāmicittaprasādanam

Meaning open with adhikāra · अर्थ अधिकार से

षट्कर्म्माष्टमहासिद्धित्रिकालज्ञानसाधनम् ॥
परकृत्योपशमनं परचक्रविमर्दनम् ॥ १८३ ॥

ṣaṭkarmmāṣṭamahāsiddhitrikālajñānasādhanam
parakṛtyopaśamanaṃ paracakravimardanam

Meaning open with adhikāra · अर्थ अधिकार से

संग्रामरङ्गे सर्वेषामिदमेकं जयावहम् ॥
एवं वंध्यात्वदोषघ्नं गर्भरक्षैककारणम् ॥ १८४ ॥

saṃgrāmaraṅge sarveṣāmidamekaṃ jayāvaham
evaṃ vaṃdhyātvadoṣaghnaṃ garbharakṣaikakāraṇam

Meaning open with adhikāra · अर्थ अधिकार से

पठ्यते प्रत्यहं यत्र स्तोत्रं गणपतेरिदम् ॥
देशे तत्र न दुर्भिक्षमीतयो दुरितानि च ॥ १८५ ॥

paṭhyate pratyahaṃ yatra stotraṃ gaṇapateridam
deśe tatra na durbhikṣamītayo duritāni ca

Meaning open with adhikāra · अर्थ अधिकार से

न तद्गेहं जहाति श्रीर्यत्रायं जप्यते स्तवः ॥
क्षयकुष्ठप्रमेहार्शोभगन्दरविषूचिकाः ॥ १८६ ॥

na tadgehaṃ jahāti śrīryatrāyaṃ japyate stavaḥ
kṣayakuṣṭhapramehārśobhagandaraviṣūcikāḥ

Meaning open with adhikāra · अर्थ अधिकार से

गुल्मं प्लीहानमाध्मानमतिसारं महोदरम् ॥
कासं श्वासमुदावर्तं शूलं शोकादिसम्भवम् ॥ १८७ ॥

gulmaṃ plīhānamādhmānamatisāraṃ mahodaram
kāsaṃ śvāsamudāvartaṃ śūlaṃ śokādisambhavam

Meaning open with adhikāra · अर्थ अधिकार से

शिरोरोगं वमिं हिक्कां गण्डमालामरोचकम् ॥
वातपित्तकफद्वंद्वत्रिदोषजनितज्वरम् ॥ १८८ ॥

śirorogaṃ vamiṃ hikkāṃ gaṇḍamālāmarocakam
vātapittakaphadvaṃdvatridoṣajanitajvaram

Meaning open with adhikāra · अर्थ अधिकार से

आगंतुं विषमं शीतमुष्णं चैकाहिकादिकम् ॥
इत्याद्युक्तमनुक्तं वा रोगं दोषादिसम्भवम् ॥ १८९ ॥

āgaṃtuṃ viṣamaṃ śītamuṣṇaṃ caikāhikādikam
ityādyuktamanuktaṃ vā rogaṃ doṣādisambhavam

Meaning open with adhikāra · अर्थ अधिकार से

सर्वं प्रशमयत्याशु स्तोत्रस्यास्य सकृज्जपात् ॥
सकृत् पाठेन संसिद्धिः स्त्रीशूद्रपतितैरपि ॥ १९० ॥

sarvaṃ praśamayatyāśu stotrasyāsya sakṛjjapāt
sakṛt pāṭhena saṃsiddhiḥ strīśūdrapatitairapi

Meaning open with adhikāra · अर्थ अधिकार से

सहस्रनाममंत्रोऽयं जप्तव्यस्तु शुभाप्तये ॥
महागणपतेः स्तोत्रं सकामः प्रजपन्निदम् ॥ १९१ ॥

sahasranāmamaṃtro'yaṃ japtavyastu śubhāptaye
mahāgaṇapateḥ stotraṃ sakāmaḥ prajapannidam

Meaning open with adhikāra · अर्थ अधिकार से

इच्छया सकलान्भोगानुपभुज्येह पार्थिवान् ॥
मनोरथफलैर्दिव्यैर्व्योमयानैर्मनोरमैः ॥ १९२ ॥

icchayā sakalānbhogānupabhujyeha pārthivān
manorathaphalairdivyairvyomayānairmanoramaiḥ

Meaning open with adhikāra · अर्थ अधिकार से

चन्द्रेन्द्रभास्करोपेन्द्रब्रह्मरुद्रादिसद्मसु ॥
कामरूपः कामगतिः कामतो विचरन्निह ॥ १९३ ॥

candrendrabhāskaropendrabrahmarudrādisadmasu
kāmarūpaḥ kāmagatiḥ kāmato vicaranniha

Meaning open with adhikāra · अर्थ अधिकार से

भुक्त्वा यथेप्सितान्भोगानभीष्टैः सह बन्धुभिः ॥
गणेशानुचरो भूत्वा महागणपतेः प्रियः ॥ १९४ ॥

bhuktvā yathepsitānbhogānabhīṣṭaiḥ saha bandhubhiḥ
gaṇeśānucaro bhūtvā mahāgaṇapateḥ priyaḥ

Meaning open with adhikāra · अर्थ अधिकार से

नन्दीश्वरादिसानन्दी नन्दितः सकलैर्गणैः ॥
शिवाभ्यां कृपया पुत्रनिर्विशेषं च लालितः ॥ १९५ ॥

nandīśvarādisānandī nanditaḥ sakalairgaṇaiḥ
śivābhyāṃ kṛpayā putranirviśeṣaṃ ca lālitaḥ

Meaning open with adhikāra · अर्थ अधिकार से

शिवभक्तः पूर्णकामो गणेश्वरवरात्पुनः ॥
जातिस्मरो धर्मपरः सार्वभौमोऽभिजायते ॥ १९६ ॥

śivabhaktaḥ pūrṇakāmo gaṇeśvaravarātpunaḥ
jātismaro dharmaparaḥ sārvabhaumo'bhijāyate

Meaning open with adhikāra · अर्थ अधिकार से

निष्कामस्तु जपन्नित्यं भक्त्या विघ्नेशतत्परः ॥
योगसिद्धिं परां प्राप्य ज्ञानवैराग्यसंस्थितः ॥ १९७ ॥

niṣkāmastu japannityaṃ bhaktyā vighneśatatparaḥ
yogasiddhiṃ parāṃ prāpya jñānavairāgyasaṃsthitaḥ

Meaning open with adhikāra · अर्थ अधिकार से

निरंतरोदितानन्दे वरमानन्दसांविदि ॥
विश्वोत्तीर्णे परे पारे पुनरावृत्तिवर्जिते ॥ १९८ ॥

niraṃtaroditānande varamānandasāṃvidi
viśvottīrṇe pare pāre punarāvṛttivarjite

Meaning open with adhikāra · अर्थ अधिकार से

लीनो वैनायके धाम्नि रमते नित्यनिर्वृतः ॥
यो नामभिर्हुनेदेतैरर्च्चयेत्पूजयेन्नरः ॥ १९९ ॥

līno vaināyake dhāmni ramate nityanirvṛtaḥ
yo nāmabhirhunedetairarccayetpūjayennaraḥ

Meaning open with adhikāra · अर्थ अधिकार से

राजानो वश्यतां यांति रिपवो यांति दासताम् ॥
मंत्राः सिध्यंति सर्वेऽपि सुलाभस्तस्य सिद्धयः ॥ २०० ॥

rājāno vaśyatāṃ yāṃti ripavo yāṃti dāsatām
maṃtrāḥ sidhyaṃti sarve'pi sulābhastasya siddhayaḥ

Meaning open with adhikāra · अर्थ अधिकार से

मूलमंत्रादपि स्तोत्रमिदं प्रियतरं मम ॥
नभस्ये मासि शुक्लायां चतुर्थ्यां मम जन्मनि ॥ २०१ ॥

mūlamaṃtrādapi stotramidaṃ priyataraṃ mama
nabhasye māsi śuklāyāṃ caturthyāṃ mama janmani

Meaning open with adhikāra · अर्थ अधिकार से

दूर्वाभिर्नामभिः पूजां तर्पणं विधिवच्चरेत् ॥
अष्टद्रव्यैर्विशेषेण जुहुयाद्भक्तिसंयुतः ॥ २०२ ॥

dūrvābhirnāmabhiḥ pūjāṃ tarpaṇaṃ vidhivaccaret
aṣṭadravyairviśeṣeṇa juhuyādbhaktisaṃyutaḥ

Meaning open with adhikāra · अर्थ अधिकार से

तस्येप्सितानि सर्वाणि सिद्ध्यंत्यत्र न संशयः ॥
इदं प्रजप्तं पठितं पाठितं श्रावितं श्रुतम् ॥ २०३ ॥

tasyepsitāni sarvāṇi siddhyaṃtyatra na saṃśayaḥ
idaṃ prajaptaṃ paṭhitaṃ pāṭhitaṃ śrāvitaṃ śrutam

Meaning open with adhikāra · अर्थ अधिकार से

व्याकृतं चर्चितं ध्यातं विमृष्टमभिनन्दितम् ॥
इहामुत्र च सर्वेषां विश्वैश्वर्य्यप्रदायकम् ॥ २०४ ॥

vyākṛtaṃ carcitaṃ dhyātaṃ vimṛṣṭamabhinanditam
ihāmutra ca sarveṣāṃ viśvaiśvaryyapradāyakam

Meaning open with adhikāra · अर्थ अधिकार से

स्वच्छन्दचारिणाप्येष येन संधार्य्यते स्तवः ॥
संरक्ष्यते शिवोद्भूतैर्गणैरध्युष्टकोटिभिः ॥ २०५ ॥

svacchandacāriṇāpyeṣa yena saṃdhāryyate stavaḥ
saṃrakṣyate śivodbhūtairgaṇairadhyuṣṭakoṭibhiḥ

Meaning open with adhikāra · अर्थ अधिकार से

पुस्तके लिखितं स्तोत्रं मंत्रभूतं प्रपूजयेत् ॥
तत्र सर्वोत्तमा लक्ष्मीः सन्निधत्ते निरंतरम् ॥ २०६ ॥

pustake likhitaṃ stotraṃ maṃtrabhūtaṃ prapūjayet
tatra sarvottamā lakṣmīḥ sannidhatte niraṃtaram

Meaning open with adhikāra · अर्थ अधिकार से

दानैरशेषैरखिलैर्व्रतैश्च तीर्थैरशेषैः सकलैर्मखैश्च ॥
न तत्फलं विंदति यद्गणेशसहस्रनाम्नां स्मरणेन सद्यः ॥ २०७ ॥

dānairaśeṣairakhilairvrataiśca tīrthairaśeṣaiḥ sakalairmakhaiśca
na tatphalaṃ viṃdati yadgaṇeśasahasranāmnāṃ smaraṇena sadyaḥ

Meaning open with adhikāra · अर्थ अधिकार से

एतन्नाम्नां सहस्रं पठति दिनमणौ प्रत्यहं प्रोज्जिहाने सायं मध्यन्दिने वा त्रिषवणमथवा संततं वा जनो यः ॥
स स्यादैश्वर्य्यधुर्य्यः प्रभवति वचसां कीर्तिमुच्चैस्तनोति प्रत्यूहं हंति विश्वं वशयति सुचिरं वर्द्धते पुत्रपौत्रैः ॥ २०८ ॥

etannāmnāṃ sahasraṃ paṭhati dinamaṇau pratyahaṃ projjihāne sāyaṃ madhyandine vā triṣavaṇamathavā saṃtataṃ vā jano yaḥ
sa syādaiśvaryyadhuryyaḥ prabhavati vacasāṃ kīrtimuccaistanoti pratyūhaṃ haṃti viśvaṃ vaśayati suciraṃ varddhate putrapautraiḥ

Meaning open with adhikāra · अर्थ अधिकार से

अकिंचनोऽप्येकचित्तो नियतो नियताशनः ॥
जपेत्तु चतुरो मासान्गणेशार्च्चनतत्परः ॥ २०९ ॥

akiṃcano'pyekacitto niyato niyatāśanaḥ
japettu caturo māsāngaṇeśārccanatatparaḥ

Meaning open with adhikāra · अर्थ अधिकार से

दरिद्रतां समुन्मूल्य सप्तजन्मानुगामपि ॥
लभते महतीं लक्ष्मीमित्याज्ञा पारमेश्वरी ॥ २१० ॥

daridratāṃ samunmūlya saptajanmānugāmapi
labhate mahatīṃ lakṣmīmityājñā pārameśvarī

Meaning open with adhikāra · अर्थ अधिकार से

आयुष्यं वीतरोगं कुलमतिविमलं सम्पदश्चार्त्तदानाः कीर्तिर्नित्यावदाता भणितिरभिनवा कांतिरव्याजभव्या ॥
पुत्राः संतः कलत्रं गुणवदभिमतं यद्यदेतच्च सत्यं नित्यं यः स्तोत्रमेतत्पठति गणपतेस्तस्य हस्ते समस्तम् ॥ २११ ॥

āyuṣyaṃ vītarogaṃ kulamativimalaṃ sampadaścārttadānāḥ kīrtirnityāvadātā bhaṇitirabhinavā kāṃtiravyājabhavyā
putrāḥ saṃtaḥ kalatraṃ guṇavadabhimataṃ yadyadetacca satyaṃ nityaṃ yaḥ stotrametatpaṭhati gaṇapatestasya haste samastam

Meaning open with adhikāra · अर्थ अधिकार से

ॐ गणंजयो गणपतिर्हेरंबो धरणीधरः ॥
महागणपतिर्लक्षप्रदः क्षिप्रप्रसादनः ॥ २१२ ॥

oṃ gaṇaṃjayo gaṇapatirheraṃbo dharaṇīdharaḥ
mahāgaṇapatirlakṣapradaḥ kṣipraprasādanaḥ

Meaning open with adhikāra · अर्थ अधिकार से

अमोघसिद्धिरमितो मंत्रश्चिंतामणिर्निधिः ॥
सुमंगलो बीजमाशापूरको वरदः शिवः ॥ २१३ ॥

amoghasiddhiramito maṃtraściṃtāmaṇirnidhiḥ
sumaṃgalo bījamāśāpūrako varadaḥ śivaḥ

Meaning open with adhikāra · अर्थ अधिकार से

काश्यपो नंदनो वाचासिद्धो ढुंढिर्विनायकः ॥
मोदकैरेभिरत्रैकविंशत्या नामभिः पुमान् ॥ २१४ ॥

kāśyapo naṃdano vācāsiddho ḍhuṃḍhirvināyakaḥ
modakairebhiratraikaviṃśatyā nāmabhiḥ pumān

यः स्तौति मद्गतमना ममाराधनतत्परः ॥
स्तुतो नाम्नां सहस्रेण तेनाहं नात्र संशयः ॥ २१५ ॥

yaḥ stauti madgatamanā mamārādhanatatparaḥ
stuto nāmnāṃ sahasreṇa tenāhaṃ nātra saṃśayaḥ

नमो नमः सुरवरपूजितांघ्रये नमो नमो निरुपममंगलात्मने ॥
नमो नमो विपुलकरैकसिद्धये नमो नमः करिकलभाननाय ते ॥ २१६ ॥

namo namaḥ suravarapūjitāṃghraye namo namo nirupamamaṃgalātmane
namo namo vipulakaraikasiddhaye namo namaḥ karikalabhānanāya te

किंकिणिगणरणितस्तवचरणः प्रकटितगुरुमतिचरितविशेषः ॥
मदजलळहरीकलितकपोलः शमयतु दुरितं गणपतिदेवः ॥ २१७ ॥

kiṃkiṇigaṇaraṇitastavacaraṇaḥ prakaṭitagurumaticaritaviśeṣaḥ
madajalaḷaharīkalitakapolaḥ śamayatu duritaṃ gaṇapatidevaḥ