Kamalā · Mahāvidyā hymn of three hundred verses

कमलात्रिशती

Kamala Trishati — Three hundred verses to Kamalā, the lotus-born Lakṣmī

A long hymn to Kamalā, the lotus form of Lakshmi and the tenth of the Mahavidyas. Its two-line verses keep returning to a few pictures: her glance, which cools, cleans and gives; her place on Viṣṇu's chest and in the heart of the devotee; the many forms she takes beside him, from Sītā to the goddess of every holy place; and the poet's own small voice before her. It ends with a verse of offering, numbered 301, after the three hundred that give it its name.

Verse 1

परमाभरणं विष्णोर्वक्षसि सा सागरेन्द्रवरपुत्री ।
या मूर्तिर्मती काले क्षमा जनानां कृतापराधानाम् ॥ १ ॥

paramābharaṇaṃ viṣṇorvakṣasi sā sāgarendravaraputrī
yā mūrtirmatī kāle kṣamā janānāṃ kṛtāparādhānām

परमाभरणंविष्णोर्वक्षसिसासागरेन्द्रवरपुत्रीयामूर्तिर्मतीकालेक्षमाजनानांकृतापराधानाम्
हिन्दी अर्थ

वे विष्णु के वक्ष पर परम आभूषण हैं, सागरराज की श्रेष्ठ पुत्री। वे ही समय आने पर अपराध करने वाले लोगों के लिए क्षमा का रूप लेती हैं।

English sense

She is the supreme ornament on Viṣṇu's chest, the best daughter of the lord of the sea. She is the one who takes form, in time, as forgiveness for people who have done wrong.

पदार्थ · word by word
परमाभरणं
supreme ornamentपरम आभूषण
विष्णोर्वक्षसि
on Viṣṇu's chestविष्णु के वक्ष पर
सा
sheवे
सागरेन्द्रवरपुत्री
best daughter of the lord of the seaसागरराज की श्रेष्ठ पुत्री
या
whoजो
मूर्तिर्मती
embodiedरूप धारण करने वाली
काले
in timeसमय आने पर
क्षमा
forgivenessक्षमा
जनानां
for peopleलोगों के लिए
कृतापराधानाम्
who have done wrongजिन्होंने अपराध किया

Verse 2

सा नः श्रेयो दद्यात् कमला कमलासनादिजननीं याम् ।
संप्राप्य सहचरीं हरिरवति जगन्त्यनाकुलं सततम् ॥ २ ॥

sā naḥ śreyo dadyāt kamalā kamalāsanādijananīṃ yām
saṃprāpya sahacarīṃ hariravati jagantyanākulaṃ satatam

सानःश्रेयोदद्यात्कमलाकमलासनादिजननींयाम्संप्राप्यसहचरींहरिरवतिजगन्त्यनाकुलंसततम्
हिन्दी अर्थ

वे कमला हमें कल्याण दें, जो ब्रह्मा आदि देवों की माता हैं। उन्हें साथिनी पाकर हरि बिना किसी चिन्ता के सदा लोकों की रक्षा करते हैं।

English sense

May that Kamalā give us what is good, she who is the mother of Brahmā and the other gods. Having won her as his companion, Hari guards the worlds without trouble, always.

पदार्थ · word by word
सा
sheवे
नः
to usहमें
श्रेयो
goodकल्याण
दद्यात्
may she giveदें
कमला
Kamalāकमला
कमलासनादिजननीं
mother of Brahmā and the othersब्रह्मा आदि की माता
याम्
whomजिन्हें
संप्राप्य
having wonपाकर
सहचरीं
companionसाथिनी
हरिरवति
Hari guardsहरि रक्षा करते हैं
जगन्त्यनाकुलं
the worlds, without troubleबिना चिन्ता के लोकों की
सततम्
alwaysसदा

Verse 3

नित्यश्रेयोदाने ख्याता या हरिगृहस्य सर्वस्वम् ।
श्रुतिमौलिस्तुतविभवा सा भातु पुरः सदास्माकम् ॥ ३ ॥

nityaśreyodāne khyātā yā harigṛhasya sarvasvam
śrutimaulistutavibhavā sā bhātu puraḥ sadāsmākam

नित्यश्रेयोदानेख्यातायाहरिगृहस्यसर्वस्वम्श्रुतिमौलिस्तुतविभवासाभातुपुरःसदास्माकम्
हिन्दी अर्थ

वे सदा कल्याण देने के लिए प्रसिद्ध हैं, हरि के घर की सारी सम्पदा हैं। वेदों के शिखर उनकी महिमा गाते हैं। वे सदा हमारे सामने प्रकाशित रहें।

English sense

She is famed for always giving good, the whole wealth of Hari's house. Her greatness is praised by the crown of the Vedas. May she shine before us always.

पदार्थ · word by word
नित्यश्रेयोदाने
in always giving goodसदा कल्याण देने में
ख्याता
famedप्रसिद्ध
या
whoजो
हरिगृहस्य
of Hari's houseहरि के घर की
सर्वस्वम्
the whole wealthसारी सम्पदा
श्रुतिमौलिस्तुतविभवा
her greatness praised by the crown of the Vedasवेदों के शिखर ने जिनकी महिमा गाई
सा
sheवे
भातु
may shineप्रकाशित हों
पुरः
beforeसामने
सदास्माकम्
always for usसदा हमारे लिए

Verse 4

विष्णुक्रीडालोला विख्याता दीनरक्षणे लक्ष्मीः ।
जननी नः स्फुरतु सदा तेन वयं किल कृतार्थाः स्मः ॥ ४ ॥

viṣṇukrīḍālolā vikhyātā dīnarakṣaṇe lakṣmīḥ
jananī naḥ sphuratu sadā tena vayaṃ kila kṛtārthāḥ smaḥ

विष्णुक्रीडालोलाविख्यातादीनरक्षणेलक्ष्मीःजननीनःस्फुरतुसदातेनवयंकिलकृतार्थाःस्मः
हिन्दी अर्थ

लक्ष्मी विष्णु के साथ क्रीड़ा में मग्न रहती हैं और दीनों की रक्षा के लिए प्रसिद्ध हैं। हमारी वे माता सदा प्रकाशित रहें। उन्हीं से हम सचमुच कृतार्थ हैं।

English sense

Lakṣmī loves to play with Viṣṇu and is famed for guarding the poor. May she, our mother, shine always. Through her we are truly fulfilled.

पदार्थ · word by word
विष्णुक्रीडालोला
fond of playing with Viṣṇuविष्णु के साथ क्रीड़ा में मग्न
विख्याता
famedप्रसिद्ध
दीनरक्षणे
in guarding the poorदीनों की रक्षा में
लक्ष्मीः
Lakṣmīलक्ष्मी
जननी
motherमाता
नः
ourहमारी
स्फुरतु
may she shineप्रकाशित रहें
सदा
alwaysसदा
तेन
through herउनसे
वयं
weहम
किल
trulyसचमुच
कृतार्थाः
fulfilledकृतार्थ
स्मः
areहैं

Verse 5

निर्वाणाङ्कुरजननी काले सा सार्वभौमपददोग्ध्री ।
निरसतिमोहसमूहा मम दैवतमादृतं गुरुभिः ॥ ५ ॥

nirvāṇāṅkurajananī kāle sā sārvabhaumapadadogdhrī
nirasatimohasamūhā mama daivatamādṛtaṃ gurubhiḥ

Meaning open with adhikāra · अर्थ अधिकार से

Verse 6

विष्णोर्वक्षसि लसिता शीतमयूखस्य सोदरी कमला ।
कमलायतनयना नः पातु सदा पापराशिभ्यः ॥ ६ ॥

viṣṇorvakṣasi lasitā śītamayūkhasya sodarī kamalā
kamalāyatanayanā naḥ pātu sadā pāparāśibhyaḥ

Meaning open with adhikāra · अर्थ अधिकार से

Verse 7

कविपरिषदा च वेदैः नित्यं स्तुतनिजमहोदया कमला ।
मनसि मम संनिधत्तां त्वमितानन्दाय लोकनाथेन ॥ ७ ॥

kavipariṣadā ca vedaiḥ nityaṃ stutanijamahodayā kamalā
manasi mama saṃnidhattāṃ tvamitānandāya lokanāthena

Meaning open with adhikāra · अर्थ अधिकार से

Verse 8

दुग्धोदधितनया सा दुरितनिहन्त्री कृतप्रणामानाम् ।
आनन्दपदविधात्री पत्या साकं पदे पदे लोके ॥ ८ ॥

dugdhodadhitanayā sā duritanihantrī kṛtapraṇāmānām
ānandapadavidhātrī patyā sākaṃ pade pade loke

Meaning open with adhikāra · अर्थ अधिकार से

Verse 9

मन्मथजननी सा मामवतु सरोजाक्षगेहिनी कमला ।
यामाराध्य बुधेन्द्रा विशन्ति परमं तु तत् पदं विष्णोः ॥ ९ ॥

manmathajananī sā māmavatu sarojākṣagehinī kamalā
yāmārādhya budhendrā viśanti paramaṃ tu tat padaṃ viṣṇoḥ

Meaning open with adhikāra · अर्थ अधिकार से

सरोजाक्ष uncertain

Verse 10

सत्सूक्तिकृतिविधात्री नमतामम्बा त्रिलोक्यास्तु ।
नित्यप्रसादभूम्ना रक्षति मामादरात् कमला ॥ १० ॥

satsūktikṛtividhātrī namatāmambā trilokyāstu
nityaprasādabhūmnā rakṣati māmādarāt kamalā

Meaning open with adhikāra · अर्थ अधिकार से

Verse 11

मम सूक्तिरञ्जलिपुटः प्रणतिश्चानेकसंख्याका ।
कुतुकात् क्षीरोदसुताममितानन्दाय गाहते कमलाम् ॥ ११ ॥

mama sūktirañjalipuṭaḥ praṇatiścānekasaṃkhyākā
kutukāt kṣīrodasutāmamitānandāya gāhate kamalām

Meaning open with adhikāra · अर्थ अधिकार से

Verse 12

या पारमार्थ्यसरणिः सा कमला निश्चिता वेदैः ।
सैषा हि जगन्माता संसृतितापापहन्त्री च ॥ १२ ॥

yā pāramārthyasaraṇiḥ sā kamalā niścitā vedaiḥ
saiṣā hi jaganmātā saṃsṛtitāpāpahantrī ca

Meaning open with adhikāra · अर्थ अधिकार से

Verse 13

मन्दस्मितमधुराननममन्दसंतोषदायि भजतां तत् ।
कमलारूपं तेजो विभातु नित्यं मदीयहृत्कमले ॥ १३ ॥

mandasmitamadhurānanamamandasaṃtoṣadāyi bhajatāṃ tat
kamalārūpaṃ tejo vibhātu nityaṃ madīyahṛtkamale

Meaning open with adhikāra · अर्थ अधिकार से

Verse 14

काले क्षपयति कमला कटाक्षधाट्या हि मामकं दुरितम् ।
अत एवाश्रितरक्षणदीक्षेत्येवं जनो वदति ॥ १४ ॥

kāle kṣapayati kamalā kaṭākṣadhāṭyā hi māmakaṃ duritam
ata evāśritarakṣaṇadīkṣetyevaṃ jano vadati

Meaning open with adhikāra · अर्थ अधिकार से

Verse 15

नवनवहर्म्यविधात्री नाकिकिरीटार्चिता च सा देवी ।
ज्योतिर्मण्डललसिता मुनिहृदयाब्जासना च सद्गतिदा ॥ १५ ॥

navanavaharmyavidhātrī nākikirīṭārcitā ca sā devī
jyotirmaṇḍalalasitā munihṛdayābjāsanā ca sadgatidā

Meaning open with adhikāra · अर्थ अधिकार से

Verse 16

संवीक्ष्य जलधितनयां भूयो भूयः प्रणम्य भक्तगणः ।
निरसितदुरितौघः सन् स्तौति मुदा मोक्षसिद्धये कमलाम् ॥ १६ ॥

saṃvīkṣya jaladhitanayāṃ bhūyo bhūyaḥ praṇamya bhaktagaṇaḥ
nirasitaduritaughaḥ san stauti mudā mokṣasiddhaye kamalām

Meaning open with adhikāra · अर्थ अधिकार से

Verse 17

राकानिशीव देव्यां दृष्टायां भक्तगणवाणी ।
भजते जलनिधिशैलीं साङ्गोपाङ्गं कृतानन्दा ॥ १७ ॥

rākāniśīva devyāṃ dṛṣṭāyāṃ bhaktagaṇavāṇī
bhajate jalanidhiśailīṃ sāṅgopāṅgaṃ kṛtānandā

Meaning open with adhikāra · अर्थ अधिकार से

Verse 18

दुर्गतिभीत्या खिन्नः सोऽहं शरणं भजामि तां कमलाम् ।
शरणार्थिनां हि रक्षाकृदिति ख्याता हि या लोके ॥ १८ ॥

durgatibhītyā khinnaḥ so'haṃ śaraṇaṃ bhajāmi tāṃ kamalām
śaraṇārthināṃ hi rakṣākṛditi khyātā hi yā loke

Meaning open with adhikāra · अर्थ अधिकार से

Verse 19

न हि कलयते हृदन्ते मन्दारं कामधेनुं वा ।
यः सेवते मुकुन्दप्रियां श्रियं नित्यभावेन ॥ १९ ॥

na hi kalayate hṛdante mandāraṃ kāmadhenuṃ vā
yaḥ sevate mukundapriyāṃ śriyaṃ nityabhāvena

Meaning open with adhikāra · अर्थ अधिकार से

Verse 20

कैटभमर्दनमहिषीं ममाञ्जलिर्गाहतां काले ।
न हि नाथनीयमत्र क्षमातले सा प्रसन्नास्तु ॥ २० ॥

kaiṭabhamardanamahiṣīṃ mamāñjalirgāhatāṃ kāle
na hi nāthanīyamatra kṣamātale sā prasannāstu

Meaning open with adhikāra · अर्थ अधिकार से

Verse 21

संतापपीडितं मामवतु सदा श्रीर्हरिप्रिया माता ।
रक्षितवायसमुख्या कृपानिधिः पुण्यकृद्दृश्या ॥ २१ ॥

saṃtāpapīḍitaṃ māmavatu sadā śrīrharipriyā mātā
rakṣitavāyasamukhyā kṛpānidhiḥ puṇyakṛddṛśyā

Meaning open with adhikāra · अर्थ अधिकार से

Verse 22

न हि केवलं प्रणामैः स्तुत्या भक्त्या समाराध्या ।
सत्येन धर्मनिवहैर्भावेन च कमलगेहिनी कमला ॥ २२ ॥

na hi kevalaṃ praṇāmaiḥ stutyā bhaktyā samārādhyā
satyena dharmanivahairbhāvena ca kamalagehinī kamalā

Meaning open with adhikāra · अर्थ अधिकार से

Verse 23

कदाचित्कविलोकेऽप्यक्षीणानन्ददायिनी कमला ।
रक्षतु कटाक्षकलिकाङ्कूरैर्भक्तानिहादरतः ॥ २३ ॥

kadācitkaviloke'pyakṣīṇānandadāyinī kamalā
rakṣatu kaṭākṣakalikāṅkūrairbhaktānihādarataḥ

Meaning open with adhikāra · अर्थ अधिकार से

Verse 24

कलिपापग्लपितानां मुरमर्दनदिव्यगेहिनी लक्ष्मीः ।
राजति शरणं परमं वशीकृतेशा च विबुधगणसेव्या ॥ २४ ॥

kalipāpaglapitānāṃ muramardanadivyagehinī lakṣmīḥ
rājati śaraṇaṃ paramaṃ vaśīkṛteśā ca vibudhagaṇasevyā

Meaning open with adhikāra · अर्थ अधिकार से

Verse 25

नित्योल्लसदुरुमाला वक्षसि कमला हरेर्भाति ।
निजतनुभासा द्योतितकौस्तुभमणिरम्बुधेस्तनया ॥ २५ ॥

nityollasadurumālā vakṣasi kamalā harerbhāti
nijatanubhāsā dyotitakaustubhamaṇirambudhestanayā

Meaning open with adhikāra · अर्थ अधिकार से

Verse 26

मातर्मङ्गलदायिन्यमरेन्द्रवधूसमर्चिताङ्घ्रियुगे ।
मां पाह्यपायनिवहात् संततमकलक्षमामूर्ते ॥ २६ ॥

mātarmaṅgaladāyinyamarendravadhūsamarcitāṅghriyuge
māṃ pāhyapāyanivahāt saṃtatamakalakṣamāmūrte

Meaning open with adhikāra · अर्थ अधिकार से

Verse 27

यदि कलिता चोपेक्षा नश्येत् किल तावकी महती ।
कीर्तिरतोऽम्ब कटाक्षैः परिषिञ्च मुदा मुहुः शीतैः ॥ २७ ॥

yadi kalitā copekṣā naśyet kila tāvakī mahatī
kīrtirato'mba kaṭākṣaiḥ pariṣiñca mudā muhuḥ śītaiḥ

Meaning open with adhikāra · अर्थ अधिकार से

Verse 28

धनधान्यसुतादिरुचिग्रस्तं मां पाहि कमले त्वम् ।
तेनोर्जितकीर्तिः स्या मातस्त्वं सर्वरक्षिणी ख्याता ॥ २८ ॥

dhanadhānyasutādirucigrastaṃ māṃ pāhi kamale tvam
tenorjitakīrtiḥ syā mātastvaṃ sarvarakṣiṇī khyātā

Meaning open with adhikāra · अर्थ अधिकार से

Verse 29

तव पादाम्बुजयुगलध्यानं मातर्मदीयमघमाशु ।
कबलीकरोति काले तेनाहं सिद्धसंकल्पः ॥ २९ ॥

tava pādāmbujayugaladhyānaṃ mātarmadīyamaghamāśu
kabalīkaroti kāle tenāhaṃ siddhasaṃkalpaḥ

Meaning open with adhikāra · अर्थ अधिकार से

Verse 30

अञ्जलिकलिका हि कृता यदि तस्यै मुरनिहन्तृदयितायै ।
रसनाग्रे खेलनभाक् तस्य तु पुंसो गिरां देवी ॥ ३० ॥

añjalikalikā hi kṛtā yadi tasyai muranihantṛdayitāyai
rasanāgre khelanabhāk tasya tu puṃso girāṃ devī

Meaning open with adhikāra · अर्थ अधिकार से

Verse 31

मातस्तव मूर्तिरियं सुधामयी निश्चिता निपुणैः ।
यत् तद्दर्शनभूम्ना निरस्ततापा बुधा भवन्त्यचिरात् ॥ ३१ ॥

mātastava mūrtiriyaṃ sudhāmayī niścitā nipuṇaiḥ
yat taddarśanabhūmnā nirastatāpā budhā bhavantyacirāt

Meaning open with adhikāra · अर्थ अधिकार से

Verse 32

कलितजगत्त्रयरक्षाभराणि मयि देवि संविधेहि मुदा ।
त्वद्वीक्षणानि कमले तेनाहं सिद्धसंकल्पः ॥ ३२ ॥

kalitajagattrayarakṣābharāṇi mayi devi saṃvidhehi mudā
tvadvīkṣaṇāni kamale tenāhaṃ siddhasaṃkalpaḥ

Meaning open with adhikāra · अर्थ अधिकार से

Verse 33

वरदे मुरारिदयिते जयन्ति ते वीक्षणानि यानि दिवि ।
संप्राप्य तानि मघवा विजितारिर्देवसंघवन्द्यश्च ॥ ३३ ॥

varade murāridayite jayanti te vīkṣaṇāni yāni divi
saṃprāpya tāni maghavā vijitārirdevasaṃghavandyaśca

Meaning open with adhikāra · अर्थ अधिकार से

Verse 34

मोहान्धकारभास्करमम्ब कटाक्षं विधेहि मयि कमले ।
येनाप्तज्ञानकलाः स्तुवन्ति विबुधास्त्वदीयसदसि कलम् ॥ ३४ ॥

mohāndhakārabhāskaramamba kaṭākṣaṃ vidhehi mayi kamale
yenāptajñānakalāḥ stuvanti vibudhāstvadīyasadasi kalam

Meaning open with adhikāra · अर्थ अधिकार से

Verse 35

कामक्रोधादिमहासत्त्वनिरासं कृपासारात् ।
कुरु मातर्मम संसृतिभीतिं च निराकुरु त्वमेवारात् ॥ ३५ ॥

kāmakrodhādimahāsattvanirāsaṃ kṛpāsārāt
kuru mātarmama saṃsṛtibhītiṃ ca nirākuru tvamevārāt

Meaning open with adhikāra · अर्थ अधिकार से

Verse 36

मूढानामपि हृद्यां कवितां दातुं यदीयपरिचर्या ।
प्रभवति काले सा हि श्रीरम्बा नः प्रसन्नास्तु ॥ ३६ ॥

mūḍhānāmapi hṛdyāṃ kavitāṃ dātuṃ yadīyaparicaryā
prabhavati kāle sā hi śrīrambā naḥ prasannāstu

Meaning open with adhikāra · अर्थ अधिकार से

Verse 37

दिव्यक्षेत्रेषु बुधा दिनकरमध्ये च वेदमौलौ च ।
यत्स्थानमिति वदन्ति श्रीरेषा भाति संश्रितहरिर्हि ॥ ३७ ॥

divyakṣetreṣu budhā dinakaramadhye ca vedamaulau ca
yatsthānamiti vadanti śrīreṣā bhāti saṃśritaharirhi

Meaning open with adhikāra · अर्थ अधिकार से

Verse 38

निजलीलाक्रान्तहरी रक्षति कमला कटाक्षधाट्या नः ।
शरणार्थिनश्च काले विहगोरगपशुमुखानुर्व्याम् ॥ ३८ ॥

nijalīlākrāntaharī rakṣati kamalā kaṭākṣadhāṭyā naḥ
śaraṇārthinaśca kāle vihagoragapaśumukhānurvyām

Meaning open with adhikāra · अर्थ अधिकार से

Verse 39

समराङ्गणेषु जयदा त्रिदशानां मौलिभिर्मान्या ।
आपदि रक्षणदक्षा सा कमला नः प्रसन्नास्तु ॥ ३९ ॥

samarāṅgaṇeṣu jayadā tridaśānāṃ maulibhirmānyā
āpadi rakṣaṇadakṣā sā kamalā naḥ prasannāstu

Meaning open with adhikāra · अर्थ अधिकार से

Verse 40

नित्यानन्दासनभाड् नवनिधिवन्द्या च सागरेन्द्रसुता ।
विलसति माधववक्षसि पालितलोकत्रया च जननी नः ॥ ४० ॥

nityānandāsanabhāḍ navanidhivandyā ca sāgarendrasutā
vilasati mādhavavakṣasi pālitalokatrayā ca jananī naḥ

Meaning open with adhikāra · अर्थ अधिकार से

Verse 41

मुनिनुतनिजपरिपाटी वाग्धाटी दानलोलुपा भजताम् ।
शिक्षितरिपुजनकोटी विलसति धृतशातकुम्भमयशाटी ॥ ४१ ॥

muninutanijaparipāṭī vāgdhāṭī dānalolupā bhajatām
śikṣitaripujanakoṭī vilasati dhṛtaśātakumbhamayaśāṭī

Meaning open with adhikāra · अर्थ अधिकार से

Verse 42

निखिलागमवेद्यपदा नित्यं सद्भिः समाराध्या ।
संसृतिपाशनिहन्त्री या तस्यै चाञ्जलिः क्रियते ॥ ४२ ॥

nikhilāgamavedyapadā nityaṃ sadbhiḥ samārādhyā
saṃsṛtipāśanihantrī yā tasyai cāñjaliḥ kriyate

Meaning open with adhikāra · अर्थ अधिकार से

Verse 43

भूयांसि नमांसि मया भक्तेन कृतानि कमलजाङ्घ्रियुगे ।
नित्यं लगन्तु तेन हि सर्वा राजन्ति संपदो मान्याः ॥ ४३ ॥

bhūyāṃsi namāṃsi mayā bhaktena kṛtāni kamalajāṅghriyuge
nityaṃ lagantu tena hi sarvā rājanti saṃpado mānyāḥ

Meaning open with adhikāra · अर्थ अधिकार से

Verse 44

नित्यं निर्मलरूपे बरदे वाराशिकन्यके मातः ।
सद्गणरक्षणदीक्षे पाहीति वदन्तमाशु मां पाहि ॥ ४४ ॥

nityaṃ nirmalarūpe barade vārāśikanyake mātaḥ
sadgaṇarakṣaṇadīkṣe pāhīti vadantamāśu māṃ pāhi

Meaning open with adhikāra · अर्थ अधिकार से

Verse 45

भुवनजननि त्वमारात् कृतरक्षणसंततिः क्षमामूर्ते ।
प्रतिवस्तु रमे कलितस्वरूपशक्त्या हि राजसे जगति ॥ ४५ ॥

bhuvanajanani tvamārāt kṛtarakṣaṇasaṃtatiḥ kṣamāmūrte
prativastu rame kalitasvarūpaśaktyā hi rājase jagati

Meaning open with adhikāra · अर्थ अधिकार से

Verse 46

जय जय कलशाब्धिसुते जय जय हरिवल्लभे रमे मातः ।
प्रातरिति विबुधवर्याः पठन्ति नामानि ते हि मे गुरवः ॥ ४६ ॥

jaya jaya kalaśābdhisute jaya jaya harivallabhe rame mātaḥ
prātariti vibudhavaryāḥ paṭhanti nāmāni te hi me guravaḥ

Meaning open with adhikāra · अर्थ अधिकार से

Verse 47

नेत्ररुचिविजितशारदपद्मे पद्मे नमस्तुभ्यम् ।
तेन वयं गतविपदः सा मुक्तिः करगता कलिता ॥ ४७ ॥

netrarucivijitaśāradapadme padme namastubhyam
tena vayaṃ gatavipadaḥ sā muktiḥ karagatā kalitā

Meaning open with adhikāra · अर्थ अधिकार से

Verse 48

सततं बद्धाञ्जलिपुटमुपास्महे तच्छुभप्रदं तेजः ।
यत् कमलोदरनिलयं कमलाक्षप्रीतिवीचिकापूरम् ॥ ४८ ॥

satataṃ baddhāñjalipuṭamupāsmahe tacchubhapradaṃ tejaḥ
yat kamalodaranilayaṃ kamalākṣaprītivīcikāpūram

Meaning open with adhikāra · अर्थ अधिकार से

Verse 49

स्फुरतु मम वचसि कमले त्वदीयवैभवसुधाधारा ।
नित्यं व्यक्तिं प्राप्ता धुतनुतजनखेदजालका महती ॥ ४९ ॥

sphuratu mama vacasi kamale tvadīyavaibhavasudhādhārā
nityaṃ vyaktiṃ prāptā dhutanutajanakhedajālakā mahatī

Meaning open with adhikāra · अर्थ अधिकार से

Verse 50

कमले तव नुतिविषये बुद्धिर्जाता हि मे सहसा ।
तेन मम भागधेयं परिणतमित्येव नित्यसंतुष्टः ॥ ५० ॥

kamale tava nutiviṣaye buddhirjātā hi me sahasā
tena mama bhāgadheyaṃ pariṇatamityeva nityasaṃtuṣṭaḥ

Meaning open with adhikāra · अर्थ अधिकार से

Verse 51

कवितारसपरिमलितं करोति वदनं नतानां या ।
स्तोतुं तां मे ह्यारात् सा देवी सुप्रसन्नास्तु ॥ ५१ ॥

kavitārasaparimalitaṃ karoti vadanaṃ natānāṃ yā
stotuṃ tāṃ me hyārāt sā devī suprasannāstu

Meaning open with adhikāra · अर्थ अधिकार से

Verse 52

हरिगृहिणि तावकं नुतरूपं ये भुवि निजे हृदम्भोजे ।
ध्यायन्ति तेषु विबुधा अपि कल्पककुसुममर्पयन्ति मुदा ॥ ५२ ॥

harigṛhiṇi tāvakaṃ nutarūpaṃ ye bhuvi nije hṛdambhoje
dhyāyanti teṣu vibudhā api kalpakakusumamarpayanti mudā

Meaning open with adhikāra · अर्थ अधिकार से

Verse 53

नानावरदानकलालोलुपहृदये हृदम्भुजस्थे माम् ।
रक्षापायात् सहसा कुरु भक्तं दोषहीनं च ॥ ५३ ॥

nānāvaradānakalālolupahṛdaye hṛdambhujasthe mām
rakṣāpāyāt sahasā kuru bhaktaṃ doṣahīnaṃ ca

Meaning open with adhikāra · अर्थ अधिकार से

Verse 54

निजघनकेशरुचा जितनीलाम्बुधरे शशाङ्कसहजन्मन् ।
पद्मे त्वदीयरूपं मनोहरं भातु मे हृदये ॥ ५४ ॥

nijaghanakeśarucā jitanīlāmbudhare śaśāṅkasahajanman
padme tvadīyarūpaṃ manoharaṃ bhātu me hṛdaye

Meaning open with adhikāra · अर्थ अधिकार से

Verse 55

घनकुङ्कुमलसिताङ्गं मुक्ताहारादिभूषितं मधुरम् ।
मन्दस्मितमधुरास्यं सूर्येन्दुविलोचनं च बुधमान्यम् ॥ ५५ ॥

ghanakuṅkumalasitāṅgaṃ muktāhārādibhūṣitaṃ madhuram
mandasmitamadhurāsyaṃ sūryenduvilocanaṃ ca budhamānyam

Meaning open with adhikāra · अर्थ अधिकार से

Verse 56

निबिडकुचकुम्भयुगलं निजदृग्जितहरिणशाबकाक्षियुगम् ।
लीलागतिजितकलभं मधुवैरिमनोहरं च सुरमान्यम् ॥ ५६ ॥

nibiḍakucakumbhayugalaṃ nijadṛgjitahariṇaśābakākṣiyugam
līlāgatijitakalabhaṃ madhuvairimanoharaṃ ca suramānyam

Meaning open with adhikāra · अर्थ अधिकार से

Verse 57

दिशि दिशि विस्तृतसंपद्विलासमधुरं च कुन्ददन्तालि ।
मदनजनकं च विष्णोः सर्वस्वं सर्वदानचणम् ॥ ५७ ॥

diśi diśi vistṛtasaṃpadvilāsamadhuraṃ ca kundadantāli
madanajanakaṃ ca viṣṇoḥ sarvasvaṃ sarvadānacaṇam

Meaning open with adhikāra · अर्थ अधिकार से

Verse 58

कुलदैवतमस्माकं संविद्रूपं नतार्तिहररूपम् ।
नानादुर्गतिहरणक्षमममरीसेवितं सकलम् ॥ ५८ ॥

kuladaivatamasmākaṃ saṃvidrūpaṃ natārtihararūpam
nānādurgatiharaṇakṣamamamarīsevitaṃ sakalam

Meaning open with adhikāra · अर्थ अधिकार से

Verse 59

पञ्चदशवर्णमानं पयोजवक्त्रं पितामहसमर्च्यम् ।
जगदवनजागरूकं हरिहरसंमान्यवैभवं किमपि ॥ ५९ ॥

pañcadaśavarṇamānaṃ payojavaktraṃ pitāmahasamarcyam
jagadavanajāgarūkaṃ hariharasaṃmānyavaibhavaṃ kimapi

Meaning open with adhikāra · अर्थ अधिकार से

Verse 60

करुणापूरितनयनं परमानन्दप्रदं च परिशुद्धम् ।
आगमगणसंवेद्यं कोशगृहं सर्वसंपदां नित्यम् ॥ ६० ॥

karuṇāpūritanayanaṃ paramānandapradaṃ ca pariśuddham
āgamagaṇasaṃvedyaṃ kośagṛhaṃ sarvasaṃpadāṃ nityam

Meaning open with adhikāra · अर्थ अधिकार से

Verse 61

मातस्तावकपादाम्बुजयुगलं संततं स्फुरतु ।
तेनाहं तव रूपं द्रक्ष्याम्यानन्दसिद्धये सकलम् ॥ ६१ ॥

mātastāvakapādāmbujayugalaṃ saṃtataṃ sphuratu
tenāhaṃ tava rūpaṃ drakṣyāmyānandasiddhaye sakalam

Meaning open with adhikāra · अर्थ अधिकार से

Verse 62

देव्या कटाक्षिताः किल पुरुषा वा योषितः पशवः ।
मान्यन्ते सुरसंसदि कल्पककुसुमैः कृतार्हणाः काले ॥ ६२ ॥

devyā kaṭākṣitāḥ kila puruṣā vā yoṣitaḥ paśavaḥ
mānyante surasaṃsadi kalpakakusumaiḥ kṛtārhaṇāḥ kāle

Meaning open with adhikāra · अर्थ अधिकार से

Verse 63

सुमनोवाञ्छादाने कृतावधानं धनं विष्णोः ।
धिषणाजाड्यादिहरं यद्वीक्षणमामनन्ति जगति बुधाः ॥ ६३ ॥

sumanovāñchādāne kṛtāvadhānaṃ dhanaṃ viṣṇoḥ
dhiṣaṇājāḍyādiharaṃ yadvīkṣaṇamāmananti jagati budhāḥ

Meaning open with adhikāra · अर्थ अधिकार से

Verse 64

अन्तरपि बहिरुदारं तव रूपं मन्त्रदेवतोपास्यम् ।
जननि स्फुरतु सदा नः संमान्यं श्रेयसे काले ॥ ६४ ॥

antarapi bahirudāraṃ tava rūpaṃ mantradevatopāsyam
janani sphuratu sadā naḥ saṃmānyaṃ śreyase kāle

Meaning open with adhikāra · अर्थ अधिकार से

Verse 65

मुररिपुपुण्यश्रेणीपरिपाकं तावकं रूपम् ।
कमले जननि विशुद्धं दद्याच्छ्रेयो मुहुर्भजताम् ॥ ६५ ॥

muraripupuṇyaśreṇīparipākaṃ tāvakaṃ rūpam
kamale janani viśuddhaṃ dadyācchreyo muhurbhajatām

Meaning open with adhikāra · अर्थ अधिकार से

Verse 66

पुण्यश्रेणी कमला सा जननी भक्तमानसे स्थितिभाक् ।
तेजस्ततिभिर्मोहितभुवना भुवनाधिनाथगृहिणीयम् ॥ ६६ ॥

puṇyaśreṇī kamalā sā jananī bhaktamānase sthitibhāk
tejastatibhirmohitabhuvanā bhuvanādhināthagṛhiṇīyam

Meaning open with adhikāra · अर्थ अधिकार से

Verse 67

जलनिधिकन्यारूपं हरिमान्यं सर्वसंपदां हेतुः ।
चिरकृतसुकृतविशेषान्नयनयुगे भाति सर्वस्य ॥ ६७ ॥

jalanidhikanyārūpaṃ harimānyaṃ sarvasaṃpadāṃ hetuḥ
cirakṛtasukṛtaviśeṣānnayanayuge bhāti sarvasya

Meaning open with adhikāra · अर्थ अधिकार से

Verse 68

जलनिधितपःफलं यन्मुनिजनहृदयाब्जनित्यकृतनृत्तम् ।
करुणालोलापाङ्गं तत् तेजो भातु निःसमं वदने ॥ ६८ ॥

jalanidhitapaḥphalaṃ yanmunijanahṛdayābjanityakṛtanṛttam
karuṇālolāpāṅgaṃ tat tejo bhātu niḥsamaṃ vadane

Meaning open with adhikāra · अर्थ अधिकार से

Verse 69

शमितनतदुरितसंघा हरये निजनेत्रकल्पितानङ्गा ।
कृतसुरशात्रवभङ्गा सा देवी मङ्गलैस्तुङ्गा ॥ ६९ ॥

śamitanataduritasaṃghā haraye nijanetrakalpitānaṅgā
kṛtasuraśātravabhaṅgā sā devī maṅgalaistuṅgā

Meaning open with adhikāra · अर्थ अधिकार से

Verse 70

निखिलागमसिद्धान्तं हरिशुद्धान्तं सदा नौमि ।
तेनैव सर्वसिद्धिः शास्त्रेषु विनिश्चिता विबुधैः ॥ ७० ॥

nikhilāgamasiddhāntaṃ hariśuddhāntaṃ sadā naumi
tenaiva sarvasiddhiḥ śāstreṣu viniścitā vibudhaiḥ

Meaning open with adhikāra · अर्थ अधिकार से

Verse 71

कृष्णकृतविविधलीलं तव रूपं मातरादरान्मान्यम् ।
स्फुरतु विलोचनयुगले नित्यं संपत्समृद्ध्यै नः ॥ ७१ ॥

kṛṣṇakṛtavividhalīlaṃ tava rūpaṃ mātarādarānmānyam
sphuratu vilocanayugale nityaṃ saṃpatsamṛddhyai naḥ

Meaning open with adhikāra · अर्थ अधिकार से

Verse 72

करुणाकटाक्षलहरी कामायास्तु प्रकामकृतरक्षा ।
लक्ष्म्या माधवमान्या सत्सुखदाने दिशि ख्याता ॥ ७२ ॥

karuṇākaṭākṣalaharī kāmāyāstu prakāmakṛtarakṣā
lakṣmyā mādhavamānyā satsukhadāne diśi khyātā

Meaning open with adhikāra · अर्थ अधिकार से

Verse 73

अपवर्गसिद्धये त्वामम्बामम्भोजलोचनां लक्ष्मीम् ।
अवलम्बे हरिदयिते पद्मासनमुखसुरेन्द्रकृतपूजाम् ॥ ७३ ॥

apavargasiddhaye tvāmambāmambhojalocanāṃ lakṣmīm
avalambe haridayite padmāsanamukhasurendrakṛtapūjām

Meaning open with adhikāra · अर्थ अधिकार से

Verse 74

तावककटाक्षलहरीं निधेहि मयि देवि कमले त्वम् ।
तेन मनोरथसिध्हिर्भुवि परमे धामनि प्रचुरा ॥ ७४ ॥

tāvakakaṭākṣalaharīṃ nidhehi mayi devi kamale tvam
tena manorathasidhhirbhuvi parame dhāmani pracurā

Meaning open with adhikāra · अर्थ अधिकार से

Verse 75

त्वामादरेण सततं वीक्षेमहि मातरब्जकृतवासाम् ।
विष्णोर्वक्षोनिलयामक्षयसुखसिद्धये लोके ॥ ७५ ॥

tvāmādareṇa satataṃ vīkṣemahi mātarabjakṛtavāsām
viṣṇorvakṣonilayāmakṣayasukhasiddhaye loke

Meaning open with adhikāra · अर्थ अधिकार से

Verse 76

सा नः सिध्यतु सिद्ध्यै देवानां वाङ्ममनोऽतीता ।
हरिगृहिणी हरिणाक्षी पालितलोकत्रया च जननीयम् ॥ ७६ ॥

sā naḥ sidhyatu siddhyai devānāṃ vāṅmamano'tītā
harigṛhiṇī hariṇākṣī pālitalokatrayā ca jananīyam

Meaning open with adhikāra · अर्थ अधिकार से

Verse 77

सकलचराचरचिन्मयरूपं यस्या हि देवतोपास्यम् ।
सा ददतु मङ्गलं मे नित्योज्ज्वलमादराज्जननी ॥ ७७ ॥

sakalacarācaracinmayarūpaṃ yasyā hi devatopāsyam
sā dadatu maṅgalaṃ me nityojjvalamādarājjananī

Meaning open with adhikāra · अर्थ अधिकार से

Verse 78

शीतमयूखसहोदरि तां त्वामम्बां हि शीलये नित्यम् ।
निरसितवैरिगणोऽहं हरिचरणन्यस्तरक्षश्च ॥ ७८ ॥

śītamayūkhasahodari tāṃ tvāmambāṃ hi śīlaye nityam
nirasitavairigaṇo'haṃ haricaraṇanyastarakṣaśca

Meaning open with adhikāra · अर्थ अधिकार से

Verse 79

दिक्षि विदिक्षु कृतश्रीः सा मे जननी नदीशतनयेयम् ।
हरिणा साकं भजतु प्राकाश्यं हृदि सतां समृद्ध्यै नः ॥ ७९ ॥

dikṣi vidikṣu kṛtaśrīḥ sā me jananī nadīśatanayeyam
hariṇā sākaṃ bhajatu prākāśyaṃ hṛdi satāṃ samṛddhyai naḥ

Meaning open with adhikāra · अर्थ अधिकार से

Verse 80

वारिनिधिवंशसंपद् दिव्या काचिद्धरेर्मान्या ।
अर्चन्ति यां तु मुनयो योगारम्भे तथान्ते च ॥ ८० ॥

vārinidhivaṃśasaṃpad divyā kāciddharermānyā
arcanti yāṃ tu munayo yogārambhe tathānte ca

Meaning open with adhikāra · अर्थ अधिकार से

Verse 81

धृतसुममधुपक्रीडास्थानायितकेशभारायै ।
नम उक्तिरस्तु मात्रे वाग्जितपीयूषधारायै ॥ ८१ ॥

dhṛtasumamadhupakrīḍāsthānāyitakeśabhārāyai
nama uktirastu mātre vāgjitapīyūṣadhārāyai

Meaning open with adhikāra · अर्थ अधिकार से

Verse 82

संदेहे सिद्धान्ते वादे वा समरभूमिभागे वा ।
या राजति बहुरूपा सा देवी विष्णुवल्लभा ख्याता ॥ ८२ ॥

saṃdehe siddhānte vāde vā samarabhūmibhāge vā
yā rājati bahurūpā sā devī viṣṇuvallabhā khyātā

Meaning open with adhikāra · अर्थ अधिकार से

Verse 83

प्रतिफलतु मे सदा तन्मुनिमानसपेटिकारत्नम् ।
विष्णोर्वक्षोभूषणमादृतनिर्गतिजनावनं तेजः ॥ ८३ ॥

pratiphalatu me sadā tanmunimānasapeṭikāratnam
viṣṇorvakṣobhūṣaṇamādṛtanirgatijanāvanaṃ tejaḥ

Meaning open with adhikāra · अर्थ अधिकार से

Verse 84

बालकुरङ्गविलोचनधाटीरक्षितसुरादि मनुजानाम् ।
नयनयुगासेव्यं तद् भातीह धरातले तेजः ॥ ८४ ॥

bālakuraṅgavilocanadhāṭīrakṣitasurādi manujānām
nayanayugāsevyaṃ tad bhātīha dharātale tejaḥ

Meaning open with adhikāra · अर्थ अधिकार से

Verse 85

माधवदृक्साफल्यं भक्तावलिदृश्यकामधेनुकला ।
लक्ष्मीरूपं तेजो विभातु मम मानसे वचसि ॥ ८५ ॥

mādhavadṛksāphalyaṃ bhaktāvalidṛśyakāmadhenukalā
lakṣmīrūpaṃ tejo vibhātu mama mānase vacasi

Meaning open with adhikāra · अर्थ अधिकार से

Verse 86

हरिसरसक्रीडार्थं या विधृतानेकरूपिका माता ।
सा गेहभूषणं नः स्फुरतु सदा नित्यसंपूज्या ॥ ८६ ॥

harisarasakrīḍārthaṃ yā vidhṛtānekarūpikā mātā
sā gehabhūṣaṇaṃ naḥ sphuratu sadā nityasaṃpūjyā

Meaning open with adhikāra · अर्थ अधिकार से

Verse 87

द्वारवतीपुरभागे मैथिलनगरे च यत्कथासारः ।
सा देवी जलधिसुता विहरणभाङ् मामके मनसि ॥ ८७ ॥

dvāravatīpurabhāge maithilanagare ca yatkathāsāraḥ
sā devī jaladhisutā viharaṇabhāṅ māmake manasi

Meaning open with adhikāra · अर्थ अधिकार से

Verse 88

जलनिधितपोमहिम्ने देव्यै परमात्मनः श्रियै सततम् ।
भूयांसि नमांसि पुनः सर्वा नः संपदः सन्तु ॥ ८८ ॥

jalanidhitapomahimne devyai paramātmanaḥ śriyai satatam
bhūyāṃsi namāṃsi punaḥ sarvā naḥ saṃpadaḥ santu

Meaning open with adhikāra · अर्थ अधिकार से

Verse 89

परमौषधं हि संसृतिव्याधेर्यत् कीर्तितं निपुणैः ।
तदहं भजामि सततं लक्ष्मीरूपं सदानन्दम् ॥ ८९ ॥

paramauṣadhaṃ hi saṃsṛtivyādheryat kīrtitaṃ nipuṇaiḥ
tadahaṃ bhajāmi satataṃ lakṣmīrūpaṃ sadānandam

Meaning open with adhikāra · अर्थ अधिकार से

Verse 90

दशरथसुतकोदण्डप्रभावसाक्षात्कृते कृतानन्दा ।
सीतारूपा माते जज्ञे यज्ञक्षितौ हि सा सिद्ध्यै ॥ ९० ॥

daśarathasutakodaṇḍaprabhāvasākṣātkṛte kṛtānandā
sītārūpā māte jajñe yajñakṣitau hi sā siddhyai

Meaning open with adhikāra · अर्थ अधिकार से

Verse 91

मुनिजनमानसनिलये कमले ते चरणपङ्कजं शिरसि ।
अवतंसयन्नुदारं विशामि देवैः सुधर्मां वा ॥ ९१ ॥

munijanamānasanilaye kamale te caraṇapaṅkajaṃ śirasi
avataṃsayannudāraṃ viśāmi devaiḥ sudharmāṃ vā

Meaning open with adhikāra · अर्थ अधिकार से

Verse 92

धनमदमेदुरसेवां त्यक्तवाहं ते पदाम्भोजम् ।
शरणं यामि पुमर्थस्फूर्तिकलायै भृशं दीनः ॥ ९२ ॥

dhanamadamedurasevāṃ tyaktavāhaṃ te padāmbhojam
śaraṇaṃ yāmi pumarthasphūrtikalāyai bhṛśaṃ dīnaḥ

Meaning open with adhikāra · अर्थ अधिकार से

Verse 93

न घटय कुत्सितसेवां दुष्टैर्वा संगमं मातः ।
कुरु मां दासं संसृतिपापं च हर शीघ्रम् ॥ ९३ ॥

na ghaṭaya kutsitasevāṃ duṣṭairvā saṃgamaṃ mātaḥ
kuru māṃ dāsaṃ saṃsṛtipāpaṃ ca hara śīghram

Meaning open with adhikāra · अर्थ अधिकार से

Verse 94

मयि नमति विष्णुकान्ते तवाग्रतस्तापभारार्ते ।
मातः सहसा सुमुखी भव बाले दोषनिलये च ॥ ९४ ॥

mayi namati viṣṇukānte tavāgratastāpabhārārte
mātaḥ sahasā sumukhī bhava bāle doṣanilaye ca

Meaning open with adhikāra · अर्थ अधिकार से

Verse 95

हन्त कदा वा मातस्तव लोचनसेचनं भवेन्मयि भोः ।
ईत्थं प्रातः स्तुवतां त्वमेव रक्षाकरी नियतम् ॥ ९५ ॥

hanta kadā vā mātastava locanasecanaṃ bhavenmayi bhoḥ
ītthaṃ prātaḥ stuvatāṃ tvameva rakṣākarī niyatam

Meaning open with adhikāra · अर्थ अधिकार से

Verse 96

संसाररोगशान्तिप्रदमेतल्लोचनं मातः ।
तावत्कमहमुपासे दिव्यौषधमाशु सागरेन्द्रसुते ॥ ९६ ॥

saṃsārarogaśāntipradametallocanaṃ mātaḥ
tāvatkamahamupāse divyauṣadhamāśu sāgarendrasute

Meaning open with adhikāra · अर्थ अधिकार से

Verse 97

संसृतिरोगार्तानां तव नामस्मरणमत्र धरणितले ।
पूजाप्रदक्षिणादिकमार्या मुख्यौषधं वदन्ति किल ॥ ९७ ॥

saṃsṛtirogārtānāṃ tava nāmasmaraṇamatra dharaṇitale
pūjāpradakṣiṇādikamāryā mukhyauṣadhaṃ vadanti kila

Meaning open with adhikāra · अर्थ अधिकार से

Verse 98

मातर्विना धरण्यां सुकृतानां खण्डमिह जन्तुः ।
ध्यानं वा न हि लभते प्रणतिं वा संपदां जननीम् ॥ ९८ ॥

mātarvinā dharaṇyāṃ sukṛtānāṃ khaṇḍamiha jantuḥ
dhyānaṃ vā na hi labhate praṇatiṃ vā saṃpadāṃ jananīm

Meaning open with adhikāra · अर्थ अधिकार से

Verse 99

गुरुवरकटाक्षविभवाद् देवि त्वाङ्घ्रिप्रणामधुतपापः ।
तव च हरेर्दासः सन् विशामि देवेश मानितां च सभाम् ॥ ९९ ॥

guruvarakaṭākṣavibhavād devi tvāṅghripraṇāmadhutapāpaḥ
tava ca harerdāsaḥ san viśāmi deveśa mānitāṃ ca sabhām

Meaning open with adhikāra · अर्थ अधिकार से

Verse 100

मुरहरनेत्रमहोत्सवतारुण्यश्रीर्निरस्तनतशत्रुः ।
ललितलिकुचाभकुचभरयुगला दृग्विजितहरिणसंदोहा ॥ १०० ॥

muraharanetramahotsavatāruṇyaśrīrnirastanataśatruḥ
lalitalikucābhakucabharayugalā dṛgvijitahariṇasaṃdohā

Meaning open with adhikāra · अर्थ अधिकार से

Verse 101

कारुण्यपूर्णनयना कलिकल्मषहारिणी च सा कमला ।
मुखजितशारदकमला वक्त्राम्भोजे सदा स्फुरतु माता ॥ १०१ ॥

kāruṇyapūrṇanayanā kalikalmaṣahāriṇī ca sā kamalā
mukhajitaśāradakamalā vaktrāmbhoje sadā sphuratu mātā

Meaning open with adhikāra · अर्थ अधिकार से

Verse 102

तावककटाक्षसेचनविभवां निर्धूतदुरितसंघा हि ।
परमं सुखं लभन्ते परे तु लोके च सूरिभिः सार्धम् ॥ १०२ ॥

tāvakakaṭākṣasecanavibhavāṃ nirdhūtaduritasaṃghā hi
paramaṃ sukhaṃ labhante pare tu loke ca sūribhiḥ sārdham

Meaning open with adhikāra · अर्थ अधिकार से

Verse 103

तव पादपद्मविसृमरकान्तिझरीं मनसि कलयंस्तु ।
निरसितनरकादिभयो विराजते नाकिसदसि सुरवन्द्यः ॥ १०३ ॥

tava pādapadmavisṛmarakāntijharīṃ manasi kalayaṃstu
nirasitanarakādibhayo virājate nākisadasi suravandyaḥ

Meaning open with adhikāra · अर्थ अधिकार से

Verse 104

हन्त सहस्रेष्वथ वा शतेषु सुकृती पुमान् मातः ।
तावकपादपयोरुहवरिवस्यां कलयते सकलम् ॥ १०४ ॥

hanta sahasreṣvatha vā śateṣu sukṛtī pumān mātaḥ
tāvakapādapayoruhavarivasyāṃ kalayate sakalam

Meaning open with adhikāra · अर्थ अधिकार से

Verse 105

जननि तरङ्गय नयने मयि दीने ते दयास्निग्धे ।
तेन वयं तु कृतार्था नातः परमस्तिः नः प्रार्थ्यम् ॥ १०५ ॥

janani taraṅgaya nayane mayi dīne te dayāsnigdhe
tena vayaṃ tu kṛtārthā nātaḥ paramastiḥ naḥ prārthyam

Meaning open with adhikāra · अर्थ अधिकार से

Verse 106

तावककृपावशादिह नानायोगादिनाशितभया ये ।
तेषां स्मरणमपि द्राक् श्रियावहं नित्यमाकलये ॥ १०६ ॥

tāvakakṛpāvaśādiha nānāyogādināśitabhayā ye
teṣāṃ smaraṇamapi drāk śriyāvahaṃ nityamākalaye

Meaning open with adhikāra · अर्थ अधिकार से

Verse 107

नैव प्रायश्चित्तं दुरितानां मामकानां हि ।
त्वामेव यामि शरणं तस्माल्लक्ष्मि क्षमाधारे ॥ १०७ ॥

naiva prāyaścittaṃ duritānāṃ māmakānāṃ hi
tvāmeva yāmi śaraṇaṃ tasmāllakṣmi kṣamādhāre

Meaning open with adhikāra · अर्थ अधिकार से

Verse 108

मुरवैरिमान्यचरिते मातस्त्वामखिललोकसाम्राज्ये ।
पश्यन्ति दिवि सुरेन्द्रा मुनयस्तत्त्वार्थिनश्च नित्यकलाम् ॥ १०८ ॥

muravairimānyacarite mātastvāmakhilalokasāmrājye
paśyanti divi surendrā munayastattvārthinaśca nityakalām

Meaning open with adhikāra · अर्थ अधिकार से

Verse 109

स्वीयपदप्राप्त्यै ननु विबुधेशा जलधिकन्यके मातः ।
आराध्य दिव्यकुसुमैस्तव पादाब्जं परं तुष्टाः ॥ १०९ ॥

svīyapadaprāptyai nanu vibudheśā jaladhikanyake mātaḥ
ārādhya divyakusumaistava pādābjaṃ paraṃ tuṣṭāḥ

Meaning open with adhikāra · अर्थ अधिकार से

Verse 110

सृष्टिस्थित्यादौ हरिरम्ब तवापाङ्गवीक्षणादरवान् ।
जगदेतदवति काले त्वं च हरिर्नः क्रमात् पितरौ ॥ ११० ॥

sṛṣṭisthityādau hariramba tavāpāṅgavīkṣaṇādaravān
jagadetadavati kāle tvaṃ ca harirnaḥ kramāt pitarau

Meaning open with adhikāra · अर्थ अधिकार से

Verse 111

राज्यसुखलाभसंपत्प्राप्त्यै क्षितिपाश्च ये च विप्राद्याः ।
गाङ्गजलैरपि कुसुमैर्वरिवस्यां ते क्रमेण कलयन्ति ॥ १११ ॥

rājyasukhalābhasaṃpatprāptyai kṣitipāśca ye ca viprādyāḥ
gāṅgajalairapi kusumairvarivasyāṃ te krameṇa kalayanti

Meaning open with adhikāra · अर्थ अधिकार से

Verse 112

संत्यक्तकामतदनुजडम्भासूयादयो नराः कमले ।
आराध्य त्वां च हरिं काले चैकासनस्थितां धन्याः ॥ ११२ ॥

saṃtyaktakāmatadanujaḍambhāsūyādayo narāḥ kamale
ārādhya tvāṃ ca hariṃ kāle caikāsanasthitāṃ dhanyāḥ

Meaning open with adhikāra · अर्थ अधिकार से

Verse 113

जननी कदा पुनीते मम लोचनमार्गमादरादेषा ।
ये किल वदन्ति धन्यास्तेषां दर्शनमहं कलये ॥ ११३ ॥

jananī kadā punīte mama locanamārgamādarādeṣā
ye kila vadanti dhanyāsteṣāṃ darśanamahaṃ kalaye

Meaning open with adhikāra · अर्थ अधिकार से

Verse 114

करधृतलीलापद्मा पद्मा पद्माक्षगेहिनी नयने ।
सिञ्चति सकलश्रेयःप्राप्त्यै निर्व्याजकारुण्या ॥ ११४ ॥

karadhṛtalīlāpadmā padmā padmākṣagehinī nayane
siñcati sakalaśreyaḥprāptyai nirvyājakāruṇyā

Meaning open with adhikāra · अर्थ अधिकार से

Verse 115

नानाविधविद्यानां लीलासदनं सरोजनिलयेयम् ।
कविकुलवचःपयोजद्युमणिरुचिर्भाति नः पुरतः ॥ ११५ ॥

nānāvidhavidyānāṃ līlāsadanaṃ sarojanilayeyam
kavikulavacaḥpayojadyumaṇirucirbhāti naḥ purataḥ

Meaning open with adhikāra · अर्थ अधिकार से

Verse 116

अतसीकुसुमद्युतिभाङ् नाकिगणैर्वन्द्यपादपद्मयुगा ।
सरसिजनिलया सा मे प्रसीदतु क्षिप्रमादरात् सिद्ध्यै ॥ ११६ ॥

atasīkusumadyutibhāṅ nākigaṇairvandyapādapadmayugā
sarasijanilayā sā me prasīdatu kṣipramādarāt siddhyai

Meaning open with adhikāra · अर्थ अधिकार से

Verse 117

जगदीशवल्लभे त्वयि विन्यस्तभरः पुमान् सहसा ।
तीर्त्वा नाकिस्थानं विशति परं वैष्णवं सुरैर्मान्यम् ॥ ११७ ॥

jagadīśavallabhe tvayi vinyastabharaḥ pumān sahasā
tīrtvā nākisthānaṃ viśati paraṃ vaiṣṇavaṃ surairmānyam

Meaning open with adhikāra · अर्थ अधिकार से

Verse 118

मातर्ज्ञानविकासं कारय करुणावलोकनैर्मधुरैः ।
तेनाहं धन्यतमो भवेयमार्यावृते सदसि ॥ ११८ ॥

mātarjñānavikāsaṃ kāraya karuṇāvalokanairmadhuraiḥ
tenāhaṃ dhanyatamo bhaveyamāryāvṛte sadasi

Meaning open with adhikāra · अर्थ अधिकार से

Verse 119

हरिवक्षसि मणिदीपप्रकाशवत्यान्या मात्रा ।
नित्यं वयमिह दासाः श्रिया सनाथा मुदा परं नौमः ॥ ११९ ॥

harivakṣasi maṇidīpaprakāśavatyānyā mātrā
nityaṃ vayamiha dāsāḥ śriyā sanāthā mudā paraṃ naumaḥ

Meaning open with adhikāra · अर्थ अधिकार से

Verse 120

विद्रावयतु सरोजासने त्वदीया कटाक्षधाटी नः ।
अज्ञानाङ्कुरमुद्रां पुनरपि संसारभीतिदां सहसा ॥ १२० ॥

vidrāvayatu sarojāsane tvadīyā kaṭākṣadhāṭī naḥ
ajñānāṅkuramudrāṃ punarapi saṃsārabhītidāṃ sahasā

Meaning open with adhikāra · अर्थ अधिकार से

Verse 121

तावककटाक्षसूर्योदये मदीयं हृदम्भोजम् ।
भजते विकासमचिरात् तमोविनाशश्च निश्चितो विबुधैः ॥ १२१ ॥

tāvakakaṭākṣasūryodaye madīyaṃ hṛdambhojam
bhajate vikāsamacirāt tamovināśaśca niścito vibudhaiḥ

Meaning open with adhikāra · अर्थ अधिकार से

Verse 122

लक्ष्मीकटाक्षलहरी लक्ष्मीं पक्ष्मलयति क्रमान्नमताम् ।
पादपयोरुहसेवा परं पदं चित्सुखोल्लासम् ॥ १२२ ॥

lakṣmīkaṭākṣalaharī lakṣmīṃ pakṣmalayati kramānnamatām
pādapayoruhasevā paraṃ padaṃ citsukhollāsam

Meaning open with adhikāra · अर्थ अधिकार से

Verse 123

चिद्रूपा परमा सा कमलेक्षणनायिका मुदे भजताम् ।
यत्प्रणयकोपकाले जगदीशः किंकरो भवति ॥ १२३ ॥

cidrūpā paramā sā kamalekṣaṇanāyikā mude bhajatām
yatpraṇayakopakāle jagadīśaḥ kiṃkaro bhavati

Meaning open with adhikāra · अर्थ अधिकार से

Verse 124

काचन देवी विहरतु मम चित्ते संततं सिद्ध्यै ।
यापत्यं कलशाब्धेरुरगेशयसत्कलत्रं च ॥ १२४ ॥

kācana devī viharatu mama citte saṃtataṃ siddhyai
yāpatyaṃ kalaśābdherurageśayasatkalatraṃ ca

Meaning open with adhikāra · अर्थ अधिकार से

Verse 125

अष्टसु महिषीष्वेका कमला मुख्या हि निर्दिष्टा ।
अनयैव सर्वजगतामुदयादिस्तन्यते काले ॥ १२५ ॥

aṣṭasu mahiṣīṣvekā kamalā mukhyā hi nirdiṣṭā
anayaiva sarvajagatāmudayādistanyate kāle

Meaning open with adhikāra · अर्थ अधिकार से

Verse 126

कैवल्यानन्दकलाकन्दमहं संततं वन्दे ।
तत्तु मुकुन्दकलत्रं चिन्तितफलदानदीक्षितं किमपि ॥ १२६ ॥

kaivalyānandakalākandamahaṃ saṃtataṃ vande
tattu mukundakalatraṃ cintitaphaladānadīkṣitaṃ kimapi

Meaning open with adhikāra · अर्थ अधिकार से

Verse 127

ईक्षे कमलामेनामम्बामम्भोजलोचनां सततम् ।
मन्दस्मितमधुरास्यां नित्यं चाज्ञातकोपमुखदोषाम् ॥ १२७ ॥

īkṣe kamalāmenāmambāmambhojalocanāṃ satatam
mandasmitamadhurāsyāṃ nityaṃ cājñātakopamukhadoṣām

Meaning open with adhikāra · अर्थ अधिकार से

Verse 128

अङ्कितमाधववक्षःस्थला सरोजेक्षणा च हरिकान्ता ।
कबलयति मानसं मे दयाप्रसारादिभिर्नित्यम् ॥ १२८ ॥

aṅkitamādhavavakṣaḥsthalā sarojekṣaṇā ca harikāntā
kabalayati mānasaṃ me dayāprasārādibhirnityam

Meaning open with adhikāra · अर्थ अधिकार से

Verse 129

भूत्यै मम भवतु द्रागज्ञानध्वंसिनी नमताम् ।
नाथानुरूपरूपा श्रुत्यन्तेड्या दशावतारेषु ॥ १२९ ॥

bhūtyai mama bhavatu drāgajñānadhvaṃsinī namatām
nāthānurūparūpā śrutyanteḍyā daśāvatāreṣu

Meaning open with adhikāra · अर्थ अधिकार से

Verse 130

सकलजनरक्षणेशु प्रणिहितनयना त्रिलोकमाता नः ।
पुष्णाति मङ्गलानां निकरं सेवाक्रमेण ॥ १३० ॥

sakalajanarakṣaṇeśu praṇihitanayanā trilokamātā naḥ
puṣṇāti maṅgalānāṃ nikaraṃ sevākrameṇa

Meaning open with adhikāra · अर्थ अधिकार से

line doubtful

Verse 131

पद्मासनजननी मां पातु मुदा सुन्दरापाङ्गैः ।
सर्वैश्वर्यनिदानं यामाहुर्वैदिका दीप्ताम् ॥ १३१ ॥

padmāsanajananī māṃ pātu mudā sundarāpāṅgaiḥ
sarvaiśvaryanidānaṃ yāmāhurvaidikā dīptām

Meaning open with adhikāra · अर्थ अधिकार से

Verse 132

नानालंकारवती मुनिमानसवासिनी हरेः पत्नी ।
त्रैलोक्यविनुतविभवा मां पायादापदां निचयात् ॥ १३२ ॥

nānālaṃkāravatī munimānasavāsinī hareḥ patnī
trailokyavinutavibhavā māṃ pāyādāpadāṃ nicayāt

Meaning open with adhikāra · अर्थ अधिकार से

Verse 133

विद्रावयतु भयं नः सा कमला विष्णुवल्लभा माता ।
अब्धिः संक्षुभितोऽभूत् यदर्थमार्येण रामेण ॥ १३३ ॥

vidrāvayatu bhayaṃ naḥ sā kamalā viṣṇuvallabhā mātā
abdhiḥ saṃkṣubhito'bhūt yadarthamāryeṇa rāmeṇa

Meaning open with adhikāra · अर्थ अधिकार से

Verse 134

भूयो यदर्थमिन्द्रः सुरतरुकुसुमार्थिना च कृष्णेन ।
हतगर्वोऽजनि युद्धे सा नित्यं श्रेयसे भूयात् ॥ १३४ ॥

bhūyo yadarthamindraḥ suratarukusumārthinā ca kṛṣṇena
hatagarvo'jani yuddhe sā nityaṃ śreyase bhūyāt

Meaning open with adhikāra · अर्थ अधिकार से

Verse 135

त्वामाराध्य जना अपि धनहीनाः सौधमध्यतलभाजः ।
नानादेशवनीपकजनस्तुता भान्ति नित्यमेव रमे ॥ १३५ ॥

tvāmārādhya janā api dhanahīnāḥ saudhamadhyatalabhājaḥ
nānādeśavanīpakajanastutā bhānti nityameva rame

Meaning open with adhikāra · अर्थ अधिकार से

Verse 136

संसृतितापो न भवति पुनरपि यत्पादपङ्कजं नमताम् ।
सा मयि कलितदया स्यादम्बा विष्णोः कलत्रमनुरूपम् ॥ १३६ ॥

saṃsṛtitāpo na bhavati punarapi yatpādapaṅkajaṃ namatām
sā mayi kalitadayā syādambā viṣṇoḥ kalatramanurūpam

Meaning open with adhikāra · अर्थ अधिकार से

Verse 137

जननीकटाक्षभाजामिह मर्त्यानां सुरास्तु किंकरताम् ।
रिपवो गिरितटवासं भजन्ति वेश्मानि सिद्धयः सर्वाः ॥ १३७ ॥

jananīkaṭākṣabhājāmiha martyānāṃ surāstu kiṃkaratām
ripavo giritaṭavāsaṃ bhajanti veśmāni siddhayaḥ sarvāḥ

Meaning open with adhikāra · अर्थ अधिकार से

Verse 138

स्मरणाद्वा भजनाद्वा यस्याः पादाम्बुजस्य भुवि धन्याः ।
हन्त रमन्ते स्तम्बेरमनिवहावृतगृहाङ्गणे मनुजाः ॥ १३८ ॥

smaraṇādvā bhajanādvā yasyāḥ pādāmbujasya bhuvi dhanyāḥ
hanta ramante stamberamanivahāvṛtagṛhāṅgaṇe manujāḥ

Meaning open with adhikāra · अर्थ अधिकार से

Verse 139

चिरकृतसुकृतनिषेव्या सा देवी विष्णुवल्लभा ख्याता ।
यस्याः प्रसादभूम्ना जाताः पश्वादयो वदान्या हि ॥ १३९ ॥

cirakṛtasukṛtaniṣevyā sā devī viṣṇuvallabhā khyātā
yasyāḥ prasādabhūmnā jātāḥ paśvādayo vadānyā hi

Meaning open with adhikāra · अर्थ अधिकार से

Verse 140

अम्ब मधुरान् कटाक्षान् तापहरान् विकिर मयि कृपाजलधे ।
ये विन्यस्ताः करिवरमारुतिमुखभक्तवर्येषु ॥ १४० ॥

amba madhurān kaṭākṣān tāpaharān vikira mayi kṛpājaladhe
ye vinyastāḥ karivaramārutimukhabhaktavaryeṣu

Meaning open with adhikāra · अर्थ अधिकार से

Verse 141

अमृतलहरीव मधुरा जलधररुचिरा नतार्तिहरशीला ।
सर्वश्रेयोदात्री काचिद् देवी सदा विभातु हृदि ॥ १४१ ॥

amṛtalaharīva madhurā jaladhararucirā natārtiharaśīlā
sarvaśreyodātrī kācid devī sadā vibhātu hṛdi

Meaning open with adhikāra · अर्थ अधिकार से

Verse 142

गीताचार्यपुरन्ध्री त्वदीयनामप्रभावकलनाद्यैः ।
यमभयवार्ता दूरे हरिसांनिध्यं कुतो न स्यात् ॥ १४२ ॥

gītācāryapurandhrī tvadīyanāmaprabhāvakalanādyaiḥ
yamabhayavārtā dūre harisāṃnidhyaṃ kuto na syāt

Meaning open with adhikāra · अर्थ अधिकार से

Verse 143

जलनिधितनये कान्ते विष्णोरुष्णांशुचन्द्रनयने ते ।
चतुराननादयस्तु ख्याता बालाः श्रुतौ चोक्ताः ॥ १४३ ॥

jalanidhitanaye kānte viṣṇoruṣṇāṃśucandranayane te
caturānanādayastu khyātā bālāḥ śrutau coktāḥ

Meaning open with adhikāra · अर्थ अधिकार से

Verse 144

मनसिजवैरं गात्रं वाणी सौधारसी च यद्भजताम् ।
श्लाध्या संपत् सज्जनसमागमश्चाशु सिध्यन्ति ॥ १४४ ॥

manasijavairaṃ gātraṃ vāṇī saudhārasī ca yadbhajatām
ślādhyā saṃpat sajjanasamāgamaścāśu sidhyanti

Meaning open with adhikāra · अर्थ अधिकार से

Verse 145

सफलयतु नेत्रयुगलं हतनतदुरिता च सा परा देवी ।
जलनिधिकन्या मान्या पत्यवतारानुकूलनिजचरिता ॥ १४५ ॥

saphalayatu netrayugalaṃ hatanataduritā ca sā parā devī
jalanidhikanyā mānyā patyavatārānukūlanijacaritā

Meaning open with adhikāra · अर्थ अधिकार से

Verse 146

नित्यं स्मरामि देवीं नमतां सर्वार्थदायिनीं कमलाम् ।
यामाहुर्भवनिगलध्वंसनदीक्षां च ॥ १४६ ॥

nityaṃ smarāmi devīṃ namatāṃ sarvārthadāyinīṃ kamalām
yāmāhurbhavanigaladhvaṃsanadīkṣāṃ ca

Meaning open with adhikāra · अर्थ अधिकार से

line doubtful

Verse 147

सकलजगदघनिवारणसंकल्पां मधुजितो दयिताम् ।
जीवातुमेव कलये मोक्षार्थिजनस्य भूमिसुताम् ॥ १४७ ॥

sakalajagadaghanivāraṇasaṃkalpāṃ madhujito dayitām
jīvātumeva kalaye mokṣārthijanasya bhūmisutām

Meaning open with adhikāra · अर्थ अधिकार से

Verse 148

मन्दानामपि दयया तमोनिरासं वितन्वन्ती ।
सर्वत्र भाति कमला तनुरिव विष्णोर्निरस्ताघा ॥ १४८ ॥

mandānāmapi dayayā tamonirāsaṃ vitanvantī
sarvatra bhāti kamalā tanuriva viṣṇornirastāghā

Meaning open with adhikāra · अर्थ अधिकार से

Verse 149

बालमरालीगत्यै सुरपुरकन्यादिमहितकलगीत्यै ।
विरचितनानानीत्यै चेतो मे स्पृहयते बहुलकीर्त्यै ॥ १४९ ॥

bālamarālīgatyai surapurakanyādimahitakalagītyai
viracitanānānītyai ceto me spṛhayate bahulakīrtyai

Meaning open with adhikāra · अर्थ अधिकार से

Verse 150

अभिलषितदानकुशला वाग्देवीवन्दिता च सा कमला ।
नित्यं मानसपद्मे संचारं कलयते मुहुः कुतुकात् ॥ १५० ॥

abhilaṣitadānakuśalā vāgdevīvanditā ca sā kamalā
nityaṃ mānasapadme saṃcāraṃ kalayate muhuḥ kutukāt

Meaning open with adhikāra · अर्थ अधिकार से

Verse 151

मुरमथननयनपङ्कजविलासकलिका सुरेशमुखसेव्या ।
भूतमयी सावित्री गायत्री सर्वदेवता जयति ॥ १५१ ॥

muramathananayanapaṅkajavilāsakalikā sureśamukhasevyā
bhūtamayī sāvitrī gāyatrī sarvadevatā jayati

Meaning open with adhikāra · अर्थ अधिकार से

Verse 152

सा हि परा विद्या मे लक्ष्मीरक्षोभणीयकीर्तिकला ।
हृद्यां विद्यां दयादद्य श्रेयःपरंपरासिद्ध्यै ॥ १५२ ॥

sā hi parā vidyā me lakṣmīrakṣobhaṇīyakīrtikalā
hṛdyāṃ vidyāṃ dayādadya śreyaḥparaṃparāsiddhyai

Meaning open with adhikāra · अर्थ अधिकार से

Verse 153

कामजननी हि लक्ष्मीः नानालीलादिभिर्निजं नाथम् ।
मोहयति विष्णुमचिरात् प्रकृतीनां क्षेमसिद्ध्यर्थम् ॥ १५३ ॥

kāmajananī hi lakṣmīḥ nānālīlādibhirnijaṃ nātham
mohayati viṣṇumacirāt prakṛtīnāṃ kṣemasiddhyartham

Meaning open with adhikāra · अर्थ अधिकार से

Verse 154

मनसिजसाम्राज्यकलानिदानमार्याभिवन्दितं किमपि ।
लक्ष्मीरूपं तेजो विलसति मम मनसि विष्णुसंक्रान्तम् ॥ १५४ ॥

manasijasāmrājyakalānidānamāryābhivanditaṃ kimapi
lakṣmīrūpaṃ tejo vilasati mama manasi viṣṇusaṃkrāntam

Meaning open with adhikāra · अर्थ अधिकार से

Verse 155

विष्णुमनोरथपात्रं संतप्तस्वर्णकाम्यनिजगात्रम् ।
आश्रितजलनिधिगोत्रं रक्षितनतबाहुजच्छात्रम् ॥ १५५ ॥

viṣṇumanorathapātraṃ saṃtaptasvarṇakāmyanijagātram
āśritajalanidhigotraṃ rakṣitanatabāhujacchātram

Meaning open with adhikāra · अर्थ अधिकार से

Verse 156

कविकुलजिह्वालोलं मुरमर्दनकलितरम्यबहुलीलम् ।
निरसितनतदुष्कालं वन्दे तेजः सदालिनुतशीलम् ॥ १५६ ॥

kavikulajihvālolaṃ muramardanakalitaramyabahulīlam
nirasitanataduṣkālaṃ vande tejaḥ sadālinutaśīlam

Meaning open with adhikāra · अर्थ अधिकार से

Verse 157

आदिमपुरुषपुरन्ध्रीमम्बामम्भोजलोचनां वन्दे ।
यां नत्वा गततापास्त्यक्त्वा देहं विशन्ति परमपदम् ॥ १५७ ॥

ādimapuruṣapurandhrīmambāmambhojalocanāṃ vande
yāṃ natvā gatatāpāstyaktvā dehaṃ viśanti paramapadam

Meaning open with adhikāra · अर्थ अधिकार से

Verse 158

लक्ष्म्या हरिरपि भाति प्रकृतिक्षेमाय दीक्षितायासौ ।
मम लोचनयोः पुरतो लसतु गभीरं क्रियासिद्ध्यै ॥ १५८ ॥

lakṣmyā harirapi bhāti prakṛtikṣemāya dīkṣitāyāsau
mama locanayoḥ purato lasatu gabhīraṃ kriyāsiddhyai

Meaning open with adhikāra · अर्थ अधिकार से

Verse 159

जननि कदा वा नेष्याम्यहमारादर्चितत्वदीयपदः ।
निमिषमिव हन्त दिवसन् दृष्ट्वा त्वामादरेण कल्याणीम् ॥ १५९ ॥

janani kadā vā neṣyāmyahamārādarcitatvadīyapadaḥ
nimiṣamiva hanta divasan dṛṣṭvā tvāmādareṇa kalyāṇīm

Meaning open with adhikāra · अर्थ अधिकार से

Verse 160

संपूर्णयौवनोज्ज्वलदेहां यां वीक्ष्य शौरिरपि ।
कुसुमशरविद्धचेताः किंकरभावं स्वयं प्राप्तः ॥ १६० ॥

saṃpūrṇayauvanojjvaladehāṃ yāṃ vīkṣya śaurirapi
kusumaśaraviddhacetāḥ kiṃkarabhāvaṃ svayaṃ prāptaḥ

Meaning open with adhikāra · अर्थ अधिकार से

Verse 161

अनुनयशीलस्तदनु प्रणयक्रोधादिना भीतः ।
आदिमपुरुषः सोऽयं सा लक्ष्मीर्न श्रियै भवतु ॥ १६१ ॥

anunayaśīlastadanu praṇayakrodhādinā bhītaḥ
ādimapuruṣaḥ so'yaṃ sā lakṣmīrna śriyai bhavatu

Meaning open with adhikāra · अर्थ अधिकार से

Verse 162

मणिकुण्डललसितास्यं कृपाकरं किमपि कुङ्कुमच्छायम् ।
हरिणा कृतसंचारं तेजो मे भातु सर्वदा सिद्ध्यै ॥ १६२ ॥

maṇikuṇḍalalasitāsyaṃ kṛpākaraṃ kimapi kuṅkumacchāyam
hariṇā kṛtasaṃcāraṃ tejo me bhātu sarvadā siddhyai

Meaning open with adhikāra · अर्थ अधिकार से

Verse 163

साम्राज्यमङ्गलश्रीः श्रीरेषा पुष्कराक्षस्य ।
गन्धर्वकन्यकाद्यैर्गङ्गातीरेषु गीतकीर्तिर्हि ॥ १६३ ॥

sāmrājyamaṅgalaśrīḥ śrīreṣā puṣkarākṣasya
gandharvakanyakādyairgaṅgātīreṣu gītakīrtirhi

Meaning open with adhikāra · अर्थ अधिकार से

Verse 164

कविताभाग्यविधात्री परिमलसंक्रान्तमधुपगणकेशा ।
मम नयनयोः कदा वा सा देवी कलितसंनिधानकला ॥ १६४ ॥

kavitābhāgyavidhātrī parimalasaṃkrāntamadhupagaṇakeśā
mama nayanayoḥ kadā vā sā devī kalitasaṃnidhānakalā

Meaning open with adhikāra · अर्थ अधिकार से

Verse 165

कीर्तिः स्वयं वृणीते वाग्देवी चापि विजयलक्ष्मीश्च ।
तं नरमचिराल्लोके यो लक्ष्मीपादभक्तस्तु ॥ १६५ ॥

kīrtiḥ svayaṃ vṛṇīte vāgdevī cāpi vijayalakṣmīśca
taṃ naramacirālloke yo lakṣmīpādabhaktastu

Meaning open with adhikāra · अर्थ अधिकार से

Verse 166

सन्मित्रं पाण्डित्यं सद्दाराः सत्सुताद्याश्च ।
जायन्ते तस्य भुवि श्रीभक्तो यश्च निर्दिष्टः ॥ १६६ ॥

sanmitraṃ pāṇḍityaṃ saddārāḥ satsutādyāśca
jāyante tasya bhuvi śrībhakto yaśca nirdiṣṭaḥ

Meaning open with adhikāra · अर्थ अधिकार से

Verse 167

परमाचार्यैर्विनुतां तामम्बामादरान्नौमि ।
परमैश्वर्यं विष्णोरपि या वेदेषु निर्दिष्टा ॥ १६७ ॥

paramācāryairvinutāṃ tāmambāmādarānnaumi
paramaiśvaryaṃ viṣṇorapi yā vedeṣu nirdiṣṭā

Meaning open with adhikāra · अर्थ अधिकार से

Verse 168

कविकुलसूक्तिश्रेणीश्रवणानन्दोल्लसद्वतंससुमा ।
सा देवी मम हृदये कृतसांनिध्या विराजते परमा ॥ १६८ ॥

kavikulasūktiśreṇīśravaṇānandollasadvataṃsasumā
sā devī mama hṛdaye kṛtasāṃnidhyā virājate paramā

Meaning open with adhikāra · अर्थ अधिकार से

Verse 169

तापार्तास्तु तटाकं यथा भजन्ते रमां देवीम् ।
संसृतितप्ताः सर्वे यान्ति हि शरणं शरण्यां ताम् ॥ १६९ ॥

tāpārtāstu taṭākaṃ yathā bhajante ramāṃ devīm
saṃsṛtitaptāḥ sarve yānti hi śaraṇaṃ śaraṇyāṃ tām

Meaning open with adhikāra · अर्थ अधिकार से

Verse 170

सर्वज्ञत्वं श्लाध्यं धराधिपत्यं रमे देवि ।
यद्यत् प्रार्थ्यं दयया तद् दिश मोक्षं च मे जननि ॥ १७० ॥

sarvajñatvaṃ ślādhyaṃ dharādhipatyaṃ rame devi
yadyat prārthyaṃ dayayā tad diśa mokṣaṃ ca me janani

Meaning open with adhikāra · अर्थ अधिकार से

Verse 171

विद्युतमचञ्चलां त्वां कृष्णे मेघे पयोधिवरकन्ये ।
नित्यमवैमि श्रेयःसिध्य मातः प्रसन्ने नः ॥ १७१ ॥

vidyutamacañcalāṃ tvāṃ kṛṣṇe meghe payodhivarakanye
nityamavaimi śreyaḥsidhya mātaḥ prasanne naḥ

Meaning open with adhikāra · अर्थ अधिकार से

Verse 172

त्वामम्ब संततरुचिं कृष्णो मेघः समासाद्य ।
सद्वर्त्मनि वर्षति किल काङ्क्षाधिकमादरेण वार्धिसुते ॥ १७२ ॥

tvāmamba saṃtataruciṃ kṛṣṇo meghaḥ samāsādya
sadvartmani varṣati kila kāṅkṣādhikamādareṇa vārdhisute

Meaning open with adhikāra · अर्थ अधिकार से

Verse 173

अम्ब त्वमेव काले मुकुन्दमपि दर्शयन्तीह ।
श्रेयःसिद्ध्यै नमतां भासि हृदि श्रुतिशिरःसु सल्लोके ॥ १७३ ॥

amba tvameva kāle mukundamapi darśayantīha
śreyaḥsiddhyai namatāṃ bhāsi hṛdi śrutiśiraḥsu salloke

Meaning open with adhikāra · अर्थ अधिकार से

Verse 174

विनमदमरेशसुदतीकचसुममकरन्दधारया स्निग्धम् ।
तव पादपद्ममेतत् कदा नु मम मूर्ध्नि भूषणं जननि ॥ १७४ ॥

vinamadamareśasudatīkacasumamakarandadhārayā snigdham
tava pādapadmametat kadā nu mama mūrdhni bhūṣaṇaṃ janani

Meaning open with adhikāra · अर्थ अधिकार से

Verse 175

अपवर्गसौख्यदे ते दयाप्रसारः कथं वर्ण्यः ।
यामवलम्ब्य हि यष्टिं न पतति संसारपङ्किले मार्गे ॥ १७५ ॥

apavargasaukhyade te dayāprasāraḥ kathaṃ varṇyaḥ
yāmavalambya hi yaṣṭiṃ na patati saṃsārapaṅkile mārge

Meaning open with adhikāra · अर्थ अधिकार से

Verse 176

सूक्ष्मात् सूक्ष्मतरं ते रूपं पश्यन्ति योगिनो हृदये ।
तां त्वामहं कदा वा द्रक्ष्येऽलंकारमण्डितां मातः ॥ १७६ ॥

sūkṣmāt sūkṣmataraṃ te rūpaṃ paśyanti yogino hṛdaye
tāṃ tvāmahaṃ kadā vā drakṣye'laṃkāramaṇḍitāṃ mātaḥ

Meaning open with adhikāra · अर्थ अधिकार से

Verse 177

चिरतरतपसा क्लिष्टे योगिहृदि स्थानभाग् रमा देवी ।
दर्शनमचिराद् दयया ददाति योगादिहीनानाम् ॥ १७७ ॥

cirataratapasā kliṣṭe yogihṛdi sthānabhāg ramā devī
darśanamacirād dayayā dadāti yogādihīnānām

Meaning open with adhikāra · अर्थ अधिकार से

Verse 178

तीरं संसृतिजलधेः पूरं कमलाक्षलोचनप्रीतेः ।
सारं निगमान्तानां दूरं दुर्जनततेर्हि तत्तेजः ॥ १७८ ॥

tīraṃ saṃsṛtijaladheḥ pūraṃ kamalākṣalocanaprīteḥ
sāraṃ nigamāntānāṃ dūraṃ durjanataterhi tattejaḥ

Meaning open with adhikāra · अर्थ अधिकार से

Verse 179

लक्ष्मीरूपं तेजो ममाविरस्तु श्रियै नित्यम् ।
यन्नित्यधर्मदारान् विष्णोरमितौजसः प्राहुः ॥ १७९ ॥

lakṣmīrūpaṃ tejo mamāvirastu śriyai nityam
yannityadharmadārān viṣṇoramitaujasaḥ prāhuḥ

Meaning open with adhikāra · अर्थ अधिकार से

Verse 180

जलधिसुते त्वं जननी स वासुदेवः पिता च नः कथितः ।
शरणं युवां प्रपन्ना नातो दुर्गतिपरिस्फूर्तिः ॥ १८० ॥

jaladhisute tvaṃ jananī sa vāsudevaḥ pitā ca naḥ kathitaḥ
śaraṇaṃ yuvāṃ prapannā nāto durgatiparisphūrtiḥ

Meaning open with adhikāra · अर्थ अधिकार से

Verse 181

हरिनीलरत्नभासा प्रकशितात्मा समुद्रवरकन्या ।
मङ्गलमातनुतेयं कटाक्षकलिकाप्रसारैस्तु ॥ १८१ ॥

harinīlaratnabhāsā prakaśitātmā samudravarakanyā
maṅgalamātanuteyaṃ kaṭākṣakalikāprasāraistu

Meaning open with adhikāra · अर्थ अधिकार से

Verse 182

मच्चित्तमत्तवारणबन्धनमधुना त्वदीयपादयुगे ।
कलयामि रमे मातर्मां रक्ष क्षिप्रमेव संसृतितः ॥ १८२ ॥

maccittamattavāraṇabandhanamadhunā tvadīyapādayuge
kalayāmi rame mātarmāṃ rakṣa kṣiprameva saṃsṛtitaḥ

Meaning open with adhikāra · अर्थ अधिकार से

Verse 183

मोचय संसृतिबन्धं कटाक्षकलिकाङ्कुरै रमे मातः ।
नातः परमर्थ्यमिह क्षमातले त्वं दयामूर्तिः ॥ १८३ ॥

mocaya saṃsṛtibandhaṃ kaṭākṣakalikāṅkurai rame mātaḥ
nātaḥ paramarthyamiha kṣamātale tvaṃ dayāmūrtiḥ

Meaning open with adhikāra · अर्थ अधिकार से

Verse 184

मञ्जुलकवितासंततिबीजाङ्कुरदायिसारसालोका ।
जननि तवापाङ्गश्रीः जयति जगत्त्राणकलितदीक्षेयम् ॥ १८४ ॥

mañjulakavitāsaṃtatibījāṅkuradāyisārasālokā
janani tavāpāṅgaśrīḥ jayati jagattrāṇakalitadīkṣeyam

Meaning open with adhikāra · अर्थ अधिकार से

Verse 185

अम्ब तवापाङ्गश्रीरपाङ्गकेलीशतानि जनयन्ती ।
मुरहन्तुर्हृदि जयति व्रीडामदमोहकामसारकरी ॥ १८५ ॥

amba tavāpāṅgaśrīrapāṅgakelīśatāni janayantī
murahanturhṛdi jayati vrīḍāmadamohakāmasārakarī

Meaning open with adhikāra · अर्थ अधिकार से

Verse 186

बद्धमपि चित्तमेतद् यमनियमाद्यैः परिष्कारैः ।
धावति बलाद् रमे तव पादाब्जं यामि शरणमहम् ॥ १८६ ॥

baddhamapi cittametad yamaniyamādyaiḥ pariṣkāraiḥ
dhāvati balād rame tava pādābjaṃ yāmi śaraṇamaham

Meaning open with adhikāra · अर्थ अधिकार से

Verse 187

मत्तगजमान्यगमना मधुरालापा च मान्यचरिता सा ।
मन्दस्मेरमुखाब्जा कमला मे हृदयसारसे लसतु ॥ १८७ ॥

mattagajamānyagamanā madhurālāpā ca mānyacaritā sā
mandasmeramukhābjā kamalā me hṛdayasārase lasatu

Meaning open with adhikāra · अर्थ अधिकार से

Verse 188

शास्त्रस्मरणविहीनं पापिनमेनं जनं रमा देवी ।
दयया रक्षति काले तस्यास्तेन प्रथा महती ॥ १८८ ॥

śāstrasmaraṇavihīnaṃ pāpinamenaṃ janaṃ ramā devī
dayayā rakṣati kāle tasyāstena prathā mahatī

Meaning open with adhikāra · अर्थ अधिकार से

Verse 189

मुखविजितचन्द्रमण्डलमिदमम्भोरुहविलोचनं तेजः ।
ध्याने जपे च सुदृशां चकास्ति हृदये कवीश्वराणां च ॥ १८९ ॥

mukhavijitacandramaṇḍalamidamambhoruhavilocanaṃ tejaḥ
dhyāne jape ca sudṛśāṃ cakāsti hṛdaye kavīśvarāṇāṃ ca

Meaning open with adhikāra · अर्थ अधिकार से

Verse 190

अम्ब विवेकविदूरं जनमेनं शिशिरलोचनप्रसरैः ।
शिशिरय कृपया देवि त्वमेव माता हि लोकस्य ॥ १९० ॥

amba vivekavidūraṃ janamenaṃ śiśiralocanaprasaraiḥ
śiśiraya kṛpayā devi tvameva mātā hi lokasya

Meaning open with adhikāra · अर्थ अधिकार से

Verse 191

कोपदुपेक्षसे यदि मातर्मे रक्षकः कः स्यात् ।
मयि दीने को लाभस्तव तु दयायाः प्रसारिण्याः ॥ १९१ ॥

kopadupekṣase yadi mātarme rakṣakaḥ kaḥ syāt
mayi dīne ko lābhastava tu dayāyāḥ prasāriṇyāḥ

Meaning open with adhikāra · अर्थ अधिकार से

Verse 192

भवचण्डकिरणतप्तः श्रान्तोऽहं ज्ञानवारिदूरस्थः ।
शिशिरामङ्घ्रिच्छायां तव मातर्यामि शरणमारात्तु ॥ १९२ ॥

bhavacaṇḍakiraṇataptaḥ śrānto'haṃ jñānavāridūrasthaḥ
śiśirāmaṅghricchāyāṃ tava mātaryāmi śaraṇamārāttu

Meaning open with adhikāra · अर्थ अधिकार से

Verse 193

मातरशोकोल्लासं प्रकटय तव कोमलकटाक्षैः ।
यैर्दीना नरपतयः कलिता वारणशतावृते गेहे ॥ १९३ ॥

mātaraśokollāsaṃ prakaṭaya tava komalakaṭākṣaiḥ
yairdīnā narapatayaḥ kalitā vāraṇaśatāvṛte gehe

Meaning open with adhikāra · अर्थ अधिकार से

Verse 194

जयति रमे तव महती कृपाझरी सर्वसंमान्या ।
क्षेमंकरी यदेषा प्रतिकल्पं सर्वजगतां च ॥ १९४ ॥

jayati rame tava mahatī kṛpājharī sarvasaṃmānyā
kṣemaṃkarī yadeṣā pratikalpaṃ sarvajagatāṃ ca

Meaning open with adhikāra · अर्थ अधिकार से

Verse 195

अज्ञानकूपकुहरे पतितं मां पाहि कमले त्वम् ।
नगरे वा ग्रामे वा वनमध्ये दिक्षु रक्षिणी त्वमसि ॥ १९५ ॥

ajñānakūpakuhare patitaṃ māṃ pāhi kamale tvam
nagare vā grāme vā vanamadhye dikṣu rakṣiṇī tvamasi

Meaning open with adhikāra · अर्थ अधिकार से

Verse 196

तव चरणौ शरणमिति ब्रुवन्नहं मातरब्धितनये त्वम् ।
हरिणा सहिता दयया प्राह्यविलम्बेन दीनं माम् ॥ १९६ ॥

tava caraṇau śaraṇamiti bruvannahaṃ mātarabdhitanaye tvam
hariṇā sahitā dayayā prāhyavilambena dīnaṃ mām

Meaning open with adhikāra · अर्थ अधिकार से

Verse 197

परिसरनतविबुधालीकिरीटमणिकान्तिवल्लरीविसरैः ।
कृतनीराजनविधि ते मम तु शिरोभूषणं हि पदयुगलम् ॥ १९७ ॥

parisaranatavibudhālīkirīṭamaṇikāntivallarīvisaraiḥ
kṛtanīrājanavidhi te mama tu śirobhūṣaṇaṃ hi padayugalam

Meaning open with adhikāra · अर्थ अधिकार से

Verse 198

मम हृदयपङ्कजवनीविकासहेतौ दिनाधिपायेताम् ।
तव तु कटाक्षप्रसरः दीपायेतां तमोनिराकरणे ॥ १९८ ॥

mama hṛdayapaṅkajavanīvikāsahetau dinādhipāyetām
tava tu kaṭākṣaprasaraḥ dīpāyetāṃ tamonirākaraṇe

Meaning open with adhikāra · अर्थ अधिकार से

Verse 199

यावच्छरणं याति क्षितितनये त्वां हि जन्तुरिह मूढः ।
तावत् तस्य तु रसनाङ्गणे तु वाणी समाकलितनृत्ता ॥ १९९ ॥

yāvaccharaṇaṃ yāti kṣititanaye tvāṃ hi janturiha mūḍhaḥ
tāvat tasya tu rasanāṅgaṇe tu vāṇī samākalitanṛttā

Meaning open with adhikāra · अर्थ अधिकार से

Verse 200

पङ्कजनिलये तावकचरणं शरणं समाकलये ।
तेन हि सर्वकृतानां भविष्यतां हानिरेव दुरितानाम् ॥ २०० ॥

paṅkajanilaye tāvakacaraṇaṃ śaraṇaṃ samākalaye
tena hi sarvakṛtānāṃ bhaviṣyatāṃ hānireva duritānām

Meaning open with adhikāra · अर्थ अधिकार से

Verse 201

श्रुत्यन्तसेवितं ते चरणसरोजं प्रणम्य किल जन्तुः ।
छत्रोल्लसितशिराः सन् वनीपकान् दानवारिणा सिञ्चन् ॥ २०१ ॥

śrutyantasevitaṃ te caraṇasarojaṃ praṇamya kila jantuḥ
chatrollasitaśirāḥ san vanīpakān dānavāriṇā siñcan

Meaning open with adhikāra · अर्थ अधिकार से

Verse 202

विष्वक्सेनमुखाद्यैः सेवितमम्ब त्वदीयपादयुगम् ।
अवतंसयन्ति सन्तः कलितापप्रशमनायास्तु ॥ २०२ ॥

viṣvaksenamukhādyaiḥ sevitamamba tvadīyapādayugam
avataṃsayanti santaḥ kalitāpapraśamanāyāstu

Meaning open with adhikāra · अर्थ अधिकार से

Verse 203

दुग्धोदधितनये त्वां दिशागजेन्द्राः सुवर्णघटतोयैः ।
मणिमण्टपमध्यतले समभ्यषिञ्चन् हरिप्रीत्यै ॥ २०३ ॥

dugdhodadhitanaye tvāṃ diśāgajendrāḥ suvarṇaghaṭatoyaiḥ
maṇimaṇṭapamadhyatale samabhyaṣiñcan hariprītyai

Meaning open with adhikāra · अर्थ अधिकार से

Verse 204

दिग्गजपुष्पकरकुम्भैरभिषिक्तां त्वां हरिः प्रीत्या ।
उदवहदारान्मुनिगणमध्ये सर्वश्रियो मूलम् ॥ २०४ ॥

diggajapuṣpakarakumbhairabhiṣiktāṃ tvāṃ hariḥ prītyā
udavahadārānmunigaṇamadhye sarvaśriyo mūlam

Meaning open with adhikāra · अर्थ अधिकार से

Verse 205

जातपराक्रमकलिका दिशि दिशि किंनरसुगीतनिजयशसः ।
धन्या भान्ति हि मनुजाः यद्वीक्षालवविशेषतः काले ॥ २०५ ॥

jātaparākramakalikā diśi diśi kiṃnarasugītanijayaśasaḥ
dhanyā bhānti hi manujāḥ yadvīkṣālavaviśeṣataḥ kāle

Meaning open with adhikāra · अर्थ अधिकार से

Verse 206

नमदमरीकचभरसुममरन्दधाराभिषिक्तं ते ।
पदकमलयुगलमेतच्छ्रेयःस्फूर्त्यै सदा भवतु ॥ २०६ ॥

namadamarīkacabharasumamarandadhārābhiṣiktaṃ te
padakamalayugalametacchreyaḥsphūrtyai sadā bhavatu

Meaning open with adhikāra · अर्थ अधिकार से

Verse 207

रागद्वेषादिहतं मामव कमले हरेः कान्ते ।
दर्शय दयया काले ह्यपवर्गस्थानमार्गं च ॥ २०७ ॥

rāgadveṣādihataṃ māmava kamale hareḥ kānte
darśaya dayayā kāle hyapavargasthānamārgaṃ ca

Meaning open with adhikāra · अर्थ अधिकार से

Verse 208

न हि जाने वर्णयितुं परमे स्थने त्वदीयविभवमहम् ।
मुनयश्च सुरा वेदा यतो निवृत्ताः क्षमातनये ॥ २०८ ॥

na hi jāne varṇayituṃ parame sthane tvadīyavibhavamaham
munayaśca surā vedā yato nivṛttāḥ kṣamātanaye

Meaning open with adhikāra · अर्थ अधिकार से

Verse 209

मनुजाः कटाक्षिताः किल तथाम्बया मेदिनीपुत्र्या ।
सत्सुतकलत्रसहिताः सुरभिं कालेन निर्विशान्ति मुदा ॥ २०९ ॥

manujāḥ kaṭākṣitāḥ kila tathāmbayā medinīputryā
satsutakalatrasahitāḥ surabhiṃ kālena nirviśānti mudā

Meaning open with adhikāra · अर्थ अधिकार से

Verse 210

जलधीशकन्यका सा लसतु पुरोऽस्माकमादरकृतश्रीः ।
यत्प्रणमनाज्जनानां कवितोन्मेषः सदीडिते भाति ॥ २१० ॥

jaladhīśakanyakā sā lasatu puro'smākamādarakṛtaśrīḥ
yatpraṇamanājjanānāṃ kavitonmeṣaḥ sadīḍite bhāti

Meaning open with adhikāra · अर्थ अधिकार से

Verse 211

दूरिकरोतु दुरितं त्वद्भक्तिर्मामकं कमले ।
अहमपि सुरेशसेव्ये तव सदसि विशामि कीर्तिगानपरः ॥ २११ ॥

dūrikarotu duritaṃ tvadbhaktirmāmakaṃ kamale
ahamapi sureśasevye tava sadasi viśāmi kīrtigānaparaḥ

Meaning open with adhikāra · अर्थ अधिकार से

Verse 212

परमज्ञानविधात्री तव पादपयोजभक्तिरस्माकम् ।
किं वाशास्यमतोऽन्यत् समुद्रतनये हरेर्जाये ॥ २१२ ॥

paramajñānavidhātrī tava pādapayojabhaktirasmākam
kiṃ vāśāsyamato'nyat samudratanaye harerjāye

Meaning open with adhikāra · अर्थ अधिकार से

Verse 213

अम्ब कदा वा लप्स्ये मदीयपापापनोदाय ।
तव पादकमलसेवामब्जभवाद्यैस्तु संप्रार्थ्याम् ॥ २१३ ॥

amba kadā vā lapsye madīyapāpāpanodāya
tava pādakamalasevāmabjabhavādyaistu saṃprārthyām

Meaning open with adhikāra · अर्थ अधिकार से

Verse 214

मन्दानामपि मञ्जुलकवित्वरसदायिनी जननी ।
कापि करुणामयी सा लसतु पुरस्तात् सदास्माकम् ॥ २१४ ॥

mandānāmapi mañjulakavitvarasadāyinī jananī
kāpi karuṇāmayī sā lasatu purastāt sadāsmākam

Meaning open with adhikāra · अर्थ अधिकार से

Verse 215

सकलकविलोकविनुते कमले कमलाक्षि वल्लभे विष्णोः ।
त्वन्नामानि हि कलये वने जले शत्रुपीडायाम् ॥ २१५ ॥

sakalakavilokavinute kamale kamalākṣi vallabhe viṣṇoḥ
tvannāmāni hi kalaye vane jale śatrupīḍāyām

Meaning open with adhikāra · अर्थ अधिकार से

Verse 216

दिवि वा भुवि दिक्षु जले वह्नौ वा सर्वतः कमले ।
जन्तूनां किल रक्षा त्वदधीना कीर्त्यते विबुधैः ॥ २१६ ॥

divi vā bhuvi dikṣu jale vahnau vā sarvataḥ kamale
jantūnāṃ kila rakṣā tvadadhīnā kīrtyate vibudhaiḥ

Meaning open with adhikāra · अर्थ अधिकार से

Verse 217

कुशलविधये तदस्तु त्रिविक्रमासेव्यरम्यनिजकेलि ।
कबलितपदनतदैन्यं तरुणाम्बुजलोचनं तेजः ॥ २१७ ॥

kuśalavidhaye tadastu trivikramāsevyaramyanijakeli
kabalitapadanatadainyaṃ taruṇāmbujalocanaṃ tejaḥ

Meaning open with adhikāra · अर्थ अधिकार से

Verse 218

जननी सुवर्णवृष्टिप्रदायिनी भाति विष्णुवक्षःस्था ।
कमला कलितक्षेमा प्रकृतीनां शीतलापाङ्गैः ॥ २१८ ॥

jananī suvarṇavṛṣṭipradāyinī bhāti viṣṇuvakṣaḥsthā
kamalā kalitakṣemā prakṛtīnāṃ śītalāpāṅgaiḥ

Meaning open with adhikāra · अर्थ अधिकार से

Verse 219

जगतामादिमजननी लसति कवेरात्मजापुलिने ।
क्षेत्रेषूत्तमजुष्टेष्वयोनिजा लोकरक्षायै ॥ २१९ ॥

jagatāmādimajananī lasati kaverātmajāpuline
kṣetreṣūttamajuṣṭeṣvayonijā lokarakṣāyai

Meaning open with adhikāra · अर्थ अधिकार से

Verse 220

कुचशोभाजितविष्णुः कुङ्कुमपङ्काङ्किता कमला ।
काञ्च्यां राजति काञ्चीमणिगणनीराजिताङ्घ्रियुगा ॥ २२० ॥

kucaśobhājitaviṣṇuḥ kuṅkumapaṅkāṅkitā kamalā
kāñcyāṃ rājati kāñcīmaṇigaṇanīrājitāṅghriyugā

Meaning open with adhikāra · अर्थ अधिकार से

Verse 221

मन्दारकुसुममदहरमन्दस्मितमधुरवदनपङ्करुहा ।
हृद्यतमनित्ययौवनमण्डितगात्री विराजते कमला ॥ २२१ ॥

mandārakusumamadaharamandasmitamadhuravadanapaṅkaruhā
hṛdyatamanityayauvanamaṇḍitagātrī virājate kamalā

Meaning open with adhikāra · अर्थ अधिकार से

Verse 222

कंसरिपुगेहिनी सा हंसगतिर्हंसमान्यनिजचरिता ।
संसारतापहानिं कलयतु काले रमास्माकम् ॥ २२२ ॥

kaṃsaripugehinī sā haṃsagatirhaṃsamānyanijacaritā
saṃsāratāpahāniṃ kalayatu kāle ramāsmākam

Meaning open with adhikāra · अर्थ अधिकार से

Verse 223

मनसिजजननी जननी चास्माकमिहादरात् काले ।
शीतललोलापाङ्गैस्तरङ्गयति श्रेयसां सरिणम् ॥ २२३ ॥

manasijajananī jananī cāsmākamihādarāt kāle
śītalalolāpāṅgaistaraṅgayati śreyasāṃ sariṇam

Meaning open with adhikāra · अर्थ अधिकार से

Verse 224

तव मन्दहासकलिकां भजे भुजङ्गे शयानं तम् ।
या कलयति गतकोपं बालानां नः कृतापराधानाम् ॥ २२४ ॥

tava mandahāsakalikāṃ bhaje bhujaṅge śayānaṃ tam
yā kalayati gatakopaṃ bālānāṃ naḥ kṛtāparādhānām

Meaning open with adhikāra · अर्थ अधिकार से

Verse 225

सा साधयेदभीष्टं कमला श्रीर्विष्णुवक्षःस्था ।
यस्याः पदविन्यासः श्रुतिमौलिषु तन्यते महालक्ष्म्याः ॥ २२५ ॥

sā sādhayedabhīṣṭaṃ kamalā śrīrviṣṇuvakṣaḥsthā
yasyāḥ padavinyāsaḥ śrutimauliṣu tanyate mahālakṣmyāḥ

Meaning open with adhikāra · अर्थ अधिकार से

Verse 226

शान्तिरसनित्यशेवधिमम्बां सेवे मनोरथावाप्त्यै ।
यामाराध्य सुरेशाः स्वपदं प्रापुर्हि तादृक्षम् ॥ २२६ ॥

śāntirasanityaśevadhimambāṃ seve manorathāvāptyai
yāmārādhya sureśāḥ svapadaṃ prāpurhi tādṛkṣam

Meaning open with adhikāra · अर्थ अधिकार से

Verse 227

धातुरपि वेदवचसां दूरे यत्स्थानमामनन्ति बुधाः ।
सास्तु मुदे श्रीरेषा मुरमर्दनसत्कलत्रममितौजः ॥ २२७ ॥

dhāturapi vedavacasāṃ dūre yatsthānamāmananti budhāḥ
sāstu mude śrīreṣā muramardanasatkalatramamitaujaḥ

Meaning open with adhikāra · अर्थ अधिकार से

Verse 228

भवदुःखराशिजलधेर्हठात् तरित्रीं परं विद्मः ।
तामम्बां कमलस्थां मुरारिवक्षोमणिप्रदीपां च ॥ २२८ ॥

bhavaduḥkharāśijaladherhaṭhāt taritrīṃ paraṃ vidmaḥ
tāmambāṃ kamalasthāṃ murārivakṣomaṇipradīpāṃ ca

Meaning open with adhikāra · अर्थ अधिकार से

Verse 229

मुनिसार्वभौमवर्णितमहाचरित्रं हरेः कलत्रं तत् ।
पथि मङ्गलाय भवतु प्रस्थानजुषां कृपाधारम् ॥ २२९ ॥

munisārvabhaumavarṇitamahācaritraṃ hareḥ kalatraṃ tat
pathi maṅgalāya bhavatu prasthānajuṣāṃ kṛpādhāram

Meaning open with adhikāra · अर्थ अधिकार से

Verse 230

खण्डितवैरिगणेयं मण्डितभक्ता सुताद्यैश्च ।
भासुरकीर्तिर्जयति क्षोणीसुरवन्द्यचरणाब्जा ॥ २३० ॥

khaṇḍitavairigaṇeyaṃ maṇḍitabhaktā sutādyaiśca
bhāsurakīrtirjayati kṣoṇīsuravandyacaraṇābjā

Meaning open with adhikāra · अर्थ अधिकार से

Verse 231

नतपालिनि मां पाहि त्रिजगद्वन्द्ये निधेहि मयि दयया ।
तावककटाक्षलहरीः शक्तिमये सकलसिद्धीनाम् ॥ २३१ ॥

natapālini māṃ pāhi trijagadvandye nidhehi mayi dayayā
tāvakakaṭākṣalaharīḥ śaktimaye sakalasiddhīnām

Meaning open with adhikāra · अर्थ अधिकार से

Verse 232

भवसागरं तितीर्षुस्तव चरणाब्जं महासेयुम् ।
मातः कदा नु लप्स्ये घनतापोर्म्यादिपीडितो दीनः ॥ २३२ ॥

bhavasāgaraṃ titīrṣustava caraṇābjaṃ mahāseyum
mātaḥ kadā nu lapsye ghanatāpormyādipīḍito dīnaḥ

Meaning open with adhikāra · अर्थ अधिकार से

Verse 233

कविवाग्वासन्तीनां वसन्तलक्ष्मीर्मुरारिदयिता नः ।
परमां मुदं विधत्ते काले काले महाभूत्यै ॥ २३३ ॥

kavivāgvāsantīnāṃ vasantalakṣmīrmurāridayitā naḥ
paramāṃ mudaṃ vidhatte kāle kāle mahābhūtyai

Meaning open with adhikāra · अर्थ अधिकार से

Verse 234

सुरहरपरतन्त्रं तद् गततन्द्रं वस्तु निस्तुलमुपासे ।
तेनैवाहं धन्यो मद्वंश्या निरसितात्मतापभराः ॥ २३४ ॥

suraharaparatantraṃ tad gatatandraṃ vastu nistulamupāse
tenaivāhaṃ dhanyo madvaṃśyā nirasitātmatāpabharāḥ

Meaning open with adhikāra · अर्थ अधिकार से

Verse 235

तृष्णां शमयति देवी राघवदयिता नतालिसुरवल्ली ।
इट्यार्यवचो धैर्यं जनयति काले धरापुत्रि ॥ २३५ ॥

tṛṣṇāṃ śamayati devī rāghavadayitā natālisuravallī
iṭyāryavaco dhairyaṃ janayati kāle dharāputri

Meaning open with adhikāra · अर्थ अधिकार से

Verse 236

रघुपतिदयिते मातः काकासुररक्षणादिना लोके ।
तावककरुणामहिमा प्रथितः किल भूतिदायी नः ॥ २३६ ॥

raghupatidayite mātaḥ kākāsurarakṣaṇādinā loke
tāvakakaruṇāmahimā prathitaḥ kila bhūtidāyī naḥ

Meaning open with adhikāra · अर्थ अधिकार से

Verse 237

प्रचुरतदुरितपालीसमावृतानां कलौ हि तप्तानाम् ।
तावकदया हि मातः शरणं वरमिति सतां गणः स्तौति ॥ २३७ ॥

pracurataduritapālīsamāvṛtānāṃ kalau hi taptānām
tāvakadayā hi mātaḥ śaraṇaṃ varamiti satāṃ gaṇaḥ stauti

Meaning open with adhikāra · अर्थ अधिकार से

Verse 238

अत्यन्तशीतलां तां कटाक्षधाटीमुपासेऽहम् ।
तेन मम त्रिदशानां न कोऽपि भेदो धरातनये ॥ २३८ ॥

atyantaśītalāṃ tāṃ kaṭākṣadhāṭīmupāse'ham
tena mama tridaśānāṃ na ko'pi bhedo dharātanaye

Meaning open with adhikāra · अर्थ अधिकार से

Verse 239

यैः सेवा संकलिता तव पादाब्जे धरातनये ।
तेषामज्ञानझरी याति हि विलयं क्षणेनैव ॥ २३९ ॥

yaiḥ sevā saṃkalitā tava pādābje dharātanaye
teṣāmajñānajharī yāti hi vilayaṃ kṣaṇenaiva

Meaning open with adhikāra · अर्थ अधिकार से

Verse 240

ज्ञानारविन्दविलसनमचिरादस्य स्तुतौ हि कविवर्याः ।
संपद् दिव्या च तथा विबुधावलिमाननीयात्र ॥ २४० ॥

jñānāravindavilasanamacirādasya stutau hi kavivaryāḥ
saṃpad divyā ca tathā vibudhāvalimānanīyātra

Meaning open with adhikāra · अर्थ अधिकार से

Verse 241

मातस्तव पादाब्जं यस्य ललाटे कृतोरुनिजकान्ति ।
तत्पादपद्ममचिराद् विमानगा देवता वहति ॥ २४१ ॥

mātastava pādābjaṃ yasya lalāṭe kṛtorunijakānti
tatpādapadmamacirād vimānagā devatā vahati

Meaning open with adhikāra · अर्थ अधिकार से

Verse 242

आज्ञावशेन देव्या लसन्ति दिवि देवतामान्याः ।
इन्द्राद्याः स च धाता दिक्पालाश्चापि गन्धर्वाः ॥ २४२ ॥

ājñāvaśena devyā lasanti divi devatāmānyāḥ
indrādyāḥ sa ca dhātā dikpālāścāpi gandharvāḥ

Meaning open with adhikāra · अर्थ अधिकार से

Verse 243

कैवल्यानन्दकलादात्रीं कमलामहर्निशं नौमि ।
तेनैव जन्म सफलं तीर्थादिनिषेवणाद्यच्च ॥ २४३ ॥

kaivalyānandakalādātrīṃ kamalāmaharniśaṃ naumi
tenaiva janma saphalaṃ tīrthādiniṣevaṇādyacca

Meaning open with adhikāra · अर्थ अधिकार से

Verse 244

यच्च हरिपादपङ्केरुहपरिचरणादिना लोके ।
तत् सर्वमाशु घटयति सहसा मन्दस्य मे माता ॥ २४४ ॥

yacca haripādapaṅkeruhaparicaraṇādinā loke
tat sarvamāśu ghaṭayati sahasā mandasya me mātā

Meaning open with adhikāra · अर्थ अधिकार से

Verse 245

नानाश्रुत्यन्तकलापरिमलपरिवाहवासितं मातः ।
तव चरणकमलयुगलं ममावतंसः क्षणं भातु ॥ २४५ ॥

nānāśrutyantakalāparimalaparivāhavāsitaṃ mātaḥ
tava caraṇakamalayugalaṃ mamāvataṃsaḥ kṣaṇaṃ bhātu

Meaning open with adhikāra · अर्थ अधिकार से

Verse 246

नतदेवनगरनारीधम्मिल्ललसत्सुमालिकृतनादाः ।
प्रातर्मुरजविलासं कलयन्ति भृशं तवाग्रतो भृङ्गाः ॥ २४६ ॥

natadevanagaranārīdhammillalasatsumālikṛtanādāḥ
prātarmurajavilāsaṃ kalayanti bhṛśaṃ tavāgrato bhṛṅgāḥ

Meaning open with adhikāra · अर्थ अधिकार से

Verse 247

पापप्रशमनदीक्षाकलाधुरीणाः पयोजनिलये ते ।
मां च पवित्रीकुर्युः पादपरागाः कृपावशतः ॥ २४७ ॥

pāpapraśamanadīkṣākalādhurīṇāḥ payojanilaye te
māṃ ca pavitrīkuryuḥ pādaparāgāḥ kṛpāvaśataḥ

Meaning open with adhikāra · अर्थ अधिकार से

Verse 248

हन्त कदा वा लप्स्ये तवाङ्घ्रिशुश्रूषणासक्तिम् ।
सहजानन्दं तेन हि पदं क्रमात् प्राप्यमादिष्टम् ॥ २४८ ॥

hanta kadā vā lapsye tavāṅghriśuśrūṣaṇāsaktim
sahajānandaṃ tena hi padaṃ kramāt prāpyamādiṣṭam

Meaning open with adhikāra · अर्थ अधिकार से

Verse 249

नलिनीविलासरुचिरां मयि देवि त्वत्कटाक्षलहरीं हि ।
काले निधेहि दयया स्फीता ते कीर्तिरादृता सर्वैः ॥ २४९ ॥

nalinīvilāsarucirāṃ mayi devi tvatkaṭākṣalaharīṃ hi
kāle nidhehi dayayā sphītā te kīrtirādṛtā sarvaiḥ

Meaning open with adhikāra · अर्थ अधिकार से

Verse 250

विनिहतदुरितस्तोमा कापि मदीये हृदम्भोजे ।
लसतु परदेवताख्या माधवनेत्रप्रियंकरी कलिका ॥ २५० ॥

vinihataduritastomā kāpi madīye hṛdambhoje
lasatu paradevatākhyā mādhavanetrapriyaṃkarī kalikā

Meaning open with adhikāra · अर्थ अधिकार से

Verse 251

पञ्चायुधगुरुमन्त्रं कलनूपुरनिनदमादरात् कमले ।
कलयति रमाधवगृहं यातुं काले त्वयि प्रवृत्तायाम् ॥ २५१ ॥

pañcāyudhagurumantraṃ kalanūpuraninadamādarāt kamale
kalayati ramādhavagṛhaṃ yātuṃ kāle tvayi pravṛttāyām

Meaning open with adhikāra · अर्थ अधिकार से

Verse 252

नतनाकिलोकवनिताललाटसिन्दूरशोणकान्तिभृतोः ।
कलये नमांसि कमले तव पादपयोजयोर्नित्यम् ॥ २५२ ॥

natanākilokavanitālalāṭasindūraśoṇakāntibhṛtoḥ
kalaye namāṃsi kamale tava pādapayojayornityam

Meaning open with adhikāra · अर्थ अधिकार से

Verse 253

कमलसुषुमानिवासस्थानकटाक्षं चिराय कृतरक्षम् ।
रक्षोगणभीतिकरं तेजो भाति प्रकाममिह मनसि ॥ २५३ ॥

kamalasuṣumānivāsasthānakaṭākṣaṃ cirāya kṛtarakṣam
rakṣogaṇabhītikaraṃ tejo bhāti prakāmamiha manasi

Meaning open with adhikāra · अर्थ अधिकार से

Verse 254

ज्योत्स्नेव शिशिरपाता कटाक्षधाटी त्वदीया हि ।
अम्ब मुकुन्द कुरुते ॥ २५४ ॥

jyotsneva śiśirapātā kaṭākṣadhāṭī tvadīyā hi
amba mukunda kurute

Meaning open with adhikāra · अर्थ अधिकार से

line doubtful

Verse 255

तापहररसविवर्षमधृतकुतुका कापि नीलनलिनरुचिः ।
कादम्बिनी पुरस्तदास्तां नः संततं जननी ॥ २५५ ॥

tāpahararasavivarṣamadhṛtakutukā kāpi nīlanalinaruciḥ
kādambinī purastadāstāṃ naḥ saṃtataṃ jananī

Meaning open with adhikāra · अर्थ अधिकार से

Verse 256

सफलयतु नेत्रयुगलं मामकमेतत् त्वदीयरूपमहो ।
यत् कमलनेत्रसुचरितपचेलिमं वैदिकी श्रुतिर्ब्रूते ॥ २५६ ॥

saphalayatu netrayugalaṃ māmakametat tvadīyarūpamaho
yat kamalanetrasucaritapacelimaṃ vaidikī śrutirbrūte

Meaning open with adhikāra · अर्थ अधिकार से

Verse 257

माधवनेत्रपयोजामृतलहरी भाति तावकं रूपम् ।
अम्ब युवामाद्यौ नः पितरौ वने सुखावाप्त्यै ॥ २५७ ॥

mādhavanetrapayojāmṛtalaharī bhāti tāvakaṃ rūpam
amba yuvāmādyau naḥ pitarau vane sukhāvāptyai

Meaning open with adhikāra · अर्थ अधिकार से

Verse 258

सरसकवितादिसंपद्विलसनमारादुशान्ति कविवर्याः ।
यत्प्रीणनेन सा मे भवतु विभूत्यै हि सा कमला ॥ २५८ ॥

sarasakavitādisaṃpadvilasanamārāduśānti kavivaryāḥ
yatprīṇanena sā me bhavatu vibhūtyai hi sā kamalā

Meaning open with adhikāra · अर्थ अधिकार से

Verse 259

मनसिजजयादिकार्यं यदपाङ्गलवान्नृणां भवति ।
तत्पदमानन्दकलं सेव्यं च भजे रमां जननीम् ॥ २५९ ॥

manasijajayādikāryaṃ yadapāṅgalavānnṛṇāṃ bhavati
tatpadamānandakalaṃ sevyaṃ ca bhaje ramāṃ jananīm

Meaning open with adhikāra · अर्थ अधिकार से

Verse 260

शिथिलततमःसमूहा भक्तानां सा रमा देवी ।
जनयति धैर्यं च हरेः काले या सर्वदा सेव्या ॥ २६० ॥

śithilatatamaḥsamūhā bhaktānāṃ sā ramā devī
janayati dhairyaṃ ca hareḥ kāle yā sarvadā sevyā

Meaning open with adhikāra · अर्थ अधिकार से

Verse 261

यद्भ्रूविलासवशतः शक्तः सृष्ट्यादिकं कर्तुम् ।
हरिरपि लोके ख्यातः सा नः शरणं जगन्माता ॥ २६१ ॥

yadbhrūvilāsavaśataḥ śaktaḥ sṛṣṭyādikaṃ kartum
harirapi loke khyātaḥ sā naḥ śaraṇaṃ jaganmātā

Meaning open with adhikāra · अर्थ अधिकार से

Verse 262

नयनयुगलीं कदा मे सिञ्चति एव्याः परं रूपम् ।
यद्भजनान्न हि लोके दृष्टं श्लाध्यं परं वस्तु ॥ २६२ ॥

nayanayugalīṃ kadā me siñcati evyāḥ paraṃ rūpam
yadbhajanānna hi loke dṛṣṭaṃ ślādhyaṃ paraṃ vastu

Meaning open with adhikāra · अर्थ अधिकार से

Verse 263

सुचरितफलं त्वदीयं रूपं नः कलितभक्तीनाम् ।
अत एव मामकानां पापानां विरतिरूर्जिता कमले ॥ २६३ ॥

sucaritaphalaṃ tvadīyaṃ rūpaṃ naḥ kalitabhaktīnām
ata eva māmakānāṃ pāpānāṃ viratirūrjitā kamale

Meaning open with adhikāra · अर्थ अधिकार से

Verse 264

सुकृतिविभवादुपास्या कमला सा सर्वकल्याणा ।
हरिवक्षसि कृतवासा रक्षति लोकानहोरात्रम् ॥ २६४ ॥

sukṛtivibhavādupāsyā kamalā sā sarvakalyāṇā
harivakṣasi kṛtavāsā rakṣati lokānahorātram

Meaning open with adhikāra · अर्थ अधिकार से

Verse 265

संविद्रूपा हि हरेः कुटुम्बिनी भाति भक्तहृदयेषु ।
सर्वश्रेयःप्राप्त्यै यां विदुरार्या रमां कमलाम् ॥ २६५ ॥

saṃvidrūpā hi hareḥ kuṭumbinī bhāti bhaktahṛdayeṣu
sarvaśreyaḥprāptyai yāṃ vidurāryā ramāṃ kamalām

Meaning open with adhikāra · अर्थ अधिकार से

Verse 266

विषयलहरीप्रशान्त्यै कमलापादाम्बुजं नौमि ।
पूर्वं शुकादिसुधियो यद्ध्यानाद् गलितशत्रुभयाः ॥ २६६ ॥

viṣayalaharīpraśāntyai kamalāpādāmbujaṃ naumi
pūrvaṃ śukādisudhiyo yaddhyānād galitaśatrubhayāḥ

Meaning open with adhikāra · अर्थ अधिकार से

Verse 267

ललितगमनं त्वदीयं कलनूपुरनादपूरितं मातः ।
नौमि पदाम्बुजयुगलं भवतापनिरासनायाद्य ॥ २६७ ॥

lalitagamanaṃ tvadīyaṃ kalanūpuranādapūritaṃ mātaḥ
naumi padāmbujayugalaṃ bhavatāpanirāsanāyādya

Meaning open with adhikāra · अर्थ अधिकार से

Verse 268

विरलीकरोति तापं कमलाया मन्दहासझरी ।
यत्सेवनेषु समुदितकौतुकरसनिर्भरो हरिर्जयति ॥ २६८ ॥

viralīkaroti tāpaṃ kamalāyā mandahāsajharī
yatsevaneṣu samuditakautukarasanirbharo harirjayati

Meaning open with adhikāra · अर्थ अधिकार से

Verse 269

प्रतिफलतु संततं मे पुरतो मातस्त्वदीयरूपमिदम् ।
यद्दर्शनरसभूम्ना हरिरपि नानास्वरूपभाक् काले ॥ २६९ ॥

pratiphalatu saṃtataṃ me purato mātastvadīyarūpamidam
yaddarśanarasabhūmnā harirapi nānāsvarūpabhāk kāle

Meaning open with adhikāra · अर्थ अधिकार से

Verse 270

अम्ब तव चरणसेवां संततमहमादरात् कलये ।
तेन मम जन्म सफलं त्रिदशानामिव मुनीन्द्राणाम् ॥ २७० ॥

amba tava caraṇasevāṃ saṃtatamahamādarāt kalaye
tena mama janma saphalaṃ tridaśānāmiva munīndrāṇām

Meaning open with adhikāra · अर्थ अधिकार से

Verse 271

दुर्वारगर्वदुर्मतिदुरर्थनिरसनकलानिपुणाः ।
तव चरणसेवयैव हि कमले मातर्बुधा जगति ॥ २७१ ॥

durvāragarvadurmatidurarthanirasanakalānipuṇāḥ
tava caraṇasevayaiva hi kamale mātarbudhā jagati

Meaning open with adhikāra · अर्थ अधिकार से

Verse 272

आनदमेति मातस्तव नामोच्चारणेन सिन्धुभवे ।
संप्राप्तत्वद्रूपं मम मानसमात्तयोगकलम् ॥ २७२ ॥

ānadameti mātastava nāmoccāraṇena sindhubhave
saṃprāptatvadrūpaṃ mama mānasamāttayogakalam

Meaning open with adhikāra · अर्थ अधिकार से

Verse 273

तव दृष्टिपातविभवात् सर्वे लोके विधूततापभराः ।
यान्ति मुदा त्रिदशैः सह विभानमारुह्य मातरहो ॥ २७३ ॥

tava dṛṣṭipātavibhavāt sarve loke vidhūtatāpabharāḥ
yānti mudā tridaśaiḥ saha vibhānamāruhya mātaraho

Meaning open with adhikāra · अर्थ अधिकार से

Verse 274

को वा न श्रयति बुधः श्रेयोऽर्थी तामिमां कमलाम् ।
यां पन्नगारिवाहनसद्गर्मिणीमर्चयन्ति सुरनाथाः ॥ २७४ ॥

ko vā na śrayati budhaḥ śreyo'rthī tāmimāṃ kamalām
yāṃ pannagārivāhanasadgarmiṇīmarcayanti suranāthāḥ

Meaning open with adhikāra · अर्थ अधिकार से

Verse 275

तामरविन्दनिवासामम्बां शरणार्थिनां कलितरक्षाम् ।
बहुरूपेष्वघनिचयेष्वपि निश्चित्यात्मनो धैर्यम् ॥ २७५ ॥

tāmaravindanivāsāmambāṃ śaraṇārthināṃ kalitarakṣām
bahurūpeṣvaghanicayeṣvapi niścityātmano dhairyam

Meaning open with adhikāra · अर्थ अधिकार से

Verse 276

करुणाप्रवाहझर्या गतपङ्क भूतलं मातः ।
सत्वाङ्कुरादिलसितं जयति पयोराशिककन्यके कमले ॥ २७६ ॥

karuṇāpravāhajharyā gatapaṅka bhūtalaṃ mātaḥ
satvāṅkurādilasitaṃ jayati payorāśikakanyake kamale

Meaning open with adhikāra · अर्थ अधिकार से

Verse 277

विधिशिववासवमुख्यैर्वन्द्यपदाब्जे नमस्तुभ्यम् ।
मातर्विष्णोर्दयिते सर्वज्ञत्वं च मे कलय ॥ २७७ ॥

vidhiśivavāsavamukhyairvandyapadābje namastubhyam
mātarviṣṇordayite sarvajñatvaṃ ca me kalaya

Meaning open with adhikāra · अर्थ अधिकार से

Verse 278

परदेवते प्रसीद प्रसीद हरिवल्लभे मातः ।
त्वामाहुः श्रुतयः किल कल्याणगुणाकरां नित्याम् ॥ २७८ ॥

paradevate prasīda prasīda harivallabhe mātaḥ
tvāmāhuḥ śrutayaḥ kila kalyāṇaguṇākarāṃ nityām

Meaning open with adhikāra · अर्थ अधिकार से

Verse 279

क्षन्तव्यमम्ब मामकमघराशिं क्षपय वीक्षणतः ।
सत्वोन्मेषं देहि प्रिये हरेर्दासमपि कुरु माम् ॥ २७९ ॥

kṣantavyamamba māmakamagharāśiṃ kṣapaya vīkṣaṇataḥ
satvonmeṣaṃ dehi priye harerdāsamapi kuru mām

Meaning open with adhikāra · अर्थ अधिकार से

Verse 280

वाञ्छितसिद्धिर्न स्याद् यदि पादाब्जे कृतप्रणामानाम् ।
हानिस्त्वदीययशसामिति केचिद्धैर्यवन्तश्च ॥ २८० ॥

vāñchitasiddhirna syād yadi pādābje kṛtapraṇāmānām
hānistvadīyayaśasāmiti keciddhairyavantaśca

Meaning open with adhikāra · अर्थ अधिकार से

Verse 281

सदसदनुग्रहदक्षां त्वां मातः संततं नौमि ।
ग्रहपीडा नैव भवेद्यमपीडा दूरतः काले ॥ २८१ ॥

sadasadanugrahadakṣāṃ tvāṃ mātaḥ saṃtataṃ naumi
grahapīḍā naiva bhavedyamapīḍā dūrataḥ kāle

Meaning open with adhikāra · अर्थ अधिकार से

Verse 282

विद्याः कलाश्च काले कृपया कलय प्रसीदाशु ।
मातस्त्वमेव जगतां सर्वेषां रक्षणं त्वया क्रियते ॥ २८२ ॥

vidyāḥ kalāśca kāle kṛpayā kalaya prasīdāśu
mātastvameva jagatāṃ sarveṣāṃ rakṣaṇaṃ tvayā kriyate

Meaning open with adhikāra · अर्थ अधिकार से

Verse 283

उछेष्वपि नीचेषु प्रकाशते तुल्यमेव तव रूपम् ।
एतद् दृष्ट्वा धैर्यं घनागसोऽप्यम्ब जायते ननु मे ॥ २८३ ॥

ucheṣvapi nīceṣu prakāśate tulyameva tava rūpam
etad dṛṣṭvā dhairyaṃ ghanāgaso'pyamba jāyate nanu me

Meaning open with adhikāra · अर्थ अधिकार से

Verse 284

का शङ्का तव वैभवजालं वक्तुं दिगन्तरे मातः ।
वरहारालंकारां सेवन्ते त्वां हरित्पतयः ॥ २८४ ॥

kā śaṅkā tava vaibhavajālaṃ vaktuṃ digantare mātaḥ
varahārālaṃkārāṃ sevante tvāṃ haritpatayaḥ

Meaning open with adhikāra · अर्थ अधिकार से

Verse 285

कमलायाश्च हरेरपि संदृष्यं दिव्यदांपत्यम् ।
तावेव नः पती किल जन्मान्तरपुण्यपरिपाकात् ॥ २८५ ॥

kamalāyāśca harerapi saṃdṛṣyaṃ divyadāṃpatyam
tāveva naḥ patī kila janmāntarapuṇyaparipākāt

Meaning open with adhikāra · अर्थ अधिकार से

Verse 286

सर्वासामुपनिषदां विद्यानां त्वंपरं स्थानम् ।
अल्पधियो वयमेते त्वत्स्तोत्रे भोः कथं शक्ताः ॥ २८६ ॥

sarvāsāmupaniṣadāṃ vidyānāṃ tvaṃparaṃ sthānam
alpadhiyo vayamete tvatstotre bhoḥ kathaṃ śaktāḥ

Meaning open with adhikāra · अर्थ अधिकार से

Verse 287

साष्टाङ्गप्रणतिरियं प्रकल्पिता मातरद्य तव चरणे ।
तेनाहं हि कृतार्थः किं प्रार्थ्यं वस्त्वतः कमले ॥ २८७ ॥

sāṣṭāṅgapraṇatiriyaṃ prakalpitā mātaradya tava caraṇe
tenāhaṃ hi kṛtārthaḥ kiṃ prārthyaṃ vastvataḥ kamale

Meaning open with adhikāra · अर्थ अधिकार से

Verse 288

स्तोत्रमिदंहि मया ते चरणाम्भोजे समर्पितं भक्त्या ।
तव च गुरोरपि वीक्षा तत्र निदानं परं नान्यत् ॥ २८८ ॥

stotramidaṃhi mayā te caraṇāmbhoje samarpitaṃ bhaktyā
tava ca gurorapi vīkṣā tatra nidānaṃ paraṃ nānyat

Meaning open with adhikāra · अर्थ अधिकार से

Verse 289

देहान्ते ननु मातर्मोक्षं त्रिदशैः समं देहि ।
अहमपि साम पठन् सन् त्वां च हरिं यामि शरणार्थी ॥ २८९ ॥

dehānte nanu mātarmokṣaṃ tridaśaiḥ samaṃ dehi
ahamapi sāma paṭhan san tvāṃ ca hariṃ yāmi śaraṇārthī

Meaning open with adhikāra · अर्थ अधिकार से

Verse 290

शुकवाणीमिव मातर्निरर्थकां मद्वचोभङ्गीम् ।
आराच्छृणोषि दयया तदेव चोत्तमपदव्यक्त्यै ॥ २९० ॥

śukavāṇīmiva mātarnirarthakāṃ madvacobhaṅgīm
ārācchṛṇoṣi dayayā tadeva cottamapadavyaktyai

Meaning open with adhikāra · अर्थ अधिकार से

Verse 291

विद्यां कलां वरिष्ठां अम्ब त्वां संततं वन्दे ।
या व्याकरोषि काले विद्वद्भिर्वेदतत्त्वादि ॥ २९१ ॥

vidyāṃ kalāṃ variṣṭhāṃ amba tvāṃ saṃtataṃ vande
yā vyākaroṣi kāle vidvadbhirvedatattvādi

Meaning open with adhikāra · अर्थ अधिकार से

Verse 292

वैदुष्यं वाण्याः सत्संपज्झर्यो यदीयवीक्षणतः ।
सिध्यन्त्यपि देवानां सा नः शरणं रमा देवी ॥ २९२ ॥

vaiduṣyaṃ vāṇyāḥ satsaṃpajjharyo yadīyavīkṣaṇataḥ
sidhyantyapi devānāṃ sā naḥ śaraṇaṃ ramā devī

Meaning open with adhikāra · अर्थ अधिकार से

Verse 293

विपुलं श्रियो विलासं श्रद्धां भक्त्यादिकं देहि ।
अम्ब प्रसीद काले तव पादाब्जैकसेविनामिह नः ॥ २९३ ॥

vipulaṃ śriyo vilāsaṃ śraddhāṃ bhaktyādikaṃ dehi
amba prasīda kāle tava pādābjaikasevināmiha naḥ

Meaning open with adhikāra · अर्थ अधिकार से

Verse 294

केचित् प्राञ्चः कमलां प्राप्य हि शरणं विपत्काले ।
झटिति विधूनिततापाः सा मे देवी प्रसन्नास्तु ॥ २९४ ॥

kecit prāñcaḥ kamalāṃ prāpya hi śaraṇaṃ vipatkāle
jhaṭiti vidhūnitatāpāḥ sā me devī prasannāstu

Meaning open with adhikāra · अर्थ अधिकार से

Verse 295

मरकतकान्तिमनोहरमूर्तिः सैषा रमा देवी ।
पाति सकलानि काले जगन्ति करुणावलोकाद्यैः ॥ २९५ ॥

marakatakāntimanoharamūrtiḥ saiṣā ramā devī
pāti sakalāni kāle jaganti karuṇāvalokādyaiḥ

Meaning open with adhikāra · अर्थ अधिकार से

Verse 296

भागीरथीव वाणी तव नुतिरूपा विराजते परमा ।
इह मातर्यद्भजनं सर्वेषां सर्वसंपदां हेतुः ॥ २९६ ॥

bhāgīrathīva vāṇī tava nutirūpā virājate paramā
iha mātaryadbhajanaṃ sarveṣāṃ sarvasaṃpadāṃ hetuḥ

Meaning open with adhikāra · अर्थ अधिकार से

Verse 297

कलशपयोदधितनये हरिप्रिये लक्ष्मि मातरम्बेति ।
तव नामानि जपन् सन् त्वद्दासोऽहं तु मुक्तये सिद्धः ॥ २९७ ॥

kalaśapayodadhitanaye haripriye lakṣmi mātarambeti
tava nāmāni japan san tvaddāso'haṃ tu muktaye siddhaḥ

Meaning open with adhikāra · अर्थ अधिकार से

Verse 298

निखिलचराचररक्षां वितन्वती विष्णुवल्लभा कमला ।
मम कुलदैवतमेषा जयति सदाराध्यमान्यपादकमला ॥ २९८ ॥

nikhilacarācararakṣāṃ vitanvatī viṣṇuvallabhā kamalā
mama kuladaivatameṣā jayati sadārādhyamānyapādakamalā

निखिलचराचररक्षांवितन्वतीविष्णुवल्लभाकमलाममकुलदैवतमेषाजयतिसदाराध्यमान्यपादकमला
हिन्दी अर्थ

विष्णु की प्रिया कमला, जो सब चर-अचर पर रक्षा फैलाती हैं, मेरी कुलदेवी हैं। उनकी जय हो, जिनके चरण-कमल सदा पूजे और माने जाते हैं।

English sense

Kamalā, Viṣṇu's beloved, spreading protection over all that moves and does not move, is my family deity. Victory to her, whose lotus feet are always worshipped and honoured.

पदार्थ · word by word
निखिलचराचररक्षां
guarding all that moves and does not moveसब चर-अचर की रक्षा
वितन्वती
spreadingफैलाती हुई
विष्णुवल्लभा
beloved of Viṣṇuविष्णु की प्रिया
कमला
Kamalāकमला
मम
myमेरी
कुलदैवतमेषा
family deity, this oneकुलदेवी, यही
जयति
is victoriousजय हो
सदाराध्यमान्यपादकमला
whose lotus feet are always worshipped and honouredजिनके चरण-कमल सदा पूजे और माने जाते हैं

Verse 299

सर्वजन्नुतविभवे संततमपि वाञ्छितप्रदे देवि ।
अम्ब त्वमेव शरणं तेनाहं प्राप्तसर्वकार्यार्थः ॥ २९९ ॥

sarvajannutavibhave saṃtatamapi vāñchitaprade devi
amba tvameva śaraṇaṃ tenāhaṃ prāptasarvakāryārthaḥ

सर्वजन्नुतविभवेसंततमपिवाञ्छितप्रदेदेविअम्बत्वमेवशरणंतेनाहंप्राप्तसर्वकार्यार्थः
हिन्दी अर्थ

देवी, जिनकी महिमा सब लोग गाते हैं, सदा इच्छित वर देने वाली: माँ, आप ही मेरी शरण हैं। उसी से मैंने अपने सब कार्यों के लक्ष्य पाए हैं।

English sense

Goddess whose greatness all people praise, giver of wishes always: mother, you alone are my refuge. By that I have gained all the aims of my work.

पदार्थ · word by word
सर्वजन्नुतविभवे
whose greatness all people praiseजिनकी महिमा सब लोग गाते हैं
संततमपि
always, andसदा, भी
वाञ्छितप्रदे
giver of wishesइच्छित देने वाली
देवि
goddessदेवी
अम्ब
motherमाँ
त्वमेव
you aloneआप ही
शरणं
refugeशरण
तेनाहं
by that, Iउससे मैं
प्राप्तसर्वकार्यार्थः
who have gained all the aims of workजिसने सब कार्यों के लक्ष्य पाए

Verse 300

कमले कथं नु वर्ण्यस्तव महिमा निगममौलिगणवेद्यः ।
इति निश्चित्य पदाब्जं तव वन्दे मोक्षकामोऽहम् ॥ ३०० ॥

kamale kathaṃ nu varṇyastava mahimā nigamamauligaṇavedyaḥ
iti niścitya padābjaṃ tava vande mokṣakāmo'ham

कमलेकथंनुवर्ण्यस्तवमहिमानिगममौलिगणवेद्यःइतिनिश्चित्यपदाब्जंतववन्देमोक्षकामोऽहम्
हिन्दी अर्थ

कमला, आपकी महिमा का वर्णन कैसे हो, जो केवल उपनिषदों के समूह को ज्ञात है? यह निश्चय करके, मोक्ष की कामना से मैं आपके चरण-कमलों को प्रणाम करता हूँ।

English sense

Kamalā, how can your greatness be described, known only to the crowd of Upaniṣads? Having settled this, I bow to your lotus feet, wishing liberation.

पदार्थ · word by word
कमले
Kamalāकमला
कथं
howकैसे
नु
indeedभला
वर्ण्यस्तव
can be described, yourवर्णन हो, आपकी
महिमा
greatnessमहिमा
निगममौलिगणवेद्यः
known by the crowd of Upaniṣadsउपनिषदों के समूह को ज्ञात
इति
thusऐसा
निश्चित्य
having settledनिश्चय करके
पदाब्जं
lotus feetचरण-कमलों को
तव
yourआपके
वन्दे
I bowप्रणाम करता हूँ
मोक्षकामोऽहम्
I who wish liberationमोक्ष की कामना वाला मैं

Verse 301

त्वामम्ब बालिशोऽहं त्वचमत्कारैर्गिरां गुम्भैः ।
अयथायथक्रमं हि स्तुवन्नपि प्राप्तजन्मसाफल्यः ॥ ३०१ ॥

tvāmamba bāliśo'haṃ tvacamatkārairgirāṃ gumbhaiḥ
ayathāyathakramaṃ hi stuvannapi prāptajanmasāphalyaḥ

त्वामम्बबालिशोऽहंत्वचमत्कारैर्गिरांगुम्भैःअयथायथक्रमंहिस्तुवन्नपिप्राप्तजन्मसाफल्यः
हिन्दी अर्थ

माँ, मैं नादान बालक हूँ। आपके प्रति विस्मय की वाणी के गुच्छों से, बिना उचित क्रम के, स्तुति करने पर भी मैंने अपने जन्म की सफलता पा ली है।

English sense

Mother, I am a foolish child. Even though I praise you with clusters of words, wonders at you, in no proper order, I have found the fruit of my birth.

पदार्थ · word by word
त्वामम्ब
you, motherआपको, माँ
बालिशोऽहं
I, a foolish childमैं, नादान बालक
त्वचमत्कारैर्गिरां
with wonders at youआपके प्रति विस्मय से
गुम्भैः
with clusters of wordsवाणी के गुच्छों से
अयथायथक्रमं
in no proper orderबिना उचित क्रम के
हि
indeedही
स्तुवन्नपि
though praisingस्तुति करता हुआ भी
प्राप्तजन्मसाफल्यः
one who has gained the fruit of birthजिसने जन्म की सफलता पाई
इति श्रीकमलात्रिशती समाप्ता ।

Terms on this page

Mahavidyas महाविद्या One of ten tantric wisdom-goddess forms of the Devi; Kalika is traditionally counted foremost among them.
Lakshmi लक्ष्मी The Goddess of wealth and prosperity; for home worship a seated form is preferred, since a standing posture is understood to symbolize the instability of wealth.
Stotra स्तोत्र A hymn of praise to a deity, recitable without initiation, as distinct from a mantra which is not.

Translated and edited by Gaurav Verma under the site's published method. The Sanskrit text is in the public domain. Our transliteration, translation and apparatus are licensed CC BY-SA 4.0 — see /license.

← All stotras