श्रीएकमुखहनुमत्कवचम्

एकदा सुखमासीनं शंकरं लोकशंकरम् ॥
पप्रच्छ गिरिजा कांतं कर्पूरधवलं शिवम् ॥ १ ॥

ekadā sukhamāsīnaṃ śaṃkaraṃ lokaśaṃkaram
papraccha girijā kāṃtaṃ karpūradhavalaṃ śivam

श्रीपार्वत्युवाच — श्रीपार्वती ने कहा Śrī Pārvatī said

भगवन्देवदेवेश लोकनाथ जगत्प्रभो ॥
शोकाकुलानां लोकानां केन रक्षा भवेद्ध्रुवम् ॥ २ ॥

bhagavandevadeveśa lokanātha jagatprabho
śokākulānāṃ lokānāṃ kena rakṣā bhaveddhruvam

संग्रामे संकटे घोरे भूतप्रेतादिके भये ॥
दुःखदावाग्निसंतप्तचेतसां दुःखभागिनाम् ॥ ३ ॥

saṃgrāme saṃkaṭe ghore bhūtapretādike bhaye
duḥkhadāvāgnisaṃtaptacetasāṃ duḥkhabhāginām

श्रीमहादेव उवाच — श्रीमहादेव ने कहा Śrī Mahādeva said

शृणु देवि प्रवक्ष्यामि लोकानां हितकाम्यया ॥
विभीषणाय रामेण प्रेम्णा दत्तं च यत्पुरा ॥ ४ ॥

śṛṇu devi pravakṣyāmi lokānāṃ hitakāmyayā
vibhīṣaṇāya rāmeṇa premṇā dattaṃ ca yatpurā

कवचं कपिनाथस्य वायुपुत्रस्य धीमतः ॥
गुह्यं तत्ते प्रवक्ष्यामि विशेषाच्छृणु सुंदरि ॥ ५ ॥

kavacaṃ kapināthasya vāyuputrasya dhīmataḥ
guhyaṃ tatte pravakṣyāmi viśeṣācchṛṇu suṃdari

Meaning open with adhikāra · अर्थ अधिकार से

उद्यदादित्यसंकाशमुदारभुजविक्रमम् ॥
कंदर्पकोटिलावण्यं सर्वविद्याविशारदम् ॥ ६ ॥

udyadādityasaṃkāśamudārabhujavikramam
kaṃdarpakoṭilāvaṇyaṃ sarvavidyāviśāradam

Meaning open with adhikāra · अर्थ अधिकार से

श्रीरामहृदयानन्दं भक्तकल्पमहीरुहम् ॥
अभयं वरदं दोर्भ्यां कलये मारुतात्मजम् ॥ ७ ॥

śrīrāmahṛdayānandaṃ bhaktakalpamahīruham
abhayaṃ varadaṃ dorbhyāṃ kalaye mārutātmajam

Meaning open with adhikāra · अर्थ अधिकार से

हनूमानंजनीसूनुर्वायुपुत्रो महाबलः ॥
रामेष्टः फाल्गुनसखः पिंगाक्षोऽमितविक्रमः ॥ ८ ॥

hanūmānaṃjanīsūnurvāyuputro mahābalaḥ
rāmeṣṭaḥ phālgunasakhaḥ piṃgākṣo'mitavikramaḥ

Meaning open with adhikāra · अर्थ अधिकार से

उदधिक्रमणश्चैव सीताशोकविनाशनः ॥
लक्ष्मणप्राणदाता च दशग्रीवस्य दर्पहा ॥ ९ ॥

udadhikramaṇaścaiva sītāśokavināśanaḥ
lakṣmaṇaprāṇadātā ca daśagrīvasya darpahā

Meaning open with adhikāra · अर्थ अधिकार से

एवं द्वादश नामानि कपींद्रस्य महात्मनः ॥
स्वापकाले प्रबोधे च यात्राकाले च यः पठेत् ॥ १० ॥

evaṃ dvādaśa nāmāni kapīṃdrasya mahātmanaḥ
svāpakāle prabodhe ca yātrākāle ca yaḥ paṭhet

Meaning open with adhikāra · अर्थ अधिकार से

तस्य सर्वं भयं नास्ति रणे च विजयी भवेत् ॥
राजद्वारे गह्वरे च भयं नास्ति कदाचन ॥ ११ ॥

tasya sarvaṃ bhayaṃ nāsti raṇe ca vijayī bhavet
rājadvāre gahvare ca bhayaṃ nāsti kadācana

Meaning open with adhikāra · अर्थ अधिकार से

उल्लंघ्य सिंधोः सलिलं सलीलं यः शोकवह्निं जनकात्मजायाः ॥
आदाय तेनैव ददाह लंकां नमामि तं प्रांजलिरांजनेयम् ॥ १२ ॥

ullaṃghya siṃdhoḥ salilaṃ salīlaṃ yaḥ śokavahniṃ janakātmajāyāḥ
ādāya tenaiva dadāha laṃkāṃ namāmi taṃ prāṃjalirāṃjaneyam

Meaning open with adhikāra · अर्थ अधिकार से

ध्यायेद्बालदिवाकरद्युतिनिभं देवारिदर्पापहं देवेंद्रप्रमुखं प्रशस्तयशसं देदीप्यमानं रुचा ॥
सुग्रीवादिसमस्तवानरयुतं सुव्यक्ततत्त्वप्रियं संरक्तारुणलोचनं पवनजं पीतांबरालंकृतम् ॥ १ ॥

dhyāyedbāladivākaradyutinibhaṃ devāridarpāpahaṃ deveṃdrapramukhaṃ praśastayaśasaṃ dedīpyamānaṃ rucā
sugrīvādisamastavānarayutaṃ suvyaktatattvapriyaṃ saṃraktāruṇalocanaṃ pavanajaṃ pītāṃbarālaṃkṛtam

Meaning open with adhikāra · अर्थ अधिकार से

उद्यन्मार्तंडकोटिप्रकटरुचियुतं चारुवीरासनस्थं मौंजीयज्ञोपवीताभरणरुचिशिखं शोभितं कुण्डलांकम् ॥
भक्तानामिष्टदं तं प्रणतमुनिजनं वेदनादप्रमोदं ध्यायेद्देवं विधेयं प्लवगकुलपतिं गोष्पदीभूतवार्धिम् ॥ २ ॥

udyanmārtaṃḍakoṭiprakaṭaruciyutaṃ cāruvīrāsanasthaṃ mauṃjīyajñopavītābharaṇaruciśikhaṃ śobhitaṃ kuṇḍalāṃkam
bhaktānāmiṣṭadaṃ taṃ praṇatamunijanaṃ vedanādapramodaṃ dhyāyeddevaṃ vidheyaṃ plavagakulapatiṃ goṣpadībhūtavārdhim

Meaning open with adhikāra · अर्थ अधिकार से

वज्रांगं पिंगकेशाढ्यं स्वर्णकुंडलमंडितम् ॥
निगूढमुपसंगम्य पारावारपराक्रमम् ॥ ३ ॥

vajrāṃgaṃ piṃgakeśāḍhyaṃ svarṇakuṃḍalamaṃḍitam
nigūḍhamupasaṃgamya pārāvāraparākramam

Meaning open with adhikāra · अर्थ अधिकार से

स्फटिकाभं स्वर्णकांतिं द्विभुजं च कृतांजलिम् ॥
कुंडलद्वयसंशोभिमुखांभोजं हरिं भजे ॥ ४ ॥

sphaṭikābhaṃ svarṇakāṃtiṃ dvibhujaṃ ca kṛtāṃjalim
kuṃḍaladvayasaṃśobhimukhāṃbhojaṃ hariṃ bhaje

Meaning open with adhikāra · अर्थ अधिकार से

सव्यहस्ते गदायुक्तं वामहस्तकमंडलुम् ॥
उद्यद्दक्षिणदोर्दंडं हनूमंतं विचिंतयेत् ॥ ५ ॥

savyahaste gadāyuktaṃ vāmahastakamaṃḍalum
udyaddakṣiṇadordaṃḍaṃ hanūmaṃtaṃ viciṃtayet,

Meaning open with adhikāra · अर्थ अधिकार से

श्रीरामचन्द्र उवाच — श्रीरामचन्द्र ने कहा Śrī Rāmacandra said

हनूमान् पूर्वतः पातु दक्षिणे पवनात्मजः ॥
पातु प्रतीच्यां रक्षोघ्नः पातु सागरपारगः ॥ १ ॥

hanūmān pūrvataḥ pātu dakṣiṇe pavanātmajaḥ
pātu pratīcyāṃ rakṣoghnaḥ pātu sāgarapāragaḥ

Meaning open with adhikāra · अर्थ अधिकार से

उदीच्यामूर्ध्वगः पातु केसरीप्रियनन्दनः ॥
अधस्तु विष्णुभक्तश्च पातु मध्यं तु पावनिः ॥ २ ॥

udīcyāmūrdhvagaḥ pātu kesarīpriyanandanaḥ
adhastu viṣṇubhaktaśca pātu madhyaṃ tu pāvaniḥ

Meaning open with adhikāra · अर्थ अधिकार से

लंकाविदाहकः पातु सर्वापद्भ्यो निरंतरम् ॥
सुग्रीवसचिवः पातु मस्तकं वायुनन्दनः ॥ ३ ॥

laṃkāvidāhakaḥ pātu sarvāpadbhyo niraṃtaram
sugrīvasacivaḥ pātu mastakaṃ vāyunandanaḥ

Meaning open with adhikāra · अर्थ अधिकार से

भालं पातु महावीरो भ्रुवोर्मध्ये निरंतरम् ॥
नेत्रे छायापहारी च पावनः प्लवगेश्वरः ॥ ४ ॥

bhālaṃ pātu mahāvīro bhruvormadhye niraṃtaram
netre chāyāpahārī ca pāvanaḥ plavageśvaraḥ

Meaning open with adhikāra · अर्थ अधिकार से

कपोले कर्णमूले च पातु श्रीरामकिंकरः ॥
नासाग्रमंजनीसूनुः पातु वक्त्रं हरीश्वरः ॥ ५ ॥

kapole karṇamūle ca pātu śrīrāmakiṃkaraḥ
nāsāgramaṃjanīsūnuḥ pātu vaktraṃ harīśvaraḥ

Meaning open with adhikāra · अर्थ अधिकार से

वाचं रुद्रप्रियः पातु जिह्वां पिंगललोचनः ॥
पातु देवः फाल्गुनेष्टश्चुबुकं दैत्यदर्पहा ॥ ६ ॥

vācaṃ rudrapriyaḥ pātu jihvāṃ piṃgalalocanaḥ
pātu devaḥ phālguneṣṭaścubukaṃ daityadarpahā

Meaning open with adhikāra · अर्थ अधिकार से

पातु कंठं च दैत्यारिः स्कंधौ पातु सुरार्चितः ॥
भुजौ पातु महातेजा करौ च चरणायुधः ॥ ७ ॥

pātu kaṃṭhaṃ ca daityāriḥ skaṃdhau pātu surārcitaḥ
bhujau pātu mahātejā karau ca caraṇāyudhaḥ

Meaning open with adhikāra · अर्थ अधिकार से

नखान्नखायुधः पातु कुक्षौ पातु कपीश्वरः ॥
वक्षो मुद्रापहारी च पातु पार्श्वे भुजायुधः ॥ ८ ॥

nakhānnakhāyudhaḥ pātu kukṣau pātu kapīśvaraḥ
vakṣo mudrāpahārī ca pātu pārśve bhujāyudhaḥ

Meaning open with adhikāra · अर्थ अधिकार से

लंकाविभंजनः पातु पृष्ठदेशे निरंतरम् ॥
नाभिं च रामदूतस्तु कटिं पात्वनिलात्मजः ॥ ९ ॥

laṃkāvibhaṃjanaḥ pātu pṛṣṭhadeśe niraṃtaram
nābhiṃ ca rāmadūtastu kaṭiṃ pātvanilātmajaḥ

Meaning open with adhikāra · अर्थ अधिकार से

गुह्यं पातु महाप्राज्ञो लिंगं पातु शिवप्रियः ॥
ऊरू च जानुनी पातु लंकाप्रासादभंजनः ॥ १० ॥

guhyaṃ pātu mahāprājño liṃgaṃ pātu śivapriyaḥ
ūrū ca jānunī pātu laṃkāprāsādabhaṃjanaḥ

Meaning open with adhikāra · अर्थ अधिकार से

जंघे पातु कपिश्रेष्ठो गुल्फौ पातु महाबलः ॥
अचलोद्धारकः पातु पादौ भास्करसन्निभः ॥ ११ ॥

jaṃghe pātu kapiśreṣṭho gulphau pātu mahābalaḥ
acaloddhārakaḥ pātu pādau bhāskarasannibhaḥ

Meaning open with adhikāra · अर्थ अधिकार से

अंगान्यमितसत्त्वाढ्यः पातु पादांगुलीस्तथा ॥
सर्वांगानि महाशूरः पातु रोमाणि चात्मवित् ॥ १२ ॥

aṃgānyamitasattvāḍhyaḥ pātu pādāṃgulīstathā
sarvāṃgāni mahāśūraḥ pātu romāṇi cātmavit

Meaning open with adhikāra · अर्थ अधिकार से

हनुमत्कवचं यस्तु पठेद्विद्वान्विचक्षणः ॥
स एव पुरुषश्रेष्ठो भुक्तिं मुक्तिं च विंदति ॥ १३ ॥

hanumatkavacaṃ yastu paṭhedvidvānvicakṣaṇaḥ
sa eva puruṣaśreṣṭho bhuktiṃ muktiṃ ca viṃdati

Meaning open with adhikāra · अर्थ अधिकार से

त्रिकालमेककालं वा पठेन्मासत्रयं नरः ॥
सर्वान् रिपून्क्षणाज्जित्वा स पुमान् श्रियमाप्नुयात् ॥ १४ ॥

trikālamekakālaṃ vā paṭhenmāsatrayaṃ naraḥ
sarvān ripūnkṣaṇājjitvā sa pumān śriyamāpnuyāt

Meaning open with adhikāra · अर्थ अधिकार से

मध्यरात्रे जले स्थित्वा सप्तवारं पठेद्यदि ॥
क्षयापस्मारकुष्ठादितापत्रयनिवारणः ॥ १५ ॥

madhyarātre jale sthitvā saptavāraṃ paṭhedyadi
kṣayāpasmārakuṣṭhāditāpatrayanivāraṇaḥ

Meaning open with adhikāra · अर्थ अधिकार से

अश्वत्थमूलेऽर्कवारे स्थित्वा पठति यः पुमान् ॥
अचलां श्रियमाप्नोति संग्रामे विजयं तथा ॥ १६ ॥

aśvatthamūle'rkavāre sthitvā paṭhati yaḥ pumān
acalāṃ śriyamāpnoti saṃgrāme vijayaṃ tathā

Meaning open with adhikāra · अर्थ अधिकार से

बुद्धिर्बलं यशो धैर्यं निर्भयत्वमरोगता ॥
सुदार्ढ्यं वाक्स्फुरत्वं च हनुमत्स्मरणाद्भवेत् ॥ १७ ॥

buddhirbalaṃ yaśo dhairyaṃ nirbhayatvamarogatā
sudārḍhyaṃ vāksphuratvaṃ ca hanumatsmaraṇādbhavet

Meaning open with adhikāra · अर्थ अधिकार से

मारणं वैरिणां सद्यः शरणं सर्वसंपदाम् ॥
शोकस्य हरणे दक्षं वंदे तं रणदारुणम् ॥ १८ ॥

māraṇaṃ vairiṇāṃ sadyaḥ śaraṇaṃ sarvasaṃpadām
śokasya haraṇe dakṣaṃ vaṃde taṃ raṇadāruṇam

Meaning open with adhikāra · अर्थ अधिकार से

लिखित्वा पूजयेद्यस्तु सर्वत्र विजयी भवेत् ॥
यः करे धारयेन्नित्यं स पुमाञ्छ्रियमाप्नुयात् ॥ १९ ॥

likhitvā pūjayedyastu sarvatra vijayī bhavet
yaḥ kare dhārayennityaṃ sa pumāñchriyamāpnuyāt

Meaning open with adhikāra · अर्थ अधिकार से

स्थित्वा तु बंधने यस्तु जपं कारयति द्विजैः ॥
तत्क्षणान्मुक्तिमाप्नोति निगडात्तु तथैव च ॥ २० ॥

sthitvā tu baṃdhane yastu japaṃ kārayati dvijaiḥ
tatkṣaṇānmuktimāpnoti nigaḍāttu tathaiva ca

Meaning open with adhikāra · अर्थ अधिकार से

य इदं प्रातरुत्थाय पठेच्च कवचं सदा ॥
आयुरारोग्यसंतानैस्तस्य स्तव्यः स्तवो भवेत् ॥ २१ ॥

ya idaṃ prātarutthāya paṭhecca kavacaṃ sadā
āyurārogyasaṃtānaistasya stavyaḥ stavo bhavet

इदं पूर्वं पठित्वा तु रामस्य कवचं ततः ॥
पठनीयं नरैर्भक्त्या नैकमेव पठेत्कदा ॥ २२ ॥

idaṃ pūrvaṃ paṭhitvā tu rāmasya kavacaṃ tataḥ
paṭhanīyaṃ narairbhaktyā naikameva paṭhetkadā

हनुमत्कवचं चात्र श्रीरामकवचं विना ॥
ये पठंति नराश्चात्र पठनं तद्वृथा भवेत् ॥ २३ ॥

hanumatkavacaṃ cātra śrīrāmakavacaṃ vinā
ye paṭhaṃti narāścātra paṭhanaṃ tadvṛthā bhavet

तस्मात्सर्वैः पठनीयं सर्वदा कवचद्वयम् ॥
रामस्य वायुपुत्रस्य सद्भक्तैश्च विशेषतः ॥ २४ ॥

tasmātsarvaiḥ paṭhanīyaṃ sarvadā kavacadvayam
rāmasya vāyuputrasya sadbhaktaiśca viśeṣataḥ