गणेश चालीसा

।
चौपाई ॥

caupāī

जय जय जय गणपति गणराजू ।
मंगल भरण करण शुभ काजू ॥ १ ॥

jaya jaya jaya gaṇapati gaṇarājū
maṃgala bharaṇa karaṇa śubha kājū

जय गजबदन सदन सुखदाता ।
विश्व विनायक बुद्धि विधाता ॥ २ ॥

jaya gajabadana sadana sukhadātā
viśva vināyaka buddhi vidhātā

वक्र तुण्ड शुचि शुण्ड सुहावन ।
तिलक त्रिपुण्ड भाल मन भावन ॥ ३ ॥

vakra tuṇḍa śuci śuṇḍa suhāvana
tilaka tripuṇḍa bhāla mana bhāvana

राजत मणि मुक्तन उर माला ।
स्वर्ण मुकुट शिर नयन विशाला ॥ ४ ॥

rājata maṇi muktana ura mālā
svarṇa mukuṭa śira nayana viśālā

पुस्तक पाणि कुठार त्रिशूलं ।
मोदक भोग सुगन्धित फूलं ॥ ५ ॥

pustaka pāṇi kuṭhāra triśūlaṃ
modaka bhoga sugandhita phūlaṃ

सुन्दर पीताम्बर तन साजित ।
चरण पादुका मुनि मन राजित ॥ ६ ॥

sundara pītāmbara tana sājita
caraṇa pādukā muni mana rājita

धनि शिवसुवन षडानन भ्राता ।
गौरी ललन विश्व-विख्याता ॥ ७ ॥

dhani śivasuvana ṣaḍānana bhrātā
gaurī lalana viśva-vikhyātā

ऋद्धि सिद्धि तव चँवर डुलावे ।
मूषक वाहन सोहत द्वारे ॥ ८ ॥

ṛddhi siddhi tava cam̐vara ḍulāve
mūṣaka vāhana sohata dvāre

कहौ जन्म शुभ कथा तुम्हारी ।
अति शुचि पावन मंगल कारी ॥ ९ ॥

kahau janma śubha kathā tumhārī
ati śuci pāvana maṃgala kārī

एक समय गिरिराज कुमारी ।
पुत्र हेतु तप कीन्हा भारी ॥ १० ॥

eka samaya girirāja kumārī
putra hetu tapa kīnhā bhārī

भयो यज्ञ जब पूर्ण अनूपा ।
तब पहुंच्यो तुम धरि द्विज रूपा ॥ ११ ॥

bhayo yajña jaba pūrṇa anūpā
taba pahuṃcyo tuma dhari dvija rūpā

अतिथि जानि कै गौरी सुखारी ।
बहु विधि सेवा करी तुम्हारी ॥ १२ ॥

atithi jāni kai gaurī sukhārī
bahu vidhi sevā karī tumhārī

अति प्रसन्न ह्वै तुम वर दीन्हा ।
मातु पुत्र हित जो तप कीन्हा ॥ १३ ॥

ati prasanna hvai tuma vara dīnhā
mātu putra hita jo tapa kīnhā

मिलहि पुत्र तुहि बुद्धि विशाला ।
बिना गर्भ धारण यहि काला ॥ १४ ॥

milahi putra tuhi buddhi viśālā
binā garbha dhāraṇa yahi kālā

गणनायक गुण ज्ञान निधाना ।
पूजित प्रथम रूप भगवाना ॥ १५ ॥

gaṇanāyaka guṇa jñāna nidhānā
pūjita prathama rūpa bhagavānā

अस कहि अन्तर्धान रूप ह्वै ।
पलना पर बालक स्वरूप ह्वै ॥ १६ ॥

asa kahi antardhāna rūpa hvai
palanā para bālaka svarūpa hvai

बनि शिशु रुदन जबहि तुम ठाना ।
लखि मुख सुख नहिं गौरि समाना ॥ १७ ॥

bani śiśu rudana jabahi tuma ṭhānā
lakhi mukha sukha nahiṃ gauri samānā

सकल मगन सुख मंगल गावहिं ।
नभ ते सुरन सुमन वर्षावहिं ॥ १८ ॥

sakala magana sukha maṃgala gāvahiṃ
nabha te surana sumana varṣāvahiṃ

शम्भु उमा बहुदान लुटावहिं ।
सुर मुनि जन सुत देखन आवहिं ॥ १९ ॥

śambhu umā bahudāna luṭāvahiṃ
sura muni jana suta dekhana āvahiṃ

लखि अति आनन्द मंगल साजा ।
देखन भी आए शनि राजा ॥ २० ॥

lakhi ati ānanda maṃgala sājā
dekhana bhī āe śani rājā

निज अवगुण गुनि शनि मन माहीं ।
बालक देखन चाहत नाहीं ॥ २१ ॥

nija avaguṇa guni śani mana māhīṃ
bālaka dekhana cāhata nāhīṃ

गिरजा कछु मन भेद बढ़ायो ।
उत्सव मोर न शनि तुहि भायो ॥ २२ ॥

girajā kachu mana bheda baṛhāyo
utsava mora na śani tuhi bhāyo

कहन लगे शनि मन सकुचाई ।
का करिहौ शिशु मोहि दिखाई ॥ २३ ॥

kahana lage śani mana sakucāī
kā karihau śiśu mohi dikhāī

नहिं विश्वास उमा कर भयऊ ।
शनि सों बालक देखन कह्यऊ ॥ २४ ॥

nahiṃ viśvāsa umā kara bhayaū
śani soṃ bālaka dekhana kahyaū

पड़तहिं शनि दृग कोण प्रकाशा ।
बालक शिर उड़ि गयो आकाशा ॥ २५ ॥

paṛatahiṃ śani dṛga koṇa prakāśā
bālaka śira uṛi gayo ākāśā

गिरजा गिरीं विकल ह्वै धरणी ।
सो दुख दशा गयो नहिं वरणी ॥ २६ ॥

girajā girīṃ vikala hvai dharaṇī
so dukha daśā gayo nahiṃ varaṇī

हाहाकार मच्यो कैलाशा ।
शनि कीन्ह्यों लखि सुत को नाशा ॥ २७ ॥

hāhākāra macyo kailāśā
śani kīnhyoṃ lakhi suta ko nāśā

तुरत गरुड़ चढ़ि विष्णु सिधाए ।
काटि चक्र सो गज शिर लाए ॥ २८ ॥

turata garuṛa caṛhi viṣṇu sidhāe
kāṭi cakra so gaja śira lāe

बालक के धड़ ऊपर धारयो ।
प्राण मन्त्र पढ़ शंकर डारयो ॥ २९ ॥

bālaka ke dhaṛa ūpara dhārayo
prāṇa mantra paṛha śaṃkara ḍārayo

नाम गणेश शम्भु तब कीन्हे ।
प्रथम पूज्य बुद्धि निधि वर दीन्हे ॥ ३० ॥

nāma gaṇeśa śambhu taba kīnhe
prathama pūjya buddhi nidhi vara dīnhe

बुद्धि परीक्षा जब शिव कीन्हा ।
पृथ्वी की प्रदक्षिणा लीन्हा ॥ ३१ ॥

buddhi parīkṣā jaba śiva kīnhā
pṛthvī kī pradakṣiṇā līnhā

चले षडानन भरमि भुलाई ।
रची बैठ तुम बुद्धि उपाई ॥ ३२ ॥

cale ṣaḍānana bharami bhulāī
racī baiṭha tuma buddhi upāī

चरण मातु-पितु के धर लीन्हें ।
तिनके सात प्रदक्षिण कीन्हें ॥ ३३ ॥

caraṇa mātu-pitu ke dhara līnheṃ
tinake sāta pradakṣiṇa kīnheṃ

धनि गणेश कहि शिव हिय हरषे ।
नभ ते सुरन सुमन बहु बरसे ॥ ३४ ॥

dhani gaṇeśa kahi śiva hiya haraṣe
nabha te surana sumana bahu barase

तुम्हरी महिमा बुद्धि बड़ाई ।
शेष सहस मुख सकै न गाई ॥ ३५ ॥

tumharī mahimā buddhi baṛāī
śeṣa sahasa mukha sakai na gāī

मैं मति हीन मलीन दुखारी ।
करहुँ कौन बिधि विनय तुम्हारी ॥ ३६ ॥

maiṃ mati hīna malīna dukhārī
karahum̐ kauna bidhi vinaya tumhārī

भजत रामसुन्दर प्रभुदासा ।
लख प्रयाग ककरा दुर्वासा ॥ ३७ ॥

bhajata rāmasundara prabhudāsā
lakha prayāga kakarā durvāsā

अब प्रभु दया दीन पर कीजै ।
अपनी शक्ति भक्ति कुछ दीजै ॥ ३८ ॥

aba prabhu dayā dīna para kījai
apanī śakti bhakti kucha dījai

श्री गणेश यह चालीसा पाठ करें धर ध्यान ।
नित नव मंगल गृह बसै लहे जगत सन्मान ॥

śrī gaṇeśa yaha cālīsā pāṭha kareṃ dhara dhyāna
nita nava maṃgala gṛha basai lahe jagata sanmāna

सम्वत् अपन सहस्र दश ऋषि पंचमी दिनेश ।
पूरण चालीसा भयो मंगल मूर्ति गणेश ॥

samvat apana sahasra daśa ṛṣi paṃcamī dineśa
pūraṇa cālīsā bhayo maṃgala mūrti gaṇeśa