श्रीउच्छिष्टगणेशसहस्रनामस्तोत्रम्

श्रीभैरव उवाच — श्री भैरव ने कहा Śrī Bhairava said

शृणु देवि रहस्यं मे यत्पुरा सूचितं मया ॥
तव भक्त्या गणेशस्य वक्ष्ये नामसहस्रकम् ॥ १ ॥

śṛṇu devi rahasyaṃ me yatpurā sūcitaṃ mayā
tava bhaktyā gaṇeśasya vakṣye nāmasahasrakam

देव्युवाच — देवी ने कहा The Goddess said

ॐ भगवन्गणनाथस्य उच्छिष्टस्य महात्मनः ॥
श्रोतुं नामसहस्रं मे हृदयं चोत्सुकायते ॥ २ ॥

oṃ bhagavangaṇanāthasya ucchiṣṭasya mahātmanaḥ
śrotuṃ nāmasahasraṃ me hṛdayaṃ cotsukāyate

भैरव उवाच — भैरव ने कहा Bhairava said

प्राङ्मुखे त्रिपुरानाथे जातविघ्नाकुले शिवे ॥
मोहने मुच्यते चेतस्ते सर्वे बलदर्पिताः ॥ ३ ॥

prāṅmukhe tripurānāthe jātavighnākule śive
mohane mucyate cetaste sarve baladarpitāḥ

तदा प्रभुं गणाध्यक्षं स्तुत्वा नामसहस्रकम् ॥
विघ्ना दूरात्पलायंते कालरुद्रादिव प्रजाः ॥ ४ ॥

tadā prabhuṃ gaṇādhyakṣaṃ stutvā nāmasahasrakam
vighnā dūrātpalāyaṃte kālarudrādiva prajāḥ

तस्यानुग्रहतो देवि जातोऽहं त्रिपुरांतकः ॥
तमद्यापि गणेशानं स्तोत्रं नामसहस्रकैः ॥ ५ ॥

tasyānugrahato devi jāto'haṃ tripurāṃtakaḥ
tamadyāpi gaṇeśānaṃ stotraṃ nāmasahasrakaiḥ

Meaning open with adhikāra · अर्थ अधिकार से

तमेव तव भक्त्याहं साधकानां हिताय च ॥
महागणपतेर्वक्ष्ये दिव्यं नामसहस्रकम् ॥ ६ ॥

tameva tava bhaktyāhaṃ sādhakānāṃ hitāya ca
mahāgaṇapatervakṣye divyaṃ nāmasahasrakam

Meaning open with adhikāra · अर्थ अधिकार से

ॐ ह्रीं श्रीं श्रीगणाध्यक्षो ग्लौं गं गणपतिर्गुणी ॥
गुणाढ्यो निर्गुणो गोप्ता गजवक्रो विभावसुः ॥ ७ ॥

oṃ hrīṃ śrīṃ śrīgaṇādhyakṣo glauṃ gaṃ gaṇapatirguṇī
guṇāḍhyo nirguṇo goptā gajavakro vibhāvasuḥ

Meaning open with adhikāra · अर्थ अधिकार से

विश्वेश्वरो विभादीप्तो दीपनो धीवरो धनी ॥
सदा शांतो जगत्त्राता विश्वावर्तो विभाकरः ॥ ८ ॥

viśveśvaro vibhādīpto dīpano dhīvaro dhanī
sadā śāṃto jagattrātā viśvāvarto vibhākaraḥ

Meaning open with adhikāra · अर्थ अधिकार से

विश्रंभी विजयो वैद्यो वारांनिधिरनुत्तमः ॥
अणिमाविभवः श्रेष्ठो ज्येष्ठो गाथाप्रियो गुरुः ॥ ९ ॥

viśraṃbhī vijayo vaidyo vārāṃnidhiranuttamaḥ
aṇimāvibhavaḥ śreṣṭho jyeṣṭho gāthāpriyo guruḥ

Meaning open with adhikāra · अर्थ अधिकार से

सृष्टिकर्ता जगद्धर्ता विश्वभर्ता जगन्निधिः ॥
पतिः पीतविभूषांको रक्तास्यो लोहितांबरः ॥ १० ॥

sṛṣṭikartā jagaddhartā viśvabhartā jagannidhiḥ
patiḥ pītavibhūṣāṃko raktāsyo lohitāṃbaraḥ

Meaning open with adhikāra · अर्थ अधिकार से

द्विपाक्षोच्चविमानस्थो विनयः सदयः सुखी ॥
सुरूपः सात्त्विकः सत्यः शुद्धः शंकरनंदनः ॥ ११ ॥

dvipākṣoccavimānastho vinayaḥ sadayaḥ sukhī
surūpaḥ sāttvikaḥ satyaḥ śuddhaḥ śaṃkaranaṃdanaḥ

Meaning open with adhikāra · अर्थ अधिकार से

नंदीश्वरो जयानंदी बंधस्तुत्यो विचक्षणः ॥
दैत्यमर्दी सदाक्षीबो मदिरारुणलोचनः ॥ १२ ॥

naṃdīśvaro jayānaṃdī baṃdhastutyo vicakṣaṇaḥ
daityamardī sadākṣībo madirāruṇalocanaḥ

Meaning open with adhikāra · अर्थ अधिकार से

सरात्मा विश्वासारश्च विश्वधारो विलेपनः ॥
परं ब्रह्म परं ज्योतिः साक्षी त्र्यक्षो त्रिकस्थितः ॥ १३ ॥

sarātmā viśvāsāraśca viśvadhāro vilepanaḥ
paraṃ brahma paraṃ jyotiḥ sākṣī tryakṣo trikasthitaḥ

Meaning open with adhikāra · अर्थ अधिकार से

विश्वेश्वरो वीरहर्ता सौभाग्यो भाग्यवर्द्धनः ॥
भृंगी रिटी भृंगमाली भृंगकूजितनादितः ॥ १४ ॥

viśveśvaro vīrahartā saubhāgyo bhāgyavarddhanaḥ
bhṛṃgī riṭī bhṛṃgamālī bhṛṃgakūjitanāditaḥ

Meaning open with adhikāra · अर्थ अधिकार से

विवर्तको विनीतोऽपि नयनानंदनार्चितः ॥
गंगाजलपानप्रियो गंगातीरविहारिणः ॥ १५ ॥

vivartako vinīto'pi nayanānaṃdanārcitaḥ
gaṃgājalapānapriyo gaṃgātīravihāriṇaḥ

Meaning open with adhikāra · अर्थ अधिकार से

गंगाप्रियो गंगजश्च वाहनानि पुरः सदा ॥
गंधमादनसंवासो गंधमादनकेलिकृत् ॥ १६ ॥

gaṃgāpriyo gaṃgajaśca vāhanāni puraḥ sadā
gaṃdhamādanasaṃvāso gaṃdhamādanakelikṛt

Meaning open with adhikāra · अर्थ अधिकार से

गंधानुलिप्तपूर्वांगः सर्वदेवस्मरः सदा ॥
गंधर्वगणराजेशो गंधर्वगणसेवितः ॥ १७ ॥

gaṃdhānuliptapūrvāṃgaḥ sarvadevasmaraḥ sadā
gaṃdharvagaṇarājeśo gaṃdharvagaṇasevitaḥ

Meaning open with adhikāra · अर्थ अधिकार से

गंधर्वपूजितो नित्यं सर्वरोगविनाशकः ॥
गंधर्वगणसंसेव्यो गंधर्ववरदायकः ॥ १८ ॥

gaṃdharvapūjito nityaṃ sarvarogavināśakaḥ
gaṃdharvagaṇasaṃsevyo gaṃdharvavaradāyakaḥ

Meaning open with adhikāra · अर्थ अधिकार से

गंधर्वो गंधमातंगो गंधर्वकुलदैवतः ॥
गंधर्वगर्वसंवेगो गंधर्ववरदायकः ॥ १९ ॥

gaṃdharvo gaṃdhamātaṃgo gaṃdharvakuladaivataḥ
gaṃdharvagarvasaṃvego gaṃdharvavaradāyakaḥ

Meaning open with adhikāra · अर्थ अधिकार से

गंधर्वप्रबलाः सत्वं गंधर्वगणसंयुतः ॥
गंधर्वादिगुणानंदो नंदोऽनंतगुणात्मकः ॥ २० ॥

gaṃdharvaprabalāḥ satvaṃ gaṃdharvagaṇasaṃyutaḥ
gaṃdharvādiguṇānaṃdo naṃdo'naṃtaguṇātmakaḥ

Meaning open with adhikāra · अर्थ अधिकार से

विश्वमूर्तिर्विश्वधाता विनतास्यो विनर्तकः ॥
करालः कामदः कांतः कमनीयः कलानिधिः ॥ २१ ॥

viśvamūrtirviśvadhātā vinatāsyo vinartakaḥ
karālaḥ kāmadaḥ kāṃtaḥ kamanīyaḥ kalānidhiḥ

Meaning open with adhikāra · अर्थ अधिकार से

कारुण्यरूपः कुटिलः कुलाचारी कुलेश्वरः ॥
विकरालो रणः श्रेष्ठः संहारो हारभूषणः ॥ २२ ॥

kāruṇyarūpaḥ kuṭilaḥ kulācārī kuleśvaraḥ
vikarālo raṇaḥ śreṣṭhaḥ saṃhāro hārabhūṣaṇaḥ

Meaning open with adhikāra · अर्थ अधिकार से

ऊरुरम्यमुखो रक्तो देवतादयितो रसः ॥
महाकालो महादंष्ट्रो महोरगभयानकः ॥ २३ ॥

ūruramyamukho rakto devatādayito rasaḥ
mahākālo mahādaṃṣṭro mahoragabhayānakaḥ

Meaning open with adhikāra · अर्थ अधिकार से

उन्मत्तरूपः कालाग्निरग्निसूर्येन्दुलोचनः ॥
सितास्यश्चासितात्मा भैरवसौभाग्यवान्भगः ॥ २४ ॥

unmattarūpaḥ kālāgniragnisūryendulocanaḥ
sitāsyaścāsitātmā bhairavasaubhāgyavānbhagaḥ

Meaning open with adhikāra · अर्थ अधिकार से

भर्गात्मजो भगावासो भगदो भगवर्द्धनः ॥
शुभंकरः शुचिः शांतः श्रेष्ठः श्रव्यः शचीपतिः ॥ २५ ॥

bhargātmajo bhagāvāso bhagado bhagavarddhanaḥ
śubhaṃkaraḥ śuciḥ śāṃtaḥ śreṣṭhaḥ śravyaḥ śacīpatiḥ

Meaning open with adhikāra · अर्थ अधिकार से

वेदाद्यो वेदकर्ता च वेदवेद्यः सनातनः ॥
विद्याप्रदो वेदरसो वैदिको वेदपारगः ॥ २६ ॥

vedādyo vedakartā ca vedavedyaḥ sanātanaḥ
vidyāprado vedaraso vaidiko vedapāragaḥ

Meaning open with adhikāra · अर्थ अधिकार से

वेदध्वनिरतो वीरो वेदवेदांगस्वर्थवित् ॥
तत्त्वज्ञः सर्वगः साधुः सदयः सदसन्मयः ॥ २७ ॥

vedadhvanirato vīro vedavedāṃgasvarthavit
tattvajñaḥ sarvagaḥ sādhuḥ sadayaḥ sadasanmayaḥ

Meaning open with adhikāra · अर्थ अधिकार से

शिवंकरः शिवसुतः शिवानंदविवर्द्धनः ॥
सैन्यः श्वेतः शतमुखो मुग्धो मोदकभंजनः ॥ २८ ॥

śivaṃkaraḥ śivasutaḥ śivānaṃdavivarddhanaḥ
sainyaḥ śvetaḥ śatamukho mugdho modakabhaṃjanaḥ

Meaning open with adhikāra · अर्थ अधिकार से

देवदेवो दिनकरो धृतिमान्द्युतिमान्धनः ॥
शुद्धात्मा शुद्धमतिमाञ् शुद्धदीप्तिः शुचिव्रतः ॥ २९ ॥

devadevo dinakaro dhṛtimāndyutimāndhanaḥ
śuddhātmā śuddhamatimāñ śuddhadīptiḥ śucivrataḥ

Meaning open with adhikāra · अर्थ अधिकार से

शरण्यः शौनकः शूरः शब्ददंभी जटोरुकः ॥
दारकः शिखिवाहेष्टः सितः शंकरवल्लभः ॥ ३० ॥

śaraṇyaḥ śaunakaḥ śūraḥ śabdadaṃbhī jaṭorukaḥ
dārakaḥ śikhivāheṣṭaḥ sitaḥ śaṃkaravallabhaḥ

Meaning open with adhikāra · अर्थ अधिकार से

शंकरो निर्भयो नित्यो लयकृल्लास्यतत्परः ॥
लूतो लीलारसोल्लासी विलासी विभ्रमो भ्रमः ॥ ३१ ॥

śaṃkaro nirbhayo nityo layakṛllāsyatatparaḥ
lūto līlārasollāsī vilāsī vibhramo bhramaḥ

Meaning open with adhikāra · अर्थ अधिकार से

भ्रमणः शशिभृत्सूर्यः शनिर्धरणिनंदनः ॥
बुधो विबुधसेव्यश्च बुधराजो बलंधरः ॥ ३२ ॥

bhramaṇaḥ śaśibhṛtsūryaḥ śanirdharaṇinaṃdanaḥ
budho vibudhasevyaśca budharājo balaṃdharaḥ

Meaning open with adhikāra · अर्थ अधिकार से

जीवो जीवप्रदो जेता स्तुत्यो नित्यो रतिप्रियः ॥
कविः काव्यार्थकुशलो जनरक्षणतत्परः ॥ ३३ ॥

jīvo jīvaprado jetā stutyo nityo ratipriyaḥ
kaviḥ kāvyārthakuśalo janarakṣaṇatatparaḥ

Meaning open with adhikāra · अर्थ अधिकार से

जनानंदप्रदाता च जनकाह्लादकारकः ॥
गच्छो गणपतिर्गच्छनायको गच्छगर्वहा ॥ ३४ ॥

janānaṃdapradātā ca janakāhlādakārakaḥ
gaccho gaṇapatirgacchanāyako gacchagarvahā

Meaning open with adhikāra · अर्थ अधिकार से

गच्छराजोऽथ गच्छेशो गच्छराजनमस्कृतः ॥
गच्छप्रियो गच्छगुरुर्गच्छत्राकृद्यमातुरः ॥ ३५ ॥

gaccharājo'tha gaccheśo gaccharājanamaskṛtaḥ
gacchapriyo gacchagururgacchatrākṛdyamāturaḥ

Meaning open with adhikāra · अर्थ अधिकार से

गच्छप्रभुर्गच्छचरो गच्छप्रियकृतोद्यमः ॥
गच्छगीतगुणो गर्तो मर्यादाप्रतिपालकः ॥ ३६ ॥

gacchaprabhurgacchacaro gacchapriyakṛtodyamaḥ
gacchagītaguṇo garto maryādāpratipālakaḥ

Meaning open with adhikāra · अर्थ अधिकार से

गीर्वाणागमसारश्च नभो गीर्वाणदेवता ॥
संपत्तिसदनाकारः संपत्तिसुखदायकः ॥ ३७ ॥

gīrvāṇāgamasāraśca nabho gīrvāṇadevatā
saṃpattisadanākāraḥ saṃpattisukhadāyakaḥ

Meaning open with adhikāra · अर्थ अधिकार से

संपत्तिसुखकर्ता च संपत्तिसुभगाननः ॥
संपत्तिशुभदो नित्यं संपत्तिश्च तपोधनः ॥ ३८ ॥

saṃpattisukhakartā ca saṃpattisubhagānanaḥ
saṃpattiśubhado nityaṃ saṃpattiśca tapodhanaḥ

Meaning open with adhikāra · अर्थ अधिकार से

रुचको मेचकस्तुष्टः प्रभुस्तोमरघातकः ॥
दंडी चंडांशुरव्यक्तः कमंडलुधरोऽनघः ॥ ३९ ॥

rucako mecakastuṣṭaḥ prabhustomaraghātakaḥ
daṃḍī caṃḍāṃśuravyaktaḥ kamaṃḍaludharo'naghaḥ

Meaning open with adhikāra · अर्थ अधिकार से

कामी कर्मरतः कालकोलः क्रंदितदिक्तटः ॥
भ्रामको जातिपूज्यश्च जाड्यहा जडसूदनः ॥ ४० ॥

kāmī karmarataḥ kālakolaḥ kraṃditadiktaṭaḥ
bhrāmako jātipūjyaśca jāḍyahā jaḍasūdanaḥ

Meaning open with adhikāra · अर्थ अधिकार से

जालंधरो जगद्वासी हासकृद्दहनो गुहः ॥
हविष्मान्हव्यवाहाक्षो हाटको हाटकांगदः ॥ ४१ ॥

jālaṃdharo jagadvāsī hāsakṛddahano guhaḥ
haviṣmānhavyavāhākṣo hāṭako hāṭakāṃgadaḥ

Meaning open with adhikāra · अर्थ अधिकार से

सुमेरुर्हिमवान्होता हरपुत्रो हलांकपः ॥
हालाप्रियो हृदा शांतः कांताहृदयपोषणः ॥ ४२ ॥

sumerurhimavānhotā haraputro halāṃkapaḥ
hālāpriyo hṛdā śāṃtaḥ kāṃtāhṛdayapoṣaṇaḥ

Meaning open with adhikāra · अर्थ अधिकार से

शोषणः क्लेशहा क्रूरः कुबेरः कविताकृतिः ॥
कुबेरो धीमयो धाता ध्येयो धीमान्दयानिधिः ॥ ४३ ॥

śoṣaṇaḥ kleśahā krūraḥ kuberaḥ kavitākṛtiḥ
kubero dhīmayo dhātā dhyeyo dhīmāndayānidhiḥ

Meaning open with adhikāra · अर्थ अधिकार से

दविष्ठो दमनो हृष्टो दाता त्राता सितासमः ॥
निर्गतो नैगमो गम्यो निर्जयो जटिलोऽजरः ॥ ४४ ॥

daviṣṭho damano hṛṣṭo dātā trātā sitāsamaḥ
nirgato naigamo gamyo nirjayo jaṭilo'jaraḥ

Meaning open with adhikāra · अर्थ अधिकार से

जनजीवो जितारातिर्जगद्व्यापी जगन्मयः ॥
चामीकरनिभो नाभ्यो नलिनायतलोचनः ॥ ४५ ॥

janajīvo jitārātirjagadvyāpī jaganmayaḥ
cāmīkaranibho nābhyo nalināyatalocanaḥ

Meaning open with adhikāra · अर्थ अधिकार से

रोचनामोचको मंत्री मंत्रकोटिसमाश्रितः ॥
पंचभूतात्मकः पंचसायकः पंचवक्रकः ॥ ४६ ॥

rocanāmocako maṃtrī maṃtrakoṭisamāśritaḥ
paṃcabhūtātmakaḥ paṃcasāyakaḥ paṃcavakrakaḥ

Meaning open with adhikāra · अर्थ अधिकार से

पंचमः पश्चिमः पूर्वः पूर्णः कीर्णालकः कुणिः ॥
कठोरहृदयग्रीवोऽलंकृतो ललिताशयः ॥ ४७ ॥

paṃcamaḥ paścimaḥ pūrvaḥ pūrṇaḥ kīrṇālakaḥ kuṇiḥ
kaṭhorahṛdayagrīvo'laṃkṛto lalitāśayaḥ

Meaning open with adhikāra · अर्थ अधिकार से

लोलचित्तो बृहन्नासो मासपक्षर्तुरूपवान् ॥
ध्रुवो द्रुतगतिर्बंधो धर्मवान्किप्रियो नलः ॥ ४८ ॥

lolacitto bṛhannāso māsapakṣarturūpavān
dhruvo drutagatirbaṃdho dharmavānkipriyo nalaḥ

Meaning open with adhikāra · अर्थ अधिकार से

अगस्त्यग्रस्तभुवनो भुवनैकमलापहः ॥
सागरः स्वर्गतिः स्वक्षः सानंदः साधुपूजितः ॥ ४९ ॥

agastyagrastabhuvano bhuvanaikamalāpahaḥ
sāgaraḥ svargatiḥ svakṣaḥ sānaṃdaḥ sādhupūjitaḥ

Meaning open with adhikāra · अर्थ अधिकार से

सतीपतिः समरसः सनकः सरलः सरः ॥
सुरप्रियो वसुमतिर्वासवो वसुपूजितः ॥ ५० ॥

satīpatiḥ samarasaḥ sanakaḥ saralaḥ saraḥ
surapriyo vasumatirvāsavo vasupūjitaḥ

Meaning open with adhikāra · अर्थ अधिकार से

वित्तदो वित्तनाथश्च धनिनां धनदायकः ॥
राजीवनयनः स्मर्ता स्मृतिहा कृत्तिकांबरः ॥ ५१ ॥

vittado vittanāthaśca dhānināṃ dhanadāyakaḥ
rājīvanayanaḥ smartā smṛtihā kṛttikāṃbaraḥ

Meaning open with adhikāra · अर्थ अधिकार से

अश्विनोऽश्विमुखः शुभ्रो भरणो भरणीप्रियः ॥
कृत्तिकासनकः कोलो रोहिणी रोहिणोपमः ॥ ५२ ॥

aśvino'śvimukhaḥ śubhro bharaṇo bharaṇīpriyaḥ
kṛttikāsanakaḥ kolo rohiṇī rohiṇopamaḥ

Meaning open with adhikāra · अर्थ अधिकार से

क्रतवोष्टारिमंदी च रोहिणीमोहिनीभृतः ॥
मृगराजो मृगशिरो माधवो मधुरध्वनिः ॥ ५३ ॥

kratavoṣṭārimaṃdī ca rohiṇīmohinībhṛtaḥ
mṛgarājo mṛgaśiro mādhavo madhuradhvaniḥ

Meaning open with adhikāra · अर्थ अधिकार से

आर्द्रानलो महाबुद्धिर्महोरगविभूषणः ॥
भ्रूक्षेपदंतविभवो भ्रूकरालः पुनर्नवः ॥ ५४ ॥

ārdrānalo mahābuddhirmahoragavibhūṣaṇaḥ
bhrūkṣepadaṃtavibhavo bhrūkarālaḥ punarnavaḥ

Meaning open with adhikāra · अर्थ अधिकार से

पुनर्देवः पुनर्जेता पुनर्जीवः पुनर्वसुः ॥
तिमिरस्तिमिकेतुश्च तिमिवासरघातनः ॥ ५५ ॥

punardevaḥ punarjetā punarjīvaḥ punarvasuḥ
timirastimiketuśca timivāsaraghātanaḥ

Meaning open with adhikāra · अर्थ अधिकार से

तिष्यस्तुलाधरो जृंभो विश्लेषाश्लेषदानराट् ॥
मानवो माधवो माघो वाचालो मघवा यमः ॥ ५६ ॥

tiṣyastulādharo jṛṃbho viśleṣāśleṣadānarāṭ
mānavo mādhavo māgho vācālo maghavā yamaḥ

Meaning open with adhikāra · अर्थ अधिकार से

मघो मघाप्रियो मेघो महाशुंडो महाभुजः ॥
पूर्वाफाल्गुनिकः प्रीतः फल्गुरुत्तरफाल्गुनः ॥ ५७ ॥

magho maghāpriyo megho mahāśuṃḍo mahābhujaḥ
pūrvāphālgunikaḥ prītaḥ phalguruttaraphālgunaḥ

Meaning open with adhikāra · अर्थ अधिकार से

फेनिलो ब्रह्मदो ब्रह्मा सप्ततंतुसमाश्रयः ॥
घोणाहस्तश्चतुर्हस्तो हस्तिवक्रो हलायुधः ॥ ५८ ॥

phenilo brahmado brahmā saptataṃtusamāśrayaḥ
ghoṇāhastaścaturhasto hastivakro halāyudhaḥ

Meaning open with adhikāra · अर्थ अधिकार से

चित्रांबरोऽर्चितपदः स्वस्तिदः स्वस्तिविग्रहः ॥
विशाखाशिखिसेव्यश्च शिखिध्वजसहोदरः ॥ ५९ ॥

citrāṃbaro'rcitapadaḥ svastidaḥ svastivigrahaḥ
viśākhāśikhisevyaśca śikhidhvajasahodaraḥ

Meaning open with adhikāra · अर्थ अधिकार से

अणुरेणूकरस्कारो रूरुरेणू सुतीनरः ॥
अनूराधाप्रियो राधः श्रीमाञ्छुक्रः शुचिस्मितः ॥ ६० ॥

aṇureṇūkaraskāro rūrureṇū sutīnaraḥ
anūrādhāpriyo rādhaḥ śrīmāñchukraḥ śucismitaḥ

Meaning open with adhikāra · अर्थ अधिकार से

ज्येष्ठः श्रेष्ठार्चितपदो मूलं त्रिजगतो गुरुः ॥
शुचिः पूर्वोत्तराषाढश्चोत्तराषाढ ईश्वरः ॥ ६१ ॥

jyeṣṭhaḥ śreṣṭhārcitapado mūlaṃ trijagato guruḥ
śuciḥ pūrvottarāṣāḍhaścottarāṣāḍha īśvaraḥ

Meaning open with adhikāra · अर्थ अधिकार से

श्रव्योऽभिजिदनंतात्मा श्रवश्रेष्ठितदानवः ॥
श्रावणः स्रावणः श्रोता धनी धन्यो धनप्रदः ॥ ६२ ॥

śravyo'bhijidanaṃtātmā śravaśreṣṭhitadānavaḥ
śrāvaṇaḥ srāvaṇaḥ śrotā dhanī dhanyo dhanapradaḥ

Meaning open with adhikāra · अर्थ अधिकार से

धनेच्छुरुः सदा तीव्रः शीतकुंभः शरद्द्युतिः ॥
पूर्वाभाद्रपदाभाद्रश्चोत्तराभाद्रपादितः ॥ ६३ ॥

dhanecchuruḥ sadā tīvraḥ śītakuṃbhaḥ śaraddyutiḥ
pūrvābhādrapadābhādraścottarābhādrapāditaḥ

Meaning open with adhikāra · अर्थ अधिकार से

रेणुकस्तनयो रामो रेवतीरमणो रमी ॥
अश्वयुक्कार्तिकेयेष्टो मार्गशीर्षो मृगोत्तमः ॥ ६४ ॥

reṇukastanayo rāmo revatīramaṇo ramī
aśvayukkārtikeyeṣṭo mārgaśīrṣo mṛgottamaḥ

Meaning open with adhikāra · अर्थ अधिकार से

पौषैश्वर्यः फाल्गुनात्मा वसंतश्चित्रको मधुः ॥
राज्यदोऽभिजिदात्मीयस्तारेशस्तारकद्युतिः ॥ ६५ ॥

pauṣaiśvaryaḥ phālgunātmā vasaṃtaścitrako madhuḥ
rājyado'bhijidātmīyastāreśastārakadyutiḥ

Meaning open with adhikāra · अर्थ अधिकार से

प्रतीतः प्रोर्जितः प्रीतः परमः परमो हितः ॥
परहा पंचभूः पंचवायुपूज्यः परो महः ॥ ६६ ॥

pratītaḥ prorjitaḥ prītaḥ paramaḥ paramo hitaḥ
parahā paṃcabhūḥ paṃcavāyupūjyaḥ paro mahaḥ

Meaning open with adhikāra · अर्थ अधिकार से

पुराणागमविद्योगी महिषो रासभोऽग्रगः ॥
ग्रहो मेषो वृषो मंदो मन्मथो मिथुनाकृतिः ॥ ६७ ॥

purāṇāgamavidyogī mahiṣo rāsabho'gragaḥ
graho meṣo vṛṣo maṃdo manmatho mithunākṛtiḥ

Meaning open with adhikāra · अर्थ अधिकार से

कल्पभृत्कंटकटको दीपो मर्कटेशप्रभुः ॥
कर्कटो घृणिकुक्कूटो वनजो हंसयोहसः ॥ ६८ ॥

kalpabhṛtkaṃṭakaṭako dīpo markaṭeśaprabhuḥ
karkaṭo ghṛṇikukkūṭo vanajo haṃsayohasaḥ

Meaning open with adhikāra · अर्थ अधिकार से

सिंहः सिंहासनो भूष्यो मुहुर्मूषकवाहनः ॥
कन्याकलावतीपुत्रो कन्याप्रीतः कुलोद्वहः ॥ ६९ ॥

siṃhaḥ siṃhāsano bhūṣyo muhurmūṣakavāhanaḥ
kanyākalāvatīputro kanyāprītaḥ kulodvahaḥ

Meaning open with adhikāra · अर्थ अधिकार से

अतुल्यरूपो बलदस्तुल्यभृत्तुल्यसाक्षिकः ॥
अलिश्चापधरो धन्वी कच्छपो मकरो मणिः ॥ ७० ॥

atulyarūpo baladastulyabhṛttulyasākṣikaḥ
aliścāpadharo dhanvī kacchapo makaro maṇiḥ

Meaning open with adhikāra · अर्थ अधिकार से

कुंभभृत्कलशः कुब्जी मीनमांससुतर्पितः ॥
राशितारा ग्रहमयस्तिथिरूपो जगद्विभुः ॥ ७१ ॥

kuṃbhabhṛtkalaśaḥ kubjī mīnamāṃsasutarpitaḥ
rāśitārā grahamayastithirūpo jagadvibhuḥ

Meaning open with adhikāra · अर्थ अधिकार से

प्रतापी प्रतिपत्प्रेयो द्वितीयाद्वैतनिश्चितः ॥
त्रिरूपश्च तृतीयाग्निस्त्रयीरूपस्त्रयीतनुः ॥ ७२ ॥

pratāpī pratipatpreyo dvitīyādvaitaniścitaḥ
trirūpaśca tṛtīyāgnistrayīrūpastrayītanuḥ

Meaning open with adhikāra · अर्थ अधिकार से

चतुर्थीवल्लभो देवो परागः पंचमीश्वरः ॥
षड्रसास्वादको जातः षष्ठी षष्ठीकवत्सलः ॥ ७३ ॥

caturthīvallabho devo parāgaḥ paṃcamīśvaraḥ
ṣaḍrasāsvādako jātaḥ ṣaṣṭhī ṣaṣṭhīkavatsalaḥ

Meaning open with adhikāra · अर्थ अधिकार से

सप्तार्णवगतिः सारः सप्तमीश्वररोहितः ॥
अष्टमीनंदनोऽनंतो नवमीभक्तिभावितः ॥ ७४ ॥

saptārṇavagatiḥ sāraḥ saptamīśvararohitaḥ
aṣṭamīnaṃdano'naṃto navamībhaktibhāvitaḥ

Meaning open with adhikāra · अर्थ अधिकार से

दशदिक्पतिपूज्यश्च दशमीद्रुहिणो द्रुतः ॥
एकादशात्मगणपो द्वादशीयुगचर्चितः ॥ ७५ ॥

daśadikpatipūjyaśca daśamīdruhiṇo drutaḥ
ekādaśātmagaṇapo dvādaśīyugacarcitaḥ

Meaning open with adhikāra · अर्थ अधिकार से

त्रयोदशमणिस्तुत्यश्चतुर्दशस्वरप्रियः ॥
चतुर्दशेंद्रसंस्तुत्यः पूर्णिमानंदविग्रहः ॥ ७६ ॥

trayodaśamaṇistutyaścaturdaśasvarapriyaḥ
caturdaśeṃdrasaṃstutyaḥ pūrṇimānaṃdavigrahaḥ

Meaning open with adhikāra · अर्थ अधिकार से

दर्शादर्शौ दर्शगश्च वानप्रस्थो महेश्वरः ॥
मौर्वी मधुरवाग् मूलं मूर्तिमान्मेघवाहनः ॥ ७७ ॥

darśādarśau darśagaśca vānaprastho maheśvaraḥ
maurvī madhuravāg mūlaṃ mūrtimānmeghavāhanaḥ

Meaning open with adhikāra · अर्थ अधिकार से

महागजो जितक्रोधो जितशत्रुर्जयाश्रयः ॥
रौद्रो रुद्रप्रियो रुद्रो रुद्रपुत्रोऽघनाशनः ॥ ७८ ॥

mahāgajo jitakrodho jitaśatrurjayāśrayaḥ
raudro rudrapriyo rudro rudraputro'ghanāśanaḥ

Meaning open with adhikāra · अर्थ अधिकार से

भवप्रियो भवानीष्टो भारभृद्भूतभावनः ॥
गंधर्वकुशलः कुंठो वैकुंठोऽभीष्टसेवितः ॥ ७९ ॥

bhavapriyo bhavānīṣṭo bhārabhṛdbhūtabhāvanaḥ
gaṃdharvakuśalaḥ kuṃṭho vaikuṃṭho'bhīṣṭasevitaḥ

Meaning open with adhikāra · अर्थ अधिकार से

वृत्रहा विघ्नहा सीरः समस्तदुरितापहा ॥
मंजुरो मार्जरो मत्तो दुर्गापुत्रो दुरालसः ॥ ८० ॥

vṛtrahā vighnahā sīraḥ samastaduritāpahā
maṃjuro mārjaro matto durgāputro durālasaḥ

Meaning open with adhikāra · अर्थ अधिकार से

अनंतचित्सुधाधारो वीरवीर्यैकसाधकः ॥
भास्वन्मुकुटमाणिक्यः कूजत्किंकिणिजालकः ॥ ८१ ॥

anaṃtacitsudhādhāro vīravīryaikasādhakaḥ
bhāsvanmukuṭamāṇikyaḥ kūjatkiṃkiṇijālakaḥ

Meaning open with adhikāra · अर्थ अधिकार से

शुंडाधारी तुंडचलः कुंडली मुंडमालकः ॥
पद्माक्षः पद्महस्तश्च पद्मनाभसमर्चितः ॥ ८२ ॥

śuṃḍādhārī tuṃḍacalaḥ kuṃḍalī muṃḍamālakaḥ
padmākṣaḥ padmahastaśca padmanābhasamarcitaḥ

Meaning open with adhikāra · अर्थ अधिकार से

उदितारुणदंतास्यो मालाभूषणभूषितः ॥
नारदो वारणो लोलश्रवणः शूर्पकर्णकः ॥ ८३ ॥

uditāruṇadaṃtāsyo mālābhūṣaṇabhūṣitaḥ
nārado vāraṇo lolaśravaṇaḥ śūrpakarṇakaḥ

Meaning open with adhikāra · अर्थ अधिकार से

बृहदुल्लासनासाढ्यो व्याप्तत्रैलोक्यमंडलः ॥
रत्नमंडल आसीनः कृशानुरूपशीलकः ॥ ८४ ॥

bṛhadullāsanāsāḍhyo vyāptatrailokyamaṃḍalaḥ
ratnamaṃḍala āsīnaḥ kṛśānurūpaśīlakaḥ

Meaning open with adhikāra · अर्थ अधिकार से

बृहत्कर्णांचलोद्धूतवायुवीजितदिक्तटः ॥
बृहदास्यरवाक्रांतो भीमब्रह्मांडभांडकः ॥ ८५ ॥

bṛhatkarṇāṃcaloddhūtavāyuvījitadiktaṭaḥ
bṛhadāsyaravākrāṃto bhīmabrahmāṃḍabhāṃḍakaḥ

Meaning open with adhikāra · अर्थ अधिकार से

बृहत्पादसमाक्रांतः सप्तपातालदीपितः ॥
बृहद्दंतकृतात्युग्ररणानंदरसालसः ॥ ८६ ॥

bṛhatpādasamākrāṃtaḥ saptapātāladīpitaḥ
bṛhaddaṃtakṛtātyugraraṇānaṃdarasālasaḥ

Meaning open with adhikāra · अर्थ अधिकार से

बृहद्धस्तधृताशेषायुधनिर्जितदानवः ॥
स्फुरत्सिंदूरवदनः स्फुरत्तेजोऽग्निलोचनः ॥ ८७ ॥

bṛhaddhastadhṛtāśeṣāyudhanirjitadānavaḥ
sphuratsiṃdūravadanaḥ sphurattejo'gnilocanaḥ

Meaning open with adhikāra · अर्थ अधिकार से

उद्दीपितमणिस्फूर्जन्नूपुरध्वनिनादितः ॥
चलतोयप्रवाहाढ्यो नदीजलकणाकरः ॥ ८८ ॥

uddīpitamaṇisphūrjannūpuradhvanināditaḥ
calatoyapravāhāḍhyo nadījalakaṇākaraḥ

Meaning open with adhikāra · अर्थ अधिकार से

भ्रमत्कुंजरसंघातवंदितांघ्रिशिरोरुहः ॥
ब्रह्माच्युतमहारुद्रपुरःसरसुरार्चितः ॥ ८९ ॥

bhramatkuṃjarasaṃghātavaṃditāṃghriśiroruhaḥ
brahmācyutamahārudrapuraḥsarasurārcitaḥ

Meaning open with adhikāra · अर्थ अधिकार से

अशेषशेषप्रभृतिव्यालजालोपसेवितः ॥
गर्जत्पंचाननारावप्रसादितधरातलः ॥ ९० ॥

aśeṣaśeṣaprabhṛtivyālajālopasevitaḥ
garjatpaṃcānanārāvaprasāditadharātalaḥ

Meaning open with adhikāra · अर्थ अधिकार से

हाहाहूहूगतात्युग्रस्वरविभ्रांतमानसः ॥
पंचाशद्वर्णबीजाढ्यो मंत्री मंत्रितविग्रहः ॥ ९१ ॥

hāhāhūhūgatātyugrasvaravibhrāṃtamānasaḥ
paṃcāśadvarṇabījāḍhyo maṃtrī maṃtritavigrahaḥ

Meaning open with adhikāra · अर्थ अधिकार से

वेदांतशास्त्रपीयूषधाराप्लावितभूतलः ॥
शंखध्वनिसमाक्रांतपातालादिनभस्तलः ॥ ९२ ॥

vedāṃtaśāstrapīyūṣadhārāplāvitabhūtalaḥ
śaṃkhadhvanisamākrāṃtapātālādinabhastalaḥ

Meaning open with adhikāra · अर्थ अधिकार से

चिंतामणिर्महामल्लो वल्लहस्तो बलिः कविः ॥
कृतत्रेतायुगोल्लासभासमानजगत्त्रयः ॥ ९३ ॥

ciṃtāmaṇirmahāmallo vallahasto baliḥ kaviḥ
kṛtatretāyugollāsabhāsamānajagattrayaḥ

Meaning open with adhikāra · अर्थ अधिकार से

द्वापरः परलोकैकः कर्मध्वांतसुधाकरः ॥
सुधासिक्तवपुर्व्यासो ब्रह्मांडादिकबाहुकः ॥ ९४ ॥

dvāparaḥ paralokaikaḥ karmadhvāṃtasudhākaraḥ
sudhāsiktavapurvyāso brahmāṃḍādikabāhukaḥ

Meaning open with adhikāra · अर्थ अधिकार से

अकारादिक्षकारांतवर्णपंक्तिसमुज्ज्वलः ॥
अकाराकारमोद्गीतताननादनिनादितः ॥ ९५ ॥

akārādikṣakārāṃtavarṇapaṃktisamujjvalaḥ
akārākāramoddhītatānanādanināditaḥ

Meaning open with adhikāra · अर्थ अधिकार से

इकारेकारमंत्राढ्यो मालाभरणलालसः ॥
उकारोकारमोहारिर्घोरनागोपवीतकः ॥ ९६ ॥

ikārekāramaṃtrāḍhyo mālābharaṇalālasaḥ
ukārokāramohārirghoranāgopavītakaḥ

Meaning open with adhikāra · अर्थ अधिकार से

ऋवर्णांकित ॠकारपद्मालयसमुज्ज्वलः ॥
ऌकारयुतॡकारशंखपूर्णदिगंतरः ॥ ९७ ॥

ṛvarṇāṃkita ṝkārapadmālayasamujjvalaḥ
ḷkārayutaḹkāraśaṃkhapūrṇadigaṃtaraḥ

Meaning open with adhikāra · अर्थ अधिकार से

एकारैकारगिरिजास्तनपानविचक्षणः ॥
ओकारौकारविश्वादिकृतसृष्टिक्रमालसः ॥ ९८ ॥

ekāraikāragirijāstanapānavicakṣaṇaḥ
okāraukāraviśvādikṛtasṛṣṭikramālasaḥ

Meaning open with adhikāra · अर्थ अधिकार से

अंओ वर्णावलीव्याप्तपादादिशीर्षमंडलः ॥
कर्णतालकृतात्युच्चैर्वायुवीजितनिर्जरः ॥ ९९ ॥

aṃo varṇāvalīvyāptapādādiśīrṣamaṃḍalaḥ
karṇatālakṛtātyuccairvāyuvījitanirjaraḥ

Meaning open with adhikāra · अर्थ अधिकार से

खगेशध्वजरत्नांकः किरीटारुणपादकः ॥
गर्विताशेषगंधर्वगीततत्परश्रोतृकः ॥ १०० ॥

khageśadhvajaratnāṃkaḥ kirīṭāruṇapādakaḥ
garvitāśeṣagaṃdharvagītatatparaśrotṛkaḥ°

Meaning open with adhikāra · अर्थ अधिकार से

घनवाहनवागीशपुरःसरसुरार्चितः ॥
ङवर्णामृतधाराढ्यसोममानैकदंतकः ॥ १०१ ॥

ghanavāhanavāgīśapuraḥsarasurārcitaḥ
ṅavarṇāmṛtadhārāḍhyasomamānaikadaṃtakaḥ

Meaning open with adhikāra · अर्थ अधिकार से

चंद्रकुंकुमजंबालसितसिंदूरविग्रहः ॥
छत्रचामररत्नाढ्यमुकुटालंकृताननः ॥ १०२ ॥

caṃdrakuṃkumajaṃbālasitasiṃdūravigrahaḥ
chatracāmararatnāḍhyamukuṭālaṃkṛtānanaḥ

Meaning open with adhikāra · अर्थ अधिकार से

जटाबद्धमहानर्घमणिपंक्तिविराजितः ॥
झंकारिमधुपव्रातगाननादविनादितः ॥ १०३ ॥

jaṭābaddhamahānarghamaṇipaṃktivirājitaḥ
jhaṃkārimadhupavrātagānanādavināditaḥ

Meaning open with adhikāra · अर्थ अधिकार से

ञवर्णकृतसंहारदैत्यासृक्पर्णमुद्गरः ॥
टकारश्च फलास्वादी वेपिताशेषमूर्द्धजः ॥ १०४ ॥

ñavarṇakṛtasaṃhāradaityāsṛkparṇamudgaraḥ
ṭakāraśca phalāsvādī vepitāśeṣamūrddhajaḥ

Meaning open with adhikāra · अर्थ अधिकार से

ताम्रसिंदूरपूजाढ्यो ललाटफलकच्छविः ॥
थकारधनपंक्त्याढ्यः संतोषितद्विजव्रजः ॥ १०५ ॥

tāmrasiṃdūrapūjāḍhyo lalāṭaphalakacchaviḥ
thakāradhanapaṃktyāḍhyaḥ saṃtoṣitadvijavrajaḥ

Meaning open with adhikāra · अर्थ अधिकार से

दयामृतहृदंभोजधृतत्रैलोक्यमंडलः ॥
धनदादिमहायक्षसंसेवितपदांबुजः ॥ १०६ ॥

dayāmṛtahṛdaṃbhojadhṛtatrailokyamaṃḍalaḥ
dhanadādimahāyakṣasaṃsevitapadāṃbujaḥ

Meaning open with adhikāra · अर्थ अधिकार से

नमिताशेषदेवौघकिरीटमणिरंजितः ॥
परवर्गापवर्गादिभोगच्छेदनदक्षकः ॥ १०७ ॥

namitāśeṣadevaughakirīṭamaṇiraṃjitaḥ
paravargāpavargādibhogacchedanadakṣakaḥ

Meaning open with adhikāra · अर्थ अधिकार से

फणिचक्रसमाक्रांतमल्लमंडलमंडितः ॥
बद्धभ्रूयुगभीमोग्रसंतर्जितसुरासुरः ॥ १०८ ॥

phaṇicakrasamākrāṃtamallamaṃḍalamaṃḍitaḥ
baddhabhrūyugabhīmograsaṃtarjitasurāsuraḥ

Meaning open with adhikāra · अर्थ अधिकार से

भवानीहृदयानंदवर्द्धनैकनिशाकरः ॥
मदिराकलशप्रीतः करालैककरांबुजः ॥ १०९ ॥

bhavānīhṛdayānaṃdavarddhanaikaniśākaraḥ
madirākalaśaprītaḥ karālaikakarāṃbujaḥ

Meaning open with adhikāra · अर्थ अधिकार से

यज्ञांतरायसंघातसज्जीकृतवरायुधः ॥
रत्नाकरसुताक्रांतकांतिकीर्तिविवर्धनः ॥ ११० ॥

yajñāṃtarāyasaṃghātasajjīkṛtavarāyudhaḥ
ratnākarasutākrāṃtakāṃtikīrtivivardhanaḥ

Meaning open with adhikāra · अर्थ अधिकार से

लंबोदरमहाभीमवपुर्दीप्तकृतासुरः ॥
वरुणादिदिगीशानामर्चितार्चनचर्चितः ॥ १११ ॥

laṃbodaramahābhīmavapurdīptakṛtāsuraḥ
varuṇādidigīśānāmarcitārcanacarcitaḥ

Meaning open with adhikāra · अर्थ अधिकार से

शंकरैकप्रियः प्रेमनयनानंदवर्द्धनः ॥
षोडशस्वरतालापगीतगानविचक्षणः ॥ ११२ ॥

śaṃkaraikapriyaḥ premanayanānaṃdavarddhanaḥ
ṣoḍaśasvaratālāpagītagānavicakṣaṇaḥ

Meaning open with adhikāra · अर्थ अधिकार से

समदुर्गसरिन्नाथस्तारणार्कोडुपोहरः ॥
ब्रह्मवैकुंठब्रह्मज्ञसंरक्षिततनूचरः ॥ ११३ ॥

samadurgasarinnāthastāraṇārkoḍupoharaḥ
brahmavaikuṃṭhabrahmajñasaṃrakṣitatanūcaraḥ

Meaning open with adhikāra · अर्थ अधिकार से

तारांकमंत्रवर्णैकविग्रहोज्ज्वलविग्रहः ॥
अकारादिक्षकारांतविद्याभूषितविग्रहः ॥ ११४ ॥

tārāṃkamaṃtravarṇaikavigrahojjvalavigrahaḥ
akārādikṣakārāṃtavidyābhūṣitavigrahaḥ

Meaning open with adhikāra · अर्थ अधिकार से

ॐ श्रीविनायको ॐ ह्रीं विघ्नाध्यक्षो गणाधिपः ॥
हेरंबो मोदकाहारो वक्रतुंडो विधिः स्मृतः ॥ ११५ ॥

oṃ śrīvināyako oṃ hrīṃ vighnādhyakṣo gaṇādhipaḥ
heraṃbo modakāhāro vakratuṃḍo vidhiḥ smṛtaḥ

Meaning open with adhikāra · अर्थ अधिकार से

वेदांतगीतो विद्यार्थिसिद्धमंत्रः षडक्षरः ॥
गणेशो वरदो देवो द्वादशाक्षरमंत्रितः ॥ ११६ ॥

vedāṃtagīto vidyārthisiddhamaṃtraḥ ṣaḍakṣaraḥ
gaṇeśo varado devo dvādaśākṣaramaṃtritaḥ

Meaning open with adhikāra · अर्थ अधिकार से

सप्तकोटिमहामंत्रमंत्रिताशेषविग्रहः ॥
गांगेयो गणसेव्यश्च ॐ श्रीद्वैमातुरः शिवः ॥ ११७ ॥

saptakoṭimahāmaṃtramaṃtritāśeṣavigrahaḥ
gāṃgeyo gaṇasevyaśca oṃ śrīdvaimāturaḥ śivaḥ

Meaning open with adhikāra · अर्थ अधिकार से

ॐ ह्रीं श्रीं क्लीं ग्लौं गं देवो महागणपतिः प्रभुः ॥
इदं नामसहस्रं ते महागणपतेः स्मृतम् ॥ ११८ ॥

oṃ hrīṃ śrīṃ klīṃ glauṃ gaṃ devo mahāgaṇapatiḥ prabhuḥ
idaṃ nāmasahasraṃ te mahāgaṇapateḥ smṛtam

Meaning open with adhikāra · अर्थ अधिकार से

गुह्यं गोप्यतमं सिद्धं सर्वतंत्रेषु गोपितम् ॥
सर्वमंत्रमयं दिव्यं सर्वमंत्रविनायकम् ॥ ११९ ॥

guhyaṃ gopyatamaṃ siddhaṃ sarvataṃtreṣu gopitam
sarvamaṃtramayaṃ divyaṃ sarvamaṃtravināyakam

Meaning open with adhikāra · अर्थ अधिकार से

ग्रहतारामयं राशिवर्णपंक्तिसमन्वितम् ॥
सर्वविद्यामयं ब्रह्मसाधनं साधकप्रियम् ॥ १२० ॥

grahatārāmayaṃ rāśivarṇapaṃktisamanvitam
sarvavidyāmayaṃ brahmasādhanaṃ sādhakapriyam

Meaning open with adhikāra · अर्थ अधिकार से

गणेशस्य च सर्वस्वं रहस्यं त्रिदिवौकसाम् ॥
यथेष्टफलदं लोके मनोरथप्रपूरणम् ॥ १२१ ॥

gaṇeśasya ca sarvasvaṃ rahasyaṃ tridivaukasām
yatheṣṭaphaladaṃ loke manorathaprapūraṇam

Meaning open with adhikāra · अर्थ अधिकार से

अष्टसिद्धिमयं श्रेष्ठं साधकानां जयप्रदम् ॥
विनार्चनं विना होमं विना न्यासं विना जपम् ॥ १२२ ॥

aṣṭasiddhimayaṃ śreṣṭhaṃ sādhakānāṃ jayapradam
vinārcanaṃ vinā homaṃ vinā nyāsaṃ vinā japam

Meaning open with adhikāra · अर्थ अधिकार से

अणिमाद्यष्टसिद्धीनां साधनं स्मृतिमात्रतः ॥
चतुर्थ्यामर्धरात्रे तु पठेन्मंत्री चतुष्पथे ॥ १२३ ॥

aṇimādyaṣṭasiddhīnāṃ sādhanaṃ smṛtimātrataḥ
caturthyāmardharātre tu paṭhenmaṃtrī catuṣpathe

Meaning open with adhikāra · अर्थ अधिकार से

लिखेद् भूर्जे महादेवि पुण्यं नामसहस्रकम् ॥
धारयेत्तं चतुर्दश्यां मध्याह्ने मूर्ध्नि वा भुजे ॥ १२४ ॥

likhed bhūrje mahādevi puṇyaṃ nāmasahasrakam
dhārayettaṃ caturdaśyāṃ madhyāhne mūrdhni vā bhuje

Meaning open with adhikāra · अर्थ अधिकार से

योषिद्वामकरे चैव पुरुषो दक्षिणे भुजे ॥
स्तंभयेदपि ब्रह्माणं मोहयेदपि शंकरम् ॥ १२५ ॥

yoṣidvāmakare caiva puruṣo dakṣiṇe bhuje
staṃbhayedapi brahmāṇaṃ mohayedapi śaṃkaram

Meaning open with adhikāra · अर्थ अधिकार से

वशयेदपि त्रैलोक्यं मारयेदखिलान्रिपून् ॥
उच्चाटयेच्च गीर्वाणं शमयेच्च धनंजयम् ॥ १२६ ॥

vaśayedapi trailokyaṃ mārayedakhilānripūn
uccāṭayecca gīrvāṇaṃ śamayecca dhanaṃjayam

Meaning open with adhikāra · अर्थ अधिकार से

वंध्या पुत्रं लभेच्छीघ्रं निर्धनो धनमाप्नुयात् ॥
त्रिवारं यः पठेद्रात्रौ गणेशस्य पुरः शिवे ॥ १२७ ॥

vaṃdhyā putraṃ labhecchīghraṃ nirdhano dhanamāpnuyāt
trivāraṃ yaḥ paṭhedrātrau gaṇeśasya puraḥ śive

Meaning open with adhikāra · अर्थ अधिकार से

नक्तं शक्तियुतो देवि भुक्त्वा भोगान्यथेप्सितान् ॥
प्रत्यक्षवरदं पश्येद्गणेशं साधकोत्तमः ॥ १२८ ॥

naktaṃ śaktiyuto devi bhuktvā bhogānyathepsitān
pratyakṣavaradaṃ paśyedgaṇeśaṃ sādhakottamaḥ

पराह्णे पठ्यते नाम्नां सहस्रं भक्तिपूर्वकम् ॥
तस्य वित्तादिविभवो दारायुःसंपदः सदा ॥ १२९ ॥

parāhṇe paṭhyate nāmnāṃ sahasraṃ bhaktipūrvakam
tasya vittādivibhavo dārāyuḥsaṃpadaḥ sadā

रणे राजभये द्यूते पठेन्नामसहस्रकम् ॥
सर्वत्र जयमाप्नोति गणेशस्य प्रसादतः ॥ १३० ॥

raṇe rājabhaye dyūte paṭhennāmasahasrakam
sarvatra jayamāpnoti gaṇeśasya prasādataḥ

इतीदं पुण्यसर्वस्वं मंत्रनामसहस्रकम् ॥
महागणपतेः पुण्यं गोपनीयं स्वयोनिवत् ॥

itīdaṃ puṇyasarvasvaṃ maṃtranāmasahasrakam
mahāgaṇapateḥ puṇyaṃ gopanīyaṃ svayonivat