Ascribed to Śaṅkarācārya

शाकम्भरीपञ्चकम्

Shakambhari Panchakam — Five verses to the goddess Śākambharī

A short hymn to Shakambhari, the goddess who fed the world with greens. Each of the five verses is one long sentence of her names, looks and deeds, and each ends with the same prayer: may the blessed Śākambharī guard me. The sixth verse says that reading them at the three twilights brings a full life, wealth, fame, children and learning.

Verse 1

श्रीवल्लभसोदरी श्रितजनश्चिद्दायिनी श्रीमती
श्रीकण्ठार्धशरीरगा श्रुतिलसन्माणिक्यताटङ्कका ।
श्रीचक्रान्तरवासिनी श्रुतिशिरः सिद्धान्तमार्गप्रिया
श्रीवाणी गिरिजात्मिका भगवती शाकम्भरी पातु माम् ॥ १ ॥

śrīvallabhasodarī śritajanaściddāyinī śrīmatī
śrīkaṇṭhārdhaśarīragā śrutilasanmāṇikyatāṭaṅkakā
śrīcakrāntaravāsinī śrutiśiraḥ siddhāntamārgapriyā
śrīvāṇī girijātmikā bhagavatī śākambharī pātu mām

Meaning open with adhikāra · अर्थ अधिकार से

Verse 2

शान्ता शारदचन्द्रसुन्दरमुखी शाल्यन्नभोज्यप्रिया
शाकैः पालितविष्टपा शतदृशा शाकोल्लसद्विग्रहा ।
श्यामाङ्गी शरणागतार्तिशमनी शक्रादिभिः शंसिता
शङ्कर्यष्टफलप्रदा भगवती शाकम्भरी पातु माम् ॥ २ ॥

śāntā śāradacandrasundaramukhī śālyannabhojyapriyā
śākaiḥ pālitaviṣṭapā śatadṛśā śākollasadvigrahā
śyāmāṅgī śaraṇāgatārtiśamanī śakrādibhiḥ śaṃsitā
śaṅkaryaṣṭaphalapradā bhagavatī śākambharī pātu mām

Meaning open with adhikāra · अर्थ अधिकार से

Verse 3

कञ्जाक्षी कलशी भवादिविनुता कात्यायनी कामदा
कल्याणी कमलालया करकृतां भोजासिखेटाभया ।
कादंवासवमोदिनी कुचलसत्काश्मीरजालेपना
कस्तूरीतिलकाञ्चिता भगवती शाकम्भरी पातु माम् ॥ ३ ॥

kañjākṣī kalaśī bhavādivinutā kātyāyanī kāmadā
kalyāṇī kamalālayā karakṛtāṃ bhojāsikheṭābhayā
kādaṃvāsavamodinī kucalasatkāśmīrajālepanā
kastūrītilakāñcitā bhagavatī śākambharī pātu mām

Meaning open with adhikāra · अर्थ अधिकार से

Verse 4

भक्तानन्दविधायिनी भवभयप्रध्वंसिनी भैरवी
भर्मालङ्कृतिभासुरा भुवनभीकृद् दुर्गदर्पापहा ।
भूभृन्नायकनन्दिनी भुवनसूर्भास्यत्परः कोटिभा
भौमानन्द विहारिणी भगवती शाकम्भरी पातु माम् ॥ ४ ॥

bhaktānandavidhāyinī bhavabhayapradhvaṃsinī bhairavī
bharmālaṅkṛtibhāsurā bhuvanabhīkṛd durgadarpāpahā
bhūbhṛnnāyakanandinī bhuvanasūrbhāsyatparaḥ koṭibhā
bhaumānanda vihāriṇī bhagavatī śākambharī pātu mām

Meaning open with adhikāra · अर्थ अधिकार से

Verse 5

रीताम्नायशिखासु रक्तदशना राजीवपत्रेक्षणा
राकाराजकरावदातहसिता राकेन्दुबिम्बस्थिता ।
रुद्राणी रजनीकरार्भकलसन्मौली रजोरुपिणी
रक्षः शिक्षणदीक्षिता भगवती शाकम्भरी पातु माम् ॥ ५ ॥

rītāmnāyaśikhāsu raktadaśanā rājīvapatrekṣaṇā
rākārājakarāvadātahasitā rākendubimbasthitā
rudrāṇī rajanīkarārbhakalasanmaulī rajorupiṇī
rakṣaḥ śikṣaṇadīkṣitā bhagavatī śākambharī pātu mām

Meaning open with adhikāra · अर्थ अधिकार से

फलश्रुतिःFruit of reading

Verse 6

श्लोकानामिह पञ्चकं पठति यः स्तोत्रात्मकं शर्मदं
सर्वापत्तिविनाशकं प्रतिदिनं भक्त्या त्रिसन्ध्यं नरः ।
आयुःपूर्णमपारमर्थममलां कीर्ति प्रजामक्षयां
शाकम्भर्यनुकम्पया स लभते विद्यां च विश्वार्थकाम् ॥ ६ ॥

ślokānāmiha pañcakaṃ paṭhati yaḥ stotrātmakaṃ śarmadaṃ
sarvāpattivināśakaṃ pratidinaṃ bhaktyā trisandhyaṃ naraḥ
āyuḥpūrṇamapāramarthamamalāṃ kīrti prajāmakṣayāṃ
śākambharyanukampayā sa labhate vidyāṃ ca viśvārthakām

Meaning open with adhikāra · अर्थ अधिकार से

इति श्रीमच्छङ्कराचार्यविरचितं शाकम्भरीपञ्चकं सम्पूर्णम् ।

Terms on this page

Shakambhari शाकंभरी A form of the Devi counted among the six Mahadurgas, who is said to have sustained beings with vegetation during a famine.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras