Devī stotra · Śrīvidyā

ललितास्तवरत्नम् (आर्याद्विशती)

Lalita Stavaratnam (Arya Dvishati) — Two hundred and fourteen āryā verses on the city, court and form of Lalitā

Called the jewel of hymns to Lalitā, this āryā hymn is ascribed to the sage Durvāsas. It begins with four dhyāna verses and a salutation to Gaṇeśa. It then leads the reader through the golden mountain and the great city on its peak: ramparts of iron, bronze and other metals, gardens that belong to the six seasons, the attendant goddesses of the wheel, and at the centre the Goddess herself. The last verses say what reciting it brings.

ध्यानम्Dhyāna

Verse dh1

आदिमरसावलम्बाम् अनिदम्प्रथमोक्तिवल्लरीकलिकाम् ।
आब्रह्मकीटजननीं अन्तः कलयामि सुन्दरीमनिशम् ॥ १ ॥

ādimarasāvalambām anidamprathamoktivallarīkalikām
ābrahmakīṭajananīṃ antaḥ kalayāmi sundarīmaniśam

आदिमरसावलम्बाम्अनिदम्प्रथमोक्तिवल्लरीकलिकाम्आब्रह्मकीटजननींअन्तःकलयामिसुन्दरीमनिशम्
हिन्दी अर्थ

मैं अपने भीतर सदा उस सुन्दरी का ध्यान करता हूँ। वह आदि रस पर टिकी है। वह उस पहली वाणी की बेल की कली है, जिसे उँगली से दिखाया नहीं जा सकता। वह ब्रह्मा से लेकर कीड़े तक सबकी माता है।

English sense

Inside myself I always contemplate the Beautiful One. She rests on the first flavour. She is the bud on the vine of the first word, which cannot be pointed to. She is the mother of all, from Brahmā down to the worm.

पदार्थ · word by word
आदिमरसावलम्बाम्
resting on the first flavourआदि रस पर टिकी
अनिदम्प्रथमोक्तिवल्लरीकलिकाम्
the bud on the vine of the first word that cannot be pointed toउस पहली वाणी की बेल की कली जिसे दिखाया नहीं जा सकता
आब्रह्मकीटजननीं
the mother of all, from Brahmā to the wormब्रह्मा से कीड़े तक सबकी माता
अन्तः
withinभीतर
कलयामि
I contemplateमैं ध्यान करता हूँ
सुन्दरीमनिशम्
the Beautiful One, alwaysसुन्दरी का, सदा

Verse dh2

नतजनसुलभाय नमो नालीकसनाभिलोचनाय नमः ।
नन्दितगिरिशाय नमो महसे नवनीपपाटलाय नमः ॥ २ ॥

natajanasulabhāya namo nālīkasanābhilocanāya namaḥ
nanditagiriśāya namo mahase navanīpapāṭalāya namaḥ

नतजनसुलभायनमोनालीकसनाभिलोचनायनमःनन्दितगिरिशायनमोमहसेनवनीपपाटलायनमः
हिन्दी अर्थ

जो झुकने वालों को आसानी से मिल जाती है, उसे नमस्कार। कमल जैसी आँखों वाली को नमस्कार। जो गिरीश को आनन्द देती है और नए कदम्ब के फूल जैसी गुलाबी है, उस ज्योति को नमस्कार।

English sense

Salutation to the one who is easy to reach for those who bow. Salutation to the one with lotus-like eyes. Salutation to the light that delights Girīśa, pink like the fresh kadamba flower.

पदार्थ · word by word
नतजनसुलभाय
to the one easy to reach for those who bowझुकने वालों को आसानी से मिलने वाली को
नमो
salutationनमस्कार
नालीकसनाभिलोचनाय
to the one with lotus-like eyesकमल जैसी आँखों वाली को
नमः
salutationनमस्कार
नन्दितगिरिशाय
to the one who delights Girīśaगिरीश को आनन्द देने वाली को
नमो
salutationनमस्कार
महसे
to the lightज्योति को
नवनीपपाटलाय
to the one pink like the fresh kadamba flowerनए कदम्ब जैसी गुलाबी को
नमः
salutationनमस्कार

Verse dh3

पवनमयि पावकमयि क्षोणीमयि गगनमयि कृपीटमयि ।
रविमयि शशिमयि दिङ्मयि समयमयि प्राणमयि शिवे पाहि ॥ ३ ॥

pavanamayi pāvakamayi kṣoṇīmayi gaganamayi kṛpīṭamayi
ravimayi śaśimayi diṅmayi samayamayi prāṇamayi śive pāhi

पवनमयिपावकमयिक्षोणीमयिगगनमयिकृपीटमयिरविमयिशशिमयिदिङ्मयिसमयमयिप्राणमयिशिवेपाहि
हिन्दी अर्थ

आप वायु से बनी हैं, अग्नि से, पृथ्वी से, आकाश से, जल से, सूर्य से, चन्द्रमा से, दिशाओं से, काल से और प्राण से बनी हैं। हे शिवा, रक्षा कीजिए।

English sense

You are made of wind, of fire, of earth, of sky, of water, of the sun, of the moon, of the directions, of time and of breath. O Śivā, protect me.

पदार्थ · word by word
पवनमयि
O you made of windहे वायु-रूपा
पावकमयि
made of fireअग्नि-रूपा
क्षोणीमयि
made of earthपृथ्वी-रूपा
गगनमयि
made of skyआकाश-रूपा
कृपीटमयि
made of waterजल-रूपा
रविमयि
made of the sunसूर्य-रूपा
शशिमयि
made of the moonचन्द्र-रूपा
दिङ्मयि
made of the directionsदिशा-रूपा
समयमयि
made of timeकाल-रूपा
प्राणमयि
made of breathप्राण-रूपा
शिवे
O Śivāहे शिवा
पाहि
protectरक्षा कीजिए

Verse dh4

कालि कपालिनि शूलिनि भैरवि मातङ्गि पञ्चमि त्रिपुरे ।
वाग्देवि विन्ध्यवासिनि बाले भुवनेशि पालय चिरं माम् ॥ ४ ॥

kāli kapālini śūlini bhairavi mātaṅgi pañcami tripure
vāgdevi vindhyavāsini bāle bhuvaneśi pālaya ciraṃ mām

कालिकपालिनिशूलिनिभैरविमातङ्गिपञ्चमित्रिपुरेवाग्देविविन्ध्यवासिनिबालेभुवनेशिपालयचिरंमाम्
हिन्दी अर्थ

हे कालि, कपालिनी, शूलिनी, भैरवी, मातङ्गी, पञ्चमी, त्रिपुरा, वाग्देवी, विन्ध्यवासिनी, बाला, भुवनेशी, बहुत समय तक मेरी रक्षा कीजिए।

English sense

O Kālī, Kapālinī, Śūlinī, Bhairavī, Mātaṅgī, Pañcamī, Tripurā, goddess of speech, dweller in the Vindhyas, Bālā, Bhuvaneśī: protect me for a long time.

पदार्थ · word by word
कालि
O Kālīहे काली
कपालिनि
O Kapālinīहे कपालिनी
शूलिनि
O Śūlinīहे शूलिनी
भैरवि
O Bhairavīहे भैरवी
मातङ्गि
O Mātaṅgīहे मातङ्गी
पञ्चमि
O Pañcamīहे पञ्चमी
त्रिपुरे
O Tripurāहे त्रिपुरा
वाग्देवि
O goddess of speechहे वाग्देवी
विन्ध्यवासिनि
O dweller in the Vindhyasहे विन्ध्यवासिनी
बाले
O Bālāहे बाला
भुवनेशि
O Bhuvaneśīहे भुवनेशी
पालय
protectरक्षा कीजिए
चिरं
for longचिरकाल तक
माम्
meमेरी

आर्याद्विशतीThe Āryā Dviśatī

Verse 1

वन्दे गजेन्द्रवदनं वामाङ्कारूढवल्लभाश्लिष्टम् ।
कुङ्कुमपरागशोणं कुवलयिनीजारकोरकापीडम् ॥ १ ॥

vande gajendravadanaṃ vāmāṅkārūḍhavallabhāśliṣṭam
kuṅkumaparāgaśoṇaṃ kuvalayinījārakorakāpīḍam

Meaning open with adhikāra · अर्थ अधिकार से

Verse 2

स जयति सुवर्णशैलः सकलजगच्चक्रसङ्घटितमूर्तिः ।
काञ्चन निकुञ्जवाटी कन्दलदमरीप्रपञ्च सङ्गीतः ॥ २ ॥

sa jayati suvarṇaśailaḥ sakalajagaccakrasaṅghaṭitamūrtiḥ
kāñcana nikuñjavāṭī kandaladamarīprapañca saṅgītaḥ

Meaning open with adhikāra · अर्थ अधिकार से

Verse 3

हरिहयनैरृतमारुतहरितामन्तेष्ववस्थितं तस्य ।
विनुमः सानुत्रितयं विधिहरिगौरीशविष्टपाधारम् ॥ ३ ॥

harihayanairṛtamārutaharitāmanteṣvavasthitaṃ tasya
vinumaḥ sānutritayaṃ vidhiharigaurīśaviṣṭapādhāram

Meaning open with adhikāra · अर्थ अधिकार से

Verse 4

मध्ये पुनर्मनोहररत्नरुचिस्तबक रञ्जितदिगन्तम् ।
उपरि चतुः शतयोजनमुत्तङ्ग शृङ्गम्पुङ्गवमुपासे ॥ ४ ॥

madhye punarmanohararatnarucistabaka rañjitadigantam
upari catuḥ śatayojanamuttaṅga śṛṅgampuṅgavamupāse

Meaning open with adhikāra · अर्थ अधिकार से

Verse 5

तत्र चतुः शतयोजनपरिणाहं देव शिल्पिना रचितम् ।
नानासालमनोज्ञं नमाम्यहं नगरं आदिविद्यायाः ॥ ५ ॥

tatra catuḥ śatayojanapariṇāhaṃ deva śilpinā racitam
nānāsālamanojñaṃ namāmyahaṃ nagaraṃ ādividyāyāḥ

Meaning open with adhikāra · अर्थ अधिकार से

Verse 6

प्रथमं सहस्रपूर्वक षट्शतसंख्याक योजनं परितः ।
वलयीकृतस्वगात्रं वरणं शरणं व्रजाम्ययो रूपम् ॥ ६ ॥

prathamaṃ sahasrapūrvaka ṣaṭśatasaṃkhyāka yojanaṃ paritaḥ
valayīkṛtasvagātraṃ varaṇaṃ śaraṇaṃ vrajāmyayo rūpam

Meaning open with adhikāra · अर्थ अधिकार से

Verse 7

तस्योत्तरे समीरणयोजनदूरे तरङ्गितच्छायः ।
घटयतु मुदं द्वितीयो घण्टास्तनसार निर्मितः सालः ॥ ७ ॥

tasyottare samīraṇayojanadūre taraṅgitacchāyaḥ
ghaṭayatu mudaṃ dvitīyo ghaṇṭāstanasāra nirmitaḥ sālaḥ

Meaning open with adhikāra · अर्थ अधिकार से

Verse 8

उभयोरन्तरसीमन्युद्दाम भ्रमररञ्जितोदारम् ।
उपवमनमुपास्महे वयमूरीकृत मन्दमारुत स्यन्दम् ॥ ८ ॥

ubhayorantarasīmanyuddāma bhramararañjitodāram
upavamanamupāsmahe vayamūrīkṛta mandamāruta syandam

Meaning open with adhikāra · अर्थ अधिकार से

Verse 9

आलिङ्ग्य भद्रकालीमासीनस्तत्र हरिशिलाश्यामाम् ।
मनसि महाकालो मे विहरतु मधुपानविभ्रमन्नेत्रः ॥ ९ ॥

āliṅgya bhadrakālīmāsīnastatra hariśilāśyāmām
manasi mahākālo me viharatu madhupānavibhramannetraḥ

Meaning open with adhikāra · अर्थ अधिकार से

Verse 10

तार्तीयीको वरणस्तस्योत्तरसीम्नि वातयोजनतः ।
ताम्रेण रचितमूर्तिस्तनुतादा चन्द्रतारकं भद्रम् ॥ १० ॥

tārtīyīko varaṇastasyottarasīmni vātayojanataḥ
tāmreṇa racitamūrtistanutādā candratārakaṃ bhadram

Meaning open with adhikāra · अर्थ अधिकार से

Verse 11

मध्ये तयोश्च मणिमयपल्लवशाखा प्रसूनपक्ष्मलिताम् ।
कल्पानोकहवाटीं कलये मकरन्दपङ्किलावालाम् ॥ ११ ॥

madhye tayośca maṇimayapallavaśākhā prasūnapakṣmalitām
kalpānokahavāṭīṃ kalaye makarandapaṅkilāvālām

Meaning open with adhikāra · अर्थ अधिकार से

Verse 12

तत्र मधुमाधवश्रीतरुणीभ्यां तरलदृक्चकोराभ्याम् ।
आलिङ्गितोऽवतान्मामनिशं प्रथमर्तुरात्तपुष्पास्रः ॥ १२ ॥

tatra madhumādhavaśrītaruṇībhyāṃ taraladṛkcakorābhyām
āliṅgito'vatānmāmaniśaṃ prathamarturāttapuṣpāsraḥ

Meaning open with adhikāra · अर्थ अधिकार से

Verse 13

नमत तदुत्तरभागे नाकिपथोल्लङ्घि शृङ्गसङ्घातम् ।
सीसाकृतिं तुरीयं सितकिरणालोकनिर्मलं सालम् ॥ १३ ॥

namata taduttarabhāge nākipathollaṅghi śṛṅgasaṅghātam
sīsākṛtiṃ turīyaṃ sitakiraṇālokanirmalaṃ sālam

Meaning open with adhikāra · अर्थ अधिकार से

Verse 14

सालद्वयान्तराले सरलालिकपोतचाटुसुभगायाम् ।
सन्तानवाटिकायां सक्तं चेतोऽस्तु सततमस्माकम् ॥ १४ ॥

sāladvayāntarāle saralālikapotacāṭusubhagāyām
santānavāṭikāyāṃ saktaṃ ceto'stu satatamasmākam

Meaning open with adhikāra · अर्थ अधिकार से

Verse 15

तत्र तपनादिरूक्षः साम्राज्ञीचरण सान्द्रितस्वान्तः ।
शुक्र शुचिश्रीसहितो ग्रीष्मर्तुर्दिशतु कीर्तिमाकल्पम् ॥ १५ ॥

tatra tapanādirūkṣaḥ sāmrājñīcaraṇa sāndritasvāntaḥ
śukra śuciśrīsahito grīṣmarturdiśatu kīrtimākalpam

Meaning open with adhikāra · अर्थ अधिकार से

Verse 16

उत्तरसीमनि तस्योन्नतशिखरोत्कम्पि हाटकपताकः ।
प्रकटयतु पञ्चमो नः प्राकारः कुशलमारकूटमयः ॥ १६ ॥

uttarasīmani tasyonnataśikharotkampi hāṭakapatākaḥ
prakaṭayatu pañcamo naḥ prākāraḥ kuśalamārakūṭamayaḥ

Meaning open with adhikāra · अर्थ अधिकार से

Verse 17

प्राकारयोश्च मध्ये पल्लवितान्यभृतपञ्चमोन्मेषा ।
हरिचन्दनद्रुवाटीहरतादामूलमस्मदनुतापम् ॥ १७ ॥

prākārayośca madhye pallavitānyabhṛtapañcamonmeṣā
haricandanadruvāṭīharatādāmūlamasmadanutāpam

Meaning open with adhikāra · अर्थ अधिकार से

Verse 18

तत्र नभश्री मुख्यैस्तरुणी वर्गैः समन्वितः परितः ।
वज्राट्टऋहासमुखरो वाञ्छापूर्तिं तनोतु वर्षर्तुः ॥ १८ ॥

tatra nabhaśrī mukhyaistaruṇī vargaiḥ samanvitaḥ paritaḥ
vajrāṭṭaṛhāsamukharo vāñchāpūrtiṃ tanotu varṣartuḥ

Meaning open with adhikāra · अर्थ अधिकार से

Verse 19

मारुतयोजनदूरे महनीयस्तस्य चोत्तरे भागे ।
भद्रं कृषीष्ट षष्ठः प्राकारः पञ्चलोहधातुमयः ॥ १९ ॥

mārutayojanadūre mahanīyastasya cottare bhāge
bhadraṃ kṛṣīṣṭa ṣaṣṭhaḥ prākāraḥ pañcalohadhātumayaḥ

Meaning open with adhikāra · अर्थ अधिकार से

Verse 20

अनयोर्मध्ये सन्ततमङ्कूरद्दिव्यकुसुमगन्धायाम् ।
मन्दारवाटिकायां मानसमङ्गीकरोतु मे विहृतिम् ॥ २० ॥

anayormadhye santatamaṅkūraddivyakusumagandhāyām
mandāravāṭikāyāṃ mānasamaṅgīkarotu me vihṛtim

Meaning open with adhikāra · अर्थ अधिकार से

Verse 21

तस्यामिषोर्जलक्ष्मीतरुणीभ्यां शरदृतुः सदा सहितः ।
अभ्यर्चयन् स जीयादम्बामामोदमेदुरैः कुसुमैः ॥ २१ ॥

tasyāmiṣorjalakṣmītaruṇībhyāṃ śaradṛtuḥ sadā sahitaḥ
abhyarcayan sa jīyādambāmāmodameduraiḥ kusumaiḥ

Meaning open with adhikāra · अर्थ अधिकार से

Verse 22

तस्यर्षिसंख्ययोजनदूरे देदीप्यमानशृङ्गौघः ।
कलधौतकलितमूर्तिः कल्याणं दिशतु सप्तमः सालः ॥ २२ ॥

tasyarṣisaṃkhyayojanadūre dedīpyamānaśṛṅgaughaḥ
kaladhautakalitamūrtiḥ kalyāṇaṃ diśatu saptamaḥ sālaḥ

Meaning open with adhikāra · अर्थ अधिकार से

Verse 23

मध्ये तयोर्मरुत्पथ लङ्घिथविट-पाग्रविरुतकलकण्ठा ।
श्रीपारिजातवाटी श्रियमनिशं दिशतु शीतलोद्देशा ॥ २३ ॥

madhye tayormarutpatha laṅghithaviṭa-pāgravirutakalakaṇṭhā
śrīpārijātavāṭī śriyamaniśaṃ diśatu śītaloddeśā

Meaning open with adhikāra · अर्थ अधिकार से

Verse 24

तस्यामतिप्रियाभ्यां सहखेलन् सहसहस्य लक्ष्मीभ्याम् ।
सामन्तो झषकेतोर्हेमन्तो भवतु हेमवृद्ध्यै नः ॥ २४ ॥

tasyāmatipriyābhyāṃ sahakhelan sahasahasya lakṣmībhyām
sāmanto jhaṣaketorhemanto bhavatu hemavṛddhyai naḥ

Meaning open with adhikāra · अर्थ अधिकार से

Verse 25

उत्तरतस्तस्य महानुद्भट हुत्भुक्षि स्वारुणः मयूखः ।
तपनीयखण्डरचितस्तनुतादायुष्यमष्टमो वरणः ॥ २५ ॥

uttaratastasya mahānudbhaṭa hutbhukṣi svāruṇaḥ mayūkhaḥ
tapanīyakhaṇḍaracitastanutādāyuṣyamaṣṭamo varaṇaḥ

Meaning open with adhikāra · अर्थ अधिकार से

Verse 26

कादम्बविपिनवाटीमनयोर्मध्यभुवि कल्पितावासाम् ।
कलयामि सूनकोरककन्दलितामोदतुन्दिलसमीराम् ॥ २६ ॥

kādambavipinavāṭīmanayormadhyabhuvi kalpitāvāsām
kalayāmi sūnakorakakandalitāmodatundilasamīrām

Meaning open with adhikāra · अर्थ अधिकार से

Verse 27

तस्यामतिशिशिराकृतिरासीनस्तपतपस्यलक्ष्मीभ्याम् ।
शिवमनिशं कुरुतान्मे शिशिरर्तुः सततशीतलदिगन्तः ॥ २७ ॥

tasyāmatiśiśirākṛtirāsīnastapatapasyalakṣmībhyām
śivamaniśaṃ kurutānme śiśirartuḥ satataśītaladigantaḥ

Meaning open with adhikāra · अर्थ अधिकार से

Verse 28

तस्यां कदम्बवाट्यां तत्प्रसवामोदमिलितमधुगन्धम् ।
सप्तावरणमनोज्ञं शरणं समुपैमि मन्त्रिणीशरणम् ॥ २८ ॥

tasyāṃ kadambavāṭyāṃ tatprasavāmodamilitamadhugandham
saptāvaraṇamanojñaṃ śaraṇaṃ samupaimi mantriṇīśaraṇam

Meaning open with adhikāra · अर्थ अधिकार से

Verse 29

तत्रालये विशाले तपनीयारचिततरलसोपाने ।
माणिक्य मण्डपान्तर्महिते सिंहासने मणीखचिते ॥ २९ ॥

tatrālaye viśāle tapanīyāracitataralasopāne
māṇikya maṇḍapāntarmahite siṃhāsane maṇīkhacite

Meaning open with adhikāra · अर्थ अधिकार से

Verse 30

बिन्दुत्रिपञ्चकोणद्विपनृपवसुवेददलकुरेखाढ्ये ।
चक्रे सदा निविष्टां षष्ठ्यष्टत्रिंशदक्षरेशानीम् ॥ ३० ॥

bindutripañcakoṇadvipanṛpavasuvedadalakurekhāḍhye
cakre sadā niviṣṭāṃ ṣaṣṭhyaṣṭatriṃśadakṣareśānīm

Meaning open with adhikāra · अर्थ अधिकार से

Verse 31

तापिञ्छमेचकाभां तालीदलघटितकर्णताटङ्काम् ।
ताम्बूलपूरितमुखीं ताम्राधरबिम्बदृष्टदरहासाम् ॥ ३१ ॥

tāpiñchamecakābhāṃ tālīdalaghaṭitakarṇatāṭaṅkām
tāmbūlapūritamukhīṃ tāmrādharabimbadṛṣṭadarahāsām

Meaning open with adhikāra · अर्थ अधिकार से

Verse 32

कुङ्कुमपङ्किलदेहां कुवलयजीवातुशावकावतंसाम् ।
कोकनदशोणचरणां कोकिलनिक्वाणकोमलालापाम् ॥ ३२ ॥

kuṅkumapaṅkiladehāṃ kuvalayajīvātuśāvakāvataṃsām
kokanadaśoṇacaraṇāṃ kokilanikvāṇakomalālāpām

Meaning open with adhikāra · अर्थ अधिकार से

Verse 33

वामाङ्गगलितचूलीं वनमाल्यकदम्बमालिकाभरणाम् ।
मुक्ताललन्तिकाञ्चित मुग्धालिकमिलितचित्रकोदाराम् ॥ ३३ ॥

vāmāṅgagalitacūlīṃ vanamālyakadambamālikābharaṇām
muktālalantikāñcita mugdhālikamilitacitrakodārām

Meaning open with adhikāra · अर्थ अधिकार से

Verse 34

करविधृतकीरशावककलनिनदव्यक्तनिखिलनिगमार्थाम् ।
वामकुचसङ्गिवीणावादनसौख्यार्धमीलिताक्षियुगाम् ॥ ३४ ॥

karavidhṛtakīraśāvakakalaninadavyaktanikhilanigamārthām
vāmakucasaṅgivīṇāvādanasaukhyārdhamīlitākṣiyugām

Meaning open with adhikāra · अर्थ अधिकार से

Verse 35

आपाटलांशुकधरां आदिरसोन्मेषवासित कटाक्षाम् ।
आम्नायसारगुलिकां आद्यां सङ्गीतमातृकां वन्दे ॥ ३५ ॥

āpāṭalāṃśukadharāṃ ādirasonmeṣavāsita kaṭākṣām
āmnāyasāragulikāṃ ādyāṃ saṅgītamātṛkāṃ vande

Meaning open with adhikāra · अर्थ अधिकार से

Verse 36

तस्य च सुवर्णसालस्योत्तरतस्तरुणकुङ्कुमच्छायः ।
शमयतु मम सन्तापं सालो नवमः स पुष्परागमयः ॥ ३६ ॥

tasya ca suvarṇasālasyottaratastaruṇakuṅkumacchāyaḥ
śamayatu mama santāpaṃ sālo navamaḥ sa puṣparāgamayaḥ

Meaning open with adhikāra · अर्थ अधिकार से

Verse 37

अनयोरन्तरवसुधाः प्रणुमः प्रत्यग्रपुष्परागमयीः ।
सिंहासनेश्वरीमनुचिन्तननिस्तन्द्रसिद्धनीरन्ध्राः ॥ ३७ ॥

anayorantaravasudhāḥ praṇumaḥ pratyagrapuṣparāgamayīḥ
siṃhāsaneśvarīmanucintananistandrasiddhanīrandhrāḥ

Meaning open with adhikāra · अर्थ अधिकार से

Verse 38

तत्सालोत्तरदेशे तरुणजपाकिरणधोरणीशोणः ।
प्रशमयतु पद्मरागप्राकारो मम पराभवं दशमः ॥ ३८ ॥

tatsālottaradeśe taruṇajapākiraṇadhoraṇīśoṇaḥ
praśamayatu padmarāgaprākāro mama parābhavaṃ daśamaḥ

Meaning open with adhikāra · अर्थ अधिकार से

Verse 39

अन्तरभूकृतवासाननयोरपनीत चित्तवैमत्यान् ।
चक्रेशीपदभक्तांश्चारणवर्गानहर्निशं कलये ॥ ३९ ॥

antarabhūkṛtavāsānanayorapanīta cittavaimatyān
cakreśīpadabhaktāṃścāraṇavargānaharniśaṃ kalaye

Meaning open with adhikāra · अर्थ अधिकार से

Verse 40

सारङ्गवाहयोजनदूरेऽऽसङ्घटित केतनस्तस्य ।
गोमेदकेन रचितो गोपायतु मां समुन्नतः सालः ॥ ४० ॥

sāraṅgavāhayojanadūre''saṅghaṭita ketanastasya
gomedakena racito gopāyatu māṃ samunnataḥ sālaḥ

Meaning open with adhikāra · अर्थ अधिकार से

Verse 41

वप्रद्वयान्तरोर्व्यां वटुकैर्विविधैश्च योगिनी वृन्दैः ।
सततं समर्चितायाः सङ्कर्षिण्याः प्रणौमि चरणाब्जम् ॥ ४१ ॥

vapradvayāntarorvyāṃ vaṭukairvividhaiśca yoginī vṛndaiḥ
satataṃ samarcitāyāḥ saṅkarṣiṇyāḥ praṇaumi caraṇābjam

Meaning open with adhikāra · अर्थ अधिकार से

Verse 42

तापसयोजनदूरे तस्य समुत्तुङ्गः गोपुरोपेतः ।
वाञ्छापूर्त्यै भवताद्वज्रमणीनिकरनिर्मितो वप्रः ॥ ४२ ॥

tāpasayojanadūre tasya samuttuṅgaḥ gopuropetaḥ
vāñchāpūrtyai bhavatādvajramaṇīnikaranirmito vapraḥ

Meaning open with adhikāra · अर्थ अधिकार से

Verse 43

वरणद्वितयान्तरतो वासजुषो विहितमधुरसास्वादाः ।
रम्भादिविबुधवेश्याः रचयन्तु महान्तमस्मदानन्दम् ॥ ४३ ॥

varaṇadvitayāntarato vāsajuṣo vihitamadhurasāsvādāḥ
rambhādivibudhaveśyāḥ racayantu mahāntamasmadānandam

Meaning open with adhikāra · अर्थ अधिकार से

Verse 44

तत्र सदा प्रवहन्ति तटिनी वज्राभिधा चिरं जीयात् ।
चटुलोर्मिजालनृत्यत् कलहंसीकुलकलक्वणितपुष्टा ॥ ४४ ॥

tatra sadā pravahanti taṭinī vajrābhidhā ciraṃ jīyāt
caṭulormijālanṛtyat kalahaṃsīkulakalakvaṇitapuṣṭā

Meaning open with adhikāra · अर्थ अधिकार से

Verse 45

रोधसि तस्या रुचिरे वज्रेशी जयति वज्रभूषाढ्या ।
वज्रप्रदानतोषितवज्रिमुखत्रिदशविनुतचारित्रा ॥ ४५ ॥

rodhasi tasyā rucire vajreśī jayati vajrabhūṣāḍhyā
vajrapradānatoṣitavajrimukhatridaśavinutacāritrā

Meaning open with adhikāra · अर्थ अधिकार से

Verse 46

तस्योदीच्यां हरिति स्तवकितसुषमावलीढवियदन्तः ।
वैडूर्यरत्नरचितो वैमल्यं दिशतु चेतसो वरणः ॥ ४६ ॥

tasyodīcyāṃ hariti stavakitasuṣamāvalīḍhaviyadantaḥ
vaiḍūryaratnaracito vaimalyaṃ diśatu cetaso varaṇaḥ

Meaning open with adhikāra · अर्थ अधिकार से

Verse 47

अधिमध्यमेतयोः पुनरम्बाचरणावलम्बितस्वान्ताम् ।
कार्कोटकादिनागान् कलयामः किं च बलिमुखान्दनुजान् ॥ ४७ ॥

adhimadhyametayoḥ punarambācaraṇāvalambitasvāntām
kārkoṭakādināgān kalayāmaḥ kiṃ ca balimukhāndanujān

Meaning open with adhikāra · अर्थ अधिकार से

Verse 48

गन्धवहसंख्ययोजनदूरे गगनोर्ध्वजाङ्घिकस्तस्य ।
वासवमणिप्रणीतो वरणो वर्धयतु वैदुषीं विशदाम् ॥ ४८ ॥

gandhavahasaṃkhyayojanadūre gaganordhvajāṅghikastasya
vāsavamaṇipraṇīto varaṇo vardhayatu vaiduṣīṃ viśadām

Meaning open with adhikāra · अर्थ अधिकार से

Verse 49

मध्यक्षोण्यामनयोर्महेन्द्रनीलात्मकानि च सरांसि ।
शातोदरी सहायान्भूपालानपि पुनः पुनः प्रणुमः ॥ ४९ ॥

madhyakṣoṇyāmanayormahendranīlātmakāni ca sarāṃsi
śātodarī sahāyānbhūpālānapi punaḥ punaḥ praṇumaḥ

Meaning open with adhikāra · अर्थ अधिकार से

Verse 50

आशुगयोजनदूरे तस्योर्ध्वं कान्तिधवलितदिगन्तः ।
मुक्ताविरचितगात्रो मुहुरस्माकं मुदे भवतु वप्रः ॥ ५० ॥

āśugayojanadūre tasyordhvaṃ kāntidhavalitadigantaḥ
muktāviracitagātro muhurasmākaṃ mude bhavatu vapraḥ

Meaning open with adhikāra · अर्थ अधिकार से

Verse 51

आवृत्त्योरधिमध्यं पूर्वस्यां दिशि पुरन्दरः श्रीमान् ।
अभ्रमुविटाधिरूढो विभ्रममस्माकमनिशमातनुतात् ॥ ५१ ॥

āvṛttyoradhimadhyaṃ pūrvasyāṃ diśi purandaraḥ śrīmān
abhramuviṭādhirūḍho vibhramamasmākamaniśamātanutāt

Meaning open with adhikāra · अर्थ अधिकार से

Verse 52

तत्कोणे व्यजनस्रुक्तोमरपात्रस्रुवान्न शक्तिधरः ।
स्वाहास्वधासमेतः सुखयतु मां हव्यवाहनः सुचिरम् ॥ ५२ ॥

tatkoṇe vyajanasruktomarapātrasruvānna śaktidharaḥ
svāhāsvadhāsametaḥ sukhayatu māṃ havyavāhanaḥ suciram

Meaning open with adhikāra · अर्थ अधिकार से

Verse 53

दक्षिणदिगन्तराले दण्डधरो नीलनीरदच्छायः ।
त्रिपुरपदाब्जभक्तस्तिरयतु मम निखिलमंहंसां निकरम् ॥ ५३ ॥

dakṣiṇadigantarāle daṇḍadharo nīlanīradacchāyaḥ
tripurapadābjabhaktastirayatu mama nikhilamaṃhaṃsāṃ nikaram

Meaning open with adhikāra · अर्थ अधिकार से

Verse 54

तस्यैव पश्चिमायां दिशि दलितेन्दीवर प्रभाश्यामः ।
खेटासि यष्टिधारी खेदानपनयतु यातुधानो मे ॥ ५४ ॥

tasyaiva paścimāyāṃ diśi dalitendīvara prabhāśyāmaḥ
kheṭāsi yaṣṭidhārī khedānapanayatu yātudhāno me

Meaning open with adhikāra · अर्थ अधिकार से

Verse 55

तस्या उत्तरदेशे धवलाङ्गो विपुलझष वरारूढः ।
पाशायुधात्तपाणिः पाशी विदलयतु पाशजालानि ॥ ५५ ॥

tasyā uttaradeśe dhavalāṅgo vipulajhaṣa varārūḍhaḥ
pāśāyudhāttapāṇiḥ pāśī vidalayatu pāśajālāni

Meaning open with adhikāra · अर्थ अधिकार से

Verse 56

वन्दे तदुत्तरहरित्कोणे वायुं चमूरूवरवाहम् ।
कोरकित तत्त्वबोधान्गोरक्ष प्रमुख योगिनोऽपि मुहुः ॥ ५६ ॥

vande taduttaraharitkoṇe vāyuṃ camūrūvaravāham
korakita tattvabodhāngorakṣa pramukha yogino'pi muhuḥ

Meaning open with adhikāra · अर्थ अधिकार से

Verse 57

तरुणीरिडाप्रधानास्तिस्रो वातस्य तस्य कृतवासाः ।
प्रत्यग्रकापिशायनपानपरिभ्रान्तलोचनाः कलये ॥ ५७ ॥

taruṇīriḍāpradhānāstisro vātasya tasya kṛtavāsāḥ
pratyagrakāpiśāyanapānaparibhrāntalocanāḥ kalaye

Meaning open with adhikāra · अर्थ अधिकार से

Verse 58

तल्लोकपूर्वभागे धनदं ध्यायामि शेवधिकुलेशम् ।
अपि माणिभद्रमुख्यानम्बाचरणावलम्बिनो यक्षान् ॥ ५८ ॥

tallokapūrvabhāge dhanadaṃ dhyāyāmi śevadhikuleśam
api māṇibhadramukhyānambācaraṇāvalambino yakṣān

Meaning open with adhikāra · अर्थ अधिकार से

Verse 59

तस्यैव पूर्वसीमनि तपनीयारचितगोपुरे नगरे ।
कात्यायनीसहायं कलये शीतांशुखण्डचूडालम् ॥ ५९ ॥

tasyaiva pūrvasīmani tapanīyāracitagopure nagare
kātyāyanīsahāyaṃ kalaye śītāṃśukhaṇḍacūḍālam

Meaning open with adhikāra · अर्थ अधिकार से

Verse 60

तत्पुरुषोडशवरणस्थलभाजस्तरुणचन्द्रचूडालान् ।
रुद्राध्याये पठितान् रुद्राणीसहचरान् भजे रुद्रान् ॥ ६० ॥

tatpuruṣoḍaśavaraṇasthalabhājastaruṇacandracūḍālān
rudrādhyāye paṭhitān rudrāṇīsahacarān bhaje rudrān

Meaning open with adhikāra · अर्थ अधिकार से

Verse 61

पवमानसंख्ययोजनदूरे बालतृण्मेचकस्तस्य ।
सालो मरकतरचितः सम्पदमचलां श्रियं च पुष्णातु ॥ ६१ ॥

pavamānasaṃkhyayojanadūre bālatṛṇmecakastasya
sālo marakataracitaḥ sampadamacalāṃ śriyaṃ ca puṣṇātu

Meaning open with adhikāra · अर्थ अधिकार से

Verse 62

आवृति युग्मान्तरतो हरितमणीनिवहमेचके देशे ।
हाटकतालीविपिनं हालाघटघटितविटपमाकलये ॥ ६२ ॥

āvṛti yugmāntarato haritamaṇīnivahamecake deśe
hāṭakatālīvipinaṃ hālāghaṭaghaṭitaviṭapamākalaye

Meaning open with adhikāra · अर्थ अधिकार से

Verse 63

तत्रैव मन्त्रिणीगृहपरिणाहं तरलकेतनं सदनम् ।
मरकतसौधमनोज्ञं दद्यादायूषि दण्डनाथायाः ॥ ६३ ॥

tatraiva mantriṇīgṛhapariṇāhaṃ taralaketanaṃ sadanam
marakatasaudhamanojñaṃ dadyādāyūṣi daṇḍanāthāyāḥ

Meaning open with adhikāra · अर्थ अधिकार से

Verse 64

सदने तव हरिन्मणिसङ्घटिते मण्डपे शतस्तम्भे ।
कार्तस्वरमयपीठे कनकमयाम्बुरुहकर्णिकामध्ये ॥ ६४ ॥

sadane tava harinmaṇisaṅghaṭite maṇḍape śatastambhe
kārtasvaramayapīṭhe kanakamayāmburuhakarṇikāmadhye

Meaning open with adhikāra · अर्थ अधिकार से

Verse 65

बिन्दुत्रिकोणवर्तुलषडस्रवृत्तद्वयान्विते चक्रे ।
सञ्चारिणी दशोत्तरशतार्णमनुराजकमलकलहंसी ॥ ६५ ॥

bindutrikoṇavartulaṣaḍasravṛttadvayānvite cakre
sañcāriṇī daśottaraśatārṇamanurājakamalakalahaṃsī

Meaning open with adhikāra · अर्थ अधिकार से

Verse 66

कोलवदना कुशेशयनयना कोकारिमण्डितशिखण्डा ।
सन्तप्तकाञ्चनाभा सन्ध्यारुणचेलसंवृतनितम्बा ॥ ६६ ॥

kolavadanā kuśeśayanayanā kokārimaṇḍitaśikhaṇḍā
santaptakāñcanābhā sandhyāruṇacelasaṃvṛtanitambā

Meaning open with adhikāra · अर्थ अधिकार से

Verse 67

हलमुसलशङ्खचक्राङ्कुशपाशाभयवरस्फुरितहस्ता ।
कूलङ्कषानुकम्पा कुङ्कुमजम्बालितस्तनाभोगा ॥ ६७ ॥

halamusalaśaṅkhacakrāṅkuśapāśābhayavarasphuritahastā
kūlaṅkaṣānukampā kuṅkumajambālitastanābhogā

Meaning open with adhikāra · अर्थ अधिकार से

Verse 68

धूर्तानामतिदूरावार्ताशेषावलग्नकमनीया ।
आर्तालीशुभदात्री वार्ताली भवतु वाञ्छितार्थाय ॥ ६८ ॥

dhūrtānāmatidūrāvārtāśeṣāvalagnakamanīyā
ārtālīśubhadātrī vārtālī bhavatu vāñchitārthāya

Meaning open with adhikāra · अर्थ अधिकार से

Verse 69

तस्याः परितो देवीः स्वप्नेश्युन्मत्तभैरवीमुख्याः ।
प्रणमत जम्भिन्याद्याः भैरववर्गांश्च हेतुकप्रमुखान् ॥ ६९ ॥

tasyāḥ parito devīḥ svapneśyunmattabhairavīmukhyāḥ
praṇamata jambhinyādyāḥ bhairavavargāṃśca hetukapramukhān

Meaning open with adhikāra · अर्थ अधिकार से

Verse 70

पूर्वोक्तसंख्ययोजनदूरे पूयांशुपाटलस्तस्य ।
विद्रावयतु मदार्तिं विद्रुमसालो विशङ्कटद्वारः ॥ ७० ॥

pūrvoktasaṃkhyayojanadūre pūyāṃśupāṭalastasya
vidrāvayatu madārtiṃ vidrumasālo viśaṅkaṭadvāraḥ

Meaning open with adhikāra · अर्थ अधिकार से

Verse 71

आवरणयोर्महर्निशमन्तरभूमौ प्रकाशशालिन्याम् ।
आसीनमम्बुजासनमभिनवसिन्दूरगौरमहमीडे ॥ ७१ ॥

āvaraṇayormaharniśamantarabhūmau prakāśaśālinyām
āsīnamambujāsanamabhinavasindūragauramahamīḍe

Meaning open with adhikāra · अर्थ अधिकार से

Verse 72

वरणस्य तस्य मारुतयोजनतो विपुलगोपुरद्वारः ।
सालो नानारत्नैः संघटिताङ्गः कृषीष्ट मदभीष्टम् ॥ ७२ ॥

varaṇasya tasya mārutayojanato vipulagopuradvāraḥ
sālo nānāratnaiḥ saṃghaṭitāṅgaḥ kṛṣīṣṭa madabhīṣṭam

Meaning open with adhikāra · अर्थ अधिकार से

Verse 73

अन्तरकक्ष्यामनयोरविरलशोभापिचण्डिलोद्देशाम् ।
माणिख्यमण्डपाख्यां महतीमधिहृदयमनिशमाकलये ॥ ७३ ॥

antarakakṣyāmanayoraviralaśobhāpicaṇḍiloddeśām
māṇikhyamaṇḍapākhyāṃ mahatīmadhihṛdayamaniśamākalaye

Meaning open with adhikāra · अर्थ अधिकार से

Verse 74

तत्र स्तिथं प्रसन्नं तरुणतमालप्रवालकिरणाभम् ।
कर्णावलम्बिकुण्डलकन्दलिताभीशुकवचितकपोलम् ॥ ७४ ॥

tatra stithaṃ prasannaṃ taruṇatamālapravālakiraṇābham
karṇāvalambikuṇḍalakandalitābhīśukavacitakapolam

Meaning open with adhikāra · अर्थ अधिकार से

Verse 75

शोणाधरं शुचिस्मितमेणाङ्कवदनमेधमानकृपम् ।
मुग्धैणमदविशेषकमुद्रितनिटिलेन्दुरेखिका रुचिरम् ॥ ७५ ॥

śoṇādharaṃ śucismitameṇāṅkavadanamedhamānakṛpam
mugdhaiṇamadaviśeṣakamudritaniṭilendurekhikā ruciram

Meaning open with adhikāra · अर्थ अधिकार से

Verse 76

नालीकदलसहोदरनयनाञ्चलघटितमनसिजाकूतम् ।
कमलाकठिणपयोधरकस्तूरीधुसृणपङ्किलोरस्कम् ॥ ७६ ॥

nālīkadalasahodaranayanāñcalaghaṭitamanasijākūtam
kamalākaṭhiṇapayodharakastūrīdhusṛṇapaṅkiloraskam

Meaning open with adhikāra · अर्थ अधिकार से

Verse 77

चाम्पेयगन्धिकैश्यं शम्पासब्रह्मचारिकौशेयम् ।
श्रीवत्सकौस्तुभधरं श्रितजनरक्षाधुरीणचरणाब्जम् ॥ ७७ ॥

cāmpeyagandhikaiśyaṃ śampāsabrahmacārikauśeyam
śrīvatsakaustubhadharaṃ śritajanarakṣādhurīṇacaraṇābjam

Meaning open with adhikāra · अर्थ अधिकार से

Verse 78

कम्बुसुदर्शनविलसत्करपद्मं कण्ठलोलवनमालम् ।
मुचुकुन्दमोक्षफलदं मुकुन्दमानन्दकन्दमवलम्बे ॥ ७८ ॥

kambusudarśanavilasatkarapadmaṃ kaṇṭhalolavanamālam
mucukundamokṣaphaladaṃ mukundamānandakandamavalambe

Meaning open with adhikāra · अर्थ अधिकार से

Verse 79

तद्वरणोत्तरभागे तारापतिबिम्बचुम्बिनिजशृङ्गः ।
विविधमणीगणघटितो वितरतु सालो विनिर्मलां धिषणाम् ॥ ७९ ॥

tadvaraṇottarabhāge tārāpatibimbacumbinijaśṛṅgaḥ
vividhamaṇīgaṇaghaṭito vitaratu sālo vinirmalāṃ dhiṣaṇām

Meaning open with adhikāra · अर्थ अधिकार से

Verse 80

प्राकारद्वितयान्तरकक्ष्यां पृथुरत्ननिकरसङ्कीर्णाम् ।
नमत सहस्रस्तम्भकमण्डपनाम्नातिविश्रुतां भुवने ॥ ८० ॥

prākāradvitayāntarakakṣyāṃ pṛthuratnanikarasaṅkīrṇām
namata sahasrastambhakamaṇḍapanāmnātiviśrutāṃ bhuvane

Meaning open with adhikāra · अर्थ अधिकार से

Verse 81

प्रणुमस्तत्र भवानीसहचरमीशानमिन्दुखण्डधरम् ।
शृङ्गारनायिकामनुशीलनभाजोऽपि भृङ्गिनन्दिमुखान् ॥ ८१ ॥

praṇumastatra bhavānīsahacaramīśānamindukhaṇḍadharam
śṛṅgāranāyikāmanuśīlanabhājo'pi bhṛṅginandimukhān

Meaning open with adhikāra · अर्थ अधिकार से

Verse 82

तस्यैणवाहयोजनदूरे वन्दे मनोमयं वप्रम् ।
अङ्कूरन्मणिकिरणामन्तरकक्ष्यां च निर्मलामनयोः ॥ ८२ ॥

tasyaiṇavāhayojanadūre vande manomayaṃ vapram
aṅkūranmaṇikiraṇāmantarakakṣyāṃ ca nirmalāmanayoḥ

Meaning open with adhikāra · अर्थ अधिकार से

Verse 83

तत्रैवामृतवापीं तरलतरङ्गावलीढतटयुग्माम् ।
मुक्तामयकलहंसीमुद्रितकनकारविन्दसन्दोहाम् ॥ ८३ ॥

tatraivāmṛtavāpīṃ taralataraṅgāvalīḍhataṭayugmām
muktāmayakalahaṃsīmudritakanakāravindasandohām

Meaning open with adhikāra · अर्थ अधिकार से

Verse 84

शक्रोपलमयभृङ्गीसङ्गीतोन्मेषघोषितदिगन्ताम् ।
काञ्चनमयाङ्गविलसत्कारण्डवषण्डताण्डवमनोज्ञाम् ॥ ८४ ॥

śakropalamayabhṛṅgīsaṅgītonmeṣaghoṣitadigantām
kāñcanamayāṅgavilasatkāraṇḍavaṣaṇḍatāṇḍavamanojñām

Meaning open with adhikāra · अर्थ अधिकार से

Verse 85

कुरुविन्दात्मकहल्लककोरकसुषमासमूहपाटलिताम् ।
कलये सुधास्वरूपां कन्दलितामन्दकैरवामोदाम् ॥ ८५ ॥

kuruvindātmakahallakakorakasuṣamāsamūhapāṭalitām
kalaye sudhāsvarūpāṃ kandalitāmandakairavāmodām

Meaning open with adhikāra · अर्थ अधिकार से

Verse 86

तद्वापिकान्तराले तरले मणिपोतसीम्नि विहरन्तीम् ।
सिन्दूरपाटलाङ्गीं सितकिरणाङ्कूरकल्पितवतंसाम् ॥ ८६ ॥

tadvāpikāntarāle tarale maṇipotasīmni viharantīm
sindūrapāṭalāṅgīṃ sitakiraṇāṅkūrakalpitavataṃsām

Meaning open with adhikāra · अर्थ अधिकार से

Verse 87

पर्वेन्दुबिम्बवदनां पल्लवशोणाधरस्फुरितहासाम् ।
कुटिलकवरीं कुरङ्गीशिशुनयनां कुण्डलस्फुरितगण्डाम् ॥ ८७ ॥

parvendubimbavadanāṃ pallavaśoṇādharasphuritahāsām
kuṭilakavarīṃ kuraṅgīśiśunayanāṃ kuṇḍalasphuritagaṇḍām

Meaning open with adhikāra · अर्थ अधिकार से

Verse 88

निकटस्थपोतनिलयाः शक्तीः शयविधृतहेमशृङ्गजलैः ।
परिषिञ्चन्तीं परितस्तारां तारुण्यगर्वितां वन्दे ॥ ८८ ॥

nikaṭasthapotanilayāḥ śaktīḥ śayavidhṛtahemaśṛṅgajalaiḥ
pariṣiñcantīṃ paritastārāṃ tāruṇyagarvitāṃ vande

Meaning open with adhikāra · अर्थ अधिकार से

Verse 89

प्रागुक्तसङ्ख्ययोजनदूरे प्रणमामि बुद्धिमयसालम् ।
अनयोरन्तरकक्ष्यामष्टापदपुष्टमेदिनीं रुचिराम् ॥ ८९ ॥

prāguktasaṅkhyayojanadūre praṇamāmi buddhimayasālam
anayorantarakakṣyāmaṣṭāpadapuṣṭamedinīṃ rucirām

Meaning open with adhikāra · अर्थ अधिकार से

Verse 90

कादम्बरीनिधानां कलयाम्यानन्दवापिकां तस्याम् ।
शोणाश्मनिवहनिर्मितसोपानश्रेणिशोभमानतटीम् ॥ ९० ॥

kādambarīnidhānāṃ kalayāmyānandavāpikāṃ tasyām
śoṇāśmanivahanirmitasopānaśreṇiśobhamānataṭīm

Meaning open with adhikāra · अर्थ अधिकार से

Verse 91

माणिक्यतरणिनिलयां मध्ये तस्या मदारुणकपोलाम् ।
अमृतेशीत्यभिधानामन्तः कलयामि वारुणीं देवीम् ॥ ९१ ॥

māṇikyataraṇinilayāṃ madhye tasyā madāruṇakapolām
amṛteśītyabhidhānāmantaḥ kalayāmi vāruṇīṃ devīm

Meaning open with adhikāra · अर्थ अधिकार से

Verse 92

सौवर्णकेनिपातनहस्ताः सौन्दर्यगर्विता देव्यः ।
तत्पुरतः स्थितिभाजो वितरन्त्वस्माकमायुषो वृद्धिम् ॥ ९२ ॥

sauvarṇakenipātanahastāḥ saundaryagarvitā devyaḥ
tatpurataḥ sthitibhājo vitarantvasmākamāyuṣo vṛddhim

Meaning open with adhikāra · अर्थ अधिकार से

Verse 93

तस्य पृषदश्वयोजनदूरेऽहङ्कारसालमतितुङ्गम् ।
वन्दे तयोश्च मध्ये कक्ष्यां वलमानमलयपवमानाम् ॥ ९३ ॥

tasya pṛṣadaśvayojanadūre'haṅkārasālamatituṅgam
vande tayośca madhye kakṣyāṃ valamānamalayapavamānām

Meaning open with adhikāra · अर्थ अधिकार से

Verse 94

विनुमो विमर्शवापीं सौषुम्नसुधास्वरूपिणीं तत्र ।
वेलातिलङ्घ्यवीचीकोलाहलभरितकूलवनवाटीम् ॥ ९४ ॥

vinumo vimarśavāpīṃ sauṣumnasudhāsvarūpiṇīṃ tatra
velātilaṅghyavīcīkolāhalabharitakūlavanavāṭīm

Meaning open with adhikāra · अर्थ अधिकार से

Verse 95

तत्रैव सलिलमध्ये तापिञ्छदलप्रपञ्चसुषमाभाम् ।
श्यामलकञ्चुकलसितां श्यामाविटबिम्बडम्बरहरास्याम् ॥ ९५ ॥

tatraiva salilamadhye tāpiñchadalaprapañcasuṣamābhām
śyāmalakañcukalasitāṃ śyāmāviṭabimbaḍambaraharāsyām

Meaning open with adhikāra · अर्थ अधिकार से

Verse 96

आभुग्नमसृणचिल्लीहसितायुग्मशरकार्मुकविलासाम् ।
मन्दस्मिताञ्चितमुखीं मणिमयताटङ्कमण्डितकपोलाम् ॥ ९६ ॥

ābhugnamasṛṇacillīhasitāyugmaśarakārmukavilāsām
mandasmitāñcitamukhīṃ maṇimayatāṭaṅkamaṇḍitakapolām

Meaning open with adhikāra · अर्थ अधिकार से

Verse 97

कुरुविन्दतरणिनिलयां कुलाचलस्पर्धिकुचनमन्मध्याम् ।
कुङ्कुमविलिप्तगात्रीं कुरुकुल्लां मनसि कुर्महे सततम् ॥ ९७ ॥

kuruvindataraṇinilayāṃ kulācalaspardhikucanamanmadhyām
kuṅkumaviliptagātrīṃ kurukullāṃ manasi kurmahe satatam

Meaning open with adhikāra · अर्थ अधिकार से

Verse 98

तत्सालोत्तरभागे भानुमयं वप्रमाश्रये दीप्तम् ।
मध्यं च विपुलमनयोर्मन्ये विश्रान्तमातपोद्गारम् ॥ ९८ ॥

tatsālottarabhāge bhānumayaṃ vapramāśraye dīptam
madhyaṃ ca vipulamanayormanye viśrāntamātapodgāram

Meaning open with adhikāra · अर्थ अधिकार से

Verse 99

तत्र कुरुविन्दपीठे तामरसे कनककर्णिकाघटिते ।
आसीनमरुणवाससमम्लानप्रसवमालिकाभरणम् ॥ ९९ ॥

tatra kuruvindapīṭhe tāmarase kanakakarṇikāghaṭite
āsīnamaruṇavāsasamamlānaprasavamālikābharaṇam

Meaning open with adhikāra · अर्थ अधिकार से

Verse 100

चक्षुष्मतीप्रकाशनशक्तिच्छायासमारचितकेलिम् ।
माणिक्यमुकुटरम्यं मन्ये मार्ताण्डभैरवं हृदये ॥ १०० ॥

cakṣuṣmatīprakāśanaśakticchāyāsamāracitakelim
māṇikyamukuṭaramyaṃ manye mārtāṇḍabhairavaṃ hṛdaye

Meaning open with adhikāra · अर्थ अधिकार से

Verse 101

इन्दुमयसालमीडे तस्योत्तरतस्तुषारगिरिगौरम् ।
अत्यन्तशिशिरमारुतमनयोर्मध्यं च चन्द्रिकोद्गारम् ॥ १०१ ॥

indumayasālamīḍe tasyottaratastuṣāragirigauram
atyantaśiśiramārutamanayormadhyaṃ ca candrikodgāram

Meaning open with adhikāra · अर्थ अधिकार से

Verse 102

तत्र प्रकाशमानं तारानिकरैश्च सर्वतस्सेव्यम् परिष्कृतोद्देशम् ।
अमृतमयकान्तिकन्दलमन्तः कलयामि कुन्दसितमिन्दुम् ॥ १०२ ॥

tatra prakāśamānaṃ tārānikaraiśca sarvatassevyam pariṣkṛtoddeśam
amṛtamayakāntikandalamantaḥ kalayāmi kundasitamindum

Meaning open with adhikāra · अर्थ अधिकार से

सर्वतस्सेव्यम् uncertain

Verse 103

शृङ्गारसालमीडे शृङ्गोल्लसितं तदुत्तरे भागे ।
मध्यस्थले तयोरपि महितां शृङ्गारपूर्विकां परिखाम् ॥ १०३ ॥

śṛṅgārasālamīḍe śṛṅgollasitaṃ taduttare bhāge
madhyasthale tayorapi mahitāṃ śṛṅgārapūrvikāṃ parikhām

Meaning open with adhikāra · अर्थ अधिकार से

Verse 104

तत्र मणिनौस्थिताभिस्तपनीयारचितशृङ्गहस्ताभिः ।
शृङ्गारदेवताभिः सहितं परिखाधिपं भजे मदनम् ॥ १०४ ॥

tatra maṇinausthitābhistapanīyāracitaśṛṅgahastābhiḥ
śṛṅgāradevatābhiḥ sahitaṃ parikhādhipaṃ bhaje madanam

Meaning open with adhikāra · अर्थ अधिकार से

Verse 105

शृङ्गारवरणवर्यस्योत्तरतः सकलविबुधसंसेव्यम् ।
चिन्तामणिगणरचितं चिन्तां दूरीकरोतु मे सदनम् ॥ १०५ ॥

śṛṅgāravaraṇavaryasyottarataḥ sakalavibudhasaṃsevyam
cintāmaṇigaṇaracitaṃ cintāṃ dūrīkarotu me sadanam

Meaning open with adhikāra · अर्थ अधिकार से

Verse 106

मणिसदन सालयोरधिमध्यं दशतालभूमिरुहदीर्घैः ।
पर्णैः सुवर्णवर्णैर्युक्तां काण्डैश्च योजनोत्तुङ्गैः ॥ १०६ ॥

maṇisadana sālayoradhimadhyaṃ daśatālabhūmiruhadīrghaiḥ
parṇaiḥ suvarṇavarṇairyuktāṃ kāṇḍaiśca yojanottuṅgaiḥ

Meaning open with adhikāra · अर्थ अधिकार से

Verse 107

मृदुलैस्तालीपञ्चकमानैर्मिलितां च केसरकदम्बैः ।
सन्ततगलितमरन्दस्रोतोनिर्यन्मिलिन्दसन्दोहाम् ॥ १०७ ॥

mṛdulaistālīpañcakamānairmilitāṃ ca kesarakadambaiḥ
santatagalitamarandasrotoniryanmilindasandohām

Meaning open with adhikāra · अर्थ अधिकार से

Verse 108

पाटीरपवनबालकधाटीनिर्यत्परागपिञ्जरिताम् ।
कलहंसीकुलकलकलकूलङ्कषनिनदनिचयकमनीयाम् ॥ १०८ ॥

pāṭīrapavanabālakadhāṭīniryatparāgapiñjaritām
kalahaṃsīkulakalakalakūlaṅkaṣaninadanicayakamanīyām

Meaning open with adhikāra · अर्थ अधिकार से

Verse 109

पद्माटवीं भजामः परिमलकल्लोलपक्ष्मलोपान्ताम् ।
देव्यर्घ्यपात्रधारी तस्याः पूर्वदिशि दशकलायुक्तः ।
वलयितमूर्तिर्भगवान् वह्निः कोशोन्नतश्चिरं पायात् ॥ १०९ ॥

padmāṭavīṃ bhajāmaḥ parimalakallolapakṣmalopāntām
devyarghyapātradhārī tasyāḥ pūrvadiśi daśakalāyuktaḥ
valayitamūrtirbhagavān vahniḥ kośonnataściraṃ pāyāt

Meaning open with adhikāra · अर्थ अधिकार से

Verse 110

तत्राधारे देव्याः पात्रीरूपः प्रभाकरः श्रीमान् ।
द्वादशकलासमेतो ध्वान्तं मम बहुलमान्तरं भिन्द्यात् ॥ ११० ॥

tatrādhāre devyāḥ pātrīrūpaḥ prabhākaraḥ śrīmān
dvādaśakalāsameto dhvāntaṃ mama bahulamāntaraṃ bhindyāt

Meaning open with adhikāra · अर्थ अधिकार से

Verse 111

तस्मिन् दिनेशपात्रे तरङ्गितामोदममृतमयमर्घ्यम् ।
चन्द्रकलात्मकममृतं सान्द्रीकुर्यादमन्दमानन्दम् ॥ १११ ॥

tasmin dineśapātre taraṅgitāmodamamṛtamayamarghyam
candrakalātmakamamṛtaṃ sāndrīkuryādamandamānandam

Meaning open with adhikāra · अर्थ अधिकार से

Verse 112

अमृते तस्मिन्नभितो विहरन्त्यो विविधतरणिभाजः ।
षोडशकलाः सुधांशोः शोकादुत्तारयन्तु मामनिशम् ॥ ११२ ॥

amṛte tasminnabhito viharantyo vividhataraṇibhājaḥ
ṣoḍaśakalāḥ sudhāṃśoḥ śokāduttārayantu māmaniśam

Meaning open with adhikāra · अर्थ अधिकार से

Verse 113

तत्रैव विहृतिभाजो धातृमुखानां च कारणेशानाम् ।
सृष्ट्यादिरूपिकास्ताः शमयन्त्वखिलाः कलाश्च सन्तापम् ॥ ११३ ॥

tatraiva vihṛtibhājo dhātṛmukhānāṃ ca kāraṇeśānām
sṛṣṭyādirūpikāstāḥ śamayantvakhilāḥ kalāśca santāpam

Meaning open with adhikāra · अर्थ अधिकार से

Verse 114

कीनाशवरुणकिन्नरराजदिगन्तेषु रत्नगेहस्य ।
कलयामि तान्यजस्रं कलयन्त्वायुष्यमर्घ्यपात्राणि ॥ ११४ ॥

kīnāśavaruṇakinnararājadiganteṣu ratnagehasya
kalayāmi tānyajasraṃ kalayantvāyuṣyamarghyapātrāṇi

Meaning open with adhikāra · अर्थ अधिकार से

Verse 115

पात्रस्थलस्य पुरतः पद्मारमणविधिपार्वतीशानाम् ।
भवनानि शर्मणे नो भवन्तु भासा प्रदीपितजगन्ति ॥ ११५ ॥

pātrasthalasya purataḥ padmāramaṇavidhipārvatīśānām
bhavanāni śarmaṇe no bhavantu bhāsā pradīpitajaganti

Meaning open with adhikāra · अर्थ अधिकार से

Verse 116

सदनस्यानलकोणे सततं प्रणमामि कुण्डमाग्नेयम् ।
तत्र स्थितं च वह्निं तरलशिखाजटिलमम्बिकाजनकम् ॥ ११६ ॥

sadanasyānalakoṇe satataṃ praṇamāmi kuṇḍamāgneyam
tatra sthitaṃ ca vahniṃ taralaśikhājaṭilamambikājanakam

Meaning open with adhikāra · अर्थ अधिकार से

Verse 117

तस्यासुरदिशि तादृशरत्नपरिस्फुरितपर्वनवकाढ्यम् ।
चक्रात्मकं शताङ्गं शतयोजनमुन्नतं भजे दिव्यम् ॥ ११७ ॥

tasyāsuradiśi tādṛśaratnaparisphuritaparvanavakāḍhyam
cakrātmakaṃ śatāṅgaṃ śatayojanamunnataṃ bhaje divyam

Meaning open with adhikāra · अर्थ अधिकार से

Verse 118

तत्रैव दिशि निषण्णं तपनीयध्वजपरम्पराश्लिष्टम् ।
रथमपरं च भवान्या रचयामो मनसि रत्नमयचूडम् ॥ ११८ ॥

tatraiva diśi niṣaṇṇaṃ tapanīyadhvajaparamparāśliṣṭam
rathamaparaṃ ca bhavānyā racayāmo manasi ratnamayacūḍam

Meaning open with adhikāra · अर्थ अधिकार से

Verse 119

भवनस्य वायुभागे परिष्कृतो विविधवैजयन्तीभिः ।
रचयतु मुदं रथेन्द्रः सचिवेशान्याः समस्तवन्द्यायाः ॥ ११९ ॥

bhavanasya vāyubhāge pariṣkṛto vividhavaijayantībhiḥ
racayatu mudaṃ rathendraḥ saciveśānyāḥ samastavandyāyāḥ

Meaning open with adhikāra · अर्थ अधिकार से

Verse 120

कुर्मोऽधिहृदयमनिशं क्रोडास्यायाः शताङ्कमूर्धन्यम् ।
रुद्रदिशि रत्नधाम्नो रुचिरशलाका प्रपञ्चकञ्चुकितम् ॥ १२० ॥

kurmo'dhihṛdayamaniśaṃ kroḍāsyāyāḥ śatāṅkamūrdhanyam
rudradiśi ratnadhāmno ruciraśalākā prapañcakañcukitam

Meaning open with adhikāra · अर्थ अधिकार से

Verse 121

परितो देवीधाम्नः प्रणीतवासा मनुस्वरूपिण्यः ।
कुर्वन्तु रश्मिमालाकृतयः कुशलानि देवता निखिलाः ॥ १२१ ॥

parito devīdhāmnaḥ praṇītavāsā manusvarūpiṇyaḥ
kurvantu raśmimālākṛtayaḥ kuśalāni devatā nikhilāḥ

Meaning open with adhikāra · अर्थ अधिकार से

Verse 122

प्राग्द्वारस्य भवानीधाम्नः पार्श्वद्वयारचितवासे ।
मातङ्गी किटिमुख्यौ मणिसदने मनसि भावयामि चिरम् ॥ १२२ ॥

prāgdvārasya bhavānīdhāmnaḥ pārśvadvayāracitavāse
mātaṅgī kiṭimukhyau maṇisadane manasi bhāvayāmi ciram

Meaning open with adhikāra · अर्थ अधिकार से

Verse 123

योजनयुगलाभोगा तत्कोशपरिणाहयैव भित्त्या च ।
चिन्तामणिगृहभूमिर्जीयादाम्नायमयचतुर्द्वारा ॥ १२३ ॥

yojanayugalābhogā tatkośapariṇāhayaiva bhittyā ca
cintāmaṇigṛhabhūmirjīyādāmnāyamayacaturdvārā

Meaning open with adhikāra · अर्थ अधिकार से

Verse 124

द्वारे द्वारे धाम्नः पिण्डीभूता नवीनबिम्बाभाः ।
विदधतु विपुलां कीर्तिं दिव्या लौहित्यसिद्ध्यो देव्यः ॥ १२४ ॥

dvāre dvāre dhāmnaḥ piṇḍībhūtā navīnabimbābhāḥ
vidadhatu vipulāṃ kīrtiṃ divyā lauhityasiddhyo devyaḥ

Meaning open with adhikāra · अर्थ अधिकार से

Verse 125

मणिसदनस्यान्तरतो महनीये रत्नवेदिकामध्ये ।
बिन्दुमयचक्रमीडे पीठानामुपरि विरचितावासम् ॥ १२५ ॥

maṇisadanasyāntarato mahanīye ratnavedikāmadhye
bindumayacakramīḍe pīṭhānāmupari viracitāvāsam

Meaning open with adhikāra · अर्थ अधिकार से

Verse 126

चक्राणां सकलानां प्रथममधः सीमफलकवास्तव्याः ।
अणिमादिसिद्धयो मामवन्तु देवी प्रभास्वरूपिण्यः ॥ १२६ ॥

cakrāṇāṃ sakalānāṃ prathamamadhaḥ sīmaphalakavāstavyāḥ
aṇimādisiddhayo māmavantu devī prabhāsvarūpiṇyaḥ

Meaning open with adhikāra · अर्थ अधिकार से

Verse 127

अणिमादिसिद्धिफलकस्योपरिहरिणाङ्कखण्डकृतचूडाः ।
भद्रं पक्ष्मलयन्तु ब्राह्मीप्रमुखाय मातरोऽस्माकम् ॥ १२७ ॥

aṇimādisiddhiphalakasyoparihariṇāṅkakhaṇḍakṛtacūḍāḥ
bhadraṃ pakṣmalayantu brāhmīpramukhāya mātaro'smākam

Meaning open with adhikāra · अर्थ अधिकार से

Verse 128

तस्योपरि मणिफलके तारुण्योत्तुङ्गपीनकुचभाराः ।
सङ्क्षोभिणीप्रधाना भ्रान्तिं विद्रावयन्तु दशमुद्राः ॥ १२८ ॥

tasyopari maṇiphalake tāruṇyottuṅgapīnakucabhārāḥ
saṅkṣobhiṇīpradhānā bhrāntiṃ vidrāvayantu daśamudrāḥ

Meaning open with adhikāra · अर्थ अधिकार से

Verse 129

फलकत्रयस्वरूपे पृथुले त्रैलोक्यमोहने चक्रे ।
दीव्यन्तु प्रकटाख्यास्तासां कर्त्रीं च भगवती त्रिपुरा ॥ १२९ ॥

phalakatrayasvarūpe pṛthule trailokyamohane cakre
dīvyantu prakaṭākhyāstāsāṃ kartrīṃ ca bhagavatī tripurā

Meaning open with adhikāra · अर्थ अधिकार से

Verse 130

तदुपरि विपुले धिष्ण्ये तरलदृशस्तरुणकोकनदभासः ।
कामाकर्षिण्याद्याः कलये देवीः कलाधरशिखण्डाः ॥ १३० ॥

tadupari vipule dhiṣṇye taraladṛśastaruṇakokanadabhāsaḥ
kāmākarṣiṇyādyāḥ kalaye devīḥ kalādharaśikhaṇḍāḥ

Meaning open with adhikāra · अर्थ अधिकार से

Verse 131

सर्वाशापरिपूरकचक्रेऽस्मिन् गुप्तयोगिनी सेव्याः ।
त्रिपुरेशी मम दुरितं तुद्यात् कण्ठावलम्बिमणिहारा ॥ १३१ ॥

sarvāśāparipūrakacakre'smin guptayoginī sevyāḥ
tripureśī mama duritaṃ tudyāt kaṇṭhāvalambimaṇihārā

Meaning open with adhikāra · अर्थ अधिकार से

Verse 132

तस्योपरि मणिपीठे ताम्राम्भोरुहदलप्रभाशोणाः ।
ध्यायाम्यनङ्गकुसुमाप्रमुखा देवीश्च विधृतकूर्पासाः ॥ १३२ ॥

tasyopari maṇipīṭhe tāmrāmbhoruhadalaprabhāśoṇāḥ
dhyāyāmyanaṅgakusumāpramukhā devīśca vidhṛtakūrpāsāḥ

Meaning open with adhikāra · अर्थ अधिकार से

Verse 133

सङ्क्षोभकारकेऽस्मिंश्चक्रे श्रीत्रिपुरसुन्दरी साक्षात् ।
गोप्त्री गुप्तराख्याः गोपायतुमां कृपार्द्रया दृष्ट्या ॥ १३३ ॥

saṅkṣobhakārake'smiṃścakre śrītripurasundarī sākṣāt
goptrī guptarākhyāḥ gopāyatumāṃ kṛpārdrayā dṛṣṭyā

Meaning open with adhikāra · अर्थ अधिकार से

Verse 134

संक्षोभिणीप्रधानाः शक्तीस्तस्योर्ध्ववलयकृतवासाः ।
आलोलनीलवेणीरन्तः कलयामि यौवनोन्मत्ताः ॥ १३४ ॥

saṃkṣobhiṇīpradhānāḥ śaktīstasyordhvavalayakṛtavāsāḥ
ālolanīlaveṇīrantaḥ kalayāmi yauvanonmattāḥ

Meaning open with adhikāra · अर्थ अधिकार से

Verse 135

सौभाग्यदायकेऽस्मिंश्चक्रेशी त्रिपुरवासिनी जीयात् ।
शक्तीश्च सम्प्रदायाभिधाः समस्ताः प्रमोदयन्त्वनिशम् ॥ १३५ ॥

saubhāgyadāyake'smiṃścakreśī tripuravāsinī jīyāt
śaktīśca sampradāyābhidhāḥ samastāḥ pramodayantvaniśam

Meaning open with adhikāra · अर्थ अधिकार से

Verse 136

मणिपीठोपरि तासां महति चतुर्हस्तविस्तृते वलये ।
सन्ततविरचितवासाः शक्तीः कलयामि सर्वसिद्धिमुखाः ॥ १३६ ॥

maṇipīṭhopari tāsāṃ mahati caturhastavistṛte valaye
santataviracitavāsāḥ śaktīḥ kalayāmi sarvasiddhimukhāḥ

Meaning open with adhikāra · अर्थ अधिकार से

Verse 137

सर्वार्थसाधकाख्ये चक्रेऽमुष्मिन् समस्तफलदात्री ।
त्रिपुरा श्रीर्मम कुशलं दिशतादुत्तीर्णयोगिनीसेव्या ॥ १३७ ॥

sarvārthasādhakākhye cakre'muṣmin samastaphaladātrī
tripurā śrīrmama kuśalaṃ diśatāduttīrṇayoginīsevyā

Meaning open with adhikāra · अर्थ अधिकार से

Verse 138

तासां निलयस्योपरि धिष्ण्ये कौसुम्भकञ्चुकमनोज्ञाः ।
सर्वज्ञाद्या देव्यः सकलाः सम्पादयन्तु मम कीर्तिम् ॥ १३८ ॥

tāsāṃ nilayasyopari dhiṣṇye kausumbhakañcukamanojñāḥ
sarvajñādyā devyaḥ sakalāḥ sampādayantu mama kīrtim

Meaning open with adhikāra · अर्थ अधिकार से

Verse 139

चक्रे समस्तरक्षाकरनाम्न्यस्मिन्समस्तजनसेव्याम् ।
मनसि निगर्भासहितां मन्ये त्रिपुरमालिनी देवीम् ॥ १३९ ॥

cakre samastarakṣākaranāmnyasminsamastajanasevyām
manasi nigarbhāsahitāṃ manye tripuramālinī devīm

Meaning open with adhikāra · अर्थ अधिकार से

Verse 140

सर्वज्ञासदनस्योपरि चक्रे विपुले समाकलितगेहाः ।
वन्दे वशिनीमुख्याः शक्तीः सिन्दूररेणुशोणरुचः ॥ १४० ॥

sarvajñāsadanasyopari cakre vipule samākalitagehāḥ
vande vaśinīmukhyāḥ śaktīḥ sindūrareṇuśoṇarucaḥ

Meaning open with adhikāra · अर्थ अधिकार से

Verse 141

श्रीसर्वरोगहारिणिचक्रेऽस्मिन्त्रिपुरपूर्विकां सिद्धाम् ।
वन्दे रहस्यनाम्ना वेद्याभिः शक्तिभिः सदा सेव्याम् ॥ १४१ ॥

śrīsarvarogahāriṇicakre'smintripurapūrvikāṃ siddhām
vande rahasyanāmnā vedyābhiḥ śaktibhiḥ sadā sevyām

Meaning open with adhikāra · अर्थ अधिकार से

Verse 142

वशिनीगृहोपरिष्टाद् विंशतिहस्तोन्नते महापीठे ।
शमयन्तु शत्रुवृन्दं शस्त्राण्यस्त्राणि चादिदम्पत्योः ॥ १४२ ॥

vaśinīgṛhopariṣṭād viṃśatihastonnate mahāpīṭhe
śamayantu śatruvṛndaṃ śastrāṇyastrāṇi cādidampatyoḥ

Meaning open with adhikāra · अर्थ अधिकार से

Verse 143

शस्त्रसदनोपरिष्टा वलये वलवैरिरत्नसङ्घटिते ।
कामेश्वरीप्रधानाः कलये देवीः समस्तजनवन्द्याः ॥ १४३ ॥

śastrasadanopariṣṭā valaye valavairiratnasaṅghaṭite
kāmeśvarīpradhānāḥ kalaye devīḥ samastajanavandyāḥ

Meaning open with adhikāra · अर्थ अधिकार से

Verse 144

चक्रेऽत्र सर्वसिद्धिप्रदनामनि सर्वफलदात्री ।
त्रिपुराम्बावतु सततं परापररहस्ययोगिनीसेव्या ॥ १४४ ॥

cakre'tra sarvasiddhipradanāmani sarvaphaladātrī
tripurāmbāvatu satataṃ parāpararahasyayoginīsevyā

Meaning open with adhikāra · अर्थ अधिकार से

Verse 145

कामेश्वरीगृहोपरिवलये विविधमनुसम्प्रदायज्ञाः ।
चत्वारो युगनाथा जयन्तु मित्रेशपूर्वका गुरवः ॥ १४५ ॥

kāmeśvarīgṛhoparivalaye vividhamanusampradāyajñāḥ
catvāro yuganāthā jayantu mitreśapūrvakā guravaḥ

Meaning open with adhikāra · अर्थ अधिकार से

Verse 146

नाथभवनोपरिष्टान्नानारत्नचयमेदुरे पीठे ।
कामेश्याद्या नित्याःकलयन्तु मुदं तिथिस्वरूपिण्यः ॥ १४६ ॥

nāthabhavanopariṣṭānnānāratnacayamedure pīṭhe
kāmeśyādyā nityāḥkalayantu mudaṃ tithisvarūpiṇyaḥ

Meaning open with adhikāra · अर्थ अधिकार से

Verse 147

नित्यासदनस्योपरि निर्मलमणिनिवहविरचिते धिष्ण्ये ।
कुशलं षडङ्गदेव्यः कलयन्त्वस्माकमुत्तरलनेत्राः ॥ १४७ ॥

nityāsadanasyopari nirmalamaṇinivahaviracite dhiṣṇye
kuśalaṃ ṣaḍaṅgadevyaḥ kalayantvasmākamuttaralanetrāḥ

Meaning open with adhikāra · अर्थ अधिकार से

Verse 148

सदनस्योपरि तासां सर्वानन्दमयनामके बिन्दौ ।
पञ्चब्रह्माकारां मञ्चं प्रणमामि मणिगणाकीर्णम् ॥ १४८ ॥

sadanasyopari tāsāṃ sarvānandamayanāmake bindau
pañcabrahmākārāṃ mañcaṃ praṇamāmi maṇigaṇākīrṇam

Meaning open with adhikāra · अर्थ अधिकार से

Verse 149

परितो मणिमञ्चस्य प्रलम्बमाना नियन्त्रिता पाशैः ।
मायामयी यवनिका मम दुरितं हरतु मेचकच्छाया ॥ १४९ ॥

parito maṇimañcasya pralambamānā niyantritā pāśaiḥ
māyāmayī yavanikā mama duritaṃ haratu mecakacchāyā

Meaning open with adhikāra · अर्थ अधिकार से

Verse 150

मञ्चस्योपरि लम्बन्मदनीपुन्नागमालिकाभरितम् ।
हरिगोपमयवितानं हरतादालस्यमनिशमस्माकम् ॥ १५० ॥

mañcasyopari lambanmadanīpunnāgamālikābharitam
harigopamayavitānaṃ haratādālasyamaniśamasmākam

Meaning open with adhikāra · अर्थ अधिकार से

Verse 151

पर्यङ्कस्य भजामः पादान्बिम्बाम्बुदेन्दुहेमरुचः ।
अजहरिरुद्रेशमयाननलासुरमारुतेशकोणस्थान् ॥ १५१ ॥

paryaṅkasya bhajāmaḥ pādānbimbāmbudenduhemarucaḥ
ajaharirudreśamayānanalāsuramāruteśakoṇasthān

Meaning open with adhikāra · अर्थ अधिकार से

Verse 152

फलकं सदाशिवमयं प्रणौमि सिन्दूररेणुकिरणाभम् ।
आरभ्याङ्गेशीनां सदनात्कलितं च रत्नसोपानम् ॥ १५२ ॥

phalakaṃ sadāśivamayaṃ praṇaumi sindūrareṇukiraṇābham
ārabhyāṅgeśīnāṃ sadanātkalitaṃ ca ratnasopānam

Meaning open with adhikāra · अर्थ अधिकार से

Verse 153

पट्टोपधानगण्डकचतुष्टयस्फुरितपाटलास्तरणम् ।
पर्यङ्कोपरिघटितं पातु चिरं हंसतूलशयनं नः ॥ १५३ ॥

paṭṭopadhānagaṇḍakacatuṣṭayasphuritapāṭalāstaraṇam
paryaṅkoparighaṭitaṃ pātu ciraṃ haṃsatūlaśayanaṃ naḥ

Meaning open with adhikāra · अर्थ अधिकार से

Verse 154

तस्योपरि निवसन्तं तारुण्यश्रीनिषेवितं सततम् ।
आवृन्तपुल्लहल्लकमरीचिकापुञ्जमञ्जुलच्छायम् ॥ १५४ ॥

tasyopari nivasantaṃ tāruṇyaśrīniṣevitaṃ satatam
āvṛntapullahallakamarīcikāpuñjamañjulacchāyam

Meaning open with adhikāra · अर्थ अधिकार से

Verse 155

सिन्दूरशोणवसनं शीतांशुस्तबकचुम्बितकिरीटम् ।
कुङ्कुमतिलकमनोहरकुटिलालिकहसितकुमुदबन्धुशिशुम् ॥ १५५ ॥

sindūraśoṇavasanaṃ śītāṃśustabakacumbitakirīṭam
kuṅkumatilakamanoharakuṭilālikahasitakumudabandhuśiśum

Meaning open with adhikāra · अर्थ अधिकार से

Verse 156

पूर्णेन्दुबिम्बवदनं फुल्लसरोजातलोचनत्रितयम् ।
तरलापाङ्गतरङ्गितशफराङ्कनशास्त्रसम्प्रदायार्थम् ॥ १५६ ॥

pūrṇendubimbavadanaṃ phullasarojātalocanatritayam
taralāpāṅgataraṅgitaśapharāṅkanaśāstrasampradāyārtham

Meaning open with adhikāra · अर्थ अधिकार से

Verse 157

मणिमयकुण्डलपुष्यन्मरीचिकल्लोलमांसलकपोलम् ।
विद्रुमसहोदराधरविसृमरस्मितकिशोरसञ्चारम् ॥ १५७ ॥

maṇimayakuṇḍalapuṣyanmarīcikallolamāṃsalakapolam
vidrumasahodarādharavisṛmarasmitakiśorasañcāram

Meaning open with adhikāra · अर्थ अधिकार से

Verse 158

आमोदिकुसुमशेखरमानीलभ्रूलतायुगमनोज्ञम् ।
वीटीसौरभंवीचीद्विगुणितवक्त्रारविन्दसौरभ्यम् ॥ १५८ ॥

āmodikusumaśekharamānīlabhrūlatāyugamanojñam
vīṭīsaurabhaṃvīcīdviguṇitavaktrāravindasaurabhyam

Meaning open with adhikāra · अर्थ अधिकार से

Verse 159

पाशाङ्कुशेक्षुचापप्रसवशरस्फुरितकोमलकराब्जम् ।
काश्मीरपङ्किलाङ्गं कामेशं मनसि कुर्महे सततम् ॥ १५९ ॥

pāśāṅkuśekṣucāpaprasavaśarasphuritakomalakarābjam
kāśmīrapaṅkilāṅgaṃ kāmeśaṃ manasi kurmahe satatam

Meaning open with adhikāra · अर्थ अधिकार से

Verse 160

तस्याङ्कभुवि निषण्णां तरुणकदम्बप्रसूनकिरणाभाम् ।
शीतांशुखण्डचूडां सीमन्तन्यस्तसान्द्रसिन्दूराम् ॥ १६० ॥

tasyāṅkabhuvi niṣaṇṇāṃ taruṇakadambaprasūnakiraṇābhām
śītāṃśukhaṇḍacūḍāṃ sīmantanyastasāndrasindūrām

Meaning open with adhikāra · अर्थ अधिकार से

Verse 161

कुङ्कुमललामभास्वन्निटिलां कुटिलतरचिल्लिकायुगलाम् ।
नालीकतुल्यनयनां नासाञ्चलनटितमौक्तिकाभरणाम् ॥ १६१ ॥

kuṅkumalalāmabhāsvanniṭilāṃ kuṭilataracillikāyugalām
nālīkatulyanayanāṃ nāsāñcalanaṭitamauktikābharaṇām

Meaning open with adhikāra · अर्थ अधिकार से

Verse 162

अङ्कुरितमन्दहासमरुणाधरकान्तिविजितबिम्बाभाम् ।
कस्तूरीमकरीयुतकपोलसङ्क्रान्तकनकताटङ्काम् ॥ १६२ ॥

aṅkuritamandahāsamaruṇādharakāntivijitabimbābhām
kastūrīmakarīyutakapolasaṅkrāntakanakatāṭaṅkām

Meaning open with adhikāra · अर्थ अधिकार से

Verse 163

कर्पूरसान्द्रवीटीकबलित वदनारविन्द कमनीयाम् ।
कम्बुसहोदरकण्ठप्रलम्बमानाच्छमौक्तिककलापाम् ॥ १६३ ॥

karpūrasāndravīṭīkabalita vadanāravinda kamanīyām
kambusahodarakaṇṭhapralambamānācchamauktikakalāpām

Meaning open with adhikāra · अर्थ अधिकार से

Verse 164

कल्हारदामकोमलभुजयुगलस्फुरितरत्नकेयूराम् ।
करपद्ममूलविलसत् काञ्चनमयकटकवलयसन्दोहाम् ॥ १६४ ॥

kalhāradāmakomalabhujayugalasphuritaratnakeyūrām
karapadmamūlavilasat kāñcanamayakaṭakavalayasandohām

Meaning open with adhikāra · अर्थ अधिकार से

Verse 165

पाणिचतुष्टय विलसत् पाशाङ्कुशपुण्ड्रचापपुष्पास्त्राम् ।
कूलङ्कषकुचशिखरां कुङ्कुमकर्दमितरत्नकूर्पासाम् ॥ १६५ ॥

pāṇicatuṣṭaya vilasat pāśāṅkuśapuṇḍracāpapuṣpāstrām
kūlaṅkaṣakucaśikharāṃ kuṅkumakardamitaratnakūrpāsām

Meaning open with adhikāra · अर्थ अधिकार से

Verse 166

अणुदायादवलग्नामम्बुदशोभासनाभिरोमलताम् ।
माणिक्यखचितकाञ्चीमरीचिकाक्रान्तमांसलनितम्बाम् ॥ १६६ ॥

aṇudāyādavalagnāmambudaśobhāsanābhiromalatām
māṇikyakhacitakāñcīmarīcikākrāntamāṃsalanitambām

Meaning open with adhikāra · अर्थ अधिकार से

Verse 167

करभोरुकाण्डयुगलां जङ्घाजितकामजैत्रतूणीराम् ।
प्रपदपरिभूतकूर्मां पल्लवसच्छायपदयुगमनोज्ञाम् ॥ १६७ ॥

karabhorukāṇḍayugalāṃ jaṅghājitakāmajaitratūṇīrām
prapadaparibhūtakūrmāṃ pallavasacchāyapadayugamanojñām

Meaning open with adhikāra · अर्थ अधिकार से

Verse 168

कमलभवकञ्जलोचनकिरीटरत्नांशुरञ्जितपदाब्जाम् ।
उन्मस्तकानुकम्पामुत्तरलापाङ्गपोषितानङ्गाम् ॥ १६८ ॥

kamalabhavakañjalocanakirīṭaratnāṃśurañjitapadābjām
unmastakānukampāmuttaralāpāṅgapoṣitānaṅgām

Meaning open with adhikāra · अर्थ अधिकार से

Verse 169

आदिमरसावलम्बामनिदं प्रथमोक्तिवल्लरीकलिकाम् ।
आब्रह्मकीटजननीं अन्तः कलयामि सुन्दरीमनिशम् ॥ १६९ ॥

ādimarasāvalambāmanidaṃ prathamoktivallarīkalikām
ābrahmakīṭajananīṃ antaḥ kalayāmi sundarīmaniśam

Meaning open with adhikāra · अर्थ अधिकार से

Verse 170

कस्तु क्षितौ पटीयान्वस्तुस्तोतुं शिवाङ्कवास्तव्यम् ।
अस्तु चिरन्तनसुकृतैः प्रस्तुतकाम्याय तन्मम पुरस्तात् ॥ १७० ॥

kastu kṣitau paṭīyānvastustotuṃ śivāṅkavāstavyam
astu cirantanasukṛtaiḥ prastutakāmyāya tanmama purastāt

Meaning open with adhikāra · अर्थ अधिकार से

Verse 171

प्रभुसम्मितोक्तिगम्ये परमशिवोत्सङ्गतुङ्गपर्यङ्कम् ।
तेजः किञ्चन दिव्यं पुरतो मे भवतु पुण्ड्रकोदण्डम् ॥ १७१ ॥

prabhusammitoktigamye paramaśivotsaṅgatuṅgaparyaṅkam
tejaḥ kiñcana divyaṃ purato me bhavatu puṇḍrakodaṇḍam

Meaning open with adhikāra · अर्थ अधिकार से

Verse 172

मधुरिमभरितशरासं मकरन्दस्पन्दिमार्गणोदारम् ।
कैरविणीविटचूडं कैवल्यायास्तु किञ्चन महो नः ॥ १७२ ॥

madhurimabharitaśarāsaṃ makarandaspandimārgaṇodāram
kairaviṇīviṭacūḍaṃ kaivalyāyāstu kiñcana maho naḥ

Meaning open with adhikāra · अर्थ अधिकार से

Verse 173

अक्षुद्रमिक्षुचापं परोक्षमवलग्नसीम्नि त्र्यक्षम् ।
क्षपयतु मे क्षेमेतरमुक्षरथप्रेमपक्ष्मलं तेजः ॥ १७३ ॥

akṣudramikṣucāpaṃ parokṣamavalagnasīmni tryakṣam
kṣapayatu me kṣemetaramukṣarathapremapakṣmalaṃ tejaḥ

Meaning open with adhikāra · अर्थ अधिकार से

Verse 174

भृङ्गरुचिसङ्गरकरापाङ्गं शृङ्गारतुङ्गमरुणाङ्गम् ।
मङ्गलमभङ्गुरं मे घटयतु गङ्गाधराङ्गसङ्गि महः ॥ १७४ ॥

bhṛṅgarucisaṅgarakarāpāṅgaṃ śṛṅgāratuṅgamaruṇāṅgam
maṅgalamabhaṅguraṃ me ghaṭayatu gaṅgādharāṅgasaṅgi mahaḥ

Meaning open with adhikāra · अर्थ अधिकार से

Verse 175

प्रपदजितकूर्ममूर्मिलकरुणं भर्मरुचिनिर्मथनदेहम् ।
श्रितवर्म मर्म शम्भोः किञ्चन नर्म मम शर्मनिर्मातु ॥ १७५ ॥

prapadajitakūrmamūrmilakaruṇaṃ bharmarucinirmathanadeham
śritavarma marma śambhoḥ kiñcana narma mama śarmanirmātu

Meaning open with adhikāra · अर्थ अधिकार से

Verse 176

कालकुरलालिकालिमकन्दलविजितालिवि धृतमणिवालि ।
मिलतु हृदि पुलिनजलघनं बहुलित गलगरलकेलि किमपि महः ॥ १७६ ॥

kālakuralālikālimakandalavijitālivi dhṛtamaṇivāli
milatu hṛdi pulinajalaghanaṃ bahulita galagaralakeli kimapi mahaḥ

Meaning open with adhikāra · अर्थ अधिकार से

Verse 177

कुङ्कुमतिलकितफाला कुरुविन्दच्छायपाटलदुकूला ।
करुणापयोधिवेला काचन चित्ते चकास्तु मे लीला ॥ १७७ ॥

kuṅkumatilakitaphālā kuruvindacchāyapāṭaladukūlā
karuṇāpayodhivelā kācana citte cakāstu me līlā

Meaning open with adhikāra · अर्थ अधिकार से

Verse 178

पुष्पन्धयरुचिवेण्यः पुलिनाभोगत्रपाकरश्रेण्यः ।
जीयासुरिक्षुपाण्यः काश्चन कामारिकेलिसाक्षिण्यः ॥ १७८ ॥

puṣpandhayaruciveṇyaḥ pulinābhogatrapākaraśreṇyaḥ
jīyāsurikṣupāṇyaḥ kāścana kāmārikelisākṣiṇyaḥ

Meaning open with adhikāra · अर्थ अधिकार से

Verse 179

तपनीयांशुकभांसि द्राक्षामाधुर्यनास्तिकवचांसि ।
कतिचन शुचं महांसि क्षपयतु कपालितोषितमनांसि ॥ १७९ ॥

tapanīyāṃśukabhāṃsi drākṣāmādhuryanāstikavacāṃsi
katicana śucaṃ mahāṃsi kṣapayatu kapālitoṣitamanāṃsi

Meaning open with adhikāra · अर्थ अधिकार से

Verse 180

असितकचमायताक्षं कुसुमशरं कुलमुद्वहकृपार्द्रम् ।
आदिमरसाधिदैवतमन्तः कलये हराङ्कवासि महः ॥ १८० ॥

asitakacamāyatākṣaṃ kusumaśaraṃ kulamudvahakṛpārdram
ādimarasādhidaivatamantaḥ kalaye harāṅkavāsi mahaḥ

Meaning open with adhikāra · अर्थ अधिकार से

Verse 181

कर्णोपान्ततरङ्गितकटाक्षनिस्पन्दि कण्ठदघ्नकृपाम् ।
कामेश्वराङ्कनिलयां कामपि विद्यां पुरातनीं कलये ॥ १८१ ॥

karṇopāntataraṅgitakaṭākṣanispandi kaṇṭhadaghnakṛpām
kāmeśvarāṅkanilayāṃ kāmapi vidyāṃ purātanīṃ kalaye

Meaning open with adhikāra · अर्थ अधिकार से

Verse 182

अरविन्दकान्त्यरुन्तुदविलोचनद्वन्द्वसुन्दरमुखेन्दुः ।
छन्दः कन्दलमन्दिरमन्तः पुरमैन्दुशेखरं वन्दे ॥ १८२ ॥

aravindakāntyaruntudavilocanadvandvasundaramukhenduḥ
chandaḥ kandalamandiramantaḥ puramainduśekharaṃ vande

Meaning open with adhikāra · अर्थ अधिकार से

Verse 183

बिम्बनिकुरुम्बडम्बरविडम्बकच्छायमम्बरवलग्नम् ।
कम्बुगलमम्बुदकुचं बिम्बोकं कमपि चुम्बतु मनो मे ॥ १८३ ॥

bimbanikurumbaḍambaraviḍambakacchāyamambaravalagnam
kambugalamambudakucaṃ bimbokaṃ kamapi cumbatu mano me

Meaning open with adhikāra · अर्थ अधिकार से

Verse 184

कमपि कमनीयरूपं कलयाम्यन्तः कदम्बकुसुमाढ्यम् ।
चम्पकरुचिरसुवेषैः सम्पादितकान्त्यलंकृतदिगन्तम् ॥ १८४ ॥

kamapi kamanīyarūpaṃ kalayāmyantaḥ kadambakusumāḍhyam
campakarucirasuveṣaiḥ sampāditakāntyalaṃkṛtadigantam

Meaning open with adhikāra · अर्थ अधिकार से

Verse 185

शम्पारुचिभरगर्हा सम्पादक क्रान्ति कवचित दिगन्तम् ।
सिद्धान्तं निगमानां शुद्धान्तं किमपि शूलिनः कलये ॥ १८५ ॥

śampārucibharagarhā sampādaka krānti kavacita digantam
siddhāntaṃ nigamānāṃ śuddhāntaṃ kimapi śūlinaḥ kalaye

Meaning open with adhikāra · अर्थ अधिकार से

Verse 186

उद्यद्दिनकरशोणानुत्पलबन्धुस्तनन्धयापीडान् ।
करकलितपुण्ड्रचापान् कलये कानपि कपर्दिनः प्राणान् ॥ १८६ ॥

udyaddinakaraśoṇānutpalabandhustanandhayāpīḍān
karakalitapuṇḍracāpān kalaye kānapi kapardinaḥ prāṇān

Meaning open with adhikāra · अर्थ अधिकार से

Verse 187

रशनालसज्जघनया रसनाजीवातुचापभासुरया ।
घ्राणायुष्करशरया घ्रातं चित्तं कयापि वासनय ॥ १८७ ॥

raśanālasajjaghanayā rasanājīvātucāpabhāsurayā
ghrāṇāyuṣkaraśarayā ghrātaṃ cittaṃ kayāpi vāsanaya

Meaning open with adhikāra · अर्थ अधिकार से

Verse 188

सरसिजसहयुध्वदृशा शम्पालतिकासनाभिविग्रहया ।
भासा कयापि चेतो नासामणि शोभिवदनया भरितम् ॥ १८८ ॥

sarasijasahayudhvadṛśā śampālatikāsanābhivigrahayā
bhāsā kayāpi ceto nāsāmaṇi śobhivadanayā bharitam

Meaning open with adhikāra · अर्थ अधिकार से

Verse 189

नवयावकाभसिचयान्वितया गजयानया दयापरया ।
धृतयामिनीशकलया धिया कयापि क्षतामया हि वयम् ॥ १८९ ॥

navayāvakābhasicayānvitayā gajayānayā dayāparayā
dhṛtayāminīśakalayā dhiyā kayāpi kṣatāmayā hi vayam

Meaning open with adhikāra · अर्थ अधिकार से

Verse 190

अलमलमकुसुमबाणैः बिम्बशोणैः पुण्ड्रकोदण्डैः ।
अकुमुदबान्धवचूडैरन्यैरिह जगति दैवतं मन्यैः ॥ १९० ॥

alamalamakusumabāṇaiḥ bimbaśoṇaiḥ puṇḍrakodaṇḍaiḥ
akumudabāndhavacūḍairanyairiha jagati daivataṃ manyaiḥ

Meaning open with adhikāra · अर्थ अधिकार से

Verse 191

कुवलयसदृक्षनयनैः कुलगिरिकूटस्थबन्धुकुचभारैः ।
करुणास्पन्दिकटाक्षैः कवचितचित्तोऽस्मि कतिपयैः कुतुकैः ॥ १९१ ॥

kuvalayasadṛkṣanayanaiḥ kulagirikūṭasthabandhukucabhāraiḥ
karuṇāspandikaṭākṣaiḥ kavacitacitto'smi katipayaiḥ kutukaiḥ

Meaning open with adhikāra · अर्थ अधिकार से

Verse 192

नतजनसुलभाय नमो नालीकसनाभिलोचनाय नमः ।
नन्दित गिरिशाय नमो महसे नवनीपपाटलाय नमः ॥ १९२ ॥

natajanasulabhāya namo nālīkasanābhilocanāya namaḥ
nandita giriśāya namo mahase navanīpapāṭalāya namaḥ

Meaning open with adhikāra · अर्थ अधिकार से

Verse 193

कादम्बकुसुमधाम्ने कायच्छायाकणायितार्यम्णे ।
सीम्ने चिरन्तनगिरां भूम्ने कस्मैचिदादधे प्रणतिम् ॥ १९३ ॥

kādambakusumadhāmne kāyacchāyākaṇāyitāryamṇe
sīmne cirantanagirāṃ bhūmne kasmaicidādadhe praṇatim

Meaning open with adhikāra · अर्थ अधिकार से

Verse 194

कुटिलकबरीभरेभ्यः कुङ्कुमसब्रह्मचारिकिरणेभ्यः ।
कूलङ्कषस्तनेभ्यः कुर्मः प्रणतिं कुलाद्रिकुतुकेभ्यः ॥ १९४ ॥

kuṭilakabarībharebhyaḥ kuṅkumasabrahmacārikiraṇebhyaḥ
kūlaṅkaṣastanebhyaḥ kurmaḥ praṇatiṃ kulādrikutukebhyaḥ

Meaning open with adhikāra · अर्थ अधिकार से

Verse 195

कोकणदशोण चरणात् कोमल कुरलालि विजितशैवालात् ।
उत्पलसुगन्धि नयनादुररीकुर्मो न देवतमान्याम् ॥ १९५ ॥

kokaṇadaśoṇa caraṇāt komala kuralāli vijitaśaivālāt
utpalasugandhi nayanādurarīkurmo na devatamānyām

Meaning open with adhikāra · अर्थ अधिकार से

Verse 196

आपाटलाधराणामानीलस्निग्धबर्बरकचानाम् ।
आम्नाय जीवनानामाकूतानां हरस्य दासोऽस्मि ॥ १९६ ॥

āpāṭalādharāṇāmānīlasnigdhabarbarakacānām
āmnāya jīvanānāmākūtānāṃ harasya dāso'smi

Meaning open with adhikāra · अर्थ अधिकार से

Verse 197

पुङ्खितविलासहासस्फुरितासु पुराहिताङ्कनिलयासु ।
मग्नं मनोमदीयं कास्वपि कामारि जीवनाडीषु ॥ १९७ ॥

puṅkhitavilāsahāsasphuritāsu purāhitāṅkanilayāsu
magnaṃ manomadīyaṃ kāsvapi kāmāri jīvanāḍīṣu

Meaning open with adhikāra · अर्थ अधिकार से

Verse 198

ललिता पातु शिरो मे ललाटाम्बा च मधुमतीरूपा ।
भ्रूयुग्मं च भवानी पुष्पशरा पातु लोचनद्वन्द्वम् ॥ १९८ ॥

lalitā pātu śiro me lalāṭāmbā ca madhumatīrūpā
bhrūyugmaṃ ca bhavānī puṣpaśarā pātu locanadvandvam

Meaning open with adhikāra · अर्थ अधिकार से

Verse 199

पायान्नासां बाला सुभगा दन्तांश्च सुन्दरी जिह्वाम् ।
अधरोष्टमादिशक्तिश्चक्रेशी पातु मे चिरं चिबुकम् ॥ १९९ ॥

pāyānnāsāṃ bālā subhagā dantāṃśca sundarī jihvām
adharoṣṭamādiśaktiścakreśī pātu me ciraṃ cibukam

Meaning open with adhikāra · अर्थ अधिकार से

Verse 200

कामेश्वरी च कर्णौ कामाक्षी पातु गण्डयोर्युगलम् ।
शृङ्गारनायिकाव्याद्वदनं सिंहासनेश्वरी च गलम् ॥ २०० ॥

kāmeśvarī ca karṇau kāmākṣī pātu gaṇḍayoryugalam
śṛṅgāranāyikāvyādvadanaṃ siṃhāsaneśvarī ca galam

Meaning open with adhikāra · अर्थ अधिकार से

Verse 201

स्कन्दप्रसूश्च पातु स्कन्धौ बाहू च पाटलाङ्गी मे ।
पाणी च पद्मनिलया पायादनिशं नखावलीर्विजया ॥ २०१ ॥

skandaprasūśca pātu skandhau bāhū ca pāṭalāṅgī me
pāṇī ca padmanilayā pāyādaniśaṃ nakhāvalīrvijayā

Meaning open with adhikāra · अर्थ अधिकार से

Verse 202

कोदण्डिनी च वक्षः कुक्षिं चाव्यात् कुलाचलतनूजा ।
कल्याणी च वलग्नं कटिं च पायात्कलाधरशिखण्डा ॥ २०२ ॥

kodaṇḍinī ca vakṣaḥ kukṣiṃ cāvyāt kulācalatanūjā
kalyāṇī ca valagnaṃ kaṭiṃ ca pāyātkalādharaśikhaṇḍā

Meaning open with adhikāra · अर्थ अधिकार से

Verse 203

ऊरुद्वयं च पायादुमा मृडानी च जानुनी रक्षेत् ।
जङ्घे च षोडशी मे पायात् पादौ च पाशसृणि हस्ता ॥ २०३ ॥

ūrudvayaṃ ca pāyādumā mṛḍānī ca jānunī rakṣet
jaṅghe ca ṣoḍaśī me pāyāt pādau ca pāśasṛṇi hastā

Meaning open with adhikāra · अर्थ अधिकार से

Verse 204

प्रातः पातु परा मां मध्याह्ने पातु मणिगृहाधीशा ।
शर्वाण्यवतु च सायं पायाद्रात्रौ च भैरवी साक्षात् ॥ २०४ ॥

prātaḥ pātu parā māṃ madhyāhne pātu maṇigṛhādhīśā
śarvāṇyavatu ca sāyaṃ pāyādrātrau ca bhairavī sākṣāt

Meaning open with adhikāra · अर्थ अधिकार से

Verse 205

भार्या रक्षतु गौरी पायात् पुत्रांश्च बिन्दुगृहपीठा ।
श्रीविद्या च यशो मे शीलं चाव्याश्चिरं महाराज्ञी ॥ २०५ ॥

bhāryā rakṣatu gaurī pāyāt putrāṃśca bindugṛhapīṭhā
śrīvidyā ca yaśo me śīlaṃ cāvyāściraṃ mahārājñī

Meaning open with adhikāra · अर्थ अधिकार से

Verse 206

पवनमयि पावकमयि क्षोणीमयि गगनमयि कृपीटमयि ।
रविमयि शशिमयि दिङ्मयि समयमयि प्राणमयि शिवे पाहि ॥ २०६ ॥

pavanamayi pāvakamayi kṣoṇīmayi gaganamayi kṛpīṭamayi
ravimayi śaśimayi diṅmayi samayamayi prāṇamayi śive pāhi

Meaning open with adhikāra · अर्थ अधिकार से

Verse 207

कालि कपालिनि शूलिनि भैरवि मातङ्गि पञ्चमि त्रिपुरे ।
वाग्देवि विन्ध्यवासिनि बाले भुवनेशि पालय चिरं माम् ॥ २०७ ॥

kāli kapālini śūlini bhairavi mātaṅgi pañcami tripure
vāgdevi vindhyavāsini bāle bhuvaneśi pālaya ciraṃ mām

Meaning open with adhikāra · अर्थ अधिकार से

Verse 208

अभिनवसिन्दूराभामम्ब त्वां चिन्तयन्ति ये हृदये ।
उपरि निपतन्ति तेषामुत्पलनयनाकटाक्षकल्लोलाः ॥ २०८ ॥

abhinavasindūrābhāmamba tvāṃ cintayanti ye hṛdaye
upari nipatanti teṣāmutpalanayanākaṭākṣakallolāḥ

Meaning open with adhikāra · अर्थ अधिकार से

Verse 209

वर्गाष्टकमिलिताभिर्वशिनीमुख्याभिरावृतां भवतीम् ।
चिन्तयतां सितवर्णां वाचो निर्यान्त्ययत्नतो वदनात् ॥ २०९ ॥

vargāṣṭakamilitābhirvaśinīmukhyābhirāvṛtāṃ bhavatīm
cintayatāṃ sitavarṇāṃ vāco niryāntyayatnato vadanāt

Meaning open with adhikāra · अर्थ अधिकार से

Verse 210

कनकशलाकागौरीं कर्णव्यालोलकुण्डलद्वितयाम् ।
प्रहसितमुखीं च भवतीं ध्यायन्तो ये त एव भूधनदाः ॥ २१० ॥

kanakaśalākāgaurīṃ karṇavyālolakuṇḍaladvitayām
prahasitamukhīṃ ca bhavatīṃ dhyāyanto ye ta eva bhūdhanadāḥ

Meaning open with adhikāra · अर्थ अधिकार से

Verse 211

शीर्षाम्भोरुहमध्ये शीतलपीयूषवर्षिणीं भवतीम् ।
अनुदिनमनुचिन्तयतामायुष्यं भवति पुष्कलमवन्याम् ॥ २११ ॥

śīrṣāmbhoruhamadhye śītalapīyūṣavarṣiṇīṃ bhavatīm
anudinamanucintayatāmāyuṣyaṃ bhavati puṣkalamavanyām

शीर्षाम्भोरुहमध्येशीतलपीयूषवर्षिणींभवतीम्अनुदिनमनुचिन्तयतामायुष्यंभवतिपुष्कलमवन्याम्
हिन्दी अर्थ

जो प्रतिदिन सिर के शिखर पर स्थित कमल के बीच शीतल अमृत बरसाती आपका चिन्तन करते हैं, उन्हें पृथ्वी पर पूरी आयु मिलती है।

English sense

For those who daily think of you in the lotus at the crown of the head, pouring cool nectar, a full length of life comes on earth.

पदार्थ · word by word
शीर्षाम्भोरुहमध्ये
in the middle of the lotus at the crown of the headसिर के शिखर के कमल के बीच
शीतलपीयूषवर्षिणीं
pouring cool nectarशीतल अमृत बरसाती
भवतीम्
youआपको
अनुदिनमनुचिन्तयतामायुष्यं
of those who think daily, long lifeप्रतिदिन चिन्तन करने वालों की आयु
भवति
comesहोती है
पुष्कलमवन्याम्
full, on earthपूरी, पृथ्वी पर

Verse 212

मधुरस्मितां मदारुणनयनां मातङ्गकुम्भवक्षोजाम् ।
चन्द्रवतंसिनीं त्वां सविधे पश्यन्ति सुकृतिनः केचित् ॥ २१२ ॥

madhurasmitāṃ madāruṇanayanāṃ mātaṅgakumbhavakṣojām
candravataṃsinīṃ tvāṃ savidhe paśyanti sukṛtinaḥ kecit

मधुरस्मितांमदारुणनयनांमातङ्गकुम्भवक्षोजाम्चन्द्रवतंसिनींत्वांसविधेपश्यन्तिसुकृतिनःकेचित्
हिन्दी अर्थ

कुछ पुण्यवान लोग आपको अपने पास देखते हैं, मधुर मुस्कान वाली, मद से लाल नेत्रों वाली, हाथी के गण्डस्थल जैसे स्तनों वाली और चन्द्रमा को आभूषण बनाए।

English sense

Some virtuous people see you near them, sweetly smiling, your eyes red with passion, your breasts like the temples of an elephant, the moon as your ornament.

पदार्थ · word by word
मधुरस्मितां
sweetly smilingमधुर मुस्कान वाली
मदारुणनयनां
with eyes red with passionमद से लाल नेत्रों वाली
मातङ्गकुम्भवक्षोजाम्
with breasts like an elephant's templesहाथी के गण्डस्थल-से स्तनों वाली
चन्द्रवतंसिनीं
wearing the moon as ornamentचन्द्रमा को आभूषण बनाए
त्वां
youआपको
सविधे
nearपास
पश्यन्ति
they seeदेखते हैं
सुकृतिनः
the virtuousपुण्यवान
केचित्
someकुछ

Verse 213

ललितायाः स्तवरत्नं ललितपदाभिः प्रणीतमार्याभिः ।
प्रतिदिनमवनौ पठतां फलानि वक्तुं प्रगल्भते सैव ॥ २१३ ॥

lalitāyāḥ stavaratnaṃ lalitapadābhiḥ praṇītamāryābhiḥ
pratidinamavanau paṭhatāṃ phalāni vaktuṃ pragalbhate saiva

ललितायाःस्तवरत्नंललितपदाभिःप्रणीतमार्याभिःप्रतिदिनमवनौपठतांफलानिवक्तुंप्रगल्भतेसैव
हिन्दी अर्थ

ललिता का यह स्तवरत्न मनोहर पदों में आर्या छन्दों में रचा गया है। पृथ्वी पर जो इसे प्रतिदिन पढ़ते हैं, उनके फल केवल वही कह सकती है।

English sense

This jewel of hymns to Lalitā is composed in graceful words, in āryā verses. Only she can tell the fruits of those who read it daily on earth.

पदार्थ · word by word
ललितायाः
of Lalitāललिता का
स्तवरत्नं
the jewel of hymnsस्तवरत्न
ललितपदाभिः
with graceful wordsमनोहर पदों से
प्रणीतमार्याभिः
composed in āryā versesआर्या छन्दों में रचा गया
प्रतिदिनमवनौ
daily, on earthप्रतिदिन, पृथ्वी पर
पठतां
of those who readपढ़ने वालों के
फलानि
the fruitsफल
वक्तुं
to tellकहने में
प्रगल्भते
is ableसमर्थ है
सैव
she aloneवही

Verse 214

सदसदनुग्रहनिग्रहगृहीतमुनिविग्रहो भगवान् ।
सर्वासामुपनिषदां दुर्वासा जयति देशिकः प्रथमः ॥ २१४ ॥

sadasadanugrahanigrahagṛhītamunivigraho bhagavān
sarvāsāmupaniṣadāṃ durvāsā jayati deśikaḥ prathamaḥ

सदसदनुग्रहनिग्रहगृहीतमुनिविग्रहोभगवान्सर्वासामुपनिषदांदुर्वासाजयतिदेशिकःप्रथमः
हिन्दी अर्थ

दुर्वासा, सब उपनिषदों के प्रथम आचार्य, भगवान, जयवन्त हैं। उन्होंने सज्जनों और दुर्जनों पर अनुग्रह या निग्रह के लिए मुनि का रूप धारण किया।

English sense

Durvāsas, the first teacher of all the Upaniṣads, the blessed one, is victorious. He took the form of a sage to grant favour or give punishment to the good and the bad.

पदार्थ · word by word
सदसदनुग्रहनिग्रहगृहीतमुनिविग्रहो
who took a sage's form for favour or punishment to the good and the badजिसने सज्जनों और दुर्जनों पर अनुग्रह या निग्रह के लिए मुनि का रूप धारा
भगवान्
the blessed oneभगवान
सर्वासामुपनिषदां
of all the Upaniṣadsसब उपनिषदों के
दुर्वासा
Durvāsasदुर्वासा
जयति
is victoriousजयवन्त है
देशिकः
the teacherआचार्य
प्रथमः
firstप्रथम
इति महर्षिदुर्वासः प्रणीतं ललितास्तवरत्नं सम्पूर्णम् ।

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras